Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Deoteronomia 6:6–25; 7:1–26; 8:1–20: “Tsarovy Jehovah Andriamanitrao”

“Deoteronomia 6:6–25; 7:1–26; 8:1–20: -Tsarovy Jehovah Andriamanitrao-”, Testamenta Taloha: Boky torolalana ho an’ny mpampianatra seminera(2026)

“Deoteronomia 6:6–25; 7:1–26; 8:1–20: -Tsarovy Jehovah Andriamanitrao-”, Testamenta Taloha: Boky torolalana ho an’ny mpampianatra seminera

Deoteronomia 6–8; 15, 18; 29–30; 34: Lesona 59

Deoteronomia 6:6–25; 7:1–26; 8:1–20

“Tsarovy Jehovah Andriamanitrao”

A young man folds his arms and prays in his home in Brazil.

Taorian’ny taona maro nitarihan’ Andriamanitra sy niarovan’ Andriamanitra azy ireo tany an-tany foana dia efa mby hanorim-ponenana tao amin’ny tany nampanantenaina ny Isiraelita. Na dia ho fiovana ankasitrahana aza ny fahatongavany ao amin’ny toerana vaovao hipetrahan’izy ireo dia mety haka fanahy azy ireo koa hanadino an’ Andriamanitra ny filaminam-piainana hisy. Tamin’ny alalan’i Mosesy no nampianaran’ny Tompo ny Isiraelita ny maha-zava-dehibe ho azy ireo ny mahatsiaro ny zavatra nataony ho azy ireo. Ity lesona ity dia natao hanampiana ny mpianatra hampitombo ny faniriany hahatsiaro ny zavatra nataon’ Andriamanitra ho azy ireo.

Fanomanana ny mpianatra: Asao ny mpianatra hieritreritra zavatra dimy izay tsapan’izy ireo fa nataon’ny Tompo ho azy ireo tamin’ny herinandro lasa. Asao izy ireo hisaintsaina ny fomba ahafahan’ny fahitana ny zavatra ataon’ny Tompo ho azy ireo mitahy ny fiainan’izy ireo.

Sahanasa fianarana azo atao

Mety ho mora ny “[manadino an’i] Jehovah”

Hevero ny hanomboka ny fotoam-pianarana amin’ny alalan’ny fifanakalozan-kevitra momba ny fakam-panahy hanadino an’ Andriamanitra rehefa milamina ny zava-drehetra eo amin’ny fiainantsika. Fomba iray hanaovana izany ny fampisehoana sary toy ireto manaraka ireto sy ny fametrahana ireto fanontaniana eto ambany ireto.

Friends at a beach socializing. They are singing, talking, walking on the beach and just having fun together.

A missionary is lying on a hospital bed. He is sleeping.

House with roof damage, tree branches, and debris as result from tornado on Jan 22, 2017 in Albany, Georgia. (horiz)

Ao amin’ny iza amin’ireto toe-javatra iainana ireto no mety hahatonga ny olona hahatsiaro sy hiantehitra kokoa amin’ Andriamanitra? Nahoana?
Nahoana no mety ho sarotra kokoa ny mahatsiaro an’ Andriamanitra sy miantehitra Aminy rehefa milamina tsara ny fiainantsika?
Nahoana no zava-dehibe ny mahatsiaro an’ Andriamanitra amin’ny toe-javatra rehetra?

Asao ny mpianatra hameno ireto fehezan-teny manaraka ireto ao amin’ny diary fandalinan’izy ireo.

Fenoy ireto fehezan-teny manaraka ireto eo am-pieritreretana manokana momba ny fifandraisanao amin’ny Ray any An-danitra sy i Jesoa Kristy:

Rehefa milamina ny zava-drehetra eo amin’ny fiainako dia manana fironana aho ny .

Rehefa misafotofoto ny zava-drehetra eo amin’ny fiainako dia manana fironana aho ny .

Amporisiho ny mpianatra hikatsaka ny Fanahy mba hanampy azy ireo hahatakatra kokoa ny lanjan’ny fahatsiarovana ny Ray any An-danitra sy i Jesoa Kristy ary ny zavatra natao’izy ireo ho azy ireo.

Mahatsiaro ny Tompo

Hevero ny hamaky na hamintina ity andiam-pehezan-teny manaraka ity mba hanampiana ny mpianatra hahatakatra ny zava-nitranga teo amin’ny fiainan’ny Isiraelita tao amin’ny bokin’ny Deoteronomia.

