Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

1 Самуел 3: “ЭЗЭН минь, айлдаж хайрла. Боол тань сонсож байна”

“1 Самуел 3: ‘ЭЗЭН минь, айлдаж хайрла. Боол тань сонсож байна,’” Хуучин Гэрээний семинарын багшийн гарын авлага (2026)

“1 Самуел 3: ‘ЭЗЭН минь, айлдаж хайрла. Боол тань сонсож байна,’” Хуучин Гэрээний семинарын багшийн гарын авлага

Рут; 1 Самуел 1–7: 70-р хичээл

1 Самуел 3

“Эзэн минь, айлдаж хайрла. Боол тань сонсож байна”

The boy Samuel in bed watching an oil lamp burn.

Та өөрийн амьдрал дахь Их Эзэний дуу хоолойг хэр сайн таньж чадна гэж бодож байна вэ? Нэгэн орой Их Эзэн балчир хөвгүүн Самуелтай ярьсан. Самуел Елигийн тусламжтайгаар Их Эзэний дуу хоолойг эцэст нь таньжээ. Тэрээр “Эзэн минь, айлдаж хайрла. Боол тань сонсож байна” (1 Самуел 3:9) хэмээн хариулсан. Их Эзэн бидэнтэй бас ярьдаг бөгөөд бид Самуелын адил Түүний дуу хоолойг таньж сурах хэрэгтэй. Энэ хичээл нь суралцагчдад хувийн илчлэлтийг эрэлхийлж, таньж мэдэхэд туслах болно.

Суралцагчийн бэлтгэл: Суралцагчдаас “Та нар амьдралдаа Их Эзэний дуу хоолойг хэрхэн сонсдог вэ?” гэж асуу. Юу гэж хариулахаа тунгаан бодоход тэднийг урь. Тэд бас найзуудаасаа эсвэл гэр бүлийнхнээсээ энэ асуултыг асууж болно.

Боломжит суралцах үйл ажиллагаа

Их Эзэний дуу хоолойг сонсох

Ангийнхны өмнө сайн дураараа нүдээ боолгох хүсэлтэй байгаа нэг суралцагчийг урих талаар бодож үз. Суралцагчийн нүдийг боо. Уг суралцагчийг нэрээр нь дуудахад ангийн цөөн хэдэн гишүүнийг урь. Хэн түүнийг нэрээр нь дуудсаныг олж тогтоохыг нүдээ боосон суралцагчаас хүс.

Зарим дуу хоолойг танихад яагаад хялбар байсан бэ?
Энэ үйл ажиллагаатай холбоотой ямар сүнслэг сургамж авч болох вэ?

Суралцагчид энэ хичээл дээр жагсаасан үнэнүүдтэй төстэй зарчмуудыг хуваалцаж эсвэл хуваалцахгүй ч байж болно. Ингэж хуваалцсан тохиолдолд 1 Самуел 3-ыг судалж байхдаа эдгээр үнэний талаарх нотолгоо эсвэл ойлголтыг хайж олоход тэднийг урь. Хуваалцахгүй байсан ч зүгээр. Суралцагчдад хуваалцсаных нь төлөө таларх.

Дараах үнэнийг самбар дээр бич: Бурхан бидэнтэй ярьдаг бөгөөд биднийг Түүний дуу хоолойг таньж мэдээсэй хэмээн хүсдэг. Их Эзэн Ариун Сүнсээр дамжуулан бидэнтэй ярьдаг гэдгийг тайлбарла ( Сургаал ба Гэрээ 8:2-ыг үзнэ үү). Үүнийг хувийн илчлэлт гэж нэрлэдэг. Суралцагчид хичээлийн туршид хувийн илчлэлтийн нэмэлт зарчмуудыг олж тогтооно.

Ерөнхийлөгч Рассэлл М.Нэлсон ийн заасан.

Сүнс миний оюунд удаа дараа ойлгуулж байгаа зүйлсийн нэг бол Их Эзэн Өөрийн бодол, тааллыг илчлэхдээ хэчнээн их дуртай байдаг явдал юм. Илчлэлт хүлээн авах эрх нь Бурханы хүүхдүүддээ өгсөн хамгийн агуу бэлгүүдийн нэг билээ. …

Бурхан тантай ярихыг үнэхээр хүсдэг үү? Тийм ээ! (“Сүмд болон бидний амьдралд зориулсан илчлэлт,” Ерөнхий чуулган, 2018 оны 4-р сар, 115–120)

Дараах асуултыг дотроо эргэцүүлэн бодоход суралцагчдыг урь.

Бурхан тантай ярихыг үнэхээр хүсдэг гэдэгт та итгэдэг үү? Яагаад тийм эсвэл яагаад үгүй вэ?
Та хувийн илчлэлтийг таньж чадна гэдэгтээ хэр итгэлтэй байна вэ?
Танд амьдралдаа Бурханы дуу хоолойг (эсвэл хувийн илчлэлтийг) таньж мэдэхэд юу амар хялбар эсвэл хэцүү байдаг вэ?

