Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Ա Թագավորների 3. «Խոսիր, Տեր, որովհետև քո ծառան լսում է»

«Ա Թագավորների 3. «Խոսիր, Տեր, որովհետև քո ծառան լսում է»», Հին Կտակարան․ Սեմինարիայի ուսուցչի ձեռնարկ (2026)

«Ա Թագավորների 3. «Խոսիր, Տեր, որովհետև քո ծառան լսում է»», Հին Կտակարան․ Սեմինարիայի ուսուցչի ձեռնարկ

Հռութ, Ա Թագավորների 1–7․ Դաս 70

Ա Թագավորների 3

«Խոսիր, Տեր, որովհետև քո ծառան լսում է»

The boy Samuel in bed watching an oil lamp burn.

Ըստ ձեզ, որքա՞ն լավ կարող եք ճանաչել Տիրոջ ձայնը ձեր կյանքում: Մի գիշեր Տերը խոսեց փոքրիկ Սամուելի հետ։ Հեղիի օգնությամբ Սամուելն ի վերջո ճանաչեց Տիրոջ ձայնը: Նա պատասխանեց. «Խոսիր, Տեր, որովհետև քո ծառան լսում է» (Ա Թագավորների 3․9)։ Տերը խոսում է նաև մեզ հետ, և Սամուելի նման, մենք պետք է սովորենք ճանաչել Նրա ձայնը: Այս դասը կօգնի ուսանողներին փնտրել և ճանաչել անձնական հայտնությունը:

Ուսանողի նախապատրաստում․ Տվեք ուսանողներին հետևյալ հարցը․ «Ինչպե՞ս եք լսում Տիրոջ ձայնը ձեր կյանքում» Առաջարկեք նրանց մտածել, թե իրենք ինչպես կպատասխանեն այդ հարցին։ Նրանք կարող են նաև հարցնել ընկերներին կամ ընտանիքի անդամներին:

Հնարավոր ուսումնական վարժություններ

Լսեք Տիրոջ ձայնը

Մի պատրաստակամ ուսանողի, որը պատրաստ է թույլ տալ, որ կապեն իր աչքերը, առաջարկեք կանգնել դասարանի առջև։ Կապեք այդ ուսանողի աչքերը: Ուսանողներից մի քանիսին առաջարկեք առանձին-առանձին կոչել աչքերը կապած ուսանողին անունով: Աչքերը կապած ուսանողին խնդրեք որոշել, թե ով կոչեց իրեն անունով:

Ինչո՞ւ էին ձայներից մի քանիսը ավելի հեշտ ճանաչելի:
Ի՞նչ հոգևոր դասեր կարող են առնչվել այդ վարժության հետ:

Ուսանողները կարող են կիսվել կամ չկիսվել այս դասում ներկայացված ճշմարտությունների նման սկզբունքներով: Եթե ուսանողները կիսվում են այդ սկզբունքներով, առաջարկեք նրանց Ա Թագավորների 3 գլուխն ուսումնասիրելիս վկայություն կամ հասկացողություն փնտրել այդ ճշմարտությունների վերաբերյալ։ Եթե ոչ, ապա դա նորմալ է: Շնորհակալություն հայտնեք բոլոր ուսանողներին կիսվելու համար։

Գրատախտակին գրեք հետևյալ ճշմարտությունը. Աստված խոսում է մեզ հետ և ցանկանում է, որ մենք ճանաչենք Իր ձայնը։ Բացատրեք, որ Տերը խոսում է մեզ հետ Սուրբ Հոգու միջոցով (տես Վարդապետություն և Ուխտեր 8.2): Դա հայտնի է որպես անձնական հայտնություն: Ուսանողները դասի ընթացքում կբացահայտեն անձնական հայտնության լրացուցիչ սկզբունքներ:

Նախագահ Ռասսել Մ. Նելսոնն ուսուցանել է․

Հոգին անընդհատ տպավորել է իմ մտքում …, թե Տերը որքան է կամենում հայտնել Իր միտքը և կամքը: Հայտնություն ստանալու արտոնությունն Իր զավակներին Աստծո տված մեծագույն պարգևներից մեկն է: …

Մի՞թե Աստված իսկապես ցանկանում է խոսել ձեզ հետ: Այո: («Հայտնություն Եկեղեցու համար, հայտնություն մեր կյանքի համար», Լիահոնա, մայիս 2018, 94–95)

Ուսանողներին առաջարկեք խորհել հետևյալ հարցերի շուրջ.

