Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

1 Samoela 8: Naniry hanana mpanjaka i Isiraely

“1 Samoela 8: Naniry hanana mpanjaka i Isiraely,’” Testamenta Taloha: Boky torolalana ho an’ny mpampianatra seminera (2026)

“1 Samoela 8: Naniry hanana mpanjaka i Isiraely,’” Testamenta Taloha: Boky torolalana ho an’ny mpampianatra seminera

1 Samoela 8–10; 13; 15–16: Lesona 71

1 Samoela 8

Naniry hanana mpanjaka i Isiraely

Jesus Christ in white robes riding on a white donkey. He is passing through a brick arch into Jerusalem. Numerous people are following Him. Some of which are waving palm leaves and laying cloth on the ground in front of Him.

Tahaka ny ankamaron’ny olona amin’izao vanin’andro misy antsika izao dia sahirana tamin’ny fanoherana ny fakam-panahy mba hanan-toerana eo anivon’ny hafa fa tsy hankatò ny Tompo ny Isiraelita fahiny. Nandritra ny taona maro dia notarihin’ny Tompo tamin’ny alalan’ny mpitsara tahaka an’i Samoela tao amin’ny tany nampanantenaina i Isiraely. Taty aoriana, nandritra ny fotoam-pahaveloman’i Samoela, dia naniry hanana mpanjaka “tahaka ny firenena rehetra” ny Isiraelita (1 Samoela 8:5) toy izay hamela ny Tompo hanjaka teo amin’izy ireo. Ity lesona ity dia afaka manampy ny mpianatra hahatakatra ny maha zava-dehibe ny misafidy hanaraka an’i Jesoa Kristy fa tsy hanaraka ny fitaoman’izao tontolo izao.

Fanomanana ny mpianatra: Asao ny mpianatra hanao lisitra ahitana izay mety ho tsindry avy amin’ny namana mahazo azy ireo mba tsy hankatò ny fenitra sy ny didy avy amin’ny Tompo. Asao ny mpianatra hisaintsaina ny fiovana mety hitranga eo amin’ny fiainany raha manaraka an’i Jesoa Kristy izy ireo fa tsy milefitra amin’izany tsindry izany.

Sahanasa fianarana azo atao

Fandraisana fanapahan-kevitra

Soraty eny amin’ny solaitrabe ity fehezan-teny manaraka ity hanampiana ny mpianatra hieritreritra hoe inona no mitaona ny fanapahan-kevitr’izy ireo. Azon’ny mpianatra fenoina ilay fehezan-teny ary valian’ny iray kilasy na ny vondron’olona kelikely ireo fanontaniana miaraka aminy.

Ny tanora sasany dia te satria “manao izany avokoa ny rehetra.”

Inona no olana mety lalovan’ny zatovo iray raha izany no antony hanaovany zavatra?
Inona no mety ho fiantraikan’izany antony hanaovany zavatra izany amin’ny fifandraisany amin’ny Ray any An-danitra sy i Jesoa Kristy?

Omeo fotoana ny mpianatra hisaintsainana ny mety ho fiantraikan’ny tsindry avy amin’ny namana eo amin’ny fiainany. Fomba iray hanaovana izany ny fanomezana ny mpianatra ireto torolalana manaraka ireto ary mampiseho ilay mari-drefy.

Eritrereto hoe inona no mitaona ny fanapahan-kevitra raisinao eo amin’ny fiainana. Ataovy sary ao anatin’ny diary fandalinanao ity mari-drefy manaraka ity. Manaova kisarin’olona tsotsotra maneho ny toerana mety hametrahanao ny tenanao eo amin’ilay mari-drefy.

Mba hanampiana ny mpianatra hamantatra ny zavatra mety mitaona ny fanapahan-keviny manokana eo amin’ny fiainany dia azon’izy ireo atao na azonao atao ny manome ohatra ana fanapahan-kevitra atrehany. Ohatra azo raisina amin’izany ny fomba fiakanjon’izy ireo, ny fialam-boliny na ny zavatra jereny sy henoiny, sy ny fomba handaniany ny fotoany. Azonao zaraina tsirairay izany ohatra izany ary asao ny mpianatra hanao sary olona fanampiny eo amin’ny mari-drefy isaky ny ohatra omena.

