Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Eksodi 20:1–11: Dhjetë Urdhërimet: Ta Duam Perëndinë dhe ta Vëmë Atë të Parin në Jetën Tonë

“Eksodi 20:1–11: Dhjetë Urdhërimet: Ta Duam Perëndinë dhe ta Vëmë Atë të Parin në Jetën Tonë”, Manuali i Mësuesit të Seminarit për Dhiatën e Vjetër (2026)

“Eksodi 20:1–11: Dhjetë Urdhërimet: Ta Duam Perëndinë dhe ta Vëmë Atë të Parin në Jetën Tonë”, Manuali i Mësuesit të Seminarit për Dhiatën e Vjetër

Eksodi 19–20; 24; 31–34: Mësimi 49

Eksodi 20:1–11

Dhjetë Urdhërimet: Ta Duam Perëndinë dhe ta Vëmë Atë të Parin në Jetën Tonë

Ati Qiellor dhe Jezu Krishti na duan të gjithëve dhe duan që ne t’i zgjedhim Ata të parët në jetën tonë. Pasi i çliroi izraelitët nga Egjipti, Zoti i udhëhoqi ata drejt malit Sinai për të bërë një besëlidhje me Të. Atje Ai zbuloi Dhjetë Urdhërimet për t’i ndihmuar ata ta donin Atë më shumë se gjithçka tjetër. Ky mësim mund t’i ndihmojë nxënësit ta duan dhe ta nderojnë Perëndinë mbi gjithçka tjetër.

Përgatitja e nxënësve: Ftojini nxënësit të renditin disa nga urdhërimet e Perëndisë. Ftojini ata të diskutojnë me një pjesëtar të familjes ose shok se si urdhërimet që renditën, i ndihmojnë ata ta tregojnë dashurinë e tyre për Perëndinë dhe ta vënë Atë të parin në jetën e tyre.

Veprimtari të Mundshme të të Mësuarit

Urdhërimi më i madh

Shënim: Ky mësim përqendrohet te katër urdhërimet e para. Mësimi 50: “Eksodi 20:12–17” do të përqendrohet te gjashtë urdhërimet e fundit.

Nëse dëshironi, mund ta filloni orën mësimore duke u kërkuar nxënësve të mendojnë se cili urdhërim, nga të gjithë urdhërimet e Perëndisë, është më i rëndësishmi. Më pas jepni skenarin vijues.

Gjatë shërbesës së Tij në vdekshmëri, Shpëtimtarin e pyetën se cili nga urdhërimet ishte më i madhi ose më i rëndësishmi (shih te Mateu 22:36).

Lexo te Mateu 22:37–39 (shih edhe te Levitiku 19:18; Ligji i Përtërirë 6:5), duke kërkuar përgjigjen e Shpëtimtarit.

Përse mendon se këto janë dy urdhërimet më të mëdha?

Ndërsa i studion Dhjetë Urdhërimet në këtë mësim dhe mësimet e tjera, kërko mënyrën se si këto urdhërime na ndihmojnë t’i duam Perëndinë dhe të afërmit tanë. Gjatë këtij mësimi, ti do të studiosh disa nga Dhjetë Urdhërimet që na ndihmojnë ta duam dhe nderojmë Perëndinë.

Lexo tek Eksodi 20:1–11, duke kërkuar katër urdhërimet e para që Zoti ua dha izraelitëve.

Eksodi 20:3–17 është një fragment i zotërimit doktrinor. Merreni parasysh t’i ftoni nxënësit t’i shenjojnë fragmentet e zotërimit doktrinor në një mënyrë të dallueshme, që të mund t’i gjejnë me lehtësi.

Çfarë ngjashmërish sheh ndërmjet këtyre urdhërimeve dhe urdhërimit të madh të parë nga Mateu 22:37–38?

Nëse dëshironi, mund të përmblidhni në tabelë të vërtetat që japin nxënësit. Ato mund të ngjasojnë me diçka të tillë: Perëndia na urdhëron ta duam Atë dhe ta vëmë Atë të parin në jetën tonë.

Mund t’i ftoni nxënësit të bëjnë referencë-kryq ose t’i lidhin vargjet tek Eksodi 20:3–17 me vargjet te Mateu 22:36–39.
Çfarë mendon se do të thotë ta vëmë Perëndinë të parin në jetën tonë?

Ndihmojini nxënësit të mendojnë rreth mënyrës se si po e zbatojnë tani këtë të vërtetë në jetën e tyre. Mund t’i ftoni ata të plotësojnë vetëvlerësimin vijues.

