Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

ʻEkesōtosi 20: 12–17: ʻOku Tokoniʻi Kitautolu ʻe he Ngaahi Fekau ʻe Hongofulú ke Tau ʻOfa ki he ʻOtuá mo Hotau Kaungāʻapí

“ʻEkesōtosi 20: 12–17: ʻOku Tokoniʻi Kitautolu ʻe he Ngaahi Fekau ʻe Hongofulú ke Tau ʻOfa ki he ʻOtuá mo Hotau Kaungāʻapí,” Fuakava Motuʻá – Tohi Lēsoni ʻa e Faiako Seminelí (2026)

“ʻEkesōtosi 20: 12–17: ʻOku Tokoniʻi Kitautolu ʻe he Ngaahi Fekau ʻe Hongofulú ke Tau ʻOfa ki he ʻOtuá mo Hotau Kaungāʻapí,” Fuakava Motuʻá – Tohi Lēsoni ʻa e Faiako Seminelí

ʻEkesōtosi 19–20; 24; 31–34: Lēsoni 50

ʻEkesōtosi 20:12–17

ʻOku Tokoniʻi Kitautolu ʻe he Ngaahi Fekau ʻe Hongofulú ke Tau ʻOfa ki he ʻOtuá mo Hotau Kaungāʻapí

ʻI he nofo kemi e fānau ʻIsilelí ʻi he Moʻunga Sainaí, naʻe fakahā ʻe he ʻEikí kiate kinautolu ʻa e Fekau ʻe Hongofulú. ʻI heʻetau tauhi e Fekau ʻe Hongofulú, ʻoku tau fakahaaʻi ai ʻetau ʻofa ki he ʻOtuá mo e niʻihi kehé. ʻI heʻetau feinga ke ʻofa ki he niʻihi kehé ʻo hangē ko ia ʻoku fai ʻe he Tamai Hēvaní mo Sīsū Kalaisí, ʻoku tupulaki foki ai mo ʻetau ʻofa kiate Kinauá. ʻE lava ke tokoni ʻa e lēsoni ko ʻení ke mahino ki he kau akó ʻa e ngaahi founga ke tauhi ai ʻa e ngaahi fekau ʻe tokoni ke nau ʻofa ki he ʻOtuá mo honau kaungāʻapí.

Teuteu ʻa e tokotaha akó: Fakaafeʻi e kau akó ke siviʻi ʻenau ʻilo ki he Fekau ʻe Hongofulú. Te nau lava ʻo ngāue ki hono lisi fakahokohoko pe lau maʻuloto kinautolú.

Ngaahi ʻEkitivitī Ako ʻOku Ala Fakahokó

Savea fekauʻaki mo e ngaahi fekaú

Fakaafeʻi e kau akó ke kumi pea lau ʻa e Fekau ʻe Hongofulú ʻi he ʻEkesōtosi 20:3–17 pe ʻi he peesi 39 ʻi he Ki Hono Fakamālohia ʻo e Toʻu Tupú: Ko ha Fakahinohino ki Hono Fakahoko ha Ngaahi Filí (2022). Te nau lava ʻo tali e ngaahi fehuʻi ko ʻení, pe ko ʻenau fakafuofuaʻi e tuʻunga tauhi mo maumauʻi ʻo e Fekau ʻe Hongofulú mei he 1 (talangofua lahi taha) ki he 10 (maumauʻi lahi taha) ʻo makatuʻunga ʻi he meʻa ʻe ala maʻu ʻe he savea ko ʻení.

Ko e fē ʻi he Ngaahi Fekau ʻe Hongofulú ʻokú ke ongoʻi ʻoku lahi talangofua ki ai ʻa e kakaí? Ko e hā hono ʻuhingá?
Ko e fē ʻi he Ngaahi Fekau ʻe Hongofulú ʻokú ke ongoʻi ʻoku lahi maumauʻi ʻe he kakaí? Ko e hā hono ʻuhingá?
ʻOkú ke pehē ʻoku fakahaaʻi fēfē ʻetau ongo ki he ʻOtuá ʻi he anga ʻo ʻetau tauhi ʻEne ngaahi fekaú?