Դուք հավատո՞ւմ եք, որ Աստված իսկապես ցանկանում է խոսել ձեզ հետ: Ինչո՞ւ այո, կամ ինչո՞ւ ոչ։
Որքանո՞վ եք վստահ, որ կարող եք ճանաչել հայտնությունը:
Ի՞նչն է հեշտացնում կամ դժվարություն ստեղծում ձեզ համար՝ ճանաչելու Աստծո ձայնը (կամ անձնական հայտնությունը) ձեր կյանքում:

Վստահություն հայտնեք, որ Աստված ցանկանում է խոսել ձեր ուսանողների հետ:

Դասի ողջ ընթացքում փորձեք փնտրել և ճանաչել Տիրոջ ուղերձները: Փորձեք հասկանալ, թե ինչպես է Նա խոսում ձեզ հետ:

Հայտնության սկզբունքները

Սամուելը ծնվել է Աննայից՝ ի պատասխան Աննայի աղոթքների։ Երբ Սամուելը փոքր երեխա էր, Աննան նրան բերեց խորան, որտեղ Հեղին կարող էր հոգ տանել նրա մասին։ Մի գիշեր փոքրիկ Սամուելը Տիրոջ ձայնը լսելու փորձառություն ունեցավ:

Նախքան հետևյալ հրահանգները տալը, կարող եք բացատրել, որ սուրբ գրություններում որոշ սկզբունքներ ենթադրվում են: Դա նշանակում է, որ դրանք ուղղակիորեն նշված չեն հատվածներում: Սուրբ Հոգին կարող է օգնել մեզ բացահայտել ենթադրյալ սկզբունքները, երբ մենք ինքներս մեզ տանք հետևյալ հարցերը․ «Ի՞նչ կցանկանար այս հատվածների հեղինակը, որ ես սովորեի» կամ «Որո՞նք են այն կարևոր դասերը, որոնք ուսուցանում են այս հատվածները»:

Ուսումնասիրեք Ա Թագավորների 3․1–10, 19 հատվածները՝ փնտրելով Աստծուց հայտնություն ստանալու մասին գաղափարներ և ճշմարտություններ:

Երբ ուսանողներն ուսումնասիրեն, առաջարկեք նրանց գրատախտակին գրել իրենց բացահայտած սկզբունքները: Ուսանողներն իրենց բառերով կարող են նշել հետևյալ սկզբունքները: Եթե նրանք կդժվարանան նշել այդ սկզբունքները, կարող եք թվարկել հետևյալը և առաջարկել նրանց նշել արտահայտություններ կամ հատվածներ, որոնք ուսուցանում են իրենց:

Տերը համբերությամբ դիմում է մեզ, նույնիսկ երբ մենք սկզբում չենք ճանաչում Նրա ձայնը (տես հատվածներ 4, 6, 8, 10)։
Տերը խոսում է երեխաների հետ (տես հատվածներ 4, 6, 8, 10)։
Հաճախ ժամանակ և փորձ է պահանջվում՝ Տիրոջ ձայնին սովորելու համար (տես հատվածներ 7, 10, 19)։
Այլ մարդիկ կարող են օգնել մեզ ճանաչել Տիրոջ ձայնը (տես հատվածներ 8–9)։
Երբ մենք լսելու և գործելու պատրաստակամություն դրսևորենք, Տերը ավելին կբացահայտի մեզ: (տես հատվածներ 10, 19)

