Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

ʻEkesōtosi 20: 1–11: Ko e Fekau ʻe Hongofulú: Ko e ʻOfa ki he ʻOtuá mo Hono Fakamuʻomuʻa Ia ʻi Heʻetau Moʻuí

“ʻEkesōtosi 20: 1–11: Ko e Fekau ʻe Hongofulú: Ko e ʻOfa ki he ʻOtuá mo Hono Fakamuʻomuʻa Ia ʻi Heʻetau Moʻuí,” Fuakava Motuʻá – Tohi Lēsoni ʻa e Faiako Seminelí (2026)

“ʻEkesōtosi 20: 1–11: Ko e Fekau ʻe Hongofulú: Ko e ʻOfa ki he ʻOtuá mo Hono Fakamuʻomuʻa Ia ʻi Heʻetau Moʻuí,” Fuakava Motuʻá – Tohi Lēsoni ʻa e Faiako Seminelí

ʻEkesōtosi 19–20; 24; 31–34: Lēsoni 49

ʻEkesōtosi 20:1–11

Ko e Fekau ʻe Hongofulú: Ko e ʻOfa ki he ʻOtuá mo Hono Fakamuʻomuʻa Ia ʻi Heʻetau Moʻuí

ʻOku ʻofa ʻa e Tamai Hēvaní mo Sīsū Kalaisi ʻiate kitautolu kotoa pea ʻokú Na finangalo ke tau ʻuluaki fili Kinaua ʻi heʻetau moʻuí. Hili hono fakahaofi ʻe he ʻEikí e kau ʻIsilelí mei ʻIsipité, naʻá Ne tataki kinautolu ki he Moʻunga Sainaí ke nau fai ha fuakava mo Ia. Naʻá Ne fakahā ai ʻa e Fekau ʻe Hongofulú ke tokoniʻi kinautolu ke nau ʻofa kiate Ia ʻo lahi ange ʻi ha toe meʻa. ʻE lava ke tokoni ʻa e lēsoni ko ʻení ke ʻofa mo fakaʻapaʻapaʻi ʻe he kau akó ʻa e ʻOtuá ʻo laka ange ʻi ha toe meʻa.

Teuteu ʻa e tokotaha akó: Fakaafeʻi e kau akó ke lisi ha niʻihi ʻo e ngaahi fekau ʻa e ʻOtuá. Fakaafeʻi kinautolu ke aleaʻi mo ha mēmipa ʻo e fāmilí pe kaungāmeʻa ʻa e founga ʻoku tokoniʻi ai kinautolu ʻe he ngaahi fekau ne nau lisí ke fakahaaʻi ʻenau ʻofa ki he ʻOtuá pea ke fakamuʻomuʻa Ia ʻi heʻenau moʻuí.

Ngaahi ʻEkitivitī Ako ʻOku Ala Fakahokó

Ko e fekau lahi tahá

Fakatokangaʻi ange: ʻOku nofotaha ʻa e lēsoni ko ʻení ʻi he ʻuluaki fekau ʻe faá. ʻE nofotaha ʻa e Lēsoni 50: “ʻEkesōtosi 20:12–17” ʻi he fekau fakamuimui ʻe onó.

Mahalo te ke fie kamata e kalasí ʻaki hano kole ki he kau akó ke nau fakakaukau pe ko e hā ʻa e fekau ʻi he ngaahi fekau kotoa ʻa e ʻOtuá ʻoku nau pehē ʻoku mahuʻinga tahá. Hili iá pea vahevahe ʻa e fakamatala fakanounou ko ʻení.

Lolotonga e ngāue fakafaifekau ʻa e Fakamoʻuí ʻi he māmaní, naʻe fehuʻi kiate Ia pe ko e fē ʻi he ngaahi fekaú naʻe lahi tahá, pe mahuʻinga tahá (vakai, Mātiu 22:36).

Lau ʻa e Mātiu 22:37–39 (vakai foki, Levitiko 19:18; Teutalōnome 6:5), ʻo kumi e tali ʻa e Fakamoʻuí.

ʻOkú ke pehē ko e hā ʻoku lau ai ʻa e ongo fekaú ni ko e ongo fekau lahi tahá?

ʻI hoʻo ako e Fekau ʻe Hongofulú ʻi he lēsoni ko ʻení mo e ngaahi lēsoni kehé, kumi e founga ʻoku tokoniʻi ai kitautolu ʻe he ngaahi fekau ko ʻení ke tau ʻofa ki he ʻOtuá mo hotau kaungāʻapí. Lolotonga e lēsoni ko ʻení, te ke ako ai ha niʻihi ʻo e Ngaahi Fekau ʻe Hongofulú ʻoku tokoni ke tau ʻofa mo fakaʻapaʻapaʻi ʻa e ʻOtuá.

