Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Eksodi 24; 32–34: Drejtësia, Mëshira dhe Durimi i Zotit

“Eksodi 24; 32–34: Drejtësia, Mëshira dhe Durimi i Zotit”, Manuali i Mësuesit të Seminarit për Dhiatën e Vjetër (2026)

“Eksodi 24; 32–34: Drejtësia, Mëshira dhe Durimi i Zotit”, Manuali i Mësuesit të Seminarit për Dhiatën e Vjetër

Eksodi 19–20; 24; 31–34: Mësimi 51

Eksodi 24; 32–34

Drejtësia, Mëshira dhe Durimi i Zotit

Mural depicting prophets and events from the Old Testament and the Book of Mormon. This part of the mural depicts Moses holding the stones of the Ten Commandments. The Israelites can be seen in the background with the golden calf.

Si kanë vepruar së bashku drejtësia, mëshira dhe durimi i Shpëtimtarit për ta bekuar jetën tënde? Kur Moisiu u kthye nga prania e Zotit, ai zbuloi se izraelitët i kishin shkelur besëlidhjet që kishin bërë, dhe po adhuronin një viç të artë. Izraelitët i vuajtën pasojat e këtij mëkati, por Zoti tregon drejtësinë, mëshirën dhe durimin e Tij ndaj atyre që pendohen dhe kthehen tek Ai. Ky mësim mund t’i ndihmojë nxënësit të kuptojnë se Zoti është i drejtë, i mëshirshëm dhe i duruar.

Përgatitja e nxënësve: Ftojini nxënësit të përsiatin se si e kanë parë drejtësinë, dashurinë dhe durimin e Zotit në jetën e tyre. Mund t’i ftoni ata të flasin me një pjesëtar të familjes ose shok rreth mënyrës se si drejtësia dhe mëshira e Zotit punojnë së bashku për t’i bekuar të gjithë fëmijët e Tij.

Veprimtari të Mundshme të të Mësuarit

Zoti është i drejtë, i mëshirshëm dhe i duruar

Merreni parasysh të paraqitni një figurë të Shpëtimtarit. Diskutoni pyetjen vijuese.

Cilën fjalë do të përdorje për të përshkruar karakterin e Shpëtimtarit?

Ftojini nxënësit ta shkruajnë fjalën e tyre në tabelë. Merreni parasysh të përzgjidhni nja dy shembuj dhe t’i ftoni nxënësit që i shkruan fjalët, të përshkruajnë përse e zgjodhën atë cilësi të Shpëtimtarit.

Për t’i ndihmuar fëmijët e Izraelit ta kuptojnë Atë, Zoti zbuloi disa elemente thelbësore të karakterit të Tij.

Lexo tek Eksodi 34:6–7, duke kërkuar cilësitë e Shpëtimtarit.

Çfarë zbulove?

Ndër cilësitë që nxënësit mund të përcaktojnë, theksoni të vërtetën që Zoti është i drejtë, i mëshirshëm dhe i duruar. Mund t’i ndihmoni nxënësit të kuptojnë se “i ngadalshëm në zemërim” (vargu 6) përshkruan durimin e Zotit me ne.

Mund t’u tregoni nxënësve se ata do të studiojnë se si fëmijët e Izraelit e përjetuan drejtësinë, mëshirën dhe durimin e Zotit. Ata do të studiojnë edhe përse është e rëndësishme që ne t’i kuptojmë këto të vërteta rreth Zotit.

Izraelitët janë populli i besëlidhjes së Zotit

Skenari vijues përdoret gjatë gjithë mësimit për t’i ndihmuar nxënësit të kuptojnë se si historia e izraelitëve mund të ketë lidhje me të rinjtë sot. Skenari përdor emrin “Keti”, por ju mund t’i ftoni nxënësit të përzgjedhin një emër dhe t’i shtojnë ose ndryshojnë hollësitë e historisë.

Keti, një e re në shkollën tënde, ka mësuar rreth ungjillit të Shpëtimtarit dhe ka vendosur të bëjë ndryshimet e nevojshme për t’u pagëzuar në Kishën e Jezu Krishtit të Shenjtorëve të Ditëve të Mëvonshme. Ajo dëshiron të bëjë një besëlidhje me Perëndinë për t’i zbatuar urdhërimet e Tij.

Ndihmojini nxënësit të kujtojnë se pas çlirimit të tyre nga Egjipti, Zoti i solli fëmijët e Izraelit në malin Sinai për të bërë një besëlidhje me Të.

Lexo tek Eksodi 24:3–8, duke kërkuar se si izraelitët mund të jenë ndier njëlloj si Keti.

Çfarë të bën përshtypje?