Бурхан танай суралцагчидтай ярихыг хүсдэг гэдэгт итгэдэг болохоо илэрхийл.

Хичээлийн туршид Их Эзэний захиасыг эрэлхийлж, таньж мэдэхийг хичээ. Тэр тантай хэрхэн ярьж байгааг таньж мэдэхийг хичээ.

Илчлэлтийн зарчмууд

Самуел Ханнагийн залбирлын хариу болж төржээ. Самуелыг бага байхад Ханна түүнийг Елигээр асруулахаар асарт авчирчээ. Нэгэн шөнө Самуел хөвгүүнд Их Эзэний дуу хоолойг сонсох тохиол таарсан аж.

Доорх заавруудыг өгөхөөсөө өмнө судар дээрх зарим зарчмыг далд утгаар илэрхийлсэн байдаг гэдгийг тайлбарлаж болно. Энэ нь тэдгээрийг шүлгүүдэд шууд тодорхой илэрхийлээгүй гэсэн үг юм. “Зохиогч надаас эдгээр шүлгээс юу сураасай гэж хүссэн байж болох вэ?” эсвэл “Эдгээр шүлэгт ямар чухал сургамжийг зааж байна вэ?” гэх зэрэг асуултыг өөрсдөөсөө асуух үед Ариун Сүнс бидэнд илэрхийлж буй зарчмуудыг олж тогтооход тусална.

1 Самуел 3:1–10, 19-ийг судалж, Бурханаас илчлэлт хүлээн авах тухай ойлголт, үнэнийг олж мэд.

Судалж дууссаныхаа дараа олж мэдсэн зарчмуудаа самбар дээр бичихэд суралцагчдыг урь. Суралцагчид өөрсдийн үгсийг ашиглан, доор жагсаасан зарчмуудыг олж тогтоосон байж болно. Хэрэв зарчмуудыг олж тогтоох нь тэдэнд хэцүү байвал та дараах зүйлсийг жагсаан бичээд, заасан үг хэллэг, шүлгүүдийг олж тогтооход тэднийг урьж болно.

Их Эзэн биднийг эхлээд дуу хоолойг нь танихгүй байсан ч тэвчээртэйгээр дууддаг (4, 6, 8, 10-р шүлгийг үзнэ үү).
Их Эзэн өсвөр үеийнхэнд хандан ярьдаг (4, 6, 8, 10-р шүлгийг үзнэ үү).
Их Эзэний дуу хоолойг таньж мэддэг болоход цаг хугацаа ба дадлага ихэвчлэн шаардагддаг (7, 10, 19-р шүлгийг үзнэ үү).
Зарим хүн бидэнд Их Эзэний дуу хоолойг таньж мэдэхэд тусалж чадна (8–9-р шүлгийг үзнэ үү).
Биднийг сонсож, үйлдэхэд бэлэн байгаагаа харуулбал Их Эзэн илүү ихийг илчлэх болно. (10, 19-р шүлгийг үзнэ үү)

Биднийг амьдралдаа Их Эзэний дуу хоолойг таньж мэдэхээр хичээхэд эдгээр зарчим яагаад тустай байж болох вэ?
Эдгээр нь биднийг хайрлах Түүний хайрын нотолгоо хэрхэн болдог вэ?

Их Эзэний дуу хоолойг таньж мэдэх

Их Эзэн Ариун Сүнсээр дамжуулан бидэнтэй олон арга замаар ярьдаг. Тэр тантай хэрхэн ярьж болохыг мэдэж авах нь Түүний дуу хоолойг амьдралдаа илүү сайн таньж мэдэхэд тань туслах болно.

Суралцагчдыг судалж дуусахад олж мэдсэн зүйлээ ярилцаж, асуулт тавих цаг гаргаж өг. Амьдралдаа Их Эзэний дуу хоолойг хэрхэн сонсдог тухай хуваалцах боломжийг суралцагчдад олгоход энэ цагийг ашигла. Та бас хувийн туршлагаа хуваалцаж, Түүнийг хэрхэн сонсож байгаагаа тайлбарлаж болно.

Хуваалцаж буй зүйлсэд нь тэдэнд талархаж буйгаа илэрхийл. Тэдний оруулсан хувь нэмэр ангид маш их өөрчлөлт авчирдгийг тэдэнд хэл.

Их Эзэний дуу хоолойг таньж мэддэг болох

Их Эзэний дуу хоолойг Самуелын адил таньж мэддэг болоход, мөн хувийн илчлэлтийг таньж мэдэхэд цаг хугацаа, дадлага шаардлагатай байж болох юм (1 Самуел 3:7, 10, 19-ийг үзнэ үү).

