Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Nomery 11–14: Misafidy ny finoana toy izay ny tahotra

“Nomery 11–14: Misafidy ny finoana toy izay ny tahotra,” Testamenta Taloha: Boky torolalana ho an’ny mpampianatra seminera (2026)

“Nomery 11–14: Misafidy ny finoana toy izay ny tahotra,” Testamenta Taloha: Boky torolalana ho an’ny mpampianatra seminera

Nomery 11–14; 20–24; 27: Lesona 56

Nomery 11–14

Misafidy ny finoana toy izay ny tahotra

The spies have returned from exploring Canaan and are giving their report to Moses. They showed him beautiful fruit. The land is rich with milk and honey. The people are strong and their cities are large and walled. Three spies are standing next to Moses and one is kneeling on the ground next to a lot of fruit. Most of the spies discouraged the people from going into Canaan except for Joshua and Caleb who had faith that they could conquer the Canaanites.

Mety ho sarotra indraindray ny mandroso amim-pinoana toy izay amin’ny tahotra. Niatrika izany fanamby izany ny zanak’ Isiraely. Nitarika ny Isiraelita ho any amin’ny sisin-tanin’ny tany nampanantenaina ny Tompo rehefa avy nandeha tany an-tany foana izy ireo. Nanome toromarika an’i Mosesy ny Tompo mba handefa lehilahy 12 any amin’ilay tany ary hangataka azy ireo hitondra tatitra momba ilay tany sy ireo mponina eo aminy. Ny maro tamin’ireo 12 dia natahotra rehefa nieritreritra ny fomba handresena ny tany nampanantenaina, saingy nanana finoana i Kaleba sy i Josoa fa hanampy azy ireo ny Tompo. Afaka manampy ny mpianatra hieritreritra ireo olana amin’ny finoana lehibe kokoa an’i Jesoa Kristy ity lesona ity.

Fanomanana ny mpianatra: Asao ny mpianatra hieritreritra ireo sakana na olana atrehin’izy ireo amin’izao fotoana izao. Azon’izy ireo atao ny misaintsaina ny fomba hiatrehan’izy ireo azy ireny amin’ny tahotra na amim-pinoana ny Tompo.

Sahanasa fianarana azo atao

Miatrika ireo fanamby amim-pinoana

Hevero ny hanoratra lohateny roa eo amin’ny sisiny roa mifanohitra eo amin’ny solaitrabe: Finoana sy Tahotra. Asehoy tsirairay ireto zavatra niainana manaraka ireto, na ohatra hafa mifandraika amin’izany. Asao ny mpianatra hisaintsaina raha toa ka mijery ny ohatra tsirairay amim-pinoana an’i Jesoa Kristy na amin’ny tahotra izy ireo.

Fanadinana lehibe na tetikasa any an-tsekoly

Fibebahana

Ny hoavy

Fizarana ny filazantsara

Ahoana no ahafahantsika milaza fa miatrika toe-javatra iray amim-pinoana an’i Jesoa Kristy na amin’ny tahotra isika?
Inona no fahasamihafana misy raha miatrika toe-javatra iray amim-pinoana na amin’ny tahotra isika?
Nahoana no mety ho sarotra indraindray ny miatrika toe-javatra tahaka ireo amin’ny finoana an’i Jesoa Kristy?

Manohiza misaintsaina ireo fanontaniana ireo rehefa mandalina ianao anio. Asao handray anjara amin’ny fianaranao ny Fanahy Masina rehefa mieritreritra ny fomba hijerena ireo olanao amim-pinoana lehibe kokoa an’i Jesoa Kristy ianao.

Ny tatitr’ireo lehilahy mpisafo tany momba an’i Kanana

Rehefa avy nandeha tany an-tany foana ny zanak’ Isiraely, dia nentin’ny Tompo tany amin’ny sisin-tanin’ny tany nampanantenaina izy ireo. Ny tany Kanana izany. Nilaza tamin’izy ireo ny Tompo fa mila mandresy ilay tany izy ireo. Nanome toromarika an’i Mosesy ny Tompo mba hisafidy mpikambana iray, avy amin’ny tsirairay amin’ny foko roa ambin’ny folo. Nodidiana ireo lehilahy ireo mba hizaha ny tany ary hiverina hanao tatitra momba ny zavatra hitan’izy ireo. Rehefa afaka 40 andro nanadihadiana momba ilay tany dia niverina nanao tatitra ireo lehilahy 12 niaraka tamin’ny voankazo avy tany amin’ilay tany (jereo ny Nomery 13:1–25).