ʻOku tokoniʻi kitautolu ʻe he Fekau ʻe Hongofulú ke tau ʻofa ki he ʻOtuá mo hotau kaungāʻapí

Mahalo naʻe ako ʻe he kau akó ʻa e Fekau ʻe Hongofulú ʻi he Lēsoni 49: “ʻEkesōtosi 20:1–11”. Mahalo te ke fie maʻu ke lau pe toe vakaiʻi ʻe he kau akó ʻa e Mātiu 22:36–40, ʻo kumi ʻa e ongo fekau lalahi ʻe ua naʻe akoʻi ʻe Sīsuú. ʻE lava ke toe vakaiʻi ʻe he kau akó ʻa e founga ʻoku fekauʻaki ai ʻa e Fekau ʻe Hongofulú ʻi he ʻEkesōtosi 20:3–17 mo e ongo fekau lalahi ko ʻení. Tokoni ke ʻiloʻi ʻe he kau akó ʻa e founga ʻoku nofotaha ai ʻa e ngaahi fekau ʻe ono fakaʻosí ʻi he ʻofa ki hotau kaungāʻapí.

Lau ʻa e ʻEkesōtosi 20:12–17, ko e fekau fakaʻosi ʻe ono ʻo e Fekau ʻe Hongofulú. Kumi e founga ʻoku akoʻi ai ʻe he ngaahi veesi ko ʻení ʻoku tau fakahaaʻi ʻetau ʻofa ki he ʻOtuá mo hotau kaungāʻapí ʻi heʻetau moʻui ʻaki e Fekau ʻe Hongofulú.

ʻI hoʻo akó, mateuteu ki he ngaahi ueʻi mei he Laumālie Māʻoniʻoní. Fakalaulauloto ki he meʻa te ke lava ʻo fai ke ʻofa ai ki he ʻOtuá mo ho kaungāʻapí ʻaki hono tauhi e Ngaahi Fekau ʻe Hongofulú.

Ngaahi fekau ke ʻofa ʻi hotau kaungāʻapí

Vahevahe ʻa e tokotaha akó

Fakamālō ki he kau akó ʻi heʻenau ngāue mālohí, pea fakahīkihikiʻi kinautolu ʻi heʻenau ngaahi ngāué. Fakakaukau ki ha founga ke nau vahevahe ai e meʻa naʻa nau akó. Hangē ko ʻení, te ke lava ʻo fokotuʻutuʻu ʻa e ʻū seá ke tangutu fehangahangai ai e kau akó ʻi ha ongo ʻotu. ʻOange ha taimi pau ke nau vahevahe ai ʻa e meʻa ne nau akó mo e tokotaha ʻoku nau tangutu fehangahangai mo iá. Hili ʻena vahevahé fakatouʻosi, fakaafeʻi ʻa e kau ako ʻi ha taha ʻo e ongo ʻotú ke nau tuʻu ʻo ʻunu ʻaki ha sea ʻe taha. ʻE maʻu ʻe he kau akó he taimí ni ha hoa kehe. Toutou fakahoko pē ia ʻo fakatatau mo e fie maʻú.

Hili iá, ʻe lava ke aleaʻi fakakalasi ʻe he kau akó ʻa e ngaahi fehuʻi ko ʻení pe mo honau hoa lolotongá.

Fili ha fekau pau naʻá ke ako, pea tali ʻa e ongo fehuʻi ko ʻení:

ʻE tokoniʻi fēfē koe ʻe hoʻo ʻofa ki he ʻOtuá mo ho kaungāʻapí ke ke tauhi ʻa e fekau ko ʻení?
Ko e hā ha ngaahi tāpuaki kuó ke aʻusia mei hono moʻui ʻaki e fekau ko ʻení?

Fakakaukau ke vahevahe hoʻo ngaahi fakakaukau ki he founga ʻe lava ke tokoniʻi ai kitautolu ʻe he talangofua ki he ngaahi fekau ʻa e ʻEikí ke tau ʻofa lahi ange ki he ʻOtuá mo e niʻihi kehé. Te ke lava ʻo poupouʻi e kau akó ke hokohoko atu ʻenau feinga ke talangofua ki he Fekau ʻe Hongofulú.

Ngaahi Maʻuʻanga Tokoni Kehé

ʻE tokoniʻi fēfē au ʻe he ʻofa ki he ʻOtuá ke u ʻofa ki he niʻihi kehé?

