Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Eksodi 19: “Thesari Im i Veçantë”

“Eksodi 19: ‘Thesari Im i Veçantë’”, Manuali i Mësuesit të Seminarit për Dhiatën e Vjetër (2026)

“Eksodi 19: ‘Thesari Im i Veçantë’”, Manuali i Mësuesit të Seminarit për Dhiatën e Vjetër

Eksodi 19–20; 24; 31–34: Mësimi 48

Eksodi 19

“Thesari Im i Veçantë”

A photograph of a mountain thought to be Mount Sinai, rising above a desert landscape on a clear day.

Ati Qiellor i do të gjithë fëmijët e Tij dhe dëshiron një marrëdhënie besëlidhëse me secilin prej nesh. Të mësuarit se si u ndje Ai rreth izraelitëve mund të na ndihmojë të kuptojmë se si ndihet Ai për ne. Pasi i nxori fëmijët e Izraelit jashtë Egjiptit, Zoti i solli ata te mali Sinai për të bërë besëlidhje me Të. Ky mësim mund t’i ndihmojë nxënësit të ndiejnë në zemër dëshirën e Perëndisë për të pasur një marrëdhënie besëlidhëse me ta.

Përgatitja e nxënësve: Ftojini nxënësit të reflektojnë mbi atë që e bën një marrëdhënie kuptimplotë ose të rëndësishme. Ata mund të mendojnë për dikë me të cilin kanë një marrëdhënie kuptimplotë dhe mund të sjellin një fotografi të këtij personi për ta treguar në fillim të orës mësimore.

Veprimtari të Mundshme të të Mësuarit

Marrëdhënie të veçanta

Merreni parasysh të paraqitni një fotografi të dikujt me të cilin keni një marrëdhënie kuptimplotë, të tillë si një pjesëtar i familjes ose një këshillues. Tregoni pse marrëdhënia juaj me këtë person është e rëndësishme për ju. Ftojini nxënësit të mendojnë për dikë të rëndësishëm në jetën e tyre. Nëse nxënësit sollën një fotografi në klasë, ata mund ta tregojnë atë tani.

Çfarë e bën marrëdhënien tënde me këtë person kuptimplotë?

Ftojini nxënësit t’i përsiatin pyetjet vijuese me lutje. Kërkojuni atyre t’i shënojnë mendimet dhe ndjenjat e tyre në ditarët e tyre të studimit.
Sa kuptimplotë është për ty marrëdhënia jote me Atin Qiellor dhe Jezu Krishtin?
Çfarë e bën lidhjen që ke me Atin Qiellor dhe Jezu Krishtin të ndryshme nga marrëdhëniet e tjera që ke?
Në ç’mënyra mendon se mund të ndryshojë jeta jote ndërsa e forcon vazhdimisht marrëdhënien tënde me Atin Qiellor dhe Jezu Krishtin?

Kërko udhërrëfim nga Shpirti për të kuptuar atë që mund të bësh për ta forcuar marrëdhënien tënde me Atin Qiellor dhe Jezu Krishtin.

“Thesari im i veçantë”

Pasi fëmijët e Izraelit u larguan nga Egjipti, Zoti i udhëhoqi ata drejt malit Sinai (ndonjëherë shkrimet e shenjta i referohen malit Sinai si mali Horeb; shih tek Eksodi 3:1), siç ua kishte premtuar (shih tek Eksodi 3:7–12; 19:1–4). Për Moisiun dhe fëmijët e Izraelit, mali Sinai ishte si një tempull: një vend ku ata do të bënin besëlidhje me Perëndinë.

Lexo tek Eksodi 19:3–6, duke kërkuar fjalë dhe fraza që na mësojnë rreth llojit të marrëdhënies që dëshirojnë Ati Qiellor dhe Jezu Krishti me ne.

Çfarë gjete?

Presidenti Rasëll M. Nelson shpjegoi se çfarë do të thotë të jesh “thesar … i veçantë” i Perëndisë (vargu 5):

“Në Dhiatën e Vjetër, termi hebraik nga i cili u përkthye fjala i veçantë, është segullah, që do të thotë ‘pronë e çmueshme’ ose ‘thesar’. …

Pra, ne shohim se termi në shkrimin e shenjtë i veçantë do të thotë ‘thesar i çmueshëm’, ‘i bërë’ ose ‘i zgjedhur nga Perëndia’. Fakti që ne përcaktohemi nga shërbëtorët e Zotit si populli i tij i veçantë, është një kompliment i nivelit më të lartë.” (“Children of the Covenant”, Ensign, maj 1995, f. 34)

Për t’i ndihmuar nxënësit të përcaktojnë një parim, nëse dëshironi, mund të vini në dukje fjalët në qoftë sedo të jeni te vargu 5.