Rehefa avy nitarika ny zanak’ Isiraely nandritra ny 40 taona tany an-tany foana ny Tompo dia vonona ny hitondra azy ireo handalo eo amin’ny Reniranon’i Jordana ho any amin’ny tany nampanantenaina. Hatramin’ny nandaozana an’i Egypta dia niantehitra tamin’ny Tompo ny Isiraelita tamin’ny sakafo sy ny rano ary ny fiarovana. Efa lasa tafika mahery ny Isiraelita ankehitriny, ary ny tany nampanantenaina dia nanana loharanon-karena voajanahary maro izay hahatonga ny fiainan’izy ireo hilamina kokoa.

Hevero ny hanasa ny mpianatra hamaky ireto andininy manaraka ireto ary hifanakalo hevitra momba ireo fanontaniana etsy ambany miaraka amin’ny namana mpiara-miasa iray na ao anatina vondrona kely.

Vakio ny Deoteronomia 4:7–9; 6:10–13; ary ny 8:7–14, ka tadiavo ny fampitandremana miverimberina nomen’i Mosesy ny Isiraelita.

Nahoana araka ny eritreritrao no nanahy momba izany i Mosesy?
Nahoana araka ny eritreritrao no mbola ilain’ireo mpikamban’ny Fiangonan’ny Mpamonjy amin’izao fotoana izao ny torohevitr’i Mosesy?

Raha ilaina dia ampio ny mpianatra hahita fa natahotra i Mosesy fandrao hahatonga ny Isiraelita hanadino an’ Andriamanitra ny firoboroboana.

Asehoy ireto teny nambara manaraka ireto mba ho hitan’ny mpianatra rehefa mamantatra ireo fahamarinana nosoratana tamin’ny tarehin-tsoratra matevina izy ireo.

Ny Loholona Dale G. Renlund ao amin’ny Kôlejin’ny Apôstôly Roambinifolo dia nanazava ny antony itiavan’ny Ray any An-danitra antsika hahatsiaro Azy sy ny Zanany.

Tian’ny Raintsika any An-danitra hahatsiaro ny hatsaram-pony sy ny hatsaram-pon’ny Zanaka Malalany isika, tsy noho ny fanomezam-boninahitra Azy Ireo fa noho ny fiantraikan’izany fahatsiarovana izany eo amintsika. Mivelatra ny fomba fijerintsika sy ny fahatakarantsika rehefa misaintsaina ny hatsaram-panahin’Izy Ireo. Lasa manetry tena kokoa, mivavaka kokoa, mazoto kokoa isika rehefa misaintsaina ny famindram-pon’ Izy Ireo. …

Isaky ny mampiasa ireny fanomezana ireny isika, na mahazo tombontsoa avy amin’ireny, na koa mieritreritra azy ireny fotsiny, dia tokony hosaintsainintsika ny sorona, ny fahalalahan-tanana, ary ny indrafon’ireo mpanome azy ireny. Ny fanajana lalina ireo mpanome dia mitondra zavatra mihoatra noho ny hoe mahatonga antsika ho be fankasitrahana fotsiny. Afaka manova antsika ary tokony hanova antsika ny fisaintsainana momba ireo fanomezana avy amin’ Izy Ireo. (“Saintsaino ny hatsaram-po sy ny halehibeazan’ Andriamanitra”, Liahona,, mey 2020, 41–44)

Inona no manan-danja aminareo avy amin’ny teny nambaran’ny Loholona Renlund?

Raha miainga avy amin’ny zavatra manan-danja amin’izy ireo dia asao ireo mpianatra hameno ity teny nambara manaraka ity ao amin’ny diarin’izy ireo:

Amin’ny alalan’ny fahatsiarovana ny hatsaram-pon’ny Ray any An-danitra sy i Jesoa Kristy, dia…

Mety hahita fomba maro hamenoana ilay fehezan-teny ny mpianatra. Anisan’ny ohatra amin’izany ireto:

… mivelatra ny fomba fijerintsika sy ny fahatakarantsika.

… lasa manetry tena kokoa sy mivavaka ary miorina mafy kokoa isika.

… afaka miova isika.