Lau ʻa e ʻEkesōtosi 20:1–11, ʻo kumi e ʻuluaki fekau ʻe fā naʻe ʻoange ʻe he ʻEikí ki he kakai ʻIsilelí.

Ko ha potufolofola fakataukei fakatokāteline ʻa e ʻEkesōtosi 20:3–17. Fakakaukau ke fakaafeʻi ʻa e kau akó ke nau fakaʻilongaʻi ʻa e ngaahi potufolofola fakataukei fakatokāteliné ʻi ha founga makehe koeʻuhí ke nau lava ʻo maʻungofua kinautolu.

Ko e hā ha ngaahi faitatau ʻokú ke vakai ki ai ʻi he ngaahi fekau ko ʻení pea mo e ʻuluaki fekau lahi mei he Mātiu 22:37–38?

Mahalo te ke fie fakamatalaʻi fakanounou ʻi he palakipoé ʻa e ngaahi moʻoni ʻoku vahevahe ʻe he kau akó. Mahalo ʻe fakalea hangē ko ʻení, ʻoku fekauʻi kitautolu ʻe he ʻOtuá ke tau ʻofa kiate Ia mo fakamuʻomuʻa Ia ʻi heʻetau moʻuí.

Te ke lava ʻo fakaafeʻi e kau akó ke fakafekauʻaki pe fakafehokotaki ʻa e ʻEkesōtosi 20:3–17 mo e Mātiu 22:36–39.
ʻOkú ke pehē ʻoku ʻuhinga ki he hā ke fakamuʻomuʻa ʻa e ʻOtuá ʻi heʻetau moʻuí?

Tokoni ki he kau akó ke nau fakakaukau ki he founga ʻoku nau lolotonga fakaʻaongaʻi ai ʻa e moʻoni ko ʻení ʻi heʻenau moʻuí. Te ke lava ʻo fakaafeʻi kinautolu ke fakakakato ʻa e sivi ko ʻení.

Fakalaulauloto ki hoʻo ngaahi tali ki he ongo fehuʻi ko ʻení. Mahalo te ke fie lekooti ha niʻihi ʻo hoʻo ngaahi fakakaukaú ʻi hoʻo tohinoa akó.

ʻOku hoko nai ʻeku ʻofa ki he ʻOtuá ko e ivi tākiekina mahuʻinga taha ʻi heʻeku moʻuí?
Ko e hā nai ha meʻa te ne taʻofi au mei heʻeku ʻofa ki he ʻOtuá mo hono fakamuʻomuʻa Ia ʻi heʻeku moʻuí?

Ngaahi fekau ʻoku tokoni ke tau ʻofa ki he ʻOtuá mo fakamuʻomuʻa Iá

ʻE lava ke tokoni ʻa e vahevahé ke ʻilo lahi ange ʻa e kau akó ki he meʻa ʻoku nau akó. ʻOange ki he kau akó ha faingamālie ke vahevahe ʻa e meʻa ne nau ʻilo mei he laʻipepa tufá. ʻE lava ke vahevahe ʻa e kau akó ʻi ha fanga kiʻi kulupu iiki pe mo e kalasí.

ʻO ka feʻunga, fakakaukau ke tali ʻa e fehuʻi ko ʻení ʻaki hoʻo aʻusia pē ʻaʻau hili e tali ʻa e kau ako naʻa nau loto ke kau maí.

Ko e hā ha ngaahi tāpuaki kuó ke aʻusia, pe ko ha taha ʻokú ke ʻilo, ʻi hono fakamuʻomuʻa ʻo e ʻOtuá?

Ko hono fakamuʻómuʻa ʻo e ʻOtuá

ʻE lava ke tokoni ʻa e ʻekitivitī ko ʻení ki he kau akó ke nau faʻu ha palani ke ʻofa ki he ʻOtuá pea fakamuʻomuʻa Ia ʻi heʻenau moʻuí. Fakamanatu ki he kau akó ʻoku ʻuhinga ʻa e fika 1 ki hono fakamuʻomuʻa ʻo e ʻOtuá ʻi heʻetau moʻuí.

ʻI hoʻo tohinoa akó, pe ʻi ha laʻipepa kehe, tā matalalahi ʻa e mataʻifika 1. ʻAi ke lahi feʻunga ke lava ha tohi ʻi loto, pe tuku ha feituʻu ʻatā ke tohi ai ʻi he tafaʻakí.

