Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Mpitsara 6–8: “Homba anao tokoa Aho”

“Mpitsara 6–8: -Homba anao tokoa Aho,-” Testamenta Taloha: Boky torolalana ho an’ny mpamianatra seminera (2026)

“Mpitsara 6–8: -Homba anao tokoa Aho,-” Testamenta Taloha: Boky torolalana ho an’ny mpampianatra seminera

Mpitsara 2–4; 6–8; 13–16: Lesona 66

Mpitsara 6–8

“Homba anao tokoa Aho”

Gideon's band of 300 men feign an attack on their enemy.

Rehefa nivavaka ny Isiraelita mba hanavotana azy ireo dia niantso an’i Gideona hanafaka azy tamin’ny fahavalony ny Tompo. Naneho ny heriny tamin’ny fanampiana ny Isiraelita handresy miaramila mihoatra ny 135 000 tamin’ny alalan’ny lehilahy 300 notarihin’i Gideona ny Tompo. Hanampy ny mpianatra hanana faniriana lehibe kokoa hiantehitra amin’i Jesoa Kristy hahazoany hery ity lesona ity.

Fanomanana ny mpianatra: Asao ny mpianatra hitady soratra masina iray mampiseho ny hery azontsika raisina avy amin’ny Tompo. Tongava ao an-dilasy omban’ny fahavonona hizara izany.

Sahanasa fianarana azo atao

Karazana hery

Iza avy ireo olona heverinao ho “matanjaka”?
Inona avy ireo toetoetra maneho fa mahery olona iray?

Azavao fa ny endrika iray hisehoan’ny hery dia ny fahafahan’ny olona iray miantehitra amin’ny Tompo.

Hevero ny hanome fahafahana ny mpianatra hanombana hoe hatraiza ny halalin’ny fianteherany amin’ny Tompo manolona ny toe-javatra manahirana izay mety hatrehan’izy ireo. Azonao ampiasaina ireto toe-javatra manaraka ireto na azonao atao ny mihevitra toe-javatra hafa izay manan-danja kokoa amin’ny mpianatrao.

Eritrereto ny mety ho halehiben’ny fianteheranao amin’ny herin’ Andriamanitra amin’ny toe-javatra samy hafa. Farito ny toerana mety hametrahanao ny tenanao eo amin’ity soritsary manaraka ity araka ny toe-javatra tsirairay voatanisa etsy ambany.

Mandray fanapahan-kevitra manan-danja
Miatrika ratra na aretina
Mihatsara amin’ny maha olona
Mikatsaka vahaolana manoloana fanamby miaraka amin’ny fianakaviana na namana

Eo am-pandalinana ny fiainan’i Gideona androany dia mivavaha amin’ny Ray any An-danitra hanampy anao hahatsapa ny maha zava-dehibe ny fianteherana amin’ny Tompo mba hahazo hery eo amin’ny fiainanao. Aza atao ambanin-javatra ny eritreritra na fahatsapana mety omen’ Andriamanitra anao amin’ny alalana’ny Fanahy Masina.

Gideona sy ny Isiraelita

Mba hanampiana ny mpianatra hahatakatra ny sahankevitra ao amin’ny Mpitsara 6, dia azonao atao ny mamerina mijery ny kisary misy ny fitamberimberenan’ny avonavona ao amin’ny Lesona 65: “Mpitsara 2–4.” Azonao atao ihany koa ny mamaky na mamintina ity andiam-pehezan-teny manaraka ity.

Ny Mpitsara 6 dia mamariparitra fotoana iray hafa rehefa nanadino ny Tompo ny Isiraelita ka tsy nahazo intsony ireo fitahiana avy Aminy. Nanomboka nampahory ny Isiraelita ny vondron’olona antsoina hoe Midianita. Norobain’ny Midianita ny voly sy ny biby fiompin’ny Isiraelita nandritra ny fito taona tamin’ny vanim-potoana fiotazana. Nampahorian’ny fahantrana ny Isiraelita vokatr’izany. Tao anatin’ny fahaverezan-kevitra dia nitodika, nangataka fanampiana tamin’ny Tompo izy ireo. Rehefa nahatsiaro ny Tompo ny Isiraelita ary nitalaho Taminy dia nanangana olo-marina antsoina hoe Gideona Izy hanavotra azy ireo tamin’ny fahavalony.

Miantehitra amin’ny Tompo

Rehefa vita izay rehetra tao amin’ny taratasy zaraina dia asao izy ireo hizara ny famintinana ny zavatra nianaran’izy ireo avy amin’ny tantaran’i Gideona.

Mangataha mpianatra vitsivitsy hizara ny fahamarinana nosoratany mikasika ny sahanasa fandalinana 3. Ohatra amin’izany ity manaraka ity: Raha miantehitra amin’ny Tompo isika dia hitahy antsika amin’ny heriny Izy.

