Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Nomery 21: Mitodika amin’ny Mpamonjy amim-pinoana

“Nomery 21: Mitodika amin’ny Mpamonjy amim-pinoana,” Testamenta Taloha: Boky torolalana ho an’ny mpampianatra seminera (2026)

“Nomery 21: Mitodika amin’ny Mpamonjy amim-pinoana,” Testamenta Taloha: Boky torolalana ho an’ny mpampianatra seminera

Nomery 11–14; 20–24; 27: Lesona 57

Nomery 21

Mitodika amin’ny Mpamonjy amim-pinoana

The Old Testament prophet Moses pointing to a staff with a brass serpent attached to the top. The painting illustrates the event wherein Moses promised the Israelites that they would be saved from the fiery serpents if they looked at the brass serpent.

Rehefa nanohy namakivaky ny tany foana ny zanak’ Isiraely dia nimonomonona nitsikera ny Tompo izy ireo. Nalefany teo anivon’izy ireo ny menaran’afo ho valin’izany. Nanome torolalana an’i Mosesy ny Tompo avy eo, mba hametaka menarana varahina iray tamin’ny hazo lava iray ho sary ohatra maneho ny Mpamonjy, ary nampanantena fa ho sitrana ireo rehetra izay mijery izany. Afaka manampy ny mpianatra hitodika amin’i Jesoa Kristy amim-pinoana ity lesona ity.

Fanomanana ny mpianatra: Asao ny mpianatra hamaky ny Nomery 21:7–9 sy ny Almà 33:18–21, ka hitady ny zavatra azontsika ianarana avy amin’io tantara io ao amin’ny Testamenta Taloha. Amporisiho ny mpianatra mba hiomana hizara ny zavatra nianarany.

Sahanasa fianarana azo atao

Kaikitra bibilava

Hevero ny hanomboka ny kilasy amin’ny alalan’ny fampisehoana sarina bibilava iray.

Araka ny hevitrao dia mety ho toy ny ahoana izany hoe voakaikitry ny bibilava misy poizina izany?

Ampio ny mpianatra hahatakatra fa ny hoe voakaikitry ny bibilava misy poizina dia mety hiteraka fivontosana, fibontsinan-drano, fanaintainana mafy ary aretina. Mety ho mahafaty mihitsy aza izany raha tena ratsy ny vokatry ny kaikitra.
Inona avy ireo fihetsika samihafa mety hasehon’ny olona rehefa voakaikitra?

Mety ho valiny amin’izany ny hoe: mikoropaka, mikatsaka ny hamaly faty ilay bibilava sy mamono azy, miandry mba hijery izay ho ataon’ny vatany noho ilay kaikitra, na miantso vonjy avy hatrany.

Soraty eo akaikin’ilay bibilava ny hoe: fahotana. Asao ny mpianatra hampitaha ny fomba mety hitovian’ny fahotana sy ireo vokany amin’ny kaikitry ny bibilava iray.
Inona avy ireo fihetsika mety hasehon’ny olona rehefa avy nanota?

Ny sasany amin’ireo valin-teny mety ho azo dia ny fanamarinan-tena amin’ireo zavatra ataon’izy ireo, ny fiezahana mafy hampangina ireo fihetseham-pony, ny fanafenana ny zavatra nataony noho ny fahamenarana na ny fahafaham-baraka, ny fiandrasana hahita voka-dratsy hafa izay hozakain’izy ireo, na ny fitodihana amin’ny Tompo mba hahazo fanampiana.

Makà fotoana kely hisaintsainana izay ho fihetsikao. Mitodika amin’ny Tompo ve ianao mba hahazo fanampiana? Nahoana no eny, na nahoana no tsia? Katsaho ny fitarihan’ny Fanahy Masina mba hanampy anao hitodika amin’ny Mpamonjy mba hahazo fanampiana eo amin’ny fiainanao, rehefa mandalina ity lesona ity ianao. Afaka mitady fanampiana ihany koa ianao amin’ireo fanontaniana na olana anananao momba ny fitodihana any amin’ny Mpamonjy.

Ny menaran’afo

Nimonomonona tamin’ny Tompo ny zanak’ Isiraely rehefa nandeha namakivaky ny tany foana izy ireo, toy izay efa nataony im-betsaka teo aloha. Vakio ireto andinin-tsoratra masina manaraka ireto ary valio ireo fanontaniana miaraka amin’izany.