Fekumi ki ha fakahinohino mei he Tamai Hēvaní ʻo fakafou ʻi he Laumālie Māʻoniʻoní ke fakapapauʻi ʻa e meʻa te ke lava ʻo fai ke fakamuʻomuʻa ai ʻa e ʻOtuá ʻi hoʻo moʻuí. Tohiʻi ʻi loto pe tafaʻaki ʻo e mataʻifika 1 ʻa e meʻa te ke faí. Tohi ʻi lalo hifo ai hoʻo tali ki he ngaahi fehuʻi ko ʻení:

ʻE tokoni fēfē nai hono fai ʻení ke ke ʻofa ki he ʻOtuá mo fakamuʻomuʻa Ia ʻi hoʻo moʻuí?
ʻE tāpuekina fēfē nai koe ʻe he ʻEikí ʻi hono fai ʻení?
Ko e hā ha ngaahi faingataʻa te ke ala fehangahangai mo ia ʻi hoʻo fakahoko ʻení? Ko e hā te ke lava ʻo fai ke ikunaʻi ai ʻa e ngaahi pole ko ʻení?

Poupouʻi e kau akó ke ngāueʻi e ngaahi ueʻi fakalaumālie kuo nau maʻú. ʻE maʻu ʻe he kau akó ha faingamālie ke toe vakaiʻi ʻenau fakalakalaka ʻi he Lēsoni 67: “Siviʻi Hono 4 Hoʻo Akó.”

Ako Ma‘uloto

Te ke ala tokoni ki he kau akó ke nau ako maʻuloto ʻa e fakamoʻoni folofola ki he fakataukei fakatokāteliné mo e kupuʻi lea mahuʻinga ʻo e potufolofolá, lolotonga ʻa e lēsoni ko ʻení pea toe vakaiʻi ia ʻi he ngaahi lēsoni ʻi he kahaʻú. Ko e kupuʻi lea mahuʻinga mei he folofolá ki he ʻEkesōtosi 20:3–17 ko e “Ko e Fekau ʻe Hongofulú.” ʻOku maʻu ʻa e ngaahi fakakaukau ki he ngaahi ʻekitivitī ako maʻulotó ʻi he naunau fakalahi ʻi he “Ngaahi ʻEkitivitī Fakamanatu ʻo e Fakataukei Fakatokāteliné.”

Ngaahi Maʻuʻanga Tokoni Kehé

ʻE tāpuekina fēfē ʻeku moʻuí ʻi he talangofua ki he ngaahi fekau ʻa e ʻOtuá?

Naʻe akoʻi ʻe Palesiteni Tāleni H. ʻOakesi ʻo e Kau Palesitenisī ʻUluakí:

ʻOku finangalo ʻa e ʻOtuá ke tau tauhi ʻEne ngaahi fekaú he ʻoku fakafou ʻi he talangofua pē ko iá, kau ai ʻa e fakatomalá, ʻa ʻetau lava ko ia ke toe foki hake ʻo nofo ʻi Hono ʻaó pea hoko ai ʻo haohaoa ʻo hangē pē ko Iá. (“Fekau Lalahi ʻe Uá,” Liahona, Nōvema 2019, 74)

Naʻe fakamatalaʻi ʻe ʻEletā D. Toti Kulisitofasoni ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

ʻOku fakaʻilongaʻi [ʻe he ngaahi fekau ʻa e ʻOtuá] ʻa e hala ʻo e fakamoʻuí, fiefiá, melinó mo e nēkeneká. Kuo tāpuekina kitautolu ʻe heʻetau Tamaí mo hotau Huhuʻí ʻaki e ngaahi fekaú, pea ʻi he talangofua ki Heʻena ngaahi fekaú, te tau ongoʻi kakato mo lahi ange ai ʻa ʻEna ʻofa haohaoá. (“Ko e ʻOfa ʻa e ʻOtuá,” Liahona, Nōvema 2021, 18)

ʻE tāpuekina fēfē ʻeku moʻuí ʻi hono fakamuʻomuʻa ʻa e ʻOtuá?

Naʻe fakamatala ʻa Palesiteni ʻEselā Tafu Penisoni (1899–1994) ʻo pehē:

Ko e taimi ʻoku tau fakamuʻomuʻa ai ʻa e ʻOtuá, ʻe tuʻu ʻa e ngaahi meʻa kehe kotoa pē ʻi honau tuʻunga totonú pe ko ʻenau mavahe mei heʻetau moʻuí. ʻE puleʻi ʻe heʻetau ʻofa ki he ʻEikí ʻa ʻetau talaki ʻetau ʻofá, ngaahi fie maʻu ki hotau taimí, ngaahi meʻa ʻoku tau tulifua ki aí, pea mo e fakahokohoko ʻo e ngaahi meʻa ʻoku tau mahuʻingaʻia aí. (“The Great Commandment—Love the Lord,” Ensign, Mē 1988, 4)

Naʻe vahevahe ʻe ʻEletā D. Toti Kulisitofasoni ʻo e Kōlomu ʻo e Kau ʻAposetolo ʻe Toko Hongofulu Mā Uá:

