Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

1 Samoela 15: Miezaka mitandrina ny didin’ Andriamanitra rehetra

“1 Samoela 15: Miezaka mitandrina ny didin’ Andriamanitra rehetra,” Testamenta Taloha: Boky torolalana ho an’ny mpampianatra seminera (2026)

“1 Samoela 15: Miezaka mitandrina ny didin’ Andriamanitra rehetra,” Testamenta Taloha: Boky torolalana ho an’ny mpampianatra seminera

1 Samoela 8–10; 13; 15–16: Lesona 72

1 Samoela 15

Miezaka mitandrina ny didin’ Andriamanitra rehetra

The Old Testament prophet Samuel talking to Saul. Samuel is declaring to Saul that he will become the king of Israel.

Na dia ny hitari-dalana sy ny hanome fifaliana antsika aza no antony anomezan’ Andriamanitra antsika ny didiny dia mety ho alaim-panahy ihany isika hanao toy ny nataon’i Saoly manoloana ny didiny. Nomen’ Andriamanitra toromarika mazava tsara tamin’ny alalan’i Samoela mpaminany momba ny adiny tamin’ny Amalekita i Saoly sy ny miaramilany. Nitandrina ny didin’ Andriamanitra sasany i Saoly sy ny miaramilany saingy nihevitra fa tsy nanan-tsiny tamin’ny tsy fankatoavana ireo didy hafa. Ity lesona ity dia hanampy ny mpianatra hahatakatra ny maha-zava-dehibe ny fiezahana hankatò ny didin’Andriamanitra rehetra.

Fanomanana ny mpianatra: Asao ny mpianatra hieritreritra antony mety mahatonga ny olona hisafidy ny tsy hankatò ny didin’ Andriamanitra. Azon’ny mpianatra atao ny manoratra lisitra ao amin’ny findainy na manoratra izany amin’ny taratasy kely. Asao ny mpianatra hitondra ny listra nataony ao an-dakilasy.

Sahanasa fianarana azo atao

Trano fisotroana kafé

Hevero ny hanomboka ny fampianarana amin’ny fampitahana ny toe-javatra ahafahantsika maka izay rehetra tiantsika sy ny toe-javatra tsy ahafahana manao izany. Azonao atao ny mampiseho karazan-tsakafo na sary mampiseho karazan-tsakafo. Asao ny mpianatra haka sary an-tsaina hoe azony hohanina daholo ireo sakafo ireo.

Inona amin’ireo sakafo ireo no safidinao hohanina? Iza amin’ireo no safidinao tsy hohanina? Nahoana?

Vakio ity teny nambaran’ny Filoha Russell M. Nelson ity ary tadiavo ny tokony tsy hampitovy ny fankatoavantsika ny didin’ Andriamanitra amin’ny fomba fisafidianantsika ny sakafontsika:

14:33

[Manàna] finoana hitandrina ny didin’ Andriamanitra rehetra amin’ny fahafantarana fa izy ireny dia nomena [hitahiana] ireo zanany ary [hitondrana] fifaliana ho azy ireo. Hodidin’ny olona izay mifidifidy izay didy hotandremany [sy] tsy hiraharaha ireo didy hafa izay safidiany ho dikaina [ianao]. Antsoiko hoe fandraisana ny fankatoavana samy maka izay tiany izany. Ny fanaovana io fisafidifidianana io dia tsy mety. Hitarika any amin’ny fahoriana izany. Mba hiomananao hihaona amin’ Andriamanitra dia tsy maintsy mitandrina ny didiny rehetra ianao. Mitaky finoana ny fankatoavana azy ireo, ary ny fitandremana ny didiny dia hampahatanjaka izany finoana izany. (“Hatreho am-pinoana ny ho avy,” Liahona, mey 2011, 34)

Asao ny mpianatra hamintina izay nampianarin’ny Filoha Nelson mikasika ny fitandremana ny didin’ Andriamanitra rehetra ho lasa fehezan-teny iray milaza fahamarinana. Ampio ny mpianatra mba hita fahamarinana toy ny hoe mitondra fifalina ny ezaka hitandrina ny didin’ Andriamanitra rehetra na ny hoe mitondra fahoriana ny mifidifidy hoe inona no didin’ Andriamanitra tokony hotandremana ary hilaza izany amin’ny teniny manokana.

Nahoana ny olona iray no mety hisafidy ny tsy hitandrina ny didin’ Andriamanitra sasany?

Diniho ny fomba fankatoavanao manokana ny didin’ Andriamanitra amin’ny alalan’ny fisaintsainana mangina ireto fanontaniana manaraka ireto:

Inona no ataonao rehefa mandre didy na fenitra izay tsy tena azonao antoka hoe tianao ny hitandrina azy?
Hatraiza ny maha-zava-dehibe aminao ny fiezahana hankatò ny didin’ Andriamanitra rehetra?