Бид Их Эзэний дуу хоолойг Самуелын адил ямар ямар арга замаар таньж мэдэхээр хичээж болох вэ?

Зарим санаа нь Самуел Елид хандан ярьсан шиг илчлэлтийг хэрхэн хүлээн авах тухай эцэг эх эсвэл итгэл хүлээсэн зөвлөхтэй ярилцах явдал байж болно. Самуел “Айлдаж хайрла. Боол тань сонсож байна” (1 Самуел 3:10) гэв. Түүнчлэн бид залбирлын дараа эсвэл өдрийн турш эргэцүүлэн бодож, сонсох цаг гаргаснаар захиасыг нь сонсоход бэлэн байгаагаа Их Эзэнд тодорхой харуулж чадна. Эсвэл бид тараах материал дээрх хүмүүсийн адил Тэнгэрлэг Эцэгээс захиас хүлээн авч болох арга замуудын заримыг тэмдэглэлдээ бичиж болно.

Амьдралдаа Бурханаас ирэх илчлэлтийг эрэлхийлж, таньж мэдэхийн тулд хийхийг хүсэж байгаа зүйлийнхээ төлөвлөгөөг судлах тэмдэглэлдээ гарга.

Цаг хугацаа өнгөрөх тусам, мөн анхаарлаа төвлөрүүлснээр хувийн илчлэлтийг таньж мэдэх чадвар нь өсөх болно гэдгийг суралцагчдад гэрчил. 80-р хичээл: “Суралцахуйгаа үнэлэх нь 5” дээр хувийн илчлэлтийг таньж мэдэхэд гаргаж буй өөрсдийн хичээл зүтгэлийг эргэцүүлэн бодох боломж олдох болно гэдгийг суралцагчдад хэл.

Нэмэлт эх сурвалжууд

Их Эзэний Самуелд өгсөн захиас юу байсан бэ?

Их Эзэн Самуелд Ели хөвгүүдийнхээ нүгэлт зан авирыг засахаас татгалзсаныхаа төлөө яллагдах болно гэсэн захиасыг өгсөн (1 Самуел 3:11–14-ийг үзнэ үү). Самуелыг өсөж том болохын хэрээр израилчууд түүнийг Их Эзэний бошиглогч гэдгээр нь таньж мэдсэн (1 Самуел 3:20-ийг үзнэ үү).

Би Их Эзэний дуу хоолойг сонсох чадвараа хэрхэн сайжруулах вэ?

Ерөнхийлөгч Рассэлл М.Нэлсон ийн заасан.

20:27

Өөрийн асуудал, айдас, сул талуудын талаар, тийм ээ, бүр зүрхний хүсэл эрмэлзлийнхээ талаар Есүс Христийн нэр дээр залбир. Тэгээд сонс! Оюундаа ирэх бодол санааг бичиж ав. Төрсөн сэтгэгдлээ бичиж тэмдэглээд, хийхээр өдөөгдсөн үйл хэргүүдээ хийж дуусга. Та энэ үйл явцыг өдөр тутам, сар бүр, жил болгон давтсанаар “илчлэлтийн зарчимд өсөн [хөгжих]” болно. (“Сүмд болон бидний амьдралд зориулсан илчлэлт,” Ерөнхий чуулган, 2018 оны 4-р сар, 115–120)

Багш хувийн илчлэлтээ таньж мэдэхэд нь суралцагчдад хэрхэн тусалж чадах вэ?

Шашны институт, семинарын зохицуулагч Чад Х.Вэбб ах ийн тайлбарласан.

20:37

Өөрийгөө сүнслэг туршлагагүй гэж боддог суралцагчид та хэрхэн туслах вэ? Заримдаа өсвөр үеийнхэн маань гайхамшгийн гэлтэй түүхүүдийг сонсчхоод, сүнслэгээр нөлөөлсөн асуулт тавих эсвэл судруудыг уншиж, ямар нэг зүйлийг тэмдэглэх бодол төрөх зэргээр Ариун Сүнс тэдэнтэй ч бас энгийн олон арга замаар ярьдаг гэдгийг ойлгодоггүй. Тэдэнд Их Эзэний бидэнтэй ярьдаг арга нь Түүний хүмүүстэй ярих цор ганц арга гэж заахын оронд Их Эзэн хувь хүн бүртэй хэрхэн харилцдагийг сурч мэдэхэд нь тусалцгаая. Суралцагчдад хэзээ Ариун Сүнсийг мэдэрч байгаа талаар нь хэлэхээс болгоомжилцгооё. Багшийн хувьд бид Сүнсийг мэдэрлээ гээд суралцагч бүр яг тэр мөчид ижил зүйлийг мэдэрч байна гэсэн үг биш юм. Сэтгэлийн түгшүүр, сэтгэл гутралд орсон хүмүүст эдгээрийг мэдрэх нь хэцүү гэдгийг ойлгох нь зүйтэй. Гэхдээ Их Эзэн сэтгэл зүйн өвчнөөр хязгаарлагддаггүй. Тэр тэднийг мэддэг, ойлгодог бөгөөд Өөрийн хайр, удирдамжийг дамжуулах арга замыг олж чадна. Хувийн илчлэлт хүлээн авч, үйлдэж сурахад нь туслахаас илүү бидний хийж чадах зүйл тун цөөхөн байдаг. (“Түүний төлөөлөгчид” [Ерөнхийлөгч Баллардтай хийсэн сургалтын нэвтрүүлэг, 2022 оны 1 сарын 21])