Այդ սկզբունքներն ինչո՞ւ կարող են օգտակար լինել, երբ մենք փորձում ենք ճանաչել Տիրոջ ձայնը մեր կյանքում:
Ինչպե՞ս են դրանք ցուցադրում մեր հանդեպ Նրա սերը:

Ճանաչենք Տիրոջ ձայնը

Տերը մեզ հետ խոսում է բազմաթիվ եղանակներով՝ Սուրբ Հոգու միջոցով: Իմացությունն այն մասին, թե Նա ինչպես կարող է խոսել ձեզ հետ, կօգնի ձեզ ավելի լավ ճանաչել Նրա ձայնը ձեր կյանքում:

Երբ ուսանողներն ավարտեն ուսումնասիրությունը, ժամանակ տրամադրեք, որպեսզի նրանք քննարկեն իրենց բացահայտածը և հարցեր տան: Օգտագործեք այդ ժամանակը, որպեսզի հնարավորություն տաք ուսանողներին կիսվելու, թե ինչպես են լսում Տիրոջ ձայնն իրենց կյանքում: Կարող եք նաև կիսվել անձնական փորձառությամբ և բացատրել, թե ինչպես եք լսում Նրան:

Շնորհակալություն հայտնեք ուսանողներին այն ամենի համար, ինչով նրանք կիսվում են: Ասեք նրանց, որ իրենց ակտիվ մասնակցությունը դասին շատ կարևոր է։

Սովորեք Տիրոջ ձայնին

Սամուելի նման, մեզանից նունպես կարող է ժամանակ և փորձ պահանջվել՝ Տիրոջ ձայնին սովորելու և անձնական հայտնությունը ճանաչելու համար (տես Ա Թագավորների 3․7, 10, 19)։

Մենք ինչպե՞ս կարող ենք Սամուելի նման փորձել ճանաչել Տիրոջ ձայնը:

Գաղափարներից մեկը կարող է լինել ծնողի կամ վստահելի ղեկավարի հետ խոսելն այն մասին, թե ինչպես ստանալ հայտնություն Սամուելի նման, երբ նա խոսեց Հեղիի հետ: Սամուելն ասաց. «Խոսիր, Տեր, որովհետև քո ծառան լսում է» (Ա Թագավորների 3.10)։ Գուցե մենք կարող ենք նաև ցույց տալ Տիրոջը, որ պատրաստ ենք լսելու Նրա ուղերձները, երբ աղոթքից հետո կամ օրվա ընթացքում մտածենք և լսենք: Կամ կարող ենք գրել օրագրում այն եղանակները, որոնցով մենք կարող ենք ուղերձներ ստանալ Երկնային Հորից, օրինակ՝ աշխատաթերթում ներկայացված եղանակները:

Ձեր օրագրում գրեք մի ծրագիր, որը կցանկանայիք իրագործել՝ ձեր կյանքում Աստծո հայտնությունը փնտրելու և ճանաչելու համար:

Վկայեք, որ երբ ուսանողները ժամանակի ընթացքում կենտրոնացված ջանք գործադրեն, անձնական հայտնությունը ճանաչելու նրանց կարողությունը կմեծանա: Հայտնեք ուսանողներին, որ իրենք հնարավորություն կունենան անդրադառնալու անձնական հայտնությունը ճանաչելու իրենց ջանքերին Դաս 80․ «Գնահատեք ձեր գիտելիքները 5» ուսումնասիրելու ժամանակ։

Օժանդակ նյութեր

Ո՞րն էր Տիրոջ ուղերձը Սամուելին։

Ուղերձը, որը Տերը տվեց Սամուելին, այն էր, որ Հեղին պետք է դատապարտվեր՝ իր որդիների մեղավոր վարքագիծը շտկելուց հրաժարվելու համար (տես Ա Թագավորների 3․11–14)։ Երբ Սամուելը մեծացավ, Իսրայելը ճանաչեց նրան որպես Տիրոջ մարգարե (տես Ա Թագավորների 3․20)։

