1 Самуел 1

Хүндэтгэл бишрэлийн дуу хөгжим нь Ариун Сүнсийг ангидаа урьж, суралцагчдын зүрх сэтгэл, оюун ухааныг суралцах үйл ажиллагаанд бэлтгэж чадна. Тэнгэрлэг Эцэгт хандан залбирахын хүчийг заадаг дуртай дууллаа сонгоход суралцагчдыг урин, хичээлээ эхлэх талаар бодож үз. Нээлтийн залбирлаас өмнө ангийнхан “Хүүхдийн залбирал,” (Хүүхдийн дууны ном, 6–7) эсвэл “Та гуйж залбирав уу?,” (Сүмийн дуулал, дугаар. 72) зэрэг дууны эхний бадгийг дуулж эсвэл сонсож болно. Суралцагчид бас “Та үнэхээр тэнд байна уу?” (3:46) эсвэл “Надтай хамт байгтун,” (3:08) зэрэг тохиромжтой видеог ChurchofJesusChrist.org дээрээс үзэж болно.

3:45

3:9

Хичээлийг эхлүүлэхдээ танай ангийнхны хэрэгцээнд хамгийн сайн тохирох дараах жишээг эсвэл ямар нэг төстэй зүйлийг харуул. Тэдгээрийг самбар дээр бичих талаар бодож үз.

Дараах үйл ажиллагаа нь өөрийгөө үнэлэх үнэлгээ юм. Эдгээр боломж нь ангидаа судлах үнэнүүдийнхээ талаарх одоогийн ойлголтоо үнэлж дүгнэх боломжийг суралцагчдад олгодог. Энэ нь мөн юу хэрэгтэй эсвэл юу сурахыг хүсэж байгаагаа ойлгоход суралцагчдад тусалж чадна.

Тэдний нөхцөл байдал тэс өөр ч гэсэн та суралцагчдаас тэд хэрхэн Ханнатай юугаараа адил байж болох талаар асууж болно.

Суралцагчид дараагийн хэсгийг судалж байхдаа дээд прист Ели анхандаа Ханнагийн даруухан залбирлыг буруу ойлгосныг анзаарч болох юм. Ханна Елид ямар хариулт өгч байгаа дээр болон түүний Их Эзэнээс хүлээн авсан адислал дээр анхаарлаа төвлөрүүлэхэд суралцагчдад тусал ( 20-р шүлгийг харна уу). Хэрэгтэй гэж үзвэл тэд бие биетэйгээ чин сэтгэлээсээ ярихад Ели алдаагаа зассан гэдгийг онцолж хэл.

Суралцагчид ChurchofJesusChrist.org дээрх “Ханнагийн итгэл” (3:08) видеог үзэж, судраа харьцуулан харж болно. Та цагийн код 1:03 дээр түр зогсоогоод, 9–13-р шүлгийн талаар санал бодлоо хуваалцаад, цагийн код 1:30 дээр дахин түр зогсоогоод 14–20-р шүлгийн талаарх ойлголтоо хуваалцахад суралцагчдыг урьж болно.

3:9

Бид Ханнагийн адил Их Эзэнд итгэж найдан, Түүний адислалыг тэвчээртэйгээр хүлээх хэрэгтэй гэдгийг онцлон хэлэх нь тустай байж болно. Тэр үргэлж бидний хүсэн хүлээж байсан арга замаар хариулдаггүй байж болох ч Тэрээр Өөрийн таалал, бидэнд хамгийн сайн тохирох зүйлийн дагуу залбиралд хариулдаг гэдэгт бид итгэж болно.

Та хүсэн хүлээсэн арга замаараа хариулт авч чадаагүй даруухан, утга учиртай залбирлын жишээг хуваалцаж болно. Жишээлбэл: ChurchofJesusChrist.org дээрээс “Би хэрхэн #Түүнийг сонсдог вэ: Ахлагч Д.Тодд Кристоффэрсон” (2:25) эсвэл “Биечлэн (Хайраар тохинуулах нь)” (цагийн код 7:24–9:00) гэх мэт. Эсвэл та өөрийн амьдралын жишээг хуваалцаж болно.

2:25

13:2

Та дээр тодорхойлсон үнэний талаарх суралцагчдын ойлголтыг гүнзгийрүүлж, хичээлийн эхэнд байгаа гурван асуултад хариулахын тулд дараах үйл ажиллагааг ашиглаж болно. Үүнийг гүйцэтгэх нэг арга зам бол асуулт бүрийн доорх (A, Б, В) зааварчилгааг өгөх буюу үзүүлэх явдал юм. Та бие даан судлах эсвэл ижил асуултыг сонгосон бусад суралцагчтай жижиг бүлгээр ажиллах боломжийг суралцагчдад олгож болно. Та мөн суралцагч бүрд судлуулахаар өөр өөр асуулт сонгуулж, гурван бүлэг болгон хувааж болно. Тэд олж мэдсэн зүйлээ бүлгийнхэнтэйгээ хуваалцаж болно.

Өнөөдөр сурч, мэдэрсэн зүйлээ хуваалцахад нь суралцагчдад туслахын тулд тэд өөр нэг асуултыг судалж буй өөр хэн нэгэнтэй хамтран ажиллаж, нэг нэгэндээ зааж болно. Та бодол санаагаа ангийнхантайгаа хуваалцахад суралцагчдыг урин, бусад асуултыг судалсан суралцагчдыг нэмэлт санаа нэмэхэд урамшуулан дэмжих замаар хэлэлцүүлгийг гүнзгийрүүлж болно.

Хичээлээ өндөрлөх үедээ бид заримдаа Тэнгэрлэг Эцэгийг залбиралд маань хариулахыг Ханнатай адил хүлээх хэрэгтэй байдгийг суралцагчдад батлан хэл. Тэнгэрлэг Эцэг Өөрийн арга зам, цаг хугацаандаа тэдний залбирлыг сонсож, адислах болно.