Hevero ny hizara telo ny kilasy. Asao ny vondrona tsirairay hamaky ny iray amin’ireto tantara manaraka ireto. Angataho ny mpianatra haka sary an-tsaina hoe misolo tena ireo olona izay novakiany ny momba azy izy ireo. Afaka manomana ny valin’ireo fanontaniana manaraka eto izy ireo. Afaka mizara ny valin-teniny ny vondrona tsirairay avy eo, na koa azonao atao ny manasa mpianatra iray na roa ho eny aloha ary hampiasa ireo fanontaniana mba hifampitafana amin’ny vondrona tsirairay.

1. Nomery 13:26–29, 31–33: Ny tatitr’ireo lehilahy mpisafo-tany miisa 10 momba ilay tany sy ny vahoaka

Ahoana no hamaritanareo ny tany Kanana sy ireo olona hitanareo?
Inona no fahatsapana nanananareo rehefa nahita ny vahoaka ianareo? Nahoana?

2. Nomery 14:1–4: Ny nasetrin’ny Isiraelita ny tatitr’ireo lehilahy mpisafo tany miisa 10

Inona no fahatsapana nanananareo rehefa nihaino ny tatitr’ireo lehilahy mpisafo tany 10 ianareo? Nahoana?
Inona no natoronareo mba hataon’ny olona ho solon’ny fanarahana an’i Mosesy tany amin’ny tany nampanantenaina? Nahoana?

3. Nomery 13:30; 14:6–9: ny tatitr’i Josoa sy Kaleba mikasika ilay tany sy ny vahoaka

Ahoana no hamaritanareo ny tany Kanana sy ireo olona hitanareo?
Resy lahatra ireo mpisafo-tany hafa fa tsy afaka mandresy ny vahoakan’i Kanana i Isiraely. Nahoana ianareo no tena mahazo antoka fa vitan’ny Isiraely izany?

Rehefa avy namaly ny fanontanian’izy ireo ny vondrona tsirairay dia isaory izy ireo noho ny fandraisan’izy ireo anjara.

Avereno jerena ny Nomery 13:30; 14:8–9, hitadiavana ireo teny sy andian-teny izay maneho ny finoan’i Kaleba sy i Josoa ny Tompo.

Inona no lesona ianaranao avy amin’i Kaleba sy i Josoa?

Ao anatin’ireo valin-teny isan-karazany mety homen’ireo mpianatra dia ampio izy ireo hamantatra ilay fahamarinana hoe: afaka manampy antsika hiatrika ireo olantsika amim-pinoana fa tsy amin’ny tahotra ny fitokiana amin’ny Tompo.
Inona araka ny eritreritrao no dikan’ny hoe manao asa am-pinoana ny Ray any An-danitra sy i Jesoa Kristy rehefa miatrika olana isika?

Finoana ampitahaina amin’ny tahotra

Nanazava zavatra azontsika ianarana avy amin’ny zavatra niainan’ny zanak’ Isiraely ao amin’ny Nomery 13–14 ny Loholona Kevin R. Duncan ao amin’ny Fitopololahy:

Tahaka ny zanak’ Isiraely mihitsy, dia miatrika ireo sakana mahavalalanina isika. … Tsy ratsy ho antsika ny mamantatra ireo sakana ireo. Saingy zava-dehibe ny hiatrehantsika izany amim-pinoana. …

… Fahafahana iray hisafidy, tahaka ny nataon’i Josoa sy i Kaleba, mba hiantehitra amin’ny Tompo ny fanamby tsirairay sy ny sakana tsirairay atrehantsika. Ny hoe: “Fa aza miodina … , ary aza matahotra” (Nomery 14:9) dia torohevitra tsara ho an’ny zanak’ Isiraely, ary mbola torohevitra tsara ho antsika tsirairay avy izany ankehitriny. (“Ne soyez pas rebelles et ne craignez pas,” Liahona, Avr. 2022, 47)

Inona avy ireo zavatra niainan’ny zanak’ Isiraely teo aloha niaraka tamin’ny Tompo? Ahoana no ahafahan’ny fahatsiarovana ireo zavatra niainana ireo hampitombo ny finoan’izy ireo Azy?
Nahoana araka ny eritreritrao no manadino ny zavatra fantany momba ny Tompo ny olona sasany rehefa miatrika olana?