Eo am-pandalinanao androany dia katsaho ny fanampian’ny Fanahy amin’ny fahatakarana ny maha-zava-dehibe ny fiezahana hankatò ny didin’ Andriamanitra rehetra.

Ny safidin’i Saoly mpanjaka

Azonao atao ny mamintina na mamaky ireto andiam-pehezan-teny manaraka ireto hanampiana ny mpianatra hahatakatra ireo zava-nitranga nitarika ho amin’ny 1 Samoela 15.

Taorian’ny nitenenan’ny Tompo an’i Samoela mba hamelany ny Isiraelita hanana mpanjaka dia nitarika an’i Samoela hanosotra tovolahy iray antsoina hoe Saoly ho mpanjaka ny Tompo (jereo 1 Samoela 8–10). Rehefa nahazo fandrahonana fa hotafihan’ny Filistina i Saoly dia tsy nankatò ny Tompo izy fa nanolotra fanatitra izay tsy azony natao (jereo 1 Samoela 13:8–9). Nampianatra an’i Saoly ny vokatr’izany tsy fankatoavana izany avy eo i Samoela (jereo 1 Samoela 13:10–14). Ao amin’ny Toko 15 dia mahita zavatra mitovy amin’izany isika ny amin’ny tsy fanarahan’i Saoly antsakany sy andavany ny toromarika nomen’ny Tompo.

Vakio ny 1 Samoela 15:1–3, 7–9 izay nanomezan’ny Tompo didy mazava tsara an’i Saoly sy ny miaramilany. Rehefa mamaky ianao dia tadiavo hoe iza tamin’ny didin’ny Tompo no nofidian’i Saoly sy ny miaramilany hankatoavina ary izay nofidiny tsy hankatoavina.

Azonao atao ny mampahatsiahy ny mpianatra fa tsy fantantsika avokoa ny antony rehetra nandidian’ Andriamanitra an’i Saoly sy ny miaramilany handrava tanteraka ny Amalekita sy ny biby fiompiny. Kanefa fantatsika fa tonga lafatra Andriamanitra ary tia ny zanany rehetra Izy, ary mbola afaka mianatra lesona manan-danja avy amin’ny zavatra nataon’i Saoly manoloana ny didin’ Andriamanitra isika.

Amin’ny fomba ahoana no mety ho nanampian’ny fahamarinana nampianarin’ny Filoha Nelson an’i Saoly sy ny miaramilany?

Toe-tsaina sy fanamarinan-tena

Ity sahanasa fianarana manaraka ity dia mety hanampy ny mpianatra hamantatra toe-tsaina sy fanamarinan-tena izay mety mitarika ho amin’ny tsy fankatoavana an’ Andriamanitra. Azon’ny mpianatra atao ny mamita ilay sahanasa anaty vondrona na mamita izany samirery.

Taorian’ny ady nifanaovana tamin’ny Amalekita dia niresaka tamin’i Saoly i Samoela mikasika ny tsy fankatoavany sy ny tsy fankatoavan’ny miaramilany.

Vakio 1 Samoela 15:13–24 ary tadiavo ny toe-tsaina sy ny fanamarinan-tena izay namporisika ny safidin’i Saoly tsy hankatò ny didin’ Andriamanitra.

Azon’ny mpianatra soratana eny amin’ny solaitrabe ny zavatra hitany. Mety hilaza izy ireo fa i Saoly dia:

Nandainga mikasika ny tsy fankatoavany (andininy 13, 20).
Niezaka nanamarina ny tsy fankatoavany (andininy 15, 21).
Nanome tsiny ny hafa noho ny zavatra nataony (andininy 15, 21).
Lasa feno avonavona (andininy 17).
Tsy nanao ho laharam-pahamehana ny zavatra nanan-danja indrindra (andininy 22).
Sahiran-tsaina kokoa ny amin’ny hevitry ny hafa mihoatra ny fankatoavana an’ Andriamanitra (andininy 24).

Azonao atao ny manasa ny mpianatra hampitaha ny toe-tsain’i Saoly sy ny fanamarinan-tenany amin’ny toe-tsain’ny Mpamonjy sy ny zavatra nataony ao amin’ny Matio 26:36–39. Asao ny mpianatra hizara ny zavatra nianarany momba ny fankatoavana avy amin’ny ohatra nomen’ny Mpamonjy.

Hevero avy eo ny hizara ny mpianatra ho vondrona maromaro. Asao izy ireo hanao ity lisitra manaraka ity.

Ataovy lisitra ny sasany amin’ireo didy izay mety inian’ny olona ankehitriny tsy jerena na tsy raharahina.

