Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Deoteronomia 15: “Sokafy tsara aminy ny tananao”

“Deoteronomia 15: -Sokafy tsara aminy ny tananao,-” Testamenta Taloha: Boky torolalana ho an’ny mpampianatra seminera (2026)

“Deoteronomia 15: -Sokafy tsara aminy ny tananao,-” Testamenta Taloha: Boky torolalana ho an’ny mpampianatra seminera

Deoteronomia 6–8; 15; 18; 29–30; 34: Lesona 60

Deoteronomia 15

“Sokafy tsara aminy ny tananao”

Ahitana ny famelana ny mpitrosa, ny famotsorana ny olona amin’ny fanandevozana, ary ny fanamaivanana ny enta-mavesatry ny mahantra ny didin’ny Mpamonjy ho an’ny Isiraelita ao amin’ny Deoteronomia. Manana andraikitra ihany koa isika ao amin’ny fanekempihavanana mba hizara malalaka ny zavatra nomen’ny Mpamonjy antsika mba hanamaivanana ny enta-mavesatry ny mahantra, amin’ny maha-vahoakany antsika. Afaka manampy ireo mpianatra hahatsapa faniriana lehibe kokoa hanaraka ny didin’ny Mpamonjy mba hizara ny zavatra nomeny azy ireo ity lesona ity.

Fanomanana ny mpianatra: Asao ny mpianatra hihira na handalina ombam-bavaka ny tonon’ilay hira “Seigneur, j’ai tant reçu” (Cantiques, no. 139) na ny Matio 25:31–40. Azon’ireo mpianatra atao ny mangataka ny Ray any An-danitra hanampy azy ireo hahita fomba hahafahan’izy ireo mizara amin’ny hafa ny zavatra nomeny azy ireo.

Sahanasa fianarana azo atao

Mpanara-dia marina an’i Jesoa Kristy

Hevero ny hampiseho sarin’i Jesoa Kristy iray izay tiana indrindra mba hanombohana ny fotoam-pianarana. Azonao soratana eny amin’ny solaitrabe ity teny nambara tsy feno avy amin’ny Filoha Nelson ity. Azonao atao ny mampahafantatra fa mety misy fomba marina maro hamenoana ilay teny nambara.

Nampianatra toy izao ny Filoha Russell M. Nelson:

Ny iray amin’ireo fomba mora indrindra hamantarana ny mpanara-dia marina an’i Jesoa Kristy dia ny . (“Ilaina ny mpampihavana,” Liahona, mey 2023, 98)

Inona avy ary ireo fomba sasantsasany ahafahantsika mameno ny teny nambaran’ny Filoha Nelson?

Rehefa avy mamaly ireo mpianatra dia asao izy ireo hizara ny antony ahatsapany fa mameno ilay teny nambara ny valin-tenin’izy ireo. Azonao atao ny mandoka ny zavatra zarain’ny mpianatra sy milaza fa marina izany. Avy eo dia asehoy feno ny teny nambaran’ny Filoha Nelson.

Ny iray amin’ireo fomba mora indrindra hamantarana ny mpanara-dia marina an’i Jesoa Kristy dia ny fangorahana asehony eo amin’ny fitondrany ny olona hafa. (“Ilaina ny mpampihavana,” Liahona, mey 2023, 98)

Nahoana izany no fomba tsara hamantarana ireo mpanara-dia marina an’i Jesoa Kristy?
Inona avy ireo fomba sasantsasany ahafahan’ny mpianatr’i Jesoa Kristy hitondra ny olona amim-pangorahana?

Azonao atao ny mizara ny sasany amin’ireto teny nambara manaraka ireto mba hanampiana ny mpianatra hanombana hoe hatraiza ny hatsaran’ny fomba hitondran’izy ireo ny hafa amin’izao fotoana izao, ary asao ny mpianatra hisaintsaina hoe mihatra amin’izy ireo toy ny ahoana ny teny nambara tsirairay.
Mampiseho ny maha-mpanara-dia an’i Jesoa Kristy ahy ny fomba fitondrako ny hafa.
Manana fangorahana ho an’ny hafa aho ary te hanao izay azoko atao mba hanampiana azy ireo.
Mahatsapa fahavononana ny hizara amin’ny hafa ny zavatra nomen’ny Tompo ahy aho.

Katsaho ny fitarihan’ny Fanahy Masina mba hanampy anao hahatsapa ny maha-zava-dehibe ny fanarahana ny didin’ny Mpamonjy amin’ny fomba hitondranao ny hafa rehefa mandalina ianao anio.