Nanohy nimonomonona ny Isiraelita na dia teo aza ireo fahagagana maro natolotry ny Tompo, sy ny tenivavolombelon’i Kaleba sy i Josoa. Nanambara ny Tompo, vokatr’izany, fa tsy ho azo avela hiditra ny tany nampanantenaina ny maro an’isa tamin’ireo olon-dehibe Isiraelita noho ny fimonomononana sy ny ahiahin’izy ireo (jereo ny Nomery 14:26–39).

Vakio ny Nomery 14:24, 30, hitadiavana ny fomba nitahian’ny Tompo an’i Kaleba sy i Josoa satria nametraka ny finoan’izy ireo Taminy izy ireo.

Hevero ny hampiseho ity tabilao manaraka ity eny amin’ny solaitrabe mba hanampiana ireo mpianatra hiatrika ireo fanambin’izy ireo amim-pinoana. Asao izy ireo handika ilay tabilao ao amin’ny diary fandalinan’izy ireo.

Olana:

Teny ambara mifono tahotra	Teny ambara mifono finoana
Teny ambara mifono tahotra	Teny ambara mifono finoana

Asao ny mpianatra hizara ireo fanamby amin’izao andro maoderina izao izay mety atrehan’izy ireo sy ireo fomba ahafahan’izy ireo mamaly amin’ny tahotra na amin’ny finoana.

Azonao atao ny manome ohatra toy ny hoe:

Fanamby: Miteny eny imasom-bahoaka

Teny ambara mifono tahotra: “Tsy afaka miteny eo anatrehan’ny olon-kafa aho satria mampifangaro ny teniko amin-tebiteby foana.”

Teny ambara mifono finoana: “Sarotra ho ahy ny miteny eo imasom-bahoaka, saingy mino aho fa afaka manome herim-po sy hery ho ahy hanaovana izany ny Tompo.”

Azon’ny mpianatra atao ny mampiasa ireo toe-javatra niseho tany am-piandohan’ny lesona.

Hevero ny hanome tapaka taratasy ho an’ireo mpianatra ho an’ity sahanasa manaraka ity.

Saintsaino ny fanamby iray atrehanao, na mety hatrehanao eo amin’ny fiainanao. Soraty ao amin’ny tabilaonao ilay fanamby miaraka amin’ny teny ambara mifono tahotra izay zavatra mety ho eritreretinao na inoanao momba izany fanamby izany.

Diniho ny zavatra nampianarin’ny Fanahy Masina anao momba ny Ray any An-danitra sy i Jesoa Kristy avy ao amin’ny soratra masina, ny tenin’ireo mpaminany, ary ireo zavatra ara-panahy niainanao manokana. Eritrereto ny fomba ahafahan’io fahalalana io manampy anao hiatrika ireo fanamby miaraka amin’ny Tompo. Manorata teny ambara mifono finoana iray ao amin’ny diarinao avy eo. Azonao atao ihany koa ny manoratra ilay teny ambara mifono finoana amin’ny tapaka taratasy iray izay azonao entina mody dia apetraho amin’ny toerana izay ho hitanao matetika izany. Na alaovy sary amin’ny findainao ilay teny ambara. Azonao atao mihitsy aza ny manao ilay sary ho lafi-tsarinao amin’ny findainao.

Hevero ny hanasa mpianatra vitsivitsy terem-panahy hizara ireo eritreriny sy ireo fahatsapany momba ny Ray any An-danitra sy i Jesoa Kristy. Afaka mizara ny fomba anampian’ny Tompo azy ireo hiatrika olana amim-pinoana izy ireo. Mijoroa ho vavolombelona fa hitahy antsika ny Tompo rehefa miatrika amim-pahatokiana ireo fanambintsika isika.