Ինչպե՞ս կարող եմ մեծացնել Տիրոջ ձայնը լսելու իմ կարողությունը:

Նախագահ Ռասսել Մ. Նելսոնն ուսուցանել է․

20:28

Աղոթեք Հիսուս Քրիստոսի անունով ձեր մտահոգությունների, ձեր վախերի, ձեր թուլությունների մասին, այո, ձեր սրտի բուն ձգտումների մասին: Իսկ հետո լսեք: Գրեք այն մտքերը, որոնք գալիս են ձեզ։ Գրեք ձեր զգացմունքները և հետևեք, որ կատարեք այն գործողությունները, որոնց մասին հուշել են ձեզ: Երբ կրկնեք այդ գործընթացն օրեցօր, ամիս առ ամիս, տարեց տարի, դուք «կաճեք հայտնության սկզբունքի մեջ»։ («Հայտնություն Եկեղեցու համար, հայտնություն մեր կյանքի համար», Լիահոնա, մայիս 2018, 95)

Ինչպե՞ս կարող է ուսուցիչն օգնել ուսանողներին ճանաչել անձնական հայտնությունը:

Սեմինարիաների և կրոնի ինստիտուտների կառավարիչ Եղբայր Չադ Հ. Վեբը բացատրել է.

20:37

Ինչպե՞ս եք օգնում ուսանողին, որն այն կարծիքին է, որ չունի հոգևոր փորձառություններ: Երբեմն մեր երիտասարդները լսում են հրաշք թվացող պատմություններ և չեն գիտակցում, որ Սուրբ Հոգին իրենց հետ նույնպես խոսում է տարբեր պարզ եղանակներով, օրինակ՝ երբ նրանք ոգեշնչված հարց են ունենում, կամ երբ մտածում են հատվածներ նշել սուրբ գրություններում։ Եկեք օգնենք նրանց իմանալ, թե Տերն ինչպես է անհատապես հաղորդակցվում նրանց հետ և չասենք, թե Տերը նրանց հետ կարող է խոսել միայն այնպես, ինչպես որ մեզ հետ է խոսում: Եկեք զգույշ լինենք և չասենք մեր ուսանողներին, թե նրանք երբ են զգում Սուրբ Հոգին: Եվ եթե մենք, որպես ուսուցիչներ, զգում ենք Հոգին, չի նշանակում, որ ուսանողներից յուրաքանչյուրն անպայման նույն բանն է զգում այդ պահին։ Լավ կլինի հասկանալ, որ նրանք, ովքեր ունեն անհանգստություն և ընկճվածություն, կարող են զգալ, որ դժվար է ունենալ այդ փորձառությունները: Բայց Տերը չի սահմանափակում հոգեկան հիվանդություններ ունեցողներին։ Նա գիտի այդ մարդկանց, հասկանում է նրանց և կարող է ուղիներ գտնել՝ Իր սերն ու առաջնորդությունը նրանց հաղորդելու համար: Մենք կարող ենք մի քանի բան անել այդ ուղղությամբ և դրանով ավելի շատ կօգնենք նրանց, քան, եթե նրանք սովորեն ստանալ և գործել՝ համաձայն անձնական հայտնության: («His Representatives» [ուսուցման հեռարձակում Նախագահ Բալարդի հետ, հունվար 21, 2022])

Լրացուցիչ ուսումնական վարժություններ

Դասը սկսելու այլընտրանքային տարբերակ

Պատրաստակամ ուսանողներից մի քանիսին խնդրեք առաջ գալ։ Առաջարկեք նրանց կանգնել՝ ուղղելով ոտքերը և ձեռքի մատներով կամ ձեռքերով դիպչել հատակին: Որոշ ուսանողներ, հավանաբար, կարող են ավելի լավ անել դա, քան մյուսները:

