Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Deuteronomio 15: “Iyo Ngang Bubuksan ang Iyong Kamay sa Kanya”

“Deuteronomio 15: ‘Iyo Ngang Bubuksan ang Iyong Kamay sa Kanya,’” Manwal ng Titser ng Seminary para sa Lumang Tipan (2026)

“Deuteronomio 15: ‘Iyo Ngang Bubuksan ang Iyong Kamay sa Kanya,’” Manwal ng Titser ng Seminary para sa Lumang Tipan

Deuteronomio 6–8; 15; 18; 29–30; 34: Lesson 60

Deuteronomio 15

“Iyo Ngang Bubuksan ang Iyong Kamay sa Kanya”

Kabilang sa mga utos ng Tagapagligtas sa mga Israelita sa Deuteronomio ang pagpapatawad sa mga may utang, pagpapalaya sa mga taong inaalipin, at pagpapagaan ng pasanin ng mga maralita. Bilang Kanyang mga tao, tayo rin ay may responsibilidad sa tipan na bukas-palad na ibahagi ang ibinigay sa atin ng Tagapagligtas upang mapagaan ang pasanin ng mga maralita. Ang lesson na ito ay makatutulong sa mga estudyante na madama ang mas matinding hangaring sundin ang utos ng Tagapagligtas na ibahagi ang ibinigay Niya sa kanila.

Paghahanda ng mga estudyante: Sabihin sa mga estudyante na mapanalanging kantahin o pag-aralan ang mga titik ng himnong “Dahil Biyaya sa Akin ay Kayrami” (Mga Himno, blg. 133) o Mateo 25:31–40. Maaaring hilingin ng mga estudyante sa Ama sa Langit na tulungan silang makita ang mga paraan kung paano nila maibabahagi sa iba ang ibinigay Niya sa kanila.

Mga Posibleng Aktibidad sa Pag-aaral

Mga tunay na tagasunod ni Jesucristo

Para simulan ang klase, maaari kang magpakita ng paborito mong larawan ni Jesucristo. Maaari mong isulat sa pisara ang sumusunod na hindi kumpletong pahayag ni Pangulong Nelson. Maaari mong ipaliwanag na maaaring maraming tamang paraan para kumpletuhin ang pahayag.

Itinuro ni Pangulong Russell M. Nelson:

Isa sa mga pinakamadaling paraan upang makilala ang isang tunay na tagasunod ni Jesucristo ay . (“Kailangan ng mga Tagapamayapa,” Liahona, Mayo 2023, 98)

Paano kaya natin maaaring kumpletuhin ang pahayag ni Pangulong Nelson?

Pagkatapos sumagot ng mga estudyante, sabihin sa kanila na ibahagi kung bakit sa palagay nila ay nakumpleto ng kanilang sagot ang pahayag. Maaari mong purihin at suportahan ang ibabahagi ng mga estudyante. Pagkatapos ay ipakita ang kumpletong pahayag ni Pangulong Nelson.

Isa sa mga pinakamadaling paraan upang makilala ang isang tunay na tagasunod ni Jesucristo ay kung gaano niya tinatrato nang may pagkahabag ang ibang tao. (“Kailangan ng mga Tagapamayapa,” Liahona, Mayo 2023, 98)

Bakit magandang paraan ito para matukoy ang mga tunay na tagasunod ni Jesucristo?
Ano ang ilang paraan kung paano maitatrato nang may pagkahabag ng mga disipulo ni Jesucristo ang mga tao?

Upang matulungan ang mga estudyante na masuri kung gaano kabuti ang pagtrato nila sa ibang tao ngayon, maaari mong ibahagi ang ilan o ang lahat ng sumusunod na pahayag at anyayahan ang mga estudyante na pag-isipan kung gaano naaangkop sa kanila ang bawat pahayag.
Ipinapakita ng pagtrato ko sa iba na ako ay tagasunod ni Jesucristo.
Ako ay nahahabag sa iba at nais kong gawin ang magagawa ko para tulungan sila.
Handa akong ibahagi sa iba ang ibinigay sa akin ng Panginoon.

Sa inyong pag-aaral ngayon, hingin ang patnubay ng Espiritu Santo para matulungan kayong madama ang kahalagahan ng pagsunod sa utos ng Tagapagligtas sa paraan ng pagtrato ninyo sa ibang tao.