Përsiati përgjigjet e tua për pyetjet vijuese. Nëse dëshiron, mund t’i shënosh disa nga mendimet e tua në ditarin tënd të studimit.

A është dashuria ime për Perëndinë ndikimi më i rëndësishëm në jetën time?
Çfarë mund të më pengojë ta dua Perëndinë dhe ta vë Atë të parin në jetën time?

Urdhërimet që na ndihmojnë ta duam Perëndinë dhe ta vëmë Atë të parin

Të shprehurit mund t’i ndihmojë nxënësit të jenë më të vetëdijshëm për atë që po mësojnë. Jepuni nxënësve një mundësi për ta treguar atë që mësuan nga fletushka. Nxënësit mund të flasin në grupe të vogla ose me klasën.

Si të jetë e përshtatshme, merreni parasysh t’i përgjigjeni pyetjes vijuese nga përvoja juaj pasi të jenë përgjigjur nxënësit e gatshëm.

Çfarë bekimesh ke përjetuar ti, ose dikush që ti njeh, duke e vënë Perëndinë të parin?

Vënia e Perëndisë të parin

Veprimtaria vijuese mund t’i ndihmojë nxënësit të hartojnë një plan për ta dashur Perëndinë dhe për ta vënë Atë të parin në jetën e tyre. Kujtojuni nxënësve se numri 1 i referohet vënies së Perëndisë të parin në jetën tonë.

Në ditarin tënd të studimit, ose në një copë letre të veçantë, vizato një numër 1 të madh. Bëje të madh sa për të shkruar brenda tij, ose lër hapësirë për të shkruar pranë tij.

Kërko udhërrëfim nga Ati Qiellor nëpërmjet Frymës së Shenjtë për të vendosur se çfarë mund të bësh për ta vënë Perëndinë të parin në jetën tënde. Brenda ose pranë numrit 1 shkruaj se çfarë do të bësh. Shkruaji nën të përgjigjet e tua për pyetjet vijuese:

Si mund të të ndihmojë bërja e kësaj ta duash Perëndinë dhe ta vësh Atë të parin në jetën tënde?
Si mund të të bekojë Zoti për bërjen e kësaj?
Me çfarë sfidash mund të përballesh ndërsa e bën këtë? Çfarë mund të bësh për t’i kapërcyer këto sfida?

Inkurajojini nxënësit të veprojnë sipas mbresave shpirtërore që kanë pasur. Nxënësit do të kenë mundësi për ta ndjekur ecurinë e tyre në Mësimin 67: “Vlerësoni të Mësuarit Tuaj 4”.

Mësoni Përmendsh

Nëse dëshironi, mund t’i ndihmoni nxënësit ta mësojnë përmendsh referencën e zotërimit doktrinor dhe frazën kyç të shkrimit të shenjtë gjatë këtij mësimi dhe t’i përsëritin ato në mësimet e ardhshme. Fraza kyç e shkrimit të shenjtë tek Eksodi 20:3–17 është “Dhjetë Urdhërimet”. Idetë për veprimtaritë e mësimit përmendsh janë te shtojca nën titullin “Veprimtari për Përsëritjen e Zotërimit Doktrinor”.

Burime Shtesë

Si mund ta bekojë jetën time bindja ndaj urdhërimeve të Perëndisë?

Presidenti Dallin H. Ouks, i Presidencës së Parë, dha mësim:

“Perëndia na kërkon që t’u bindemi urdhërimeve të Tij, sepse vetëm nëpërmjet asaj bindjeje, përfshirë pendimin, ne mund të kthehemi për të jetuar në praninë e Tij dhe mund të bëhemi të përsosur siç është Ai”. (“Dy Urdhërimet e Mëdha”, Liahona, nëntor 2019, f. 74)

Plaku D. Tod Kristoferson, i Kuorumit të Dymbëdhjetë Apostujve, shpjegoi:

“[Urdhërimet e Perëndisë] shenjojnë shtegun e shërimit, lumturisë, paqes dhe gëzimit. Ati ynë dhe Shëlbuesi ynë na kanë bekuar me urdhërime dhe, duke iu bindur urdhërimeve të Tyre, ne e ndiejmë dashurinë e Tyre të përsosur më plotësisht dhe më thellësisht.” (“Dashuria e Perëndisë”, Liahona, nëntor 2021, f. 18)

Si mund ta bekojë jetën time vënia e Perëndisë të parin?