Inona avy ireo fomba samihafa ahafahan’ny Tompo mankahery antsika?
Ahoana no ahafahantsika miantehitra amin’ny Tompo ankehitriny?

Mba hahatakarana kokoa ity fahamarinana ity dia asao ny mpianatra haka sary antsaina ny namany mandefa hafatra aminy amin’ny findainy. Mandalo toe-javatra ahatsapany fa tsy ampy hery ananany ilay namana. Asao ny mpianatra hizara ohatra vitsivitsy hoe mety ho inona izany toe-javatra izany. Entano ny mpianatra hisafidy toe-javatra izay heveriny fa tena manan-danja ka tokony horesahina amin’izao fotoana izao.

Manomana valinteny azonao halefa amin’ny hafatra an-tsoratra. Soraty ao amin’ny diary fandalinanao izany. Raha tianao dia manaova sarina finday mampiseho taboika (bulle de texte) ary soraty ao anatin’izany ny valinteninao. Tokony ho ao amin’ny valinteninao ny roa amin’ireto manaraka ireto farafahakeliny:

1. Ahoana no ahafahan’ny ohatra nasehon’i Gideona manampy.

2. Ahoana no mety hanampian’ny soratra masina hafa ny namanao hiantehitra amin’ny Tompo. (Ohatra vitsivitsy amin’izany ny Ohabolana 3:5–6; Filipiana 4:13; Almà 26:12; Etera 12:27. Azonao atao ihany koa ny mitady hoe “Hery” na “Matoky” ao amin’ny torolalana ho an’ny soratra masina.)

3. Inona no fantatrao mikasika ny Tompo ka manampy anao hiantehitra aminy.

4. Ireo zavatra niainanao rehefa nahatsapa ianao fa nankahery anao mihoatra izay vitanao ny Tompo.

Famaranana

Asao ny mpianatra hikatsaka ny tari-dalana avy amin’ny Ray any An-danitra eo am-pamaliana ireto fanontaniana manaraka ireto ao amin’ny diary fandalinany.

Inona eo amin’ny sehatry ny fiainanao no ahatsapanao fa tsy ampy ny herinao?
Inona no fantatrao na zavatra nianaranao mikasika ny Tompo ka nanampy anao hiantehitra Aminy?
Inona no tsapanao momba ny Tompo sy ny fanampiany?

Loharanom-pitaovana fanampiny

Ahoana no ahafahako miantehitra amin’ny Tompo?

Nanambara ny Loholona David A. Bednar ao amin’ny Kôlejin’ny Apôstôly Roambinifolo hoe:

Manolonana ireo fisalasalana sy fanamby maro atrehantsika eo amin’ny fiainana sy ny asa amin’izao andro farany lehibe izao dia mitaky antsika hanao izay tsara indrindra vitantsika Andriamanitra, hatoky Azy, hirotsaka amin-kafanam-po sady hihetsika fa tsy hiandry hetsehina fotsiny. Mety tsy mahita anjely isika na mandre ireo feo avy any an-danitra, na mandray fahatsapana ara-panahy goavana. Matetika isika dia mety mandroso ao anatin’ny fanantenana sy fanaovana vavaka—saingy tsy manana antoka tanteraka—fa manao zavatra araka ny sitrapon’ Andriamanitra isika. Kanefa rehefa manaja ny fanekempihavanana ary mitandrina ny didy isika dia afaka mandeha amim-pahatokiana fa hitarika ny lalantsika Andriamanitra. (“Elder Bednar Shares Five Lessons about the Spirit of Revelation with New Mission Lead,” Church News, Jolay 10, 2018)

Inona no tokony hataoko mba hahitako fahagagana eo amin’ny fiainako?

Nampianatra toy izao ny Filoha Russell M. Nelson:

17:18

Nanome toky antsika i Môrônia fa “Andriamanitra dia tsy mitsahatra ny ho Andriamanitra” [Môrmôna 9:15]. Ny bokin-tsoratra masina tsirairay dia maneho ny fahavononan’ny Tompo hiditra an-tsehatra eo amin’ny fiainan’ireo izay mino Azy. Nanasaraka ny Ranomasina Mena ho an’i Mosesy Izy, nanampy an’i Nefia naka ny takela-barahina, ary namerina tamin’ny laoniny ny Fiangonany tamin’ny alalan’ny Mpaminany Joseph Smith. Ny tsirairay amin’ireo fahagagana ireo dia nandany fotoana ary mety tsy ho ny zavatra tena nangatahin’ireo olona ireo tamin’ny Tompo tamin’ny voalohany.