Нэмэлт суралцах үйл ажиллагаанууд

Хичээлийг эхлүүлэх өөр хувилбар

Ангийнхныхаа өмнө сайн дураараа гарч ирэхэд цөөн хэдэн суралцагчийг урь. Хөлөө эгц зогсоод, шаланд хуруугаараа эсвэл гараараа хүрэхэд тэднийг урь. Зарим суралцагч үүнийг бусдаасаа илүү сайн хийж чадна.

Хэн нэг хүн шаланд хүрдэг болохын тулд аажмаар юу хийж болох вэ?
Энэ үйл ажиллагаа дараах мэдэгдэлтэй юугаараа холбогдож болох вэ?

Ерөнхийлөгч Рассэлл М.Нэлсон биднийг ийн урьсан.

Би таныг хувийн илчлэлт хүлээн авах одоогийн сүнслэг ур чадвараа нэмэгдүүлэхэд урьж байна. (“Сүмд болон бидний амьдралд зориулсан илчлэлт,” Ерөнхий чуулган, 2018 оны 4-р сар, 115–120)

1 Самуел 3-ыг судлах явцдаа хувийн илчлэлт хүлээн авах одоогийн чадвараасаа илүү их зүйлд хүрэхэд туслах зарчмуудыг олж мэдэхэд суралцагчдыг урь.

Миний сайн мэдээг номло

Тараах материалыг ашиглахын оронд “4-р бүлэг:Сүнсний өдөөлтийг эрэлхийлж, найдах нь” Миний сайн мэдээг номло хэсгийн “Ариун Сүнсний өдөөлтийг таньж мэдэхэд суралцах” хэсгийг судлахад суралцагчдыг урь. Уншсан зүйлийнхээ талаар хуваалцаж, асуулт тавих цагийг суралцагчдад гаргаж өг.

Би хэрхэн Түүнийг сонсдог вэ?

Та тараах материалын гурав дахь баганад бичсэн зүйлээ хуваалцахыг суралцагчдаас хүсэхийн оронд дараах зүйлийг хийж болно. Үүнд:

Сүмийн олон удирдагч Их Эзэний дуу хоолойг хэрхэн сонсдог тухайгаа хуваалцсан гэдгийг тайлбарла. Gospel Library-д байгаа “Би түүнийг хэрхэн сонсдог вэ” нэртэй видеонуудаас нэгийг эсвэл хэд хэдийг үзнэ үү.

“Би түүнийг хэрхэн сонсдог вэ” гэсэн видео хийхийг хүссэн гэж төсөөлөхөд суралцагчдыг урь. Тэдэнд видеондоо зориулж богино хэмжээний бичвэр бичих цаг гаргаж өг. Үүндээ өөрсдийн хувийн туршлага, сонгосон судрууд эсвэл тараах материалаас оруулж болно. Бичиж дууссаных нь дараа бичвэрээ ангийнхандаа уншиж өгөхөд цөөн хэдэн суралцагчийг урь.

Бурхан бидэнтэй судруудаар дамжуулан ярьдаг

Сургаал ба Гэрээ 18:34-ийг уншаад, бид судруудыг унших үедээ юуны тухай гэрчилж болох талаар Их Эзэний хэлснийг олж мэдэхэд суралцагчдыг урь.

Тэднийг бие даан судраас суралцах талаараа эргэцүүлэн бодохыг урь. Их Эзэний дуу хоолойг судруудаас хэрхэн сонссоноо сайн дураараа хуваалцах хүсэлтэй цөөн хэдэн суралцагчийг урь. Хувиараа судраас судлах зорилгоо эргэн харах цагийг ангийнханд гаргаж өгөөд, шаардлагатай бол өөрчлөлт хий.

Видеоны сонголт

Бид Их Эзэний дуу хоолойг хэрхэн таньж болох талаарх суралцагчдын ойлголтыг нэмэгдүүлэхийн тулд та Gospel Library-д байгаа дараах видеонуудаас нэгийг нь хуваалцаж болно.

2:13

5:55