Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Eksodi 20:12–17: Dhjetë Urdhërimet na Ndihmojnë t’i Duam Perëndinë dhe të Afërmin Tonë

“Eksodi 20:12–17: Dhjetë Urdhërimet na Ndihmojnë t’i Duam Perëndinë dhe të Afërmin Tonë”, Manuali i Mësuesit të Seminarit për Dhiatën e Vjetër (2026)

“Eksodi 20:12–17: Dhjetë Urdhërimet na Ndihmojnë t’i Duam Perëndinë dhe të Afërmin Tonë”, Manuali i Mësuesit të Seminarit për Dhiatën e Vjetër

Eksodi 19–20; 24; 31–34: Mësimi 50

Eksodi 20:12–17

Dhjetë Urdhërimet na Ndihmojnë t’i Duam Perëndinë dhe të Afërmin Tonë

Kur fëmijët e Izraelit kishin ngritur kampin në malin Sinai, Zoti zbuloi Dhjetë Urdhërimet. Duke i zbatuar Dhjetë Urdhërimet, ne tregojmë dashurinë tonë për Perëndinë dhe të tjerët. Ndërsa përpiqemi fort t’i duam të tjerët siç bëjnë Ati Qiellor dhe Jezu Krishti, dashuria jonë për Ta rritet gjithashtu. Ky mësim mund t’i ndihmojë nxënësit të kuptojnë mënyra për t’i zbatuar urdhërimet që do t’i ndihmojnë ata ta duan Perëndinë dhe të afërmin e tyre.

Përgatitja e nxënësve: Ftojini nxënësit ta vënë në provë njohurinë e tyre për Dhjetë Urdhërimet. Ata mund të punojnë për t’i vendosur ato sipas rendit ose për t’i thënë ato përmendsh.

Veprimtari të Mundshme të të Mësuarit

Anketë rreth urdhërimeve

Ftojini nxënësit t’i gjejnë dhe lexojnë Dhjetë Urdhërimet tek Eksodi 20:3–17 ose në faqen 39 te broshura Për Forcën e Rinisë: Një Udhëzues për Bërjen e Zgjedhjeve (2022). Ata mund t’u përgjigjen pyetjeve vijuese, ose mund t’i renditin Dhjetë Urdhërimet nga 1 (më i zbatuari) në 10 (më i shkeluri) në bazë të asaj që mund të zbulojë kjo anketë.

Cilit nga Dhjetë Urdhërimet mendon se njerëzit i binden më shpesh? Përse?
Cilin nga Dhjetë Urdhërimet mendon se njerëzit e shkelin më shpesh? Përse?
Si mendon, si reflektohen ndjenjat tona për Perëndinë në mënyrën se si i trajtojmë urdhërimet e Tij?

Dhjetë Urdhërimet na ndihmojnë t’i duam Perëndinë dhe të afërmin tonë

Nxënësit mund t’i kenë studiuar Dhjetë Urdhërimet te Mësimi 49: “Eksodi 20:1–11”. Nëse dëshironi, mund t’i vini nxënësit t’i lexojnë ose shqyrtojnë vargjet te Mateu 22:36–40, duke kërkuar dy urdhërimet e mëdha që dha mësim Jezusi. Nxënësit mund të shqyrtojnë mënyrën se si Dhjetë Urdhërimet tek Eksodi 20:3–17 lidhen me këto dy urdhërime të mëdha. Ndihmojini nxënësit të vënë re se si gjashtë urdhërimet e fundit përqendrohen te dashuria për të afërmin tonë.

Lexo tek Eksodi 20:12–17, gjashtë prej Dhjetë Urdhërimeve të fundit. Shiko se si këto vargje na mësojnë se duke i jetuar Dhjetë Urdhërimet, ne tregojmë dashurinë tonë për Perëndinë dhe të afërmin tonë.

Ndërsa studion, ji i hapur ndaj mbresave nga Fryma e Shenjtë. Përsiat se çfarë mund të bësh për ta dashur Perëndinë dhe të afërmin tënd duke i zbatuar Dhjetë Urdhërimet.

Urdhërimet për të dashur të afërmin tonë

Të shprehurit e nxënësve

Falënderojini nxënësit për punën e tyre të zellshme dhe lavdërojini për përpjekjet e tyre. Mendoni për një mënyrë se si ata ta shprehin atë që mësuan. Për shembull, mund t’i rregulloni karriget në mënyrë që nxënësit të ulen përballë njëri-tjetrit në rreshta. Jepni një kohë të caktuar që ata t’ia tregojnë atë që studiuan personit të ulur përballë tyre. Pasi të dy nxënësit të flasin, ftojini nxënësit në njërin nga rreshtat të zhvendosen në një karrige më tutje. Tani nxënësit do të jenë me një partner tjetër. Përsëriteni sa herë të dëshironi.