Asao ny mpianatra hikatsaka ny fitaoman’ny Fanahy Masina rehefa misaintsaina ny fanapaha-keviny eo am-pandalinana ny 1 Samoela 8.

Mpanjaka “tahaka ny an’ny firenena rehetra”

Nandritra ny taona maro dia notarihin’ny Tompo tamin’ny alalan’ny mpitsara tahaka an’i Samoela tao amin’ny tany nampanantenaina ny Isiraelita. Rehefa nandroso fahanterana i Samoela dia nanatona nanao fangatahana taminy ireo loholon’ny Isiraely.

Vakio ny 1 Samoela 8:4–7 ary tadiavo ny mety ho namenoan’ny zanak’Isiraely ilay fehezan-teny tany ampiandohan’ny lesona.

Inona no notadiavin’ny zanak’Isiraely?
Nahoana araka ny hevitrao no tsy hahafaly an’i Samoela ny antony nanirian’izy ireo mpanjaka?

Mety ho mahagaga ny nitenenan’ny Tompo tamin’i Samoela hihaino ny safidy ratsin’ny vahoakany (jereo ny andininy 7). Ny Ray any An-danitra dia manaja ny fahafahana misafidy ary tsy hanery antsika hisafidy ny tsara. Kanefa alohan’ny handraisan’ny Isiraelita ny fanapahan-kevitra farany dia tian’ny Tompo izy ireo ka nomeny fampitandremana tamin’ny alalan’i Samoela momba ny vokatra ateraky ny safidy ataon’izy ireo.(jereo ny 1 Samoela 8:9).

Fomba iray azonao hanampiana ny mpianatra ahita ny fomba fanehoan’ny soratra masina ireo fahamarinana ao amin’ny filazantsara ny manoratra fahamarinana iray eny amin’ny solaitrabe. Asao hitady andalan-tsoratra masina ny mpianatra avy eo hitadiavany profo momba ilay fahamarinana.

Hevero ny hampiseho eny amin’ny solaitrabe ireto fahamarinana manaraka ireto. Azon’ny mpianatra atao ny mamaky miaraka amin’ny namana iray ireo andalan-tsoratra masina miaraka amin’izany, dia mitsahatra kely isaky ny andalana vitsivitsy ary mifanakalo hevitra ny amin’ny zavatra hitany.

Ny safidy hanaraka an’izao tontolo izao toy izay ny torohevitra feno fitiavana omen’ny Tompo dia hitondra fijaliana sy nenina.

Eo am-pandalinana ny 1 Samoela 8:10–18 dia jereo ny teny na andian-teny izay manampy amin’ny fampianarana izany fahamarinana izany.

Rehefa mamaly ireto fanontaniana manaraka ireto ny mpianatra dia ampahatsiahivo azy ireo ny tsy hilazana ny anarana na ny antsimpiriany manokana momba ny olona izay fantany manokana. Azony raisina avy amin’ny fiainany, na fiainan’ny olona fantany, na tantara ao amin’ny soratra masina na tantaran’ny Fiangonana ny ohatra.

Inona no ohatra hitanao tamin’ny safidy hanaraka izao tontolo izao ka nitondra fijaliana na nenina?
Ahoana no nahitanao fa ny safidy hanaraka ny Ray any An-danitra sy i Jesoa Kristy dia nitondra fifaliana sy fifandraisana matanjaka kokoa amin’Izy Ireo?

Misafidy ny Tompo fa tsy ny tsindry avy amin’izao tontolo izao

Ity sahanasa manaraka ity dia afaka manampy ny mpianatra hahita torohevitra nomen’ny Tompo mba hiarovana azy ireo tsy hilefitra amin’ny fakam-panahy izay mety hahatsapany tsindry mba hanao na hino izany. Azonao atambatra anaty vondrona kelikely hamita ny dingana 1 sy 2 ny mpianatra. Afaka mamita ny dingana 3 samirery izy ireo avy eo.