Pangangalaga sa mga taong nangangailangan

Bago basahin ng mga estudyante ang sumusunod na talata, maaari mong ipaliwanag na bilang bahagi ng mga tagubilin na ibinigay sa Deuteronomio, iniutos ng Panginoon na ang lahat ng utang ay patatawarin tuwing ikapitong taon.

Basahin ang Deuteronomio 15:7–11, at alamin kung paano ninanais ng Panginoon na tratuhin natin ang mga tao sa ating paligid.

Ano ang nalaman ninyo?

Habang nagbabahagi ang mga estudyante, tulungan sila na matukoy ang isang katotohanan na tulad ng iniutos sa atin ng Panginoon na ibahagi ang mga pagpapalang ibinigay Niya sa atin.

Maaaring makatulong na gumamit ng simpleng object lesson para matulungan ang mga estudyante na maunawaan ang ibig sabihin ng “iyo ngang bubuksan ang iyong kamay” sa iba (talata 8 at 11). Para magawa ito, maaari kang maghanda ng isang mangkok ng dry cereal, beans, o maliit na candy sa harap ng klase. Anyayahan ang dalawang estudyante na gawin ang pariralang ito. Maaaring kumuha ang isang estudyante ng isang dakot ng item at ilagay ito sa mga kamay ng isa pang estudyante. Sabihin sa estudyante na buksan ang kanyang kamay nang “kaunti,” pagkatapos ay “kaunti pa,” at hayaang mahulog ang kaunting pagkain sa kamay ng iba pang estudyante. Sa huli, ipabasang muli sa mga estudyante ang talata 8 at ipagawa sa estudyante ang object lesson “iyong nga bubuksan ang iyong kamay.”
Sa inyong palagay, ano ang ibig sabihin ng dapat nating buksan ang ating mga kamay bilang pangangalaga sa mga maralita?
Ano ang matututuhan natin tungkol sa Tagapagligtas mula sa kautusang ito? Paano Niya binubuksan ang Kanyang kamay sa atin?
Sa anong mga sitwasyon tayo maaaring matukso na hindi maging bukas-palad sa mga maralita?

Bago basahin ng mga estudyante ang sumusunod na talata, maaari mong ipaliwanag na iniutos din ng Panginoon na tuwing ikapitong taon, ang sinumang tagapaglingkod na nagnanais ng kalayaan ay palalayain mula sa pagkaalipin.

Basahin ang Deuteronomio 15:12–15, at alamin kung paano sinabi ng Panginoon sa mga Israelita na dapat nilang palayain ang isang aliping nagnanais na makalaya mula sa pagkaalipin.

Mula sa natutuhan ninyo tungkol sa mga Israelita, paano sila naging alipin sa pisikal at espirituwal? Paano maaaring alipin sa espirituwal ang isang tao ngayon?
Paano makakaapekto sa pagtrato natin sa iba ang pag-alaala sa kung paano tayo iniligtas ng Tagapagligtas mula sa espirituwal at pisikal na pagkaalipin?

“Hindi ba’t tayong lahat ay mga pulubi?”

Sabihin sa mga estudyante na isipin kung ano ang pakiramdam para sa isang tinedyer na maging “maralita” hindi lamang sa pinansyal na aspeto kundi pati na rin sa espirituwal, pisikal, emosyonal, at sosyal.

Paano natin maaaring buksan ang ating kamay sa isang taong nangangailangan sa bawat isa sa mga aspetong ito?

Gamitin ang mga tool sa pag-aaral ng mga banal na kasulatan para maghanap ng scripture passage o pahayag mula sa isang lider ng Simbahan na makatutulong sa isang tao na sundin ang utos ng Tagapagligtas na pangalagaan ang mga maralita

Kung kailangan ng mga estudyante ng karagdagang tulong, maaari mong imungkahi ang mga talatang tulad ng Lucas 6:30–38; Mosias 4:16–27; Doktrina at mga Tipan 104:15–18; Moises 7:18. Maaari ding hanapin ng mga estudyante sa Gospel Library ang mga salitang tulad ng “maralita.“

Kapag nabigyan na ng sapat na oras ang mga estudyante para maghanap ng banal na kasulatan o pahayag, sabihin sa kanila na ibahagi ang natagpuan nila sa isang kapartner o sa isang maliit na grupo. Maaari ding talakayin ng mga estudyante ang mga sumusunod na tanong.