Torak’izany koa, ny Tompo dia hitahy anareo amin’ny fahagagana raha toa ka mino Azy ianareo, “tsy miroanahana akory” [Môrmôna 9:21]. Ataovy ny asa ara-panahy hikatsahana fahagagana. Angataho ombam-bavaka Andriamanitra mba hanampy anareo hampihatra izany karazana finoana izany. Mampanantena aho fa ianareo dia hahazo traikefa manokana fa i Jesoa Kristy dia “mampahatanjaka ny reraka; ary izay kely hery dia omeny hery be” [Isaia 40:29]. Vitsy ny zavatra hanafaingana ny fahavitrihanao ara-panahy mihoatra noho ny fahitana fa manampy anao hamindra tendrombohitra eo amin’ny fiainanao ny Tompo. (“Ny herin’ny fahavitrihana ara-panahy,” Liahona, mey 2022, 99–100)

Sahanasa fianarana fanampiny

Mpitsara 6:25–28. Manala ireo fitaomana tsy marina eo amin’ny fiainantsika

Raha te hanokana fotoana misimisy ho an’ny tantaran’i Gideona nandrava ny alitaran’i Bala ary nanorina ny alitara fanaovana sorona ianao dia hevero ireto manaraka ireto.

Nanompo an’i Bala, andriamanitra tsy izy an’ny Kananita ny Isiraelita nandritra ny andron’i Gideona. Vakio na tadidio ny zavatra nitranga tao amin’ny Mpitsara 6:25–27.

Inona no tian’ny Tompo nesorin’i Gideona sy ny tiany hatao ho solon’izany?
Inona no tandindon’i Kristy hitanao ao amin’ny andininy 26? (Ampio ny mpianatra hahita ny tandindon’ny fanatitra dorana izay maneho an’i Kristy ary natolotra teo ambony vato izany, izay tandindon’i Kristy ihany koa.)
Inona no eritreretinao fa tian’ny Tompo ho hitan’ny olona avy amin’izay nataon’i Gideona?

Asao ny mpianatra hieritreritra ireo loharanon-kery tsy izy katsahintsika indraindray. Asao ny mpianatra hisaintsaina ny fahafahantsika manolo izany loharano izany amin’ny fifantohana amin’ny Kristy mba ho loharanon-kery. Azonao atao ny mizara ity raki-tsary manaraka ity avy amin’ny lahateny nataon’ny Filoha Russell M. Nelson hoe “Mandresy izao tontolo izao dia mahita fitsaharana” (Liahona, nôv. 2022, 97).

18:44

Mpitsara 13–16. Samsona, ilay lehilahy manana hery anaty lehibe

Azonao atao ny mampitaha ny tantaran’i Gideona sy ny an’i Samsona amin’ny fampiasana ny sasany na izy rehetra amin’ireto manaraka ireto.

Fotoana fohy taorian’ny fahombiazan’i Gideona dia niverina tamin’ny fahotana sy ny faharatsiana indray ny Isiraelita (jereo Mpitsara 8). Farany dia nisaifidy lehilahy hafa indray ny Tompo hanafaka an’i Israely.

Jereo tsara io sary ambany mampiseho ny sarin’i Samsona io, iray tamin’ireo mpitsaran’ny Tompo nantsoina hanafaka ny Isiraelita tamin’ny Filistina.

Inona ny zavatra fantatrao momba an’i Samsona?

Fantatra tamin’ny hery nomen’ Andriamanitra azy i Samsona. Kanefa na dia nampiasainy araka ny tokony ho izy aza indraindray izany fanomezam-pahasoavana tamin’ny heriny izany dia ratsy fiafara ny fiainany satria niantehitra tamin’ny herin’ny tenany sy ny fahefany izy toy izay ny herin’ny Tompo.

Vakio ny roa na telo amin’ireto andalan-tsoratra masina manaraka ireto izay mampiseho ny toetra sy ny zavatra nataon’i Samsona ho laharam-pahamehana.

Mpitsara 14:2 (manambady ivelan’ny fanekempihavanana)

Mpitsara 14:19 (mamotika olona ao anatin’ny fahatezerana)

Mpitsara 15:5–6 (mamaly faty)

Mpitsara 16:1 (mankany amin’ny mpivarotena)

Mpitsara 16:4–6 (mitia vehivavy mpamitaka, Delila)

Mpitsara 16:28 (tsy manahy afa-tsy ny amin’ny valifaty ho an’ny tenany)

Inona no azontsika ianarana avy amin’ny zavatra niainan’i Samsona raha oharina amin’ny an’i Gideona?
Inona no nianaranao mikasika ny fianteherana amin’ny Tompo sady mampiasa ny herin’ny tenanao araka izay tratranao?