Ի՞նչ կարող է անել մարդը՝ ժամանակի ընթացքում հատակին դիպչելու իր կարողությունը մեծացնելու համար:
Ինչպե՞ս կարող է այդ վարժությունն առնչվել հետևյալ խոսքերին:

Նախագահ Ռասսել Մ. Նելսոնն առաջարկել է մեզ․

Ես հորդորում եմ ձեզ բարձրանալ ձեր ներկա հոգևոր ունակությունից վեր՝ անձնական վկայություն ստանալու համար: («Հայտնություն Եկեղեցու համար, հայտնություն մեր կյանքի համար», Լիահոնա, մայիս 2018, 95)

Ուսանողներին առաջարկեք Ա Թագավորների 3 բաժինն ուսումնասիրելիս փնտրել սկզբունքներ, որոնք կարող են օգնել իրենց դուրս գալ անձնական հայտնություն ստանալու իրենց ներկայիս կարողությունների սահմաններից։

Քարոզիր Իմ ավետարանը

Աշխատաթերթը լրացնելու փոխարեն ուսանողներին առաջարկեք ուսումնասիրել «Learn to Recognize the Promptings of the Spirit» բաժինը Քարոզիր Իմ ավետարանը ձեռնարկում, «Chapter 4: Seek and Rely on the Spirit»։ Ուսանողներին ժամանակ տրամադրեք՝ կիսվելու և հարցեր տալու իրենց կարդացածի վերաբերյալ:

Ինչպես եմ ես լսում Նրան

Ուսանողների կողմից աշխատաթերթի երրորդ սյունակում իրենց գրածով կիսվելու փոխարեն կարող եք անել հետևյալը.

Բացատրեք, որ Եկեղեցու շատ ղեկավարներ պատմել են, թե ինչպես են լսում Տիրոջ ձայնը: Դիտեք նրանց կողմից ներկայացված «How I Hear Him» տեսանյութերից մեկը կամ մի քանիսը, որոնք հասանելի են Gospel Library հավելվածում։

Ուսանողներին առաջարկեք պատկերացնել, որ իրենց խնդրել են նկարահանել իրենց անձնական «How I Hear Him» տեսանյութը: Նրանց ժամանակ տրամադրեք, որպեսզի կարճ սցենար գրեն իրենց տեսանյութի համար: Այն կարող է ներառել անձնական փորձառություններ և սուրբ գրություններ իրենց ընտրությամբ կամ աշխատաթերթից: Երբ նրանք ավարտեն, մի քանի ուսանողի առաջարկեք կարդալ իրենց սցենարը դասարանում:

Աստված մեզ հետ խոսում է սուրբ գրությունների միջոցով

Ուսանողներին առաջարկեք կարդալ Վարդապետություն և Ուխտեր 18.34 հատվածը՝ փնտրելով, թե ըստ Տիրոջ խոսքերի, ինչի մասին մենք կարող ենք վկայել՝ սուրբ գրությունները կարդալիս:

Ուսանողներին առաջարկեք խորհել սուրբ գրությունների իրենց անձնական ուսումնասիրության շուրջ: Պատրաստակամ ուսանողներից մի քանիսին խնդրեք կիսվել, թե իրենք ինչպես են լսել Տիրոջ ձայնը սուրբ գրություններում: Դասարանին ժամանակ տրամադրեք՝ վերանայելու սուրբ գրությունների ուսումնասիրության իրենց անձնական նպատակները և անհրաժեշտության դեպքում այնտեղ ճշգրտումներ անելու համար:

Տեսանյութերի տարբերակներ

Որպեսզի բարելավեք ուսանողների հասկացողությունն այն մասին, թե մենք ինչպես կարող ենք ճանաչել Տիրոջ ձայնը, կարող եք կիսվել Gospel Library հավելվածում հասանելի հետևյալ տեսանյութերից մեկով.

2:13

5:55