Hevero ny hampiseho na hanoratra ireto andinin-tsoratra masina sy fanontaniana manaraka ireto eny amin’ny solaitrabe: Azonao atao ny manasa ny mpianatra hiara-handalina azy ireo ao anatina vondrona kely vitsivitsy, na koa asao ny mpianatra handalina samirery ireo andinin-tsoratra masina ireo, ary avy eo dia hizara ireo valin-teniny amin’ny namana iray na vondrona kely iray mba hanamafisana ireo valin-tenin’izy ireo. Hazavao raha ilaina, fa tsy navela hamakivaky ny tanin’i Edoma ny zanak’ Isiraely, fa tsy maintsy nandeha nanodidina izany (jereo ny Nomery 21:4), midika izany fa ho lava sy ho sarotra kokoa ny dian’izy ireo.

Nomery 21:4–5. Nahoana ny zanak’ Isiraely no niteny nanohitra ny Tompo sy i Mosesy?

Nomery 21:6. Inona no nalefan’ny Tompo ho valin’izany?

Nomery 21:7–9. Inona no nasain’ny Tompo nataon’i Mosesy sy ny zanak’ Isiraely mba ho sitrana?

1 Nefia 17:41; Almà 33:18–21. Nahoana no tsy nijery ny zanak’Isiraely sasany?

Hevero ny hanasa ny mpianatra hanoratra ireo andinin-tsoratra masina ao amin’ny Bokin’i Môrmôna mba ho soratra masina mifandray amin’ny Nomery 21:9..

Inona no nanan-danja taminao manokana avy amin’io tantara io?
Ahoana no mety hitovizantsika amin’ny zanak’ Isiraely indraindray?

Sary ohatra iray maneho ny Mpamonjy

Nanampy antsika hahatakatra ny tandindona nasehon’ilay menarana varahina teo amin’ilay hazo lava ny Mpamonjy nandritra ny asa fanompoany teto an-tany. Vakio ny Jaona 3:14–16, hitadiavana ny valiny. (Azonao atao ny manisy marika izany ho soratra masina mifandray amin’ny Nomery 21:7–9.)

Hevero ny hampiseho ireto sary manaraka ireto rehefa avy mizara ny zavatra hitany ny mpianatra.

Inona no azontsika ianarana avy amin’ireo tantara ireo?

Mety hizara fitsipika mitovitovy amin’ity manaraka ity ny mpianatra: Rehefa mitodika amin’ny Mpamonjy amim-pinoana isika, dia hanasitrana antsika ara-panahy Izy. Hevero ny hanoratra io fitsipika io eny amin’ny solaitrabe.

Asao ny mpianatra hamaky ireto teny nambara manaraka ireto mba hahatakarana tsara kokoa io fitsipika io.

Nampianatra toy izao ny Filoha Russell M. Nelson:

Miangavy anareo aho mba hanatona Azy mba hahafahany manasitrana anareo! Hanasitrana anareo amin’ny fahotana Izy rehefa mibebaka ianareo. Hanasitrana anareo amin’ny alahelo sy ny tahotra Izy. Hanasitrana anareo amin’ireo fahoriana iainana mandritra ity fiainana ity Izy. (“I Jesoa Kristy mandrakariva no valiny,” Liahona, mey 2023, 127)

Inona no zavatra tianao na nianaranao avy amin’io teny nambara io?
Ahoana no mety hitovian’ny fahasitranana amin’ny poizina amin’ny fahasitranana noho ny Mpamonjy amin’ireo vokatry ny fahotana?

Mitodika amin’ny Mpamonjy

Asao ny mpianatra haka minitra iray hijerena ny sarin’ny Mpamonjy teo amin’ny hazofijaliana ary hisaintsaina ireo fomba ahafahantsika mitodika any Aminy amim-pinoana ankehitriny. Asao izy ireo avy eo hanao toy izao manaraka izao anatina vondrona kely vitsivitsy.

Mitanisà fomba maromaro ahafahantsika mitodika amin’ny Mpamonjy amim-pinoana amin’izao fotoana izao.
Ifanakalozy hevitra ireo antony mety hanahirana antsika amin’ny fanaovana ireo zavatra ireo. (Azonareo atao ny mifanakalo hevitra momba ny antony mahatonga antsika, tahaka ny zanak’ Isiraely, mety halaim-panahy hino ireo fomba hitodihana any amin’ny Mpamonjy ireo ho tsotra loatra na tsy hanampy antsika.)
Ifanakalozy hevitra ny antony maha-zavatra mendrika ny ho atao ny fitodihana any amin’ny Mpamonjy na dia eo aza izany tolona rehetra izany. (Mety ho tafiditra ao anatin’izany ny fizarana ireo ohatra ao amin’ny soratra masina mikasika ireo fanasitranana nataon’ny Mpamonjy, ireo fahatsapanao na ny fijoroana ho vavolombelona anananao momba ny fitodihana amin’ny Mpamonjy, na ireo zavatra niainanao rehefa nitodika tamin’ny Mpamonjy tamim-pinoana, sy ny zavatra nitranga.)