ʻI he taimi ʻoku tau ʻuluaki ʻofa ai ki he ʻOtuá, ʻoku tau vakai ki māmani mo ʻetau moʻuí ʻaki Hono fofongá kae ʻikai vakai ʻaki e mata ʻo ha taha kehe (naʻa mo ha tokotaha manakoa ʻi he mītia fakasōsialé). (“The First Commandment First” [fakataha lotu ʻa e ʻUnivēsiti Pilikihami ʻIongí, 22 Māʻasi, 2022], 3–4, speeches.byu.edu)

Ngaahi ʻEkitivitī Fakalahi ki he Akó

Ko e ngaahi tāpuaki ʻo e ʻaho Sāpaté

Mahalo ʻe ʻaonga ki he kau akó hano aleaʻi lahi ange ʻa e mahuʻinga ʻo e ʻaho Sāpaté. Ke fai ʻení, te mou lava ʻo lau fakakalasi ʻa e ʻEkesōtosi 20:8–11. Hili iá te ke lava ʻo vahevahe ʻa e ngaahi fakamoʻoni fakafolofola ko ʻení ki he kau akó ke nau lau. Te nau lava ʻo fekumi ki he meʻa ʻoku nau ako fekauʻaki mo e fekau ʻa e ʻEikí ke tauhi ʻa e ʻaho Sāpaté ke māʻoniʻoní.

ʻĪsaia 58:13–14

Mātiu 12:1–13

Tokāteline mo e Ngaahi Fuakava 59:9–17

Hili iá te mou lava ʻo mamata ʻi he “Upon My Holy Day—Honoring the Sabbath” (1:30) ke tokoni ke vakai e kau akó ki he tāpuaki ʻo e ʻaho Sāpaté mei ha fakakaukau foʻou.

1:30

Hili iá ʻe lava ke aleaʻi ʻe he kau akó ʻa e ngaahi tāpuaki kuo nau mātā ʻi hono tauhi ʻo e ʻaho Sāpaté ke māʻoniʻoní. Pe ko hoʻo ʻai ke lau ʻe he kau akó ʻa e ngaahi konga ʻo e fakamatala “Ko e Ngaahi Tāpuaki ʻo e ʻAho Sāpaté” (Ensign, Māʻasi 2016, 48–51), ʻo kumi ha niʻihi ʻo e ngaahi tāpuaki ʻo hono tauhi ʻo e Sāpaté ke māʻoniʻoní.

Ko e Ngaahi Tāpuaki ʻo e ʻAho Sāpaté ʻi he Liahona

Ko e Tokotaha Fai Fonó

Te ke lava ʻo fakaʻaongaʻi ʻa e fakakaukau ko ʻení ke fakafeʻiloaki ʻaki ʻa e Fekau ʻe Hongofulú. Mahalo ʻe ʻaonga ki he kau akó ʻenau tokanga taha ki he huafa ʻo e Fakamoʻuí ko e Tokotaha Fai Fonó (vakai, ʻĪsaia 33:22). ʻE lava ke ke lau ʻa e Teutalōnome 4:11–13 (vakai, Teutalōnome 5:2–4, 22). Tokoni ke ʻiloʻi ʻe he kau akó ʻi he hoko ʻa e ʻEikí ko e Tokotaha Fai Fonó, naʻá Ne foaki Tonu ai ʻa e Ngaahi Fekau ʻe Hongofulú ki ʻIsileli ʻi he fuakava. Fakakaukau ke aleaʻi e ngaahi fehuʻi hangē ko ʻení:

Naʻe mei tākiekina fēfē nai ʻe he fanongo ki hono folofola ʻaki ʻe he ʻEikí ʻa e Fekau ʻe Hongofulú ʻa e anga e vakai ʻa e kakai ʻIsilelí kiate kinautolú?
ʻE tokoni fēfē nai kiate kitautolu ke tau ʻilo naʻe ʻomi fakahangatonu ʻa e ngaahi fekaú mei he ʻEikí?

Ngaahi vitiō ke fili mei aí

“The Ten Commandments” (2:13). ʻOku akoʻi ʻe he vitiō ko ʻení ha founga faingofua ke manatuʻi ai e Fekau ʻe Hongofulú.

2:10

“Ministry of Howard W. Hunter: Putting the Lord First” (2:25). Naʻe fili ʻa Palesiteni Hauati W. Hanitā (1907–1995) ke fakamuʻomuʻa ʻa e ʻEikí ʻi heʻene moʻuí.

2:25

“Obedience to the Ten Commandments” (3:10). Naʻe akoʻi ʻe ʻEletā L. Tomu Peuli (1922–2015) ʻo e Kōlomu ʻo e Kau ʻAposetolo ʻe Toko Hongofulu Mā Uá ʻa e founga ʻoku ʻikai liliu ai e ngaahi tāpuaki kuo talaʻofa mai ʻe he ʻOtuá ki hono tauhi e ngaahi fekaú neongo e feliliuaki maʻu pē ʻa e sōsaietí.

3:10