Azonao atao ny manoratra ny valin-tenin’ny mpianatra eny amin’ny solaitrabe. Ataovy izay hahatakaran’ny mpianatra ny dikan’ireo fitahiana ireo. Fomba iray hanaovana izany ny manontany hoe manao ahoana izany mandray ireo fitahiana ireo izany. Ohatra, mety ho toy ny ahoana izany hoe mivavaka lalandava izany na miorina mafy kokoa?
Nahoana araka ny eritreritrao no mitondra fitahiana lehibe toy izany ny fahatsiarovana ny Tompo?
Tamin’ny fomba ahoana no niainanao ireo fahamarinana izay nozarain’ny Loholona Renlund?

Ny fahatsiarovana ny Tompo dia afaka manampy antsika hiatrika olana

Mba hahazoana ny tany nampanantenaina dia niatrika fanamby ny Isiraelita. Nilaza tamin’izy ireo ny Tompo fa tsy maintsy handresy firenena mahery kokoa izy ireo (Deoteronomia 7:1). Ny fahafantaran’ny Isiraelita fa mahery kokoa noho izy ireo ireo firenena dia mety ho nahatonga ny maro tamin’izy ireo hatahotra.

Mba hanampiana ny mpianatra hampifandray ny soratra masina amin’ny fiainany manokana dia asao izy ireo hitanisa eny amin’ny solaitrabe ireo toe-javatra izay iainan’izy ireo na hatrehan’izy ireo ka fantatr’izy ireo fa ilany ny fanampian’ny Tompo.

Vakio ny Deoteronomia 7:17–21; 8:2–4, 15 mba hahitana ny zavatra tian’ny Tompo hotsaroan’ny Isiraelita rehefa miatrika olana amin’ny hoavy izy ireo.

Ahoana no ahafahan’ny fahatsiarovana ny zavatra nataon’ny Tompo taloha manampy rehefa miatrika olana amin’ny hoavy?

Azonao atao ny manasa ny mpianatra hitanisa toe-javatra iainana izay nahafantarany fa nanampy azy ireo na ny hafa ny Tompo tany aloha tany. Raha nanasa ny mpianatra hanao ny fanomanana ny mpianatra ianao dia mety ho fotoana tsara hanontaniana azy ireo ny zavatra nataon’ny Tompo ho azy ireo tamin’ny herinandro lasa izany.

Angataho ny mpianatra mba hizara ny fomba ahafahan’ny fahatsiarovana ny zavatra nataon’ny Tompo taloha manampy azy ireo rehefa miatrika fahasarotana amin’izao fotoana izao sy amin’ny hoavy izy ireo.

Ny fomba ahafahantsika mahatsiaro ny Tompo

Mba hanampiana ny mpianatra hahatsapa ny lanjan’ny fahatsiarovana ny Ray any An-danitra sy i Jesoa Kristy ary hahita fomba iray hanampiana antsika hahatsiaro Azy ireo, dia hevero ny hampiseho ny horonan-tsary “Oh ! souvenez-vous, souvenez-vous” (1:28) hita ao amin’ny Médiathèque de l’Évangile. Azonao atao ny manasa ny mpianatra hitady ny zavatra nataon’ny Filoha Henry B. Eyring ao amin’ny Fiadidiana Voalohany mba hahitana ny tanan’ny Tompo sy ny vokatra azo taty aoriana.

1:28

Raha mahita ny tanan’ Andriamanitra eo amin’ny fiainanao isan’andro ianao dia inona no mety ho fiantraikan’izany eo aminao?

Ho famaranana dia hevero ny hanasa ny mpianatra hanoratra fomba iray na roa ahafahan’izy ireo mahatsiaro kokoa ny Ray any An-danitra sy i Jesoa Kristy sy ahafahany manasa ireo fitahiana tokony ho azony eo amin’ny fiainan’izy ireo.

Loharanom-pitaovana fanampiny

Inona avy ireo zavatra mahavarimbariana mety mahatonga antsika hanadino an’ Andriamanitra?