Paano naaangkop ang banal na kasulatan o pahayag na ito sa kung paano tayo nangangalaga sa isang taong “mahirap” sa pinansyal, espirituwal, pisikal, emosyonal, o sosyal?
Kailan ninyo naranasang mapagpala ng pagiging bukas-palad ng iba?

Patindihin ang ating hangarin na magbahagi sa iba

Basahin ang Mateo 25:31–40, at alamin kung ano ang nadarama ng Tapagpagligtas tungkol sa ating mga pagsisikap na pangalagaan ang mga taong nangangailangan.

Ano ang natutuhan o nadama mo ngayon na nakatulong sa iyo na mas magkaroon ng hangaring maging tunay na tagasunod ni Jesucristo sa pamamagitan ng bukas-palad na pagbibigay sa iba?
Ano ang nahihikayat kang gawin?

Maaari mong ibahagi ang isang pagkakataon na pinagpala ang buhay mo dahil sa pagiging bukas-palad ng ibang tao na naghangad na maging mga tunay na tagasunod ni Jesucristo. Maaari mong anyayahan ang mga estudyante na hingin ang patnubay ng Ama sa Langit para makahanap ng isang tao na mapaglilingkuran at kung paano ito gagawin.

Karagdagang Resources

Bakit mahalagang pangalagaan ang mga maralita?

Ipinaalala sa atin ni Pangulong Jeffrey R. Holland ng Korum ng Labindalawang Apostol:

Sa kasaysayan ng mundo, ang karukhaan ay isa na sa pinakamabigat at pinakalaganap na mga hamon sa sangkatatuhan. Ang malinaw na resulta nito ay karaniwang pisikal, ngunit ang espirituwal at emosyonal na kapinsalaang dulot nito ay maaaring lalo pang makapanlupaypay. Sa lahat ng pagkakataon, patuloy na nananawagan sa atin ang dakilang Manunubos na makiisa sa Kanya sa pagpapagaan ng pasaning ito ng mga tao. …

Sa ating panahon, hindi pa man nag-iisang taon ang ipinanumbalik na Simbahan ni Jesucristo nang nag-utos ang Panginoon sa mga miyembro na “[tumingin] sa mga maralita at … nangangailangan, at [magbigay] ng tulong sa kanila upang hindi sila maghirap” [Doktrina at mga Tipan 38:35]. Pansinin ang mahalagang tono ng talatang iyan—“hindi sila maghirap.” Ganyan mangusap ang Diyos kapag napakahalaga ng sinasabi Niya. …

Pinatototohanan ko ang mga himala, kapwa espirituwal at temporal, na dumarating sa mga taong sumusunod sa batas ng ayuno. … Itangi ang sagradong pribilehiyong iyan kahit minsan lang sa isang buwan, at maging bukas-palad sa pagbibigay ng handog-ayuno at iba pang kontribusyon na pangkawanggawa, pang-edukasyon, at para sa mga missionary kung kaya ninyo. Ipinapangako ko na magiging bukas-palad sa inyo ang Diyos, at yaong mga napapaginhawa ninyo ay tatawagin kayong pinagpala magpakailanman. …

[K]ahit hindi ako ang tagabantay sa aking kapatid, responsibilidad ko pa rin ang aking kapatid, at “dahil biyaya sa akin ay kayrami, sa aking kapwa’y dapat lang magbahagi.” (“Hindi Ba’t Tayong Lahat ay mga Pulubi?.” Liahona, Nob. 2014, 40, 42)

Paano natin mapagagaan ang pasanin ng iba?

Itinuro ni Sister Sharon Eubank, na noon ay miyembro ng Relief Society General Presidency:

Kung babaguhin natin ang ating pananaw upang ang pangangalaga sa mga maralita at nangangailangan ay hindi gaanong tungkol sa pagbibigay ng mga bagay-bagay kundi tungkol sa pakikipag-ugnayan sa tao, pagkakaroon ng makabuluhang pag-uusap, at pagbuo ng masaya at mabuting ugnayan, kung gayon maisusugo tayo ng Panginoon sa kung saang lugar. …

At tandaan na, tulad ng Tagapagligtas, kayo mismo ang isa sa pinakamagagandang kaloob na maibibigay ninyo sa ibang taong nangangailangan. (“Turning Enemies into Friends” [Brigham Young University forum, Ene. 23, 2018], 6–7, speeches.byu.edu)