Mund të jetë e dobishme t’u shpjegoni nxënësve se spërkatja e gjakut mbi altar dhe mbi njerëzit (shihni tek Eksodi 24:6, 8) ishte një paraqitje simbolike, fizike që izraelitët ishin të gatshëm të ishin populli i besëlidhjes së Zotit.

Zoti dëshiroi t’i bekonte fëmijët e Izraelit me ordinancat e Priftërisë Melkizedeke (shih te Doktrina e Besëlidhje 84:19–23). Moisiu u kthye në malin Sinai për të marrë udhëzimet e Zotit për këto ordinanca dhe plane për tabernakullin.

Shkelja e besëlidhjeve tona dhe pasojat

Lexo tek Eksodi 32:1–8, duke kërkuar atë që bënë izraelitët ndërkohë që Moisiu ishte në mal duke marrë drejtim nga Perëndia.

Çfarë zbulove?

Composite of images of Moses, the golden calf and the Israelites in the wilderness.

Pse mendon se bërja dhe adhurimi i viçit të artë ishte një mëkat kaq i rëndë? (Shih tek Eksodi 20:2–7.)

Sigurohuni që nxënësit të kuptojnë se izraelitët e shkelën besëlidhjen që sapo kishin bërë me Zotin.

Mund të tregoni një pjesë tjetër të skenarit që përngjan me atë që ndodhi me fëmijët e Izraelit dhe ka më shumë lidhje me të rinjtë. Nxënësit mund të japin shembuj të asaj që mund të ketë bërë Keti për të shkelur besëlidhjen që bëri në pagëzim për t’iu bindur urdhërimeve të Perëndisë.

Pas pagëzimit të saj, Keti filloi të kalonte kohë me shokët e saj të vjetër dhe kjo e çoi te zakonet e vjetra. Në fillim, gabimet që bëri, dukeshin të vogla. Megjithatë, pa kaluar shumë kohë, ajo u kthye te zakonet e saj të vjetra. Ajo e shkeli besëlidhjen që kishte bërë në pagëzim.

Çfarë mund të ketë ndikuar në vendimin e Ketit?

Ligji i Zotit për drejtësinë

Lexo tek Eksodi 32:15–20, duke kërkuar pasojat që vuajti Izraeli për shkak të mëkatit të tij.

Çfarë gjete?

Ndihmojini nxënësit të kuptojnë se, megjithëse ne mund ta përdorim lirinë e zgjedhjes për të mëkatuar, Zoti është i drejtë. Prandaj, ne nuk mund t’u shpëtojmë pasojave të mëkateve tona. Mund të jetë e dobishme të shpjegoni se Moisiu i theu pllakat që përmbanin udhëzimet për ordinancat e Priftërisë Melkizedeke (shihni tek Eksodi 32:15–19; Përkthimi prej Joseph Smith-it, Eksodi 34:1–2 [tek Udhëzuesi për Shkrimet e Shenjta]). Për shkak të vendimeve të tyre, fëmijët e Izraelit nuk ishin të denjë t’i merrnin këto bekime nga Zoti. Moisiu u kthye në praninë e Zotit. Zoti e udhëzoi Moisiun që në vend të kësaj të vendoste ordinancat e Priftërisë Aarone (shihni te Doktrina e Besëlidhje 84:24–26). Mund të përmendni edhe se Moisiu e vendosi tabernakullin jashtë kampit (shihni tek Eksodi 33:7), që simbolizon se Izraeli e humbi praninë e Zotit.
Cilat janë disa nga pasojat shpirtërore dhe materiale që mund të hasë Keti për shkeljen e besëlidhjes së saj të pagëzimit?
Si e tregojnë pasojat drejtësinë, mëshirën dhe durimin e Zotit?

Nëse dëshironi, mund të vini në dukje se, ashtu si izraelitët, Keti mund të humbasë bekimet që vijnë nga ordinancat e priftërisë. Ajo mund të humbasë edhe shoqërimin e vazhdueshëm të Shpirtit të Zotit.

Ligji i Zotit për mëshirën

Ndihmojini nxënësit të kuptojnë se Zoti e siguroi Izraelin se ai ishte ende populli i Tij (shihni tek Eksodi 33:12–19).

Shqyrto vargjet tek Eksodi 34:6–7 dhe mendo se pse mund të ketë qenë e rëndësishme për Zotin që t’u kujtonte fëmijëve të Izraelit që Ai është i drejtë, i mëshirshëm dhe i duruar.

Si e tregoi Zoti mëshirën dhe durimin e Tij me fëmijët e Izraelit?
Si mund ta shohë Keti mëshirën dhe durimin e Zotit në jetën e saj?