Nizara izao ny Filoha Henry B. Eyring ao amin’ny Fiadidiana Voalohany:

Ilay fanamby mba hahatsiaro dia sarotra indrindra hatrany ho an’ireo izay nahazo fitahiambe. Ireo izay mahatoky amin’ Andriamanitra dia voaro sy ampiroboroboana. Mitranga izany vokatry ny fanompoana an’ Andriamanitra sy ny fitandremana ny didiny. Saingy tonga miaraka amin’ireo fitahiana ireo ny fakam-panahy hanadino ny loharano nipoiran’izany. Mora ny manomboka mahatsapa fa ireo fitahiana dia tsy nomen’ny Andriamanitra be fitiavana iray izay hianteherantsika, fa hoe avy amin’ny herintsika ihany. …

Indrisy fa tsy ny firoboroboana irery ihany no antony hanadinoan’ny olona an’ Andriamanitra. Mety ho sarotra koa ny hahatsiaro Azy rehefa lasa misy olana eo amin’ny fiainantsika. Rehefa sahirana isika, tahaka izay mahazo ny maro, ao anatin’ny fahantrana mahatrotraka, na rehefa mandresy antsika ny fahavalontsika, na rehefa tsy sitrana ny aretina, dia afaka mandefa ny hafatra ratsiny ny fahavalon’ny fanahintsika fa tsy misy Andriamanitra, na raha misy Izy dia tsy miraharaha antsika. Dia mety ho sarotra ho an’ny Fanahy Masina ny mampatsiaro antsika ireo fitahiana nandritra ny fiainana izay nomen’ny Tompo antsika hatramin’ny fahazazantsika sy mandritra ireo fotoan-tsarotra diavintsika. “Oh ! souvenez-vous, souvenez-vous”, Liahona, nov. 2007, 67–68)

Inona koa no zavatra hafa azontsika atao mba hahatsiarovana an’ Andriamanitra?

Nampianatra ny Filoha Henry B. Eyring ao amin’ny Fiadidiana Voalohany hoe:

Ny fanalahidin’ ny … fahatsiarovana … dia ny fandraisana ny Fanahy Masina ho namana. Ny Fanahy Masina no manampy antsika hahita izay nataon’ Andriamanitra ho antsika. Ny Fanahy Masina no afaka manampy ireo izay tompointsika hahita ny zavatra nataon’ Andriamanitra ho azy ireo. (“Oh ! souvenez-vous, souvenez-vous,” Liahona, nov. 2007, 68)

I Milton Camargo ao amin’ny Fiadidian’ny Sekoly Alahady maneran-tany dia nilaza hoe:

10:58

Rehefa mandray ny fanasan’ny Tompo isika dia manambara fa “hahatsiaro Azy mandrakariva.” Manan-danja lehibe tokoa ilay teny hoe mandrakariva. Mampitombo ny herin’ny fitaoman’ny Mpamonjy ho eo amin’ny lafiny rehetra amin’ny fiainantsika izany. Tsy any am-piangonana ihany isika no mahatsiaro Azy, na mandritra ny vavaka ataontsika amin’ny maraina ihany, na rehefa misy olana ihany isika ka misy zavatra ilaintsika.

Ekena fa variana isika indraindray. Manadino isika. Very ny fifantohantsika. Fa ny fanavaozantsika ny fanekempihavanantsika dia midika fa te hahatsiaro ny Mpamonjy mandrakariva isika, fa hiezaka ny hanao izany isika mandritra ny herinandro, ary hamerina hanolo-tena sy hifantoka Aminy indray isika rehefa eo amin’ny latabatry ny fanasan’ny Tompo amin’ny herinandro manaraka. (“Mifantoha amin’i Jesoa Kristy”, Liahona, mey 2023, 65)

Ahoana no fomba nanehoan’ny Mpamonjy tamin’ny alalan’ny ohatra ny fahatsiarovana an’ Andriamanitra?

Nizara izao ny Filoha Jeffrey R. Holland ao amin’ny Kôlejin’ny Apôstôly Roambinifolo:

Nifantoka tamin’ny fampifaliana ny Rainy sy ny fankatoavana ny sitrapon’ny Rainy ny maha-izy-Azy manontolon’i Jesoa sy ny tanjony feno ary ny fahafinaretany. Toa nihevitra ny momba Azy foana Izy; toa nivavaka Taminy foana Izy. Tsy tahaka antsika, fa Izy dia tsy nila olana sy fiovan-javatra nahakivy mba hampitodika ny fanantenany any an-danitra. Efa zavatra nahazatra Azy sy niriany fatratra foana ny nitodika tany. (“Les mains d’un père”, Ensign, mey 1999, 14–15)

Sahanasa fianarana fanampiny

Fomba hafa hanombohana ny fotoam-pianarana

Ho solon’ny fampisehoana sary dia azonao atao ny manomboka ny fotoam-pianarana amin’ny fanontaniana ny mpianatra hoe: “Inona avy ireo toe-javatra misy sasantsasany izay mahatonga ny olona maro hahatsiaro fa ilain’izy ireo Andriamanitra eo amin’ny fiainany?”