Ny zavatra inoanao

Katsaho ny fanampian’ny Fanahy Masina rehefa manoratra fomba iray izay inoanao fa tian’ny Tompo hitodihanao Aminy ianao, na anohizanao mitodika Aminy eo amin’ny fiainanao. Azonao atao ihany koa ny manoratra hoe nahoana no mety ho sarotra izany kanefa mbola mendrika ny hatao ihany.

Loharanom-pitaovana fanampiny

Inona no azontsika atao mba hikatsahana ny fanasitranan’ny Mpamonjy?

Nampianatra toy izao ny Filoha Russell M. Nelson:

Rehefa tonga eo amintsika ireo fitsapana tena mavaivay, dia tonga izay ny fotoana hampitomboantsika ny finoantsika an’ Andriamanitra, sy hiasana mafy, ary hanompoana ny hafa. Dia hanasitrana ny fontsika maratra Izy. Hanome antsika fiadanana sy fiononana ho an’ny tena manokana Izy. Tsy hisy hamotika ireo fanomezana lehibe ireo, na dia ny fahafatesana aza.” (“Jésus-Christ: le Maître-guérisseur,” Liahona, Nov. 2005, 87.)

Nampianatra toy izao Rahavavy Cristina B. Franco, Mpanolotsaina Faharoa ao amin’ny Fiadidian’ny Kilonga maneran-tany:

… tsy mitovy amin’io pianô io ve isika rehetra, tresaka kely, triatra, ary simba, dia mahatsapa fa tsy ho tafaverina amin’ny laoniny intsony isika? Kanefa rehefa manatona an’i Jesoa Kristy isika amin’ny alalan’ny fampiharana ny finoana Azy, sy ny fibebahana, ary ny fanaovana sy ny fitandremana fanekempihavanana dia afaka ny hositranina izay zavatra mety ho simba eny amintsika na inona na inona anton’izany. Izany dingana manasa ny herin’ny fanasitranan’ny Mpamonjy eo amin’ny fiainantsika izany dia tsy vitan’ny hoe mamerina amin’ny laoniny fotsiny ihany fa mahatonga antsika ho tsara kokoa noho ny teo aloha. Fantatro fa amin’ny alalan’ny Mpamonjy antsika isika dia afaka ny ho amboarina, hositranina, sy hahatontosa ny tanjontsika tahaka ilay pianô vaovao mamoaka feo kanto. (“Ny hery manasitran’i Jesoa Kristy,” Liahona, nôv. 2020, 60)

Inona avy ireo ohatra sasantsasany amin’ireo zavatra madinika sy tsotra azontsika atao mba hanatonana kokoa ny Mpamonjy?

Nisaintsaina ny zavatra nasaina nataon’ny zanak’ Isiraely mba ho sitrana ny Filoha Dallin H. Oaks ao amin’ny Fiadidiana Voalohany ary nilaza hoe: “Zava-madinika toy izany tokoa moa dia niteraka vokany mahagaga tahaka izany!” Nizara asa kely sy tsotra vitsivitsy ihany koa izy izay hitondra antsika hanakaiky kokoa ny Mpamonjy antsika:

17:36

Eritrereto ny fandalinana soratra masina izay nampianarina fa tokony hampidirintsika ao anatin’ny fiainantsika isan’andro. Na eritrereto ny vavaka ataon’ny tena manokana na ny vavaka ataon’ny mpianakavy amim-pandohalihana izay fomba fanao mahazatra ho an’ny Olomasin’ny Andro Farany mahatoky. Eritrereto ny fanatrehana seminera ho an’ny zatovo na ny fanatrehana ny kilasin’ny institiota ho an’ny tanora tokan-tena sy mpivady vao herotrerony. Na dia toa madinika sy tsotra aza ireo fomba fanao tsirairay ireo dia miteraka fivoarana sy fitomboana ara-panahy mahery vaika rehefa mandeha ny fotoana. Miseho izany satria ny tsirairay amin’ireo zava-madinika sy tsotra ireo dia manasa ny Fanahy Masina ho namana, ilay Mpijoro ho vavolombelona izay manazava antsika sy mitarika antsika any amin’ny fahamarinana, araka izay nohazavain’ny Filoha Eyring.