Çfarë parimesh mund të përcaktosh nga këto vargje?

Nxënësit mund të përcaktojnë një sërë parimesh, duke përfshirë nëse i bindemi zërit të Zotit dhe i mbajmë besëlidhjet tona me Të, ne do të bëhemi populli i Tij i shenjtë.

Presidenti Rasëll M. Nelson dha mësim rreth marrëdhënies besëlidhëse që mund të kemi me Perëndinë:

“Kur ju dhe unë kemi bërë besëlidhje me Perëndinë, marrëdhënia jonë me Të bëhet shumë më e ngushtë sesa përpara besëlidhjes sonë. Tani ne jemi të lidhur së bashku. Për shkak të besëlidhjes sonë me Perëndinë, Ai nuk do të lodhet kurrë në përpjekjet e Tij për të na ndihmuar dhe ne kurrë nuk do ta shterim durimin e Tij të mëshirshëm për ne. Secili prej nesh ka një vend të veçantë në zemrën e Perëndisë. Ai ka shpresa të mëdha për ne.” (Rasëll M. Nelson, “Besëlidhja e Përjetshme”, Liahona, tetor 2022, f. 6; Mesazhi i Përmuajshëm për Revistën Liahona, tetor 2022, f. 2)

Çfarë të bën përshtypje nga kjo thënie?

Lexoji fragmentet vijuese të shkrimit të shenjtë, duke kërkuar provat që Perëndia dëshiron një marrëdhënie besëlidhëse me ty. Nëse dëshiron, mund t’i lidhësh ose të bësh referencë-kryq të këtyre vargjeve me vargjet tek Eksodi 19:5–6.

Mateu 11:28–30

Titit 2:11–14

1 Pjetër 1:15–16

Moroni 10:32–33

Ftojini nxënësit të tregojnë fjalë dhe fraza nga këto vargje që tregojnë se Perëndia dëshiron një marrëdhënie besëlidhëse me ne. Nxënësit mund të përmendin se Shpëtimtari na fton të vijmë tek Ai në mënyrë që Ai të mund të na ndihmojë dhe të na japë çlodhje (shihni te Mateu 11:28–30). Ata mund të përmendin se Shpëtimtari e dha Veten e Tij për të na shëlbuar dhe pastruar si populli i Tij i veçantë (shihni tek Titi 2:14) ose që ne mund të jemi të shenjtë për shkak se Shpëtimtari është i shenjtë (shihni te 1 Pjetër 1:16).

Marrëdhënia ime me Perëndinë

Për t’i përgatitur nxënësit për t’iu përgjigjur pyetjeve vijuese në ditarët e tyre të studimit, mund të tregoni mënyrat se si e keni ndier se Perëndia dëshiron një marrëdhënie besëlidhëse me ju. Ftojini nxënësit të reflektojnë mbi përvojat e tyre ndërsa ju flisni.

Nëse dëshironi, mund edhe të përmendni prova të tjera që Perëndia dëshiron të ketë një marrëdhënie besëlidhëse me ne. Shembujt mund të përfshijnë të ndierit e dashurisë së Perëndisë ose marrjen e mbresave shpirtërore që na inkurajojnë të bëjmë mirë dhe të bëhemi më të mirë.

Reflekto mbi çdo mbresë që ke marrë nga Shpirti, dhe jep përgjigje për një ose më shumë prej pyetjeve vijuese në ditarin tënd të studimit:

Çfarë ke mësuar ose ndier që të ndihmon ty të bësh dhe të mbash besëlidhje me Perëndinë?
Si ndikon në dëshirën tënde për t’u afruar më pranë me Perëndinë dijenia se Ai dëshiron një marrëdhënie besëlidhëse të ngushtë?
Si të ka bekuar Perëndia për përpjekjen e fortë për t’i mbajtur besëlidhjet që ke bërë me Të?

Pas një kohe të mjaftueshme, ftojini nxënësit e gatshëm t’ia tregojnë mendimet dhe ndjenjat e tyre klasës. Merreni parasysh të tregoni mënyra se si Perëndia ju ka bekuar ju për bërjen dhe mbajtjen e besëlidhjeve me Të.