Naʻe akonaki ʻa Palesiteni Lāsolo M. Nalesoni ʻo pehē:

ʻI he taimi ʻoku tau ʻofa ai ki he ʻOtuá ʻaki e kotoa hotau lotó, ʻokú Ne fakatafoki hotau lotó ki he lelei ʻa e niʻihi kehé ʻi ha founga fakaʻofoʻofa mo maʻa. (“Ko e Fekau Lahi Hono Uá,” Liahona, Nōvema 2019, 97)

Naʻe akoʻi ʻe Palesiteni Tōmasi S. Monisoni (1927–2018) ʻa e meʻá ni fekauʻaki mo hono tauhi ʻo e ngaahi fekaú:

He ʻikai ke tau lava ʻo ʻofa moʻoni ʻi he ʻOtuá kapau ʻoku ʻikai ke tau ʻofa ʻi hotau kaungā fononga he moʻui fakamatelié. Ko e meʻa tatau pē, he ʻikai ke tau lava ʻo ʻofa kakato ʻi hotau kāingá kapau ʻoku ʻikai ke tau ʻofa ʻi he ʻOtuá, ko e Tamai kiate kitautolú kotoa. ʻOku talamai ʻe he ʻAposetolo ko Sioné, “Pea ko e fekaú ni ʻoku tau maʻu meiate Ia, Ko ia ia ʻoku ʻofa ki he ʻOtuá ke ʻofa foki ia ki hono tokouá” [1 Sione 4:21]. Ko e fānau fakalaumālie kotoa kitautolu ʻa ʻetau Tamai Hēvaní pea, ʻi heʻene peheé, ko e ngaahi tokoua mo e tuofāfine. ʻI heʻetau manatuʻi ʻení, ʻe fakaʻau ʻo faingofua ange ʻa e ʻofa ʻi he fānau kotoa ʻa e ʻOtuá. (“ʻOfá—ko e ʻElito ʻo e Ongoongoleleí,” Liahona, Mē 2014, 91)

Ngaahi ʻEkitivitī Fakalahi ki he Akó

Ngaahi tūkunga ʻo e ngaahi fekaú

Hili hono ako ʻe he kau akó e ngaahi fekaú, te ke lava ʻo fakaʻaliʻali ʻa e ngaahi tūkunga ko ʻení. ʻE lava ke fokotuʻu atu ʻe he kau akó ha ngaahi fekau ʻe lava ke feinga ʻa e tokotaha ʻi he tūkungá ke talangofua ki ai. Te nau lava ʻo aleaʻi ʻa e founga ʻe ala tokoni ai ʻa e fekau ko iá ki he tokotahá.

1. ʻOku ongoʻi loto-mamahi ha finemui ʻi heʻene ongomātuʻá. Kuó ne talaange ki hano ngaahi kaungāmeʻa te ne lava ʻo ʻalu ki ha polokalama, ka ko ʻeni kuo taʻofi ia ʻe heʻene ongomātuʻá. Neongo ia ka ʻokú ne hola pē ʻo ʻalu.

2. Kuo femoʻuekina ha talavou ʻi he vaʻinga sipoti maʻa ʻene timi fakaakó. Kuó ne liʻaki e akó he taimi ʻe niʻihi pea ʻoku fie maʻu ke ne fakahoko ha ngaahi ngāue fakaako mei ʻapi mo ha ngaahi sivi kimuʻa ʻi heʻene vaʻinga hokó. ʻOkú ne fakakaukau ke fakaʻaongaʻi e ngaahi ngāue mo e ngaahi sivi ʻa hono ngaahi kaungāmeʻá ke maʻu vave ai e ngaahi talí.

3. ʻOku muimui ha finemui ki ha kakai kehekehe ʻi he mītia fakasōsialé. ʻOkú ne loto-mamahi ʻi he anga ʻo ʻene fotú mo e teuteú. ʻOkú ne fakaʻaongaʻi ha taimi lahi ke feinga ke hangē ko e kakai ʻokú ne sio ai ʻi he ʻinitanetí.

ʻEkesōtosi 20:17. Loto-houngaʻia

Ko e founga ʻe taha ke fakaʻehiʻehi ai mei he mānumanú ko e ako ke houngaʻia mo fiefia ʻi he meʻa ʻoku tau maʻú. Ke mahino lelei ange ʻa e fakakaukau ʻo e loto-houngaʻiá, ʻe lava ke lau ʻe he kau akó ʻa e fakamatala “Ko e Kasa Loto-Houngaʻiá” (Ki hono Fakamālohia ʻo e Toʻu Tupú, Fēpueli 2021, 31).

Vitiō

ʻI he taimi ʻoku ako ai ʻe he kau akó ʻa e ngaahi fekau ke ʻoua ʻe kaihaʻa pea ʻoua ʻe fakamoʻoni loí, te ke lava ʻo huluʻi pe tataki kinautolu ki he foʻi vitiō “Faitotonú: Tui Leva Ki Ai!” (4:46). ʻOku vahevahe ʻe he vitiō ko ʻení ʻa e talanoa ʻo ha tokotaha ako fakafaitoʻo naʻe ʻikai ke ne tali ke kākā ʻo faʻifaʻitaki lolotonga ha sivi.

4:47