Mga Karagdagang Aktibidad sa Pag-aaral

Deuteronomio 14:22, 28–29: Ginagamit ng Panginoon ang ating mga handog upang pagpalain ang mga maralita

Maaaring makinabang ang mga estudyante sa pag-iisip ng maraming paraan kung paano ginagamit ang mga handog para pagpalain ang mga anak ng Ama sa Langit. Maaaring pag-aralan ng mga estudyante ang Deuteronomio 14:22, 28–29, at alamin ang mga pagpapalang ipinangako ng Panginoon sa mga taong bukas-palad na nagbigay. Maaaring makatulong na ipaliwanag na bilang bahagi ng batas ni Moises, iniutos sa mga Israelita na gamitin ang lahat ng kanilang inialay na pondo upang pagpalain ang mga maralita tuwing ikatlong taon (talata 28–29). Sa ating panahon, ang mga handog-ayuno ay nakalaan para sa pagpapagaan ng pasanin ng mga maralita buwan-buwan.

Deuteronomio 15:1–5, 12–15: Ang pagpapalaya ng Panginoon

Maaaring makinabang ang mga estudyante kapag mas naunawaan nila ang utos ng Tagapagligtas sa mga Israelita na patawarin ang sinumang may utang at bigyan ang lahat ng tagapaglingkod ng opsiyon na maging malaya tuwing ikapitong taon. Maaari mong anyayahan ang mga estudyante na talakayin kung paano tayo pinalalaya ng Tagapagligtas mula sa kasalanan at pag-uusig ng budhi. Pagkatapos ay maaari ninyong panoorin ang “Handel’s Messiah: Debtor’s Prison” (3:35). Sa video na ito, ginamit ni Pangulong Nelson ang pagpapalaya sa mga bilanggong ito bilang simbolo ng ating katubusan sa pamamagitan ni Jesucristo.

3:35

Pagbibigay nang bukas-palad sa mga taong nangangailangan

Upang matulungan ang mga estudyante na maunawaan kung paano nila mapagpapala ang mga taong nangangailangan, maaari mo silang anyayahan na rebyuhin ang ilan sa mga pagkakataon para maglingkod sa inyong komunidad. Maaaring kabilang sa listahang ito ang:

Mga ministering assignment
Pag-aayuno at pagbibigay ng mga handog-ayuno
Pakikilahok sa mga gawaing pangkawanggawa ng Simbahan
Paggamit ng mga pagkakataong maglingkod sa lugar na matatagpuan sa JustServe app, kung mayroon nito

Matatagpuan ang mga karagdagang ideya sa Caring for Those in Need sa ChurchofJesusChrist.org.

Maaaring tukuyin ng mga estudyante ang isang lokal na pagkakataong maglingkod sa inyong lugar at magtakda ng mithiin na gumawa ng isang bagay para makapagbigay ng tulong sa mga taong nangangailangan. Kung nais ng mga estudyante na mas matuto pa tungkol sa mga gawaing pangkawanggawa ng Simbahan, maaari ninyong tingnan ang taunang ulat ng Caring for Those in Need para sa pinakahuling calendar year.

Pagtulong sa ibang nangangailangan

Ibinabahagi ng “Be the Someone” (4:18) ang kuwento ng isang babaeng refugee na nabago ang buhay dahil sa mga taong tumulong sa kanya.

4:18

Isinalaysay sa “Joseph Millett Story” (time code 2:36 hanggang 6:08) kung paano nadama ni Joseph Millett na pinagpala siya ng Panginoon nang pinagkatiwalaan siyang tumulong sa isang kapamilyang nangangailangan.

6:14

Ibinabahagi ng “That We Might Be One: The Story of the Dutch Potato Project” (time code 0:00 hanggang 8:57) ang kuwento ng mga Banal sa Netherlands na kusang-loob na nagsakripisyo ng kanilang rasyong pagkain para sa kanilang mga dating kaaway pagkatapos ng Ikalawang Digmaang Pandaigdig. Maaari mong sabihin sa mga estudyante na alamin kung paano pinagpala ng Tagapagligtas ang mga Banal na Dutch dahil sa kanilang mga pagsisikap na maglingkod na tulad ng kay Cristo.

11:57