Ahoana no mety ahatonga ny olona iray ao anatin’ity toe-javatra ity ho alaim-panahy hampiasa ny toe-tsaina na ny fanamarinan-tena izay nampiasain’i Saoly?
Amin’ny fomba ahoana no mahatonga ny safidy ny hankatò na ny handika ny didy hitondra fifaliana na fahoriana any aoriana any?
Inona ny fampianarana ao amin’ny filazantsara mifanaraka amin’izany izay mety hanampy antsika hisafidy ny hankatò an’ Andriamanitra raha sendra toe-javatra toy izao?

fitiavan’ Andriamanitra

Nanampy antsika ny Loholona D. Todd Christofferson ao amin’ny Kôlejin’ny Apôstôly Roambinifolo mba hahatakatra ny antony mahatonga ny Ray any An-danitra sy i Jesoa Kristy manome antsika lalàna izay andrandrainy mba hankatoavintsika:

13:12

Ny fitiavan’ny Ray sy ny Zanaka dia omena maimaim-poana saingy mifono zavatra antenaina sy andrasana aminao koa. … [Hoy] ny Filoha Nelson, “Ny fitiavana mandrakizain’ Andriamanitra ho antsika sy ny faniriany ny hahatongavantsika amin’izay rehetra tokony hahatongavantsika no antony tanteraka nanomezany ireo lalàny.”

Noho Izy Ireo tia anao dia tsy te hamela anao amin’ilay hoe “ny maha-anao anao” Izy Ireo.” Noho Izy Ireo tia anao dia iriany ny hanananao fifaliana sy fahombiazana. Noho Izy Ireo tia anao dia maniry ny hibebahanao Izy Ireo satria izany no lalana mankamin’ny fahasambarana. Safidinao anefa izany, manaja ny fahafahanao misafidy Izy Ireo. Tsy maintsy misafidy ny hitia, hanompo, ary ny hitandrina ny didin’ Izy Ireo ianao. Dia afaka hitahy anao amin’ny fitahiana sesehana Izy Ireo sady hitia anao ihany koa. (“Ny fitiavan’ Andriamanitra,” Liahona, Nôv. 2021, 18)

Inona no hozarainao avy amin’io teny nambara io amin’ny olona mahatsapa fa tsy tena manan-danja ny didin’ Andriamanitra?
Tamin’ny fomba ahoana no nanampian’ny fitandremana didin’ Andriamanitra iray manokana anao “hanana fifaliana sy fahombiazana”?

Misafidy ny hankatò ny didin’ Andriamanitra rehetra

Mety ho tianao ny milaza amin’ny mpianatra fa ny safidy nataon’i Saoly handà ny torohevitr’ Andriamanitra dia nahatonga an’ Andriamanitra hanoro hevitra an’i Samoela hitady mpanjaka vaovao hisolo ny toeran’i Saoly (jereo 1 Samoela 13:14; 15:28).

Mba hanampiana ny mpianatra haneho ny fahatakarany ny maha-zava-dehibe ny fankatoavana ny didin’ Andriamanitra dia azonao atao ny mampiseho ireto torolalana manaraka ireto.

Misafidiana iray amin’ireto sahanasa manaraka ireto mba hovitaina ao anatin’ny diary fandalinanao:

Alaivo sary an-tsaina hoe manana namana Olomasin’ny Andro Farany ianao izay manamarin-tena amin’ny tsy fankatoavana ny sasany amin’ireo didy. Efa nanery anao hanao hanao toy izany. Soraty izay tianao hotsaroana avy amin’ity lesona ity mba hanampy anao hanaraka ny didin’ Andriamanitra.
Fenoy ny banga: Te hankatò ny didin’ Andriamanitra aho satria . Ny tiako hotsaroana avy amin’ny zavatra tsapako na nianarako androany dia .

Azonao atao ny mizara ny fijoroana ho vavolombelona anananao mombany fitahiana azonao tamin’ny fiezahana hankatò ny didin’ Andriamanitra.

Loharanom-pitaovana fanampiny

Nahoana no tokony hitandrina ny didin’ Andriamanitra isika?

Nampianatra ny Loholona D. Todd Christofferson ao amin’ny Kôlejin’ny Apôstôly Roambinifolo hoe:

14:32

Andriamanitra dia mahita zavatra amin’ny fijery tena marina ary zarainy amintsika izany fomba fijery izany amin’ny alalan’ireo didiny, sady mitarika antsika tsara eo amin’ireo zava-tsarotra tsy ampoizina amin’ny fiainana an-tany mankany amin’ny fifaliana mandrakizay. …

Tsy mbola nahita aho hoe olona iray izay tara teo amin’ny fiainany vao nahita ny filazantsara ka tsy naniry ny ho nahita izany aloha kokoa. “Betsaka ireo safidy ratsy sy fahadisoana izay azoko nosorohana” hoy izy ireo. Ny didin’ny Tompo no mpanoro lalana antsika hanao safidy tsara kokoa sy hahita vokatra mahasambatra kokoa. Tena tokony hifaly sy hisaotra Azy isika noho ny fanehoany antsika io fomba tena tsara io. (“Ny fifalian’ny Olomasina,” Liahona, nôv. 2019, 16)