Plaku Kuentin L. Kuk, i Kuorumit të Dymbëdhjetë Apostujve, shpjegoi mënyrën se si mëshira e Shpëtimtarit e përmbush ligjin e drejtësisë:

13:53

“Pa Shlyerjen e Shpëtimtarit, parimi i përjetshëm i drejtësisë do të kërkonte dënimin. Për shkak të Shlyerjes së Shpëtimtarit, mëshira mund të triumfojë për ata që janë penduar, dhe mund t’u lejojë të kthehen në praninë e Perëndisë. Do të bënim mirë ta përsiatnim këtë doktrinë të mrekullueshme.

Askush nuk mund të kthehet te Perëndia vetëm nëpërmjet veprave të veta të mira; të gjithëve na nevojitet dobia e flijimit të Shpëtimtarit. Të gjithë kanë mëkatuar dhe vetëm nëpërmjet Shlyerjes së Jezu Krishtit mund të marrim mëshirë dhe të jetojmë me Perëndinë.” (“Jini të Vërtetë ndaj Perëndisë dhe Veprës së Tij”, Liahona, nëntor 2022, f. 119)

Cilat pjesë të kësaj thënieje mund t’ia tregoje Ketit?

Bërja e pyetjeve që i ndihmojnë nxënësit të kuptojnë mënyrën se si Zoti e tregon dashurinë, fuqinë dhe mëshirën e Tij në jetën e tyre, mund ta rritë lidhjen e tyre me Të. Një mënyrë për ta bërë këtë është t’i ftoni nxënësit t’i përgjigjen pyetjes vijuese.

Për trajnim shtesë, shihni pjesën “Ndihmojini nxënësit t’i dallojnë dashurinë, fuqinë dhe mëshirën e Zotit në jetën e tyre” te Zotësitë për Përmirësimin e Mësuesve.
Çfarë prove të drejtësisë, mëshirës dhe durimit të Shpëtimtarit ke parë në jetën tënde ose në jetën e dikujt që ti njeh?

Trego kuptueshmëri

Kjo veprimtari mund t’i ndihmojë nxënësit të përmbledhin atë që kanë mësuar sot. Mund t’i ftoni ata ta përfundojnë historinë e Ketit. Merreni parasysh t’i paraqitni nxitjet vijuese që nxënësit t’i plotësojnë.

Për shkak të përvojave të saj, Keti mund të ketë mësuar se Ati Qiellor dhe Jezu Krishti .
Për shkak të asaj që mësoi rreth Atit Qiellor dhe Jezu Krishtit, Keti vendos të .

Merreni parasysh t’i ftoni disa nxënës të gatshëm t’i tregojnë klasës se si mund ta përfundojnë historinë e Ketit. Pasi nxënësit të kenë pasur mundësi për t’i treguar përgjigjet e tyre, mund të tregoni se si e keni parë drejtësinë, mëshirën dhe durimin e Zotit në jetën tuaj.

Burime Shtesë

Si bekohemi nga drejtësia e Perëndisë?

Presidenti Xhefri R. Holland, i Kuorumit të Dymbëdhjetë Apostujve, dëshmoi:

“Një nga cilësitë e Perëndisë është drejtësia dhe ne nuk do ta kishim besimin, për shkak të frikës, për të jetuar me drejtësi ose për të shprehur më mirë dashuri, apo për t’u penduar më shpejt, nëse në ndonjë mënyrë nuk do të mendonim se drejtësia do të vlente për ne, nëse në ndonjë mënyrë do të mendonim se Perëndia do ta ndryshonte mendjen dhe do të vendoste se kishte një grup tjetër rregullash. Për shkak se e dimë se Perëndia është i drejtë dhe do të reshtte së qeni Perëndi po të mos ishte i tillë, ne kemi besimin të ecim përpara, duke e ditur se nuk do të jemi viktima të fantazive, ose tekave, ose një dite të keqe, ose një shakaje pa kripë. Ajo siguri është shumë inkurajuese. …

E di se nuk është e lehtë të kthehesh pas dhe ta zhbësh gjënë dhe të kesh një fillim të ri, por besoj me gjithë zemër se është më e lehtë dhe sigurisht më e kënaqshme t’ia nisësh nga e para sesa të vazhdosh dhe të përpiqesh të besosh se drejtësia nuk do të marrë dëmshpërblimin e vet.” (“The Justice and Mercy of God”, Ensign, shtator 2013, f. 18, 19)

Eksodi 34:7. Çfarë do të thotë se Zoti “nuk e lë të pandëshkuar fajtorin” (rebelin)?