Mikarakara ireo olona sahirana

Azonao atao ny manazava alohan’ny hamakian’ny mpianatra ity andalan-tsoratra masina manaraka ity fa ao anatin’ireo toromarika nomena ao amin’ny Deoteronomia dia nandidy ny Tompo fa ho voavela ireo trosa rehetra isaky ny taona fahafito.

Vakio ny Deoteronomia 15:7–11, hitadiavana ny fomba tian’ny Tompo hitondrantsika ny olona manodidina antsika.

Inona no hitanao?

Rehefa mizara ny mpianatra dia ampio izy ireo hamantatra fahamarinana iray toy ny hoe mandidy antsika hizara ireo fitahiana nomeny antsika ny Tompo.

Mety hanampy ny hanaovana lesona ampiasana zavatra azo tsapain-tanana tsotra iray mba hanampiana ny mpianatra hahatakatra ny dikan’ny hoe “sokafy tsara [amin’ny hafa] ny tananao” (andininy 8 sy 11). Mety hampiasa lovia baolina misy serealy maina, tsaramaso, na vatomamy madinika eny aloha ao amin’ny efitrano ianao mba hanaovana izany. Manasà mpianatra roa haneho io andian-teny io. Afaka mandroaka iray tanana amin’ilay zavatra ny mpianatra iray ary mihazona izany mihevaheva eo ambonin’ireo tanan’ilay mpianatra iray hafa. Angataho ilay mpianatra mba hanokatra “kely” ny tanany, ary avy eo hanokatra izany “misimisy kokoa,” ka hamela sakafo kely hiraraka eo amin’ireo tanan’ilay mpianatra iray hafa. Farany dia asao ny mpianatra hamaky ny andininy 8 indray, ary asaivo maneho amin’ny fihetsika ilay lesona ampiasana zavatra azo tsapain-tanana hoe “sokafy tsara … ny tananao” ilay mpianatra.
Inona araka ny eritreritrao no dikan’ny hoe tokony hanokatra tsara ny tanantsika amin’ny fikarakarana ny mahantra isika?
Inona no azontsika ianarana mikasika ny Mpamonjy avy amin’ny didiny? Amin’ny fomba ahoana no hanokafany tsara ny tanany amintsika?
Amin’ny toe-javatra inona no mety hahatonga antsika ho alaim-panahy hamihina ny tanantsika amin’izay mila fanampiana?

Azonao atao ny manazava fa nandidy ihany koa ny Tompo fa isaky ny taona fahafito, izay mety ho mpanompo naniry fahafahana dia nafahana tamin’ny fanandevozana, alohan’ny hamakian’ny mpianatra ity andalan-tsoratra masina manaraka ity.

Vakio ny Deoteronomia 15:12–15, hitadiavana ny fomba nilazan’ny Tompo tamin’ireo Isiraelita ny tokony hitondran’izy ireo ny mpanompo iray izay naniry ny hafahana tamin’ny fanandevozana.

Raha miainga avy amin’ny zavatra nianaranao momba ireo Isiraelita dia tamin’ny fomba ahoana no naha-tao anatin’ny fanandevozana ara-batana sy ara-panahy azy ireo? Ahoana no mety hahatonga ny olona iray ho ao anatin’ny fanandevozana ara-panahy amin’izao fotoana izao?
Inona no mety ho fiantraikan’ny fahatsiarovana ny fomba nanafahan’ny Mpamonjy antsika tamin’ny fanandevozana ara-panahy sy ara-batana eo amin’ny fomba hitondrantsika ny hafa?

“Moa tsy mpangataka avokoa va isika?”

Asao ireo mpianatra handinika hoe mety manao ahoana ho an’ny zatovo iray izany hoe “mahantra”, tsy ara-bola fotsiny fa ara-panahy ihany koa, ara-batana, ara-pihetseham-po, ary ara-piarahamonina.

Ahoana no ahafahantsika manokatra ny tanantsika tsara amin’ny olona mila fanampiana amin’ny tsirairay amin’ireo lafin-javatra ireo?