Presidenti Ezra Taft Benson (1899–1994) shpjegoi:

“Kur ne e vendosim Perëndinë të parin, gjithë gjërat e tjera zënë vendin e duhur ose largohen nga jeta jonë. Dashuria jonë për Zotin do të drejtojë shpalljet e dashurisë sonë, kërkesat e kohës sonë, interesat që ndjekim dhe rendin e përparësive tona.” (“Urdhërimi i Madh – Duaje Zotin”, Ensign, maj 1988, f. 4; Mësime të Presidentëve të Kishës: Ezra Taft Benson [2014], f. 43)

Plaku D. Tod Kristoferson, i Kuorumit të Dymbëdhjetë Apostujve, tregoi:

“Kur e duam Perëndinë të parin, ne e shohim botën dhe jetën tonë nëpërmjet syve të Tij dhe jo nëpërmjet syve të ndonjë personi tjetër (edhe të një personi me ndikim në rrjetet sociale)”. (“The First Commandment First” [takim shpirtëror në Universitetin “Brigam Jang”, 22 mars 2022], f. 3–4, speeches.byu.edu)

Veprimtari Plotësuese të të Mësuarit

Bekimet e ditës së Shabatit

Nxënësit mund të kenë dobi nga diskutimi i mëtejshëm i rëndësisë së ditës së Shabatit. Për ta bërë këtë, mund të lexoni tek Eksodi 20:8–11 si klasë. Më pas mund t’i ndani referencat vijuese mes nxënësve për t’i lexuar. Ata mund të kërkojnë atë që mësojnë rreth urdhrit të Zotit për ta mbajtur ditën e Shabatit të shenjtë.

Isaia 58:13–14

Mateu 12:1–13

Doktrina e Besëlidhje 59:9–17

Më pas mund të shihni “Upon My Holy Day – Honoring the Sabbath” [“Në Ditën Time të Shenjtë – Nderimi i Shabatit”] (1:30) për t’i ndihmuar nxënësit të shohin bekimin e ditës së Shabatit nga një këndvështrim i ri.

1:30

Pastaj nxënësit mund të diskutojnë bekimet që kanë parë nga mbajtja e ditës së Shabatit të shenjtë. Përndryshe, mund t’i vini nxënësit të lexojnë pjesë të artikullit “Blessings of the Sabbath Day” [“Bekimet e Ditës së Shabatit”] (Ensign, mars 2016, f. 48–51), duke kërkuar disa bekime prej mbajtjes së ditës së Shabatit të shenjtë.

Blessings of the Sabbath Day [Bekimet e Ditës së Shabatit] te Ensign

Bekimet e Ditës së Shabatit te Liahona

Ligjvënësi

Mund ta përdorni këtë ide për të paraqitur Dhjetë Urdhërimet. Nxënësit mund të kenë dobi nga përqendrimi te titulli Ligjvënësi i Shpëtimtarit (shihni tek Isaia 33:22). Nëse dëshironi, mund të lexoni te Ligji i Përtërirë 4:11–13 (shihni edhe te Ligji i Përtërirë 5:2–4, 22). Ndihmojini nxënësit të shohin se si Ligjvënës, Vetë Zoti i dha Izraelit Dhjetë Urdhërimet me anë të besëlidhjes. Merreni parasysh të diskutoni pyetje si ato që vijojnë:

Si mund të ketë ndikuar dëgjimi i Zotit që i thotë Dhjetë Urdhërimet, në mënyrën se si izraelitët i shihnin ato?
Si mund të ndikojë te ne njohuria se urdhërimet vijnë drejtpërdrejt nga Zoti?

Mundësi materialesh filmike

“The Ten Commandments” [“Dhjetë Urdhërimet”] (2:13). Ky material filmik na mëson një mënyrë të lehtë për t’i kujtuar Dhjetë Urdhërimet.

2:10

“Ministry of Howard W. Hunter: Putting the Lord First” [“Shërbesa e Hauard W. Hanterit: Të Vendosësh Zotin të Parin”] (2:25). Presidenti Hauard W. Hanter (1907–1995) zgjodhi ta vinte Zotin të parin në jetën e tij.

2:25

“Obedience to the Ten Commandments” [“Bindja ndaj Dhjetë Urdhërimeve”] (3:10). Plaku L. Tom Peri (1922–2015), i Kuorumit të Dymbëdhjetë Apostujve, dha mësim për mënyrën se si bekimet e premtuara të Perëndisë për zbatimin e urdhërimeve nuk ndryshojnë pavarësisht se shoqëria ndryshon vazhdimisht.

3:10