Asehoy ireto torolalana manaraka ireto.

Misafidiana zavatra izay mety hahatsapan’ny zatovo mpikambana ao amin’ny Fiangonana tsindry mba hataony na hinoany.
Mampiasà soratra masina, fanampiana amin’ny fandalinana soratra masina Ho zatovo mahery!: Torolalana amin’ny fanaovana safidy, na ny application Médiathèque de l’Évangile mba hamaliana ireto fanontaniana manaraka ireto mikasika ny tsindry nosafidianao:
1. Inona no torohevitra nomen’ny Tompo antsika mikasika izany?
2. Inona ny fitahiana nampanantenain’ny Tompo ho an’ireo olona izay misafidy Azy fa tsy misafidy ny fitaoman’izao tontolo izao?
Eritrereto hoe inona no inoanao mikasika ny Ray any An-danitra sy i Jesoa Kristy. Manorata fehezan-teny roa mikasika ny fanampiana entin’izany fahalalana izany ho anao mba hanaraka Azy Ireo toy izay ny tsindry avy amin’izao tontolo izao.

Rehefa nomena fotoana ampy ny mpianatra dia omeo fahafahana izy ireo hizara amin’ny hafa izay zavatra nianarany avy tamin’ilay fandalinana nataony.

Mampiseho ny fahatakaran-javatra

Ity fizarana ity dia natao hanomezana fahafahana ny mpianatra haneho ny fahatakarany ny zavatra nianarany androany.

Vakio ny 1 Samoela 8:19–22 ka tadiavo ny nasetrin’ny Isiraelita ny fampitandremana nomen’ny Tompo mikasika ny fanirian’izy ireo hanana mpanjaka.

Avy amin’ny zavatra nianaranao androany dia inona no tianao holazaina amin’ny Isiraelita alohan’ny nandraisany fanapahan-kevitra farany?

Mety hanampy amin’ny lesona manaraka ny fahalalan’ny mpianatra fa nanaja ny fahafahana misafidin’ny Isiraelita ny Tompo ary nanome torohevitra an’i Samoela mba hiantso an’i Saoly ho mpanjakan’ny Isiraely (jereo 1 Samoela 9–10).

Loharanom-pitaovana fanampiny

Ahoana no ahafahantsika mandresy ny tsindry sy ny feon’izao tontolo izao?

Nanazava toy izao ny Filoha Russell M. Nelson:

5:49

Manintona sy maro dia maro ireo feo sy faneren’izao tontolo izao. Saingy maro loatra amin’ireo no mamitaka sy manangoly ary afaka ny hanala antsika tsy ho eo amin’ny lalan’ny fanekempihavanana. Mba hisorohana ny ratram-po izay manaraka an’izany dia miangavy anareo aho anio mba hanohitra ny fandrik’izao tontolo izao amin’ny alalan’ny fanokanana fotoana ho an’ny Tompo eo amin’ny fiainanareo—isan’andro isan’andro. (“Manokàna fotoana ho an’ny Tompo,” Liahona, nôv. 2021, 120)

Ny Ho zatovo mahery!: Torolalana amin’ny fanaovana safidy dia mampianatra hoe:

[Fantatry ny Ray any an-danitra] fa afaka mitondra fiovana tsara eto amin’izao tontolo izao ianao, ary izany dia mitaky, amin’ny toe-javatra maro, ny tsy hitovianao amin’izao tontolo izao. Katsaho ny fitarihan’ny Rainao any An-danitra rehefa manao safidy ianao. Homeny fitaomana amin’ny alalan’ny Fanahy Masina ianao. (“Ho zatovo mahery: Torolalana amin’ny fanaovana safidy” [2022], 4)

Inona no mety ho vokatry ny fanaovana tsinontsinona ny torohevitra omen’ny Tompo?