Ampiasao ireo fitaovana fandalinana soratra masina mba hitadiavana andalan-tsoratra masina na teny nambara avy amin’ny mpitarika iray ao amin’ny Fiangonana izay afaka manampy olona iray hanaraka ny didin’ny Mpamonjy mba hikarakara ny mahantra

Raha mila fanampiana ankoatra izay ny mpianatra dia azonao atao ny manolotra andalan-tsoratra masina toy ny Lioka 6:30–38; Môzià 4:16–27; Fotopampianarana sy Fanekempihavanana 104:15–18; Mosesy 7:18. Azon’ny mpianatra atao ihany koa ny mikaroka ao amin’ny Médiathèque de l’Évangile ny teny toy ny hoe “mahantra.”

Rehefa avy nomena fotoana nikarohana soratra masina na teny nambara iray ny mpianatra dia asao izy ireo hizara ny zavatra hitany amin’ny namana iray na ao anatina vondrona kely iray. Azon’ireo mpianatra atao koa ny mifanakalo hevitra momba ireto fanontaniana manaraka ireto:

Ahoana no mety hampiharana io soratra masina na teny nambara io amin’ny fomba ikarakarantsika olona iray izay “mahantra” ara-bola, ara-panahy, ara-batana, ara-pihetseham-po, na ara-piarahamonina?
Oviana ianao no nanana traikefa hoe voatahy noho ny fahalalahan-tananan’ny hafa?

Mampitombo ny faniriantsika hizara amin’ny hafa

Vakio ny Matio 25:31–40, hitadiavana ny zavatra tsapan’ny Mpamonjy momba ny ezaka ataontsika hikarakarana ireo olona mila fanampiana.

Inona no nianaranao na tsapanao androany ka nanampy anao hampitombo ny fanirianao ho mpanara-dia marina an’i Jesoa Kristy amin’ny alalan’ny fanomezana amim-pahalalahan-tanana ny hafa?
Nahatsapa ho voatosika hanao inona ianao?

Mizarà fotoana iray izay nitahiana ny fiainanao tamin’ny alalan’ny fahalalahan-tanana nataon’ny hafa izay nikatsaka ny ho mpanara-dia marina an’i Jesoa Kristy. Azonao atao ny manasa ny mpianatra hikatsaka ny fitarihan’ny Ray any An-danitra mba hitady olona iray hotompoina sy ny fomba hanaovana izany.

Loharanom-pitaovana fanampiny

Nahoana no zava-dehibe ny mikarakara ny mahantra?

Nampahatsiahy antsika ny Filoha Jeffrey R. Holland ao amin’ny Kôlejin’ny Apôstôly Roambinifolo fa:

Tao anatin’ny tantara rehetra hatrizay ka hatramin’izao dia ny fahantrana no anisan’ny olana lehibe sy mihanaka indrindra atrehin’ny olombelona. Ny olana aterany hita mazava dia mazàna ara-batana, kanefa mety handrendrika bebe kokoa aza ny fahasimbana ara-panahy sy ara-pihetsehampo entiny. Na manao ahoana na manao ahoana dia tsy nanao antso maharitra kokoa noho ny fiantsoana antsika hiara-hanaisotra Aminy ity enta-mavesatra ity eo amin’ny olona ilay Mpanavotra lehibe. …

Amin’izao androntsika izao, raha mbola tsy feno herintaona akory ny Fiangonan’i Jesoa Kristy naverina tamin’ny laoniny dia efa nandidy ireo mpikambana tao ny Tompo mba “hikarakara ny mahantra sy ny sahirana … ka hisahana ny fanampiana azy ireny mba tsy hijaliany” [Fotopampianarana sy Fanekempihavanana 38:35]. Mariho ilay fomba fiteny ao amin’io andininy io—“mba tsy hijaliany.” Toy izany no firesaky ny Tompo rehefa hentitra mikasika ny zavatra iray. …

Mijoro ho vavolombelona aho ny amin’ireo fahagagana na ara-panahy na ara-batana izay tonga amin’ireo izay miaina ny lalàn’ny fifadian-kanina. … Ankafizo io tombontsoa masina io farafaharatsiny isam-bolana, ary aoka ianao ho malala-tanana araka izay azonao atao rehefa manolotra fanatitra amin’ny fifadian-kanina sy mandrotsaka anjara biriky natokana ho an’ny asa fanasoavana sy ny fianarana ary ny asa fitoriana. Mampanantena anareo aho fa ho malala-tanana aminareo Andriamanitra, ary ho ataon’ireo izay nahita fanampiana avy tamin’ny tananareo hoe sambatra mandrakizay ny anaranareo. …

Fantatro ihany koa anefa fa na tsy voatery ho mpiahy ny rahalahiko aza aho, dia rahalahin’ny rahalahiko, ary satria “nomena betsaka aho, dia tokony hanome ihany koa.” (“Moa tsy mpangataka avokoa va isika?.” Liahona,, nôv. 2014, 40–42)

Ahoana no ahafahantsika manamaivana ny enta-mavesatry ny hafa?