Loharanom-pitaovana fanampiny

Ahoana no ahafahantsika misafidy ny finoana toy izay ny tahotra?

Nanazava toy izao ny Filoha Dieter F. Uchtdorf tao amin’ny Fiadidiana Voalohany tamin’izany:

19:11

Ho solon’ny fifantohana amin’ny hasarotry ny olana mianjady amintsika, dia tsy tsaratsara kokoa ve ny mifantoka amin’ny halehibe sy hatsarana tsy manam-petra ary ny hery tanteraky ny Andriamanitsika, ny matoky Azy ary ny miomana amin’ny fo falifaly amin’ny fiverenan’i Jesoa Kristy?

Amin’ny maha-vahoakan’ny fanekempihavanany antsika dia tsy tokony ho raiki-tahotra isika noho ny mety ho fisian’ny zavatra ratsy mitranga. Afaka mandroso amim-pinoana sy amin’ny risi-po ary amim-pahavononana kosa isika, ary matoky an’ Andriamanitra eo am-piatrehantsika ireo olana sy eo am-pisokafan’ny lalana eo alohantsika. (“Ny fitiavana tonga lafatra mandroaka ny tahotra,” Liahona, mey 2017, 106)

Nahoana ireo lehilahy mpisafo tany 10 no naneho fihetsika tahaka izay nasehony?

Nizara izao ny Loholona Kevin R. Duncan ao amin’ny Fitopololahy:

Ireo lehilahy mpisafo tany roa ambin’ny folo dia samy nahita daholo tombontsoa ho azo mitovy sy sakana mitovy, tamin’ny fanatanterahana ny didin’ny Tompo mba honina ao Kanana. Na izany aza, ny fihetsik’izy ireo dia maneho fa ireo mpikambana folo tao amin’ilay vondrona dia tsy nahita afa-tsy ireo olana ihany, fa ireo roa hafa kosa dia nametraka ny fitokiany tamin’ Andriamanitra.

Tsy nahita afa-tsy ireo fahasarotana teo anoloan’izy ireo ny folo tamin’ireo lehilahy mpisafo tany. Koa satria tsy niantehitra tamin’ny Tompo izy ireo dia natahotra ny hanaraka ny didiny mba handeha hiakatra any amin’ny tany Kanana. I Kaleba sy i Josoa kosa tetsy ankilany dia nahafantatra fa raha nanam-pinoana ny Isiraelita dia afaka nanafaka ny tany Kanana ho azy ireo ny Tompo. (“Ne soyez pas rebelles et ne craignez pas,” Liahona, Avr. 2022, 46)

Sahanasa fianarana fanampiny

Ohatra ao amin’ny Bokin’i Môrmôna

Azonao asaina ny mpianatra hampitaha ny 1 Nefia 3:31; 4:1–3 amin’ny tantaran’ireo mpisafo-tany 12 mba hanampiana ny mpianatra hahita ohatra iray ao amin’ny Bokin’i Môrmôna amin’ny fiatrehana sakana amim-pinoana fa tsy amin’ny tahotra. Avy eo dia mametraha fanontaniana toy ny hoe:

Inona no nampitovy an’i Lamàna sy i Lemoela tamin’ireo lehilahy mpisafo tany 10?
Inona no nampitovy an’i Nefia tamin’i Kaleba sy i Josoa?

Nomery 11:29. “Enga anie ka ho mpaminany avokoa ny olon’i Jehovah rehetra”

Mety hahasoa ny manampy ireo mpianatra hampitombo ny fahatakarany ny fanambarana ho an’ny tena manokana. Azon’izy ireo atao, mba hanaovana izany, ny mamaky ny Nomery 11:14, 24–25, hitadiavana ny fomba nanamaivanan’ny Tompo ny vesatry ny adidy maha-mpitarika an’i Mosesy.

Hazavao fa loholona 70 no voatahy mba handray fanambarana sy hiteny rehefa taomin’ny Fanahy Masina. Ny Nomery 11:26–28 dia mirakitra fa nangataka an’i Mosesy i Josoa mba hanakana ny roa tamin’ireo loholona tsy haminany intsony. Azon’ny mpianatra atao ny mamaky ny Nomery 11:29, hitadiavana izay navalin’i Mosesy ny olan’i Josoa.