Izraelitët përgatiten për të bërë një besëlidhje

Përmbledhja vijuese mund t’i ndihmojë nxënësit të kuptojnë atë që bëri Izraeli për t’u përgatitur për të bërë një besëlidhje me Perëndinë. Nëse dëshironi, mund të përmendni se pas kësaj, Zoti zbuloi Dhjetë Urdhërimet, që nxënësit do t’i studiojnë në dy mësimet e ardhshme. Ndërsa e përfundoni mësimin, mund të tregoni edhe mendimet dhe ndjenjat tuaja rreth mënyrës se si Perëndia dëshiron të bëjë besëlidhje me ne.

Izraelitët ranë dakord të bënin një besëlidhje me Perëndinë për t’u bërë populli i Tij i shenjtë. Zoti tregoi më pas se Ai do të vinte dhe do t’i fliste popullit (shih tek Eksodi 19:7–9). Zoti e urdhëroi Moisiun t’i shenjtëronte njerëzit ose t’i bënte ata të shenjtë dhe që njerëzit t’i pastronin veshjet e tyre në përgatitje për kohën kur Zoti do të “zbr[iste] mbi malin e Sinait para syve të tërë popullit” (Eksodi 19:11). Populli u përgatit dhe u mblodh në malin Sinai “për [t’u takuar] me Perëndi[n]ë” (Eksodi 19:17). Atje, ata panë prova të pranisë së Zotit në mal. Zoti e thirri Moisiun lart në mal për të folur me Të dhe për të zbuluar vullnetin e Tij për popullin (shih tek Eksodi 19:18–25).

Burime Shtesë

Në ç’mënyrë është bërja e një besëlidhjeje me Perëndinë e ndryshme nga një kontratë?

Presidentja Emili Bell Friman, Presidente e Përgjithshme e Të Rejave, foli rreth shtegut të besëlidhjeve në të cilin ecim ndërsa bëjmë besëlidhje me Perëndinë:

10:24

“Ne e quajmë këtë të ecësh në shtegun e besëlidhjeve – një shteg që fillon me besëlidhjen e pagëzimit dhe na çon drejt besëlidhjeve më të thella që i bëjmë në tempull. Ndoshta i dëgjoni ato fjalë dhe mendoni për kutitë e shenjimit në një listë. Ndoshta gjithçka që shihni, është një shteg kërkesash. Një vështrim më i afërt zbulon diçka më bindëse. Një besëlidhje nuk ka të bëjë vetëm me një kontratë, megjithëse kjo është e rëndësishme. Ka të bëjë me një marrëdhënie. Presidenti Rasëll M. Nelson dha mësim: ‘Shtegu i besëlidhjeve është tërësisht rreth marrëdhënies sonë me Perëndinë’ [Rasëll M. Nelson, “Besëlidhja e Përjetshme”, Liahona, tetor 2022, f. 11].” (“Ecja në një Marrëdhënie Besëlidhëse me Krishtin”, Liahona, nëntor 2023, f. 77)

Si mund ta bekojë jetën time bërja dhe mbajtja e besëlidhjeve me Perëndinë?

Plaku Dejvid A. Bednar, i Kuorumit të Dymbëdhjetë Apostujve, dëshmoi:

“Dëshmoj se njerëzit e besëlidhjes së Zotit sot janë njëmend të armatosur me drejtësi dhe me fuqinë e Perëndisë në lavdi të madhe. Kam dëshmuar besim, kurajë, këndvështrim, ngulm dhe gëzim që shtrihen shumë përtej kapacitetit të të vdekshmëve – dhe këto mund t’i japë vetëm Perëndia.” (“Me Fuqinë e Perëndisë në Lavdi të Madhe”, Liahona, nëntor 2021, f. 30)

Si mund të ndikojë bërja dhe mbajtja e besëlidhjeve në mënyrën se si jetojmë?

Plaku Nil L. Andersen, i Kuorumit të Dymbëdhjetë Apostujve, tha:

15:4

“Duke ndriçuar si dritë për njerëzit përreth nesh, ne vazhdimisht u japim formë dëshirave, mendimeve, zgjedhjeve dhe veprimeve tona. Duke kërkuar me gjithë zemrën tonë që ta njohim dhe ta duam Shpëtimtarin, ne e veçojmë veten tonë nga bota nëpërmjet besëlidhjeve me Perëndinë, duke qenë të dallueshëm, të pazakontë dhe të veçantë, ndërkohë që i nderojmë Atë dhe mësimet e Tij, pa u izoluar nga të tjerët të cilët besojnë ndryshe nga ne.” (“Afrimi më Shumë me Shpëtimtarin”, Liahona, nëntor 2022, f. 76)