Azonareo atao avy eo ny mifanakalo hevitra momba ny antony mahatonga ny olona hitodika kokoa amin’ Andriamanitra amin’ireny fotoana ireny ary tsy dia hitodika any Aminy amin’ny fotoana hafa.

Fomba iray nikatsahan’ny Isiraelita hahatsiaro an’ Andriamanitra

Mba hanatevenana ny fifanakalozan-kevitra momba ny fomba hahatsiarovana ny Tompo dia azonao atao izao manaraka izao.

Asehoy ireto sary manaraka ireto. Angataho avy eo ny mpianatra hamaky ny Deoteronomia 6:5–9 ka hitady ny zavatra nandidian’ny Tompo ny Isiraelita mba hataony. Azonao atao avy eo ny mamaky na mamintina ireto andiam-pehezan-teny manaraka ireto amin’ny teninao manokana.

Araka ny torolalan’ny Tompo ao amin’ireo andininy ireo, ny Isiraelita dia tokony hahatsiaro mandrakariva ny tenin’ny Tompo ao an-tsainy sy ao am-pony ary ao an-tokantranony. Ny fiarahamonina Jiosy dia namolavola fomba amam-panao nifantoka tamin’izany. Ny fomba amam-panao iray dia ahitana ny fanoratana andalan-tsoratra masina tamin’ny horonan-taratasy napetraka tao anaty boaty kely vita amin’ny hoditra antsoina hoe tefillin, na fylakitera. Ireo boaty ireo dia fatorana hipetraka eo amin’ny handrina sy afatotra manodidina ny atin-tsandrin-tanana izay tsy fampiasa firy, miaraka amin’ilay boaty mitodika any amin’ny fo.

Ny fomba amam-panao iray hafa dia ahitana ny fanoratana andinin-tsoratra masina maromaro amin’ny horonan-taratasy napetraka tao amin’ny fitoeran-javatra kely iray antsoina hoe mezuzah, izay mihantona eo amin’ny ilany havanan’ny tolam-baravaran’ny trano iray. Maro ireo olona ao amin’ny finoana Jiosy no mbola manonona soratra masina (izay ahitana ny Deoteronomia 6:4–5), izay fantatra amin’ny hoe Shema, isan’andro ho isan’ny vavaka atao isa-kariva sy isa-maraina.

Ahoana no ahafahantsika mahatsiaro ny tenin’ny Tompo ao an-tokantranontsika?
Ahoana no ahafahantsika mihazona ny teniny ao an-tsaintsika sy ao am-pontsika rehefa any ivelan’ny tokantranontsika?
Ahoana no ahafahan’ny ezaka ataonao mba hahatsiaro tsy tapaka ny Tompo hisy fiantraikany eo amin’ny fihetsikao?

Rafi-tantara azo atao mba hampitomboana ny fahatakarana

Azonao atao ny mampiasa ity rafi-tantara manaraka ity na rafi-tantara iray izay noforoninao mba hanampiana ny mpianatra hahatakatra kokoa ireo fomba hahatsiarovana ny hatsaram-pon’ny Ray any An-danitra sy i Jesoa Kristy. Azon’ny mpianatra atao ny miasa samirery, na tsiroaroa na anatina vondrona kely maromaro mba hamaliana ireo fanontaniana.

Tia mandeha miangona i Josh ny alahady miaraka amin’ny fianakaviany. Saingy tena tototra amin’ny fianarana sy ny asa ary ny fanatanjahantena izy ka matetika izy no mamakivaky ny herinandro sisa ka tsy mieritreritra ny Ray any An-danitra na i Jesoa Kristy amin’ny nahim-pony. Mahalana izy no mahatsikaritra ireo fitahiana nomen’ Izy Ireo azy.

Ahoana no ahafahan’ny fahatsiarovana ny Ray any An-danitra sy i Jesoa Kristy manampy an’i Josh rehefa miatrika ny fiainany izay tena tototra izy?
Inona no manampy anao hahatsiaro ny Ray any An-danitra sy i Jesoa Kristy ka tianao hatoro an’i Josh?