Nampianatra izao ny Loholona Dieter F. Uchtdorf ao amin’ny Kôlejin’ny Apôstôly Roambinifolo:

Ny Bokin’i Môrmôna dia mampahatsiahy matetika antsika ny voka-dratsin’ny hoe milefitra manoloana ny toetratsika araka ny nofo toy izay manaraka ny Mpamonjy. Rehefa manao izany isika dia tsy azo ialana ny famoizam-po, ny fangejana, ny fijalina sy ny nenina vokatry ny zavatra ataontsika.

Nomen’ Andriamanitra antsika ny fanomezana sarobidy ny amin’ny fanaovana safidy malalaka momba ny eritreritra sy ny zavatra ataontsika. Azontsika atao ny mandà ny tenin’ Andriamanitra na ny an’ny mpaminaniny. Mety hihevitra mihitsy aza isika fa ny fombantsika no tsara kokoa. Mety ho mahafinaritra ny fijerintsika izany, eny am-piandohana farafaharatsiny. Mety hisy fotoana ary tena ho tsara mihitsy izany. Kanefa tsy afaka handositra ny voka-dratsin’ny fanapaha-kevitra ataontsika mihitsy isika. (“Avoiding Lighthouses and Searching for Light,” For the Strength of Youth, June 2022, 5)

Nahona no niteny tamin’i Samoela ny Tompo mba hihaino ny olona ary hanome azy ireo mpanjaka?

Nanazava izao ny Filoha Ezra Taft Benson (1899–1994):

Indraindray [Andriamanitra] manaiky vetivety ny fangatahana tsy ampy fahendrena ataon’ny olona mba hianarany avy amin’ny zavatra mampalahelo hiainany. Miantso izany hoe ny “fitsipik’i Samoela” ny olona sasany…

Indraindray ny fikasantsika haka tahaka izao tontolo izao, izay mifanohitra amin’ny torohevitry ny mpaminany dia mahatonga antsika hanaraka ny hevi-dison’izao tontolo izao eo amin’ny lafiny fampianarana, pôlitika, mozika ary fomba fitafy. Manjary manjaka ny fenitra vaovaon’izao tontolo izao ary dia mitranga ny faharavana tsikelikely, ary farany, rehefa avy nandalo fijaliana be, dia vonona ho ampianarina lalàna ambony kokoa indray ny olona manetry tena. (“Jesus Christ—Gifts and Expectations,” New Era, ,May 1975, 17–18)

Sahanasa fianarana fanampiny

1 Samoela 8:20: Ny nataon’i Jesoa Kristy ho antsika

Mety hanampy ny mpianatra ny mamantatra ny zavatra efa ataon’ny Tompo ho antsika izay nantenain’ny Isiraelita fa hataon’ilay mpanjaka vaovao ho azy ireo ao amin’ny 1 Samoela 8:20. Azonao atao ny manoratra lohateny telo eny amin’ny solaitrabe: I Jesoa Kristy no Mpitsara antsika, I Jesoa Kristy no mitarika antsika, ary I Jesoa Kristy no miady ny adintsika. Afaka misafidy iray amin’ireo lohateny ireo ny mpianatra avy eo ary mijery soratra masina na mizara zavatra niainany manokana izay manohana amin’izany.

Omeo ireto soratra masina manaraka ireto ny mpianatra raha mila fanampiana:

I Jesoa Kristy no Mpitsara antsika: Isaia 33:22; Fotopampianarana sy Fanekempihavanana 64:10–11

I Jesoa Kristy no mitarika antsika: Eksodosy 13:18; Isaia 48:17; Almà 36:28

I Jesoa Kristy no miady ny adintsika: Josoa 23:10; 2 Tantara 20:15; Fotompampianarana sy Fanekempihavanana 105:14

1 Samoela 9: Ny toetra maha-andriamanitra antsika

Mety mahatsapa ny maha-zava-dehibe ny toetrany amin’ny maha zanak’ Andriamanitra azy ny mpianatra amin’ny fampitahana ny fahatsapan’i Saoly mikasika ny tenany amin’ny fijerin’ny Tompo azy. Mba hahitana izany dia azon’ny mpianatra atao ny mamaky ny 1 Samoela 9:21 mba hahitany ny fahatsapan’i Saoly momba ny tenany rehefa niantso azy ho mpanjakan’ny Isiraely i Samoela. Asao ny mpianatra hamaky ny 1 Samoela 9:2 ary hijery ireo andian-teny mety manondro ny fomba fahitan’ny Tompo an’i Saoly.