Nampianatra toy izao Rahavavy Sharon Eubank, tao amin’ny Fiadidian’ny Fikambanana Ifanampiana maneran-tany:

Raha manova ny fomba fijerintsika isika mba tsy ho resaka fanomezan-javatra loatra ny fikarakarana ny mahantra sy ny sahirana fa famaliana kosa ny hetaheta mba hifandray aman’olona, fanomezana fahafahana hanao fifanakalozan-kevitra manan-danja, ary famoronana fifandraisana mahasoa sy tsara, dia azon’ny Tompo hirahana isika. …

Tadidio fa, tahaka ny Mpamonjy, ny tenanao dia isan’ireo fanomezana tsara indrindra azonao omena ireo olona hafa mila fanampiana. (“Turning Enemies into Friends” [Forum tao amin’ny Oniversite Brigham Young, 23 jan. 2018], 6–7, speeches.byu.edu

Sahanasa fianarana fanampiny

Deoteronomia 14:22, 28–29: Mampiasa ny fanatitra ataontsika ny Tompo mba hitahiana ny mahantra

Mety hahazo tombontsoa ny mpianatra amin’ny fandinihana ireo fomba maro ampiasana ny fanatitra mba hitahiana ireo zanaky ny Ray any An-danitra. Azon’ny mpianatra atao ny mandalina ny Deoteronomia 14:22, 28–29, hitadiavana ireo fitahiana nampanantenain’ny Tompo an’ireo olona izay nanome tamin-kalalahan-tanana. Mety hanampy ny manazava fa, nodidiana ireo Isiraelita, ao anatin’ny lalàn’i Mosesy, hampiasa ny vola rehetra natolotr’izy ireo mba hitahiana ny mahantra isaky ny taona fahatelo (andininy 28–29). Atokana mba hanamaivanana ny enta-mavesatry ny mahantra isam-bolana ireo fandraisana anjara amin’ny fanatitra amin’ny fifadian-kanina, amin’izao androntsika izao.

Deoteronomia 15:1–5, 12–15: Ny fanafahan’ny Tompo

Mety hahazo tombontsoa ny mpianatra raha manana fahatakarana tsara kokoa momba ny didy nomen’ny Mpamonjy ny Isiraelita mba hanafaka izay mpitrosa sy hanome ny mpanompo rehetra ny safidy hahazo fahafahana isaky ny taona fahafito. Hevero ny hanasa ny mpianatra hifanakalo hevitra momba ny fomba hanafahan’ny Mpamonjy antsika amin’ny trosan’ny fahotana sy ny fahamelohana.

3:35

Fanomezana amin-kahalalahan-tanana ho an’ireo olona sahirana

Mba hanampiana ny mpianatra hahatakatra ny fomba ahafahan’izy ireo mitahy olona mila fanampiana dia azonao atao ny manasa azy ireo hamerina hijery ireo tranga fanararaotra sasany hanompoana eo amin’ny fiarahamonina misy anareo. Ity lisitra ity dia mety ahitana:

Asa nampiandraiketana eo amin’ny fanompoana
Fifadian-kanina sy fanaovana fanatitra amin’ny fifadian-kanina
Fandraisana anjara amin’ny ezaka fanasoavana ny mpiara-belona ataon’ny Fiangonana
Fanararaotana ireo fahafahana manompo eo an-toerana hita ao amin’ny appli JustServe, raha misy

Hita ao amin’ny Prendre soin des personnes dans le besoin ireo hevitra fanampiny, ao amin’ny ChurchofJesusChrist.org.

Azon’ny mpianatra atao ny mitady fahafahana hanompo eo amin’ny faritra misy anareo ary mametraka tanjona ny hanao zavatra mba hanamaivanana ireo olona mila fanampiana. Azonareo atao ny mamerina mijery ny tatitra isan-taona ho an’ny taona farany indrindra an’ny Mikarakara ireo izay mila fanampiana (Prendre soin des personnes dans le besoin) raha te hianatra kokoa momba ny ezaka fanasoavana ny mpiara-belona ataon’ny Fiangonana ny mpianatra.

4:18

6:14

11:57