Plaku Gerit W. Gong, i Kuorumit të Dymbëdhjetë Apostujve, dha mësim:

“Ata që me qëllim zgjedhin ligësinë, të cilët me vetëdije e shtyjnë pendimin, ose të cilët në çdo mënyrë të paramenduar ose të ditur i shkelin urdhërimet, duke planifikuar për pendim të lehtë, do të gjykohen nga Perëndia dhe një ‘kujtesë [e] mirë [e] të gjithë fajit t[ë tyre]’ [Alma 11:43]. Ne nuk mund të mëkatojmë me vetëdije të shtunën, pastaj të presim falje automatike duke marrë sakramentin të dielën. … Askush nga ne nuk duhet ta shtyjë pendimin. Bekimet e pendimit fillojnë kur ne fillojmë të pendohemi.” (“Të Lumtur dhe Përgjithmonë”, Liahona, nëntor 2022, f. 84–85)

A ka ndonjë ndryshim ndërmjet mënyrës se si Zoti e sheh dobësinë krahasuar me rebelimin?

Plaku Riçard G. Skot (1928–2015), i Kuorumit të Dymbëdhjetë Apostujve, shpjegoi:

“Lajmi i gëzuar për këdo që dëshiron të çlirohet nga pasojat e zgjedhjeve të dobëta të së kaluarës, është se Zoti i sheh dobësitë ndryshe nga mënyra se si e sheh rebelimin. Ndërsa Zoti paralajmëron se rebelimi pa pendesë do të sjellë ndëshkim, kur Zoti flet për dobësitë, flet gjithmonë me mëshirë.” (“Fuqia Vetjake nëpërmjet Shlyerjes së Jezu Krishtit”, Liahona, nëntor 2013, f. 83)

Eksodi 24:6–8. Përse Moisiu spërkati gjak mbi altar dhe mbi fëmijët e Izraelit?

Gjaku me të cilin Moisiu spërkati altarin, përfaqësonte gjakun e Jezu Krishtit, që Ai do ta derdhte në Gjetseman dhe në kryq. Kur Moisiu i spërkati njerëzit me gjak, ajo simbolizonte edhe bekimet e Shlyerjes së Jezu Krishtit nëpërmjet besëlidhjes që ata kishin bërë, edhe seriozitetin e atyre besëlidhjeve. Spërkatja e gjakut tregoi se Perëndia dhe njerëzit ishin të lidhur në mënyrë reciproke nga kjo besëlidhje.

Veprimtari Plotësuese të të Mësuarit

“Ku Drejtësia, Dashuria dhe Mëshira Takohen”

Nxënësit mund të kenë dobi nga një kuptueshmëri më e mirë e mënyrës se si drejtësia, dashuria dhe mëshira veprojnë së bashku. Mund të shfaqni materialin filmik “Where Justice, Love, and Mercy Meet” [“Ku Drejtësia, Dashuria e Mëshira Takohen”], nga kodi kohor 0:00 deri në 3:39. Ky material filmik paraqet historinë e Presidentit Holland për dy vëllezër në Jutën Jugore. Merreni parasysh ta ndaloni materialin filmik pikërisht kur shfaqet vëllai më i madh (kodi kohor 3:39). Më pas pyetini nxënësit se cilat do të ishin pasojat nëse vëllai më i madh do të merrte vetëm “drejtësi”. Ftojini nxënësit të kërkojnë shkrime të shenjta që shpjegojnë atë që kërkon ligji i drejtësisë nga të gjithë njerëzit. Nëse nxënësve u nevojitet udhërrëfim shtesë, mund të paraqitni shembuj si Mosia 2:38 dhe Alma 42:11–13, 18.

5:37

Më pas, mund t’i ftoni nxënësit të përsiatin se si flijimi shlyes i Shpëtimtarit lejon ligjin e mëshirës të na shëlbojë nga gjendja jonë e rënë. Merreni parasysh të shfaqni pjesën tjetër të materialit filmik, nga kodi kohor 3:39 deri në 5:36. Ftojini nxënësit të kërkojnë mënyrën se si ligji i mëshirës e përmbush ligjin e drejtësisë për të na shpëtuar nga pasojat e mëkatit. Mund t’i ftoni nxënësit të gjejnë një shkrim të shenjtë që na mëson rreth mëshirës së Perëndisë. Shembujt mund të përfshijnë: Ligji i Përtërirë 4:31; Mosia 29:20 dhe Alma 34:16; 42:15.

5:37

“Ndërmjetësi”

Nëse nxënësit do të kishin dobi nga një paraqitje e mënyrës se si mëshira e Shpëtimtarit paguan kërkesat e drejtësisë, mund të shfaqni materialin filmik “The Mediator” [“Ndërmjetësi”] (10:44). Ky material filmik përdor shembullin e një të riu që ka një borxh që nuk mund ta shlyejë vetë. Ai tregon se si flijimi shlyes i Shpëtimtarit i përmbush kërkesat e drejtësisë.

10:47