Më pas nxënësit mund t’i diskutojnë pyetjet vijuese si klasë ose me partnerin e tyre të tanishëm.

Zgjidh një urdhërim të caktuar që e studiove dhe përgjigju për pyetjet vijuese:

Si mund të të ndihmojë dashuria për Perëndinë dhe të afërmin tënd ta zbatosh këtë urdhërim?
Çfarë bekimesh ke përjetuar nga të jetuarit e këtij urdhërimi?

Merreni parasysh të jepni mendimet tuaja për mënyrën se si bindja ndaj urdhërimeve të Zotit mund të na ndihmojë ta duam Perëndinë dhe të tjerët më shumë. Mund t’i inkurajoni nxënësit të vazhdojnë të përpiqen fort t’u binden Dhjetë Urdhërimeve.

Burime Shtesë

Si mund të më ndihmojë dashuria për Perëndinë t’i dua të tjerët?

Presidenti Rasëll M. Nelson dha mësim:

“Kur e duam Perëndinë me gjithë zemrën tonë, Ai i kthen zemrat tona drejt mirëqenies së të tjerëve në një cikël të bukur, të virtytshëm”. (“Urdhërimi i Dytë i Madh”, Liahona, nëntor 2019, f. 97)

Presidenti Tomas S. Monson (1927–2018) dha mësim sa vijon rreth zbatimit të urdhërimeve:

“Ne nuk mund ta duam me të vërtetë Perëndinë, në qoftë se nuk i duam bashkudhëtarët tanë në këtë udhëtim në vdekshmëri. Po njësoj, ne nuk mund t’i duam plotësisht bashkëqeniet tona në qoftë se nuk e duam Perëndinë, Atin e ne të gjithëve. Apostulli Gjon na thotë: ‘Ky është urdhërimi që kemi marrë nga ai: ai që do Perëndinë, të dojë edhe vëllanë e vet’ [1 Gjon 4:21]. Ne jemi të gjithë fëmijë shpirtërorë të Atit tonë Qiellor dhe, si të tillë, jemi vëllezër e motra. Kur e mbajmë këtë të vërtetë në mendje, dashuria ndaj gjithë fëmijëve të Perëndisë do të bëhet më e lehtë.” (“Dashuria – Thelbi i Ungjillit”, Liahona, maj 2014, f. 91)

Veprimtari Plotësuese të të Mësuarit

Skenarë me urdhërimet

Pasi nxënësit t’i kenë studiuar urdhërimet, mund të paraqitni skenarët vijues. Nxënësit mund të rekomandojnë urdhërime që personi në skenar mund të përpiqet fort t’u bindet. Ata mund të diskutojnë mënyrën se si urdhërimi mund ta ndihmojë personin.

1. Një e re ndihet e mërzitur me prindërit e saj. Ajo u ka thënë shoqeve se do të mund të merrte pjesë në një aktivitet, po tani prindërit e saj nuk do ta lejojnë të shkojë. Gjithsesi ajo del fshehurazi për të shkuar.

2. Një i ri ka qenë i zënë duke luajtur sport për ekipin e tij të shkollës. Ai nuk ka shkuar në shkollë dhe duhet të kompensojë detyrat e shtëpisë dhe provimet para ndeshjes së radhës. Ai vendos të përdorë detyrat dhe provimet e shokëve të tij për t’i marrë përgjigjet shpejt.

3. Një e re ndjek shumë njerëz të ndryshëm në rrjetet sociale. Ajo është e pakënaqur me mënyrën se si duket dhe vishet. Ajo kalon shumë kohë duke u përpjekur të duket si njerëzit që sheh në internet.

Eksodi 20:17. Mirënjohja

Një mënyrë për të shmangur lakminë, është të mësojmë të jemi mirënjohës dhe të lumtur me atë që kemi.

Material filmik

Kur nxënësit i studiojnë urdhërimet për të mos vjedhur dhe mos dhënë dëshmi të rreme, mund të shfaqni ose t’i drejtoni ata te materiali filmik “Honesty: You Better Believe It!” [“Ndershmëria: Bëni Mirë ta Besoni!”] (4:46). Ky material filmik tregon historinë e një studenti të mjekësisë që nuk lejon kopjimin gjatë një provimi.

4:47