Motra Beki Krejvën, më parë e Presidencës së Përgjithshme të Të Rejave, dha mësim rreth pritshmërisë së Zotit për ne si “thesari … i veçantë” i Tij:

12:24

“Si populli i besëlidhjes, nuk është e thënë që ne të shkrihemi me pjesën tjetër të botës. Ne jemi quajtur ‘një popull i fituar’ [1 Pjetër 2:9] – çfarë komplimenti! Ndërkohë që ndikimet e botës e përqafojnë gjithnjë e më shumë ligësinë, ne duhet të përpiqemi me gjithë zellin që të qëndrojmë të palëkundur përgjatë shtegut që na çon të sigurt drejt Shpëtimtarit tonë, duke e zgjeruar largësinë ndërmjet të jetuarit të besëlidhjeve nga ana jonë dhe ndikimeve të botës.” (“Të Qenit i Kujdesshëm Kundrejt të Qenit Rastësor”, Liahona, maj 2019, f. 10)

Veprimtari Plotësuese të të Mësuarit

“Shenjtëri Zotit”

Mund të përdorni edhe sa vijon për të diskutuar mënyrën se si ne mund të bëhemi një komb i shenjtë. Tregojuni nxënësve një figurë me fjalët “Shenjtëri Zotit” në pjesën e jashtme të një tempulli. Ndihmojini nxënësit të zbulojnë se çfarë do të thotë të jesh i shenjtë. Një mënyrë se si mund ta bëjnë këtë, është duke kërkuar zërat “Shenjtëri” dhe “Shenjtë (i)” tek Udhëzuesi për Shkrimet e Shenjta.

Diskutoni pse përpjekja e fortë për të qenë i shenjtë është një pjesë e rëndësishme e përgatitjes për të frekuentuar tempullin. Mund të diskutoni gjithashtu se si bërja dhe mbajtja e besëlidhjeve të tempullit mund të na ndihmojë të bëhemi i shenjtë.

Ndryshe nga bota

Mund ta përdorni sa vijon për t’i ndihmuar nxënësit të kuptojnë se si një marrëdhënie besëlidhëse me Perëndinë na ndihmon të jemi ndryshe nga bota. Mund të diskutoni se si udhëtimi i izraelitëve nga Egjipti për në malin Sinai mund të simbolizojë lënien e botës pas për të bërë besëlidhje me Perëndinë.

Diskutoni se si të qenit një “thesar … i veçantë” (Eksodi 19:5) dhe “një komb i shenjtë” (Eksodi 19:6) do t’i bënte fëmijët e Izraelit të ndryshëm nga kombet përreth. Mund të lexoni edhe thënien nga Plaku Nil L. Andersen ose thënien nga Motra Beki Krejvën te pjesa Burime Shtesë. Merreni parasysh të diskutoni një ose më shumë nga pyetjet vijuese:

Si na ndihmon mbajtja e besëlidhjeve me Perëndinë të jemi ndryshe nga bota?
Si mund të jemi ndryshe nga bota pa u izoluar nga bota?
Çfarë efekti mund të ketë te personat që e rrethojnë, një i ri që i mban besëlidhjet?

Nefi pa popullin e besëlidhjes së Zotit në ditët e fundit

Ajo sa vijon mund t’i ndihmojë nxënësit të ndiejnë fuqinë që Zoti i jep popullit të Tij të besëlidhjes në ditët e fundit. Mund t’i ftoni nxënësit të studiojnë vargjet te 1 Nefi 14:12–14, duke kërkuar mënyrën se si Zoti do ta bekojë popullin e Tij të besëlidhjes. Diskutoni se si i kanë parë nxënësit këto bekime në jetën e tyre ose në jetën e njerëzve që njohin. Merreni parasysh të lexoni thënien nga Plaku Dejvid A. Bednar te pjesa Burime Shtesë.

Përvojat e Moisiut dhe Izraelit me Jehovën në malin Sinai

Moisiu pati vizita të shumta me Zotin në malin Sinai ndërsa izraelitët bënë besëlidhje me Jehovën. Grafikët vijues mund t’i ndihmojnë nxënësit t’i kuptojnë ato vizita. Mund të paraqitni formularin bosh dhe të përdorni formularin e plotësuar për t’i ndihmuar nxënësit të zbulojnë atë që ndodhi në çdo vizitë.