Azonao atao ny manome minitra vitsivitsy ho an’ny mpianatra hisaintsainany ny fahasamihafana eo amin’ny fomba fahitany ny tenany sy ny fomba fahitan’ny Ray any An-danitra sy ny Mpamonjy azy ireo. Mba hhafahana manao izany dia azon’ny mpianatra atao ny manoratra ny valinteniny amin’ireto manaraka ireto:

Raha mahita ny tenako amin’ny fomba fijery mibanjina ny mandrakizay aho dia ahoana no hanampian’izany ahy hahita ny maha-andriamanitra ao amiko amin’ny maha zanak’ Andriamanitra ahy?

Azonao atao ihany koa ny mijery ny “Mitondra soa izany!” manomboka amin’ny minitra faha-12:25 ka hatramin’ny minitra faha-14:48. Asao ny mpianatra handray an-tsoratra izay fahatsapana tonga ao aminy eo am-pihainoana ny Filoha Dieter F. Uchtdorf, izay tao amin’ny Fiadidiana Voalohany tamin’izany.

17:55

1 Samoela 9: Ny maha mpahita an’i Samoela

Mety ahita tombony ny mpianatra amin’ny fianarana kokoa mikasika ny fahitana ara-paminaniana amin’ny fijerena ny fomba nampiasan’ny Tompo an’i Samoela, mpahitany, tamin’ny niantsoany an’i Saoly ho mpanjakan’i Isiraely. Hazavao fa naniraka an’i Saoly i Kisy rainy, niaraka tamin’ny mpanompo hitady ny bibiny very. Rehefa tsy nahita ireo biby izy ireo dia nanolo-kevitra azy ireo mba hitsidika an’i Samoela “mpahita” sady “lehilahin’ Andriamanitra” hanampy azy ireo ilay mpanompo (1 Samoela 9:8–11). Azonao atao ny mampahatsiahy ny mpianatra fa ny mpikambana ao amin’ny Fiadidiana Voalohany sy ao amin’ny Kôlejin’ny Apôstôly Roambinifolo dia tohanana ho mpaminany sy mpahita ary mpanambara.

Afaka mamaky ny 1 Samoela 9:14–24 ny mpianatra ary mitady porofo ahitana ny anjara asan’i Samoela amin’ny maha mpahitan’ny Tompo azy. Afaka mifanakalo hevitra ny mpianatra avy eo momba ny hoe ahoana no fomba hanompoan’ny mpaminany sy ny apôstôly amin’ny maha mpahita azy ireo amin’izao androntsika izao.

Vokatry ny safidintsika

Azonao atao ny mampiseho ny iray amin’ireto horonan-tsary ireto hanampiana ny mpianatra hahatakatra ny vokatry ny fanarahana ny faneren’izao tontolo izao na ny fanarahana ny Tompo. Azo ampiasaina izany rehefa vitan’ny mpianatra ny sahanasa ao amin’ny fizarana amin’ny lesona hoe “Misafidy ny Tompo toy izay ny tsindry avy amin’izao tontolo izao”.

“Quitte cette fête !” (6:26). Azon’ny mpianatra atao ny mamantatra ny fahasamihafana eo amin’ny vokatra hitan’ireo tanora ireo araka ny safidy nataony.

6:26

“Tirer les leçons de la vie,” manomboka amin’ny minitra faha-6:15 ka hatramin’ny minitra faha-8:00. Nizara momba ny safidy nataony sy ny voka-dratsy nosorohany vokatr’izany ny Loholona Joseph B. Wirthlin (1917–2008) ao amin’ny Kôlejin’ny Apôstôly Roambinifolo.

13:1

Azon’ny mpianatra atao ny mifanakalo hevitra mikasika ny mety ho vokatra natrehan’ny Loholona Wirthlin raha fanampahan-kevitra hafa no noraisiny.