Ny loharano iray hafa hahazoana fivoarana ara-panahy dia ny fanohizana ny fampiharana ny fibebahana na dia amin’ny fandikan-dalàna izay toa bitika aza. Afaka manampy antsika hahafantatra ny fomba tsy nampahomby antsika sy ny fomba ahafahantsika manao zavatra amin’ny fomba tsaratsara kokoa ny tomban’ezaka avy amin’ny fitaomam-panahy ataontsika manokana. Tokony hialoha ny fandraisantsika ny fanasan’ny Tompo isan-kerinandro ny fibebahana toy izany. (“Zava-madinika sy tsotra,” Liahona,, mey 2018, 90)

Sahanasa fianarana fanampiny

Fanombohana amin’ny fomba hafa

Hevero ny hijerena horonan-tsary iray momba ny Mpamonjy manasitrana ny hafa, toy ny “Jésus-Christ est ému de compassion pour le peuple et guérit les malades” manomboka eo amin’ny minitra faha-1:43 hatramin’ny faha-6:19.

6:32

Raha teto ny Mpamonjy androany, iza no mety ho tianao entina eo Aminy hahazo fanasitranana? Nahoana?
Ankoatra ireo aretina, dia ahoana koa no fomba hafa azon’ny Mpamonjy hanasitranana?

Ny soratra masina dia mitantara im-betsaka ny nanasitranan’ny Mpamonjy ny olona tamin’ny aretina, ny fahajambana, ny habokana, ary ireo izay “ory na manao ahoana na manao ahoana izany” (3 Nefia 17:9). Nampianatra ihany koa ny Mpamonjy fa maneho sy manambara ny zavatra azony atao ho an’ny olona eo amin’ny ara-panahy ireo fanasitranany (jereo ny Marka 2:2–11). Saintsaino hoe inona no tadiavinao manokana amin’ny fanampian’ny Tompo ary koa raha manana finoana ianao fa afaka manasitrana anao Izy.

Ireo sary ohatra maneho ny Mpamonjy

Raha ilaina ny mifantoka amina sary ohatra hafa maneho ny Mpamonjy ao amin’ity toko ity dia soraty eny amin’ny solaitrabe ny teny hoe: zanak’ondry, vatolampy, ary rano.

Inona no iraisan’ireo zavatra ireo? (Nampiasaina avokoa izy ireo mba hanehoana an’ohatra ny Mpamonjy.)
Ahoana no mety hanehoan’izy ireo an’ohatra ny Mpamonjy?

Nandritra ny 40 taona naha-tany an-tany foana ny Isiraelita dia nampiasa zavatra sy traikefa maro samihafa ny Tompo mba hampianarana azy ireo momba ny heriny hanasitranana sy hamatsiana ireo olona izay mitady fanampiana sy fitarihana Aminy. Nimonomonona tamin’i Mosesy ny vahoaka, tamin’ny fotoana roa samihafa, rehefa tsy nisy rano tany an-tany foana (jereo ny Eksodosy 17:1–4; Nomery 20:1–5).

Asao ny antsasaky ny kilasy hamaky ny Eksodosy 17:5–6 ary ny antsasany iray hafa hamaky ny Nomery 20:7–8, ka hieritreritra ny fomba ahafahan’ireo zava-nitranga ireo mampahatsiahy azy ireo ara-tandindona an’i Jesoa Kristy. Ampahatsiahivo azy ireo raha ilaina fa noharina tamin’ny vatolampy na vato iray ny Mpamonjy tamin’ireo fotoana maro samihafa (jereo ny Helamàna 5:12; Mosesy 7:53).

Tamin’ny fomba ahoana no nampahatsiahivan’ireo zava-nitranga avy amin’ireo andinin-tsoratra masina ireo anao ny Mpamonjy? (Raha mila fanampiana ianao dia hevero ny handalina ny Mosesy 7:53 sy ny Jaona 4:13–14.)

Miantehitra amin’ Andriamanitra ihany koa isika mba hamatsy izay ilaintsika tahaka ny nianteheran’ny Isiraelita tamin’ Andriamanitra mba hamatsy rano tany an-tany foana. Saintsaino ny fomba hanampian’ireo sary ohatra ireo anao hahafantatra kokoa ny Tompo.