13:12

Tsy mampahory ny didiny, mifanohitra amin’izany. Mamaritra ny lalan’ny fanasitranana, fahasambarana, fiadanana, ary fifaliana izany. Nomen’ny Raintsika sy ny Mpanavotra antsika didy isika, ary amin’ny alalan’ny fankatoavana ny didin’ Izy Ireo no ahatsapantsika ny fitiavan’Izy Ireo tonga lafatra feno kokoa sy lalina kokoa. (“Ny fitiavan’Andriamanitra,” Liahona, nôv. 2021, 18)

Hoy ny Loholona Von G. Keetch ao amin’ny Fitopololahy:

Rehefa matoky ny Tompo isika ka mampihatra ny finoantsika sy mankatò ny didiny ary manaraka ny lalana izay napetrany ho antsika isika dia lasa ilay olona izay tian’ny Tompo hiafarantsika. …

Noho izany, ny fankatoavana tena izy dia ny fanolorantsika ny tenantsika manontolo ho Azy sy ny famelana Azy hametraka ny lalantsika mandritra ny fotoam-pilaminana sy ny fotoan-tsarotra, sady mahatakatra fa afaka manampy antsika mihoatra noho izay mety ho vitan’ny herin’ny tenantsika Izy. (Voatahy sy sambatra ireo izay mitandrina ny didin’Andriamanitra,” Liahona, nôv. 2015, 117)

Sahanasa fianarana fanampiny

Fiarovana feno fitiavana avy amin’ Andriamanitra

Mba hanampiana ny mpianatra hahatsapa ny antony feno fitiavana nanomezan’ Andriamanitra ny didiny dia azonao atao ny mampiseho ny “Voatahy sy sambatra ireo izay mitandrina ny didin’ Andriamanitra” (5:41) hanoloana ilay teny nambaran’ny Loholona Christofferson ao amin’ny lesona. Azonareo atao ny mifanakalo hevitra mikasika ny antony maha mora ny fanarahana ny didin’ Andriamanitra rehefa mahatakatra ny antony nanomezany izany. Azonao asaina ny mpianatra hampifandray na hampifandrohy ny 1 Samoela 15:13–24 amin’ny Môzià 2:41. Hifanakalozy hevitra ny fitahiana ao amin’ny Môzià 2:41 izay ho nomen’ Andriamanitra an’i Saoly raha nitandrina ny didy izy.

5:41

Aza mivily lalana

Azonao atao ny mijery ny fomba nampiasan’ny Filoha Dieter F. Uchtdorf, fony izy tao amin’ny Fiadidiana Voalohany ny tantaran’i Saoly mpanjaka ao amin’ilay hafany hoe “Resaka elanelana kely fotsiny eo amin’ny mari-drefy” (Liahona, mey 2008). Azonao atao ny manao kisary zana-tsipìka roa tsotsotra eny amin’ny solaitrabe: zana-tsipìka iray maneho ny lalan’ Andriamanitra ary zana-tsipìka iray maneho ny fivilian’i Saoly lalana.

Azonao ampiana ny mpianatra hamantatra hoe lehilahy toy ny ahoana i Saoly ao amin’ny 1 Samoela 9:2. Rehefa mandalina ny 1 Samoela 15 ny mpianatra avy eo dia asao izy ireo mba hijery izay nahatonga an’i Saoly hivily lalana. Azonareo atao ny mampifandray ny fifanakalozan-kevitra ataonareo amin’ny teny nambaran’ny Loholona Von G. Keetch ao amin’ny Loharanom-pitaovana fanampiny. Ampio ny mpianatra hamanatatra izay mety hahatonga azy ireo hivily lalana sy ny antony hisafidianan’izy ireo hijanona eo amin’ny lalana. Fanampin’izany dia anontanio ny mpianatra ny fomba mety hanampian’i Jesoa Kristy azy ireo mba tsy hivily lalana.

Mianara amin’ny fahatanoranao

Mba hanampiana ny mpianatra hieritreritra ny mety ho vokatra maharitry ny safidin’izy ireo dia asao izy ireo hamaky ny Almà 37:35 ary hijery ny torohevitra nomen’i Almà an’i Helamàna zananilahy mba hianarany amin’ny fahatanorany.

Nahoana no zava-dehibe ny mankatò ny didin’ Andriamanitra rehetra amin’ny fahatanoranao?
Inona no mety ho fiantraikan’ny fahazarana mankatò amin’ny ampahany raha oharina amin’ny fankatoavana feno amin’ny fahatanoranao rehefa mandeha ny fotoana?