Hazavao fa tsy nilaza akory i Mosesy fa naniry ny olona rehetra ho mpaminany mihazona ireo fanalahidin’ny fisoronana ilaina mba handraisana fanambarana hitarihana ny Fiangonana izy. Fa mety te hiteny kosa izy hoe iriany raha mba “mpaminany” avokoa ny olona rehetra, izay midika fa nanana ny tenivavolombelon’i Jesoa izy ireo, “fa ny filazana an’i Jesosy no fanahin’ny faminaniana” (Apokalypsy 19:10).

Afaka mamaky ity teny nambaran’ny Filoha Russell M. Nelson manaraka ity ireo mpianatra avy eo:

Tsy mbola nisy fotoana mihoatra noho ny amin’izao ankehitriny izao ny hoe tsy maintsy hamantarana kokoa ny fomba hiresahan’ny Fanahy aminareo. …

Havaoziko indray ny fiangaviako anareo mba hanao izay rehetra tokony hatao mba hampitomboana ny fahafahanareo ara-panahy mandray fanambarana ho an’ny tenanareo manokana. (“Henoy Izy,” Liahona, mey 2020, 90)

Azonao atao ny manasa ny mpianatra hisaintsaina mangina ny zavatra ataon’izy ireo mba hahazoana fanambarana ho an’ny tena manokana.

Fimonomononana

Ny Nomery 11–14 dia ahitana zavatra niainana vitsivitsy izay nitarika ny Isiraelita himonomonona. Afaka mamaky ny iray amin’ireto andinin-tsoratra masina manaraka ireto ny vondrona mpianatra tsirairay:

Nomery 11:1–6, 16–20, 31–33

Nomery 12:1–13

Nomery 14:1–5

Azon’ny mpianatra atao ny mifanakalo hevitra momba ny zavatra niainana izay nahatonga ny Isiraelita nimonomonona, sy ny vokatry ny fimonomononan’izy ireo. Afaka mametraka fanontaniana toy izao ianao avy eo:

Nahoana ny fimonomononana no mahatonga antsika hanalavitra ny tenantsika amin’ny Ray any An-danitra sy i Jesoa Kristy ary ny hafa?

Fahalemem-panahy tahaka ny an’i Kristy

Mety hahazo tombontsoa avy amin’ny fianarana misimisy kokoa mahakasika ny toetra tahaka ny an’i Kristy momba ny halemem-panahy ireo mpianatra. Azon’izy ireo vakina ny Nomery 12:3, hitadiavana ny iray amin’ireo toetra tahaka ny an’i Kristy nananan’i Mosesy. Afaka manoratra andian-teny roa eny amin’ny solaitrabe ianao: Ny halemem-panahy dia … sy Ny halemem-panahy dia tsy … .

Afaka mitady soratra masina na teny nambara momba ny halemem-panahy amin’ny alalan’ny fampiasana ny Torolalana ho an’ny soratra masina na ny appli Médiathèque de l’Évangile ny mpianatra. Rehefa avy mandalina dia afaka mampiasa ny zavatra nianaran’izy ireo ny namana mpiara-miasa iray mba hamenoana ilay hoe Ny halemem-panahy dia … ary ilay namana mpiara-miasa iray hafa kosa mameno ilay hoe Ny Halemem-panahy dia tsy … .

Vakio ity teny nambaran’ny Loholona David A. Bednar ao amin’ny Kôlejin’ny Apôstôly Roambinifolo manaraka ity raha manampy:

Toetra mamaritra ny Mpanavotra ny halemem-panahy ary miavaka amin’ny fiaikena hanao zavatra amim-pahamarinana sy ny fanoavana an-tsitrapo, ary ny fahaizana mifehy tena. (“Malemy fanahy sy mietry am-po,” Liahona, mey 2018, 32)

Afaka mifanakalo hevitra momba ny fomba nanehoan’i Jesoa Kristy fahalemem-panahy teo amin’ny fiainany ny kilasy avy eo.