Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Exodo 19: “Aking Sariling Pag-aari”

“Exodo 19: ‘Aking Sariling Pag-aari,’” Manwal ng Titser ng Seminary para sa Lumang Tipan (2026)

“Exodo 19: ‘Aking Sariling Pag-aari,’” Manwal ng Titser ng Seminary para sa Lumang Tipan

Exodo 19–20; 24; 31–34: Lesson 48

Exodo 19

“Aking Sariling Pag-aari”

A photograph of a mountain thought to be Mount Sinai, rising above a desert landscape on a clear day.

Mahal ng Ama sa Langit ang lahat ng Kanyang anak at nais Niya na makipagtipan sa Kanya ang bawat isa sa atin. Kapag alam natin kung ano ang nadarama Niya sa mga Israelita, matutulungan tayo nitong maunawaan kung ano ang nadarama Niya tungkol sa atin. Matapos akayin ang mga anak ni Israel palabas ng Ehipto, dinala sila ng Panginoon sa Bundok ng Sinai upang makipagtipan sa Kanya. Ang lesson na ito ay makatutulong sa mga estudyante na madama sa kanilang puso ang hangarin ng Diyos na makipagtipan sa kanila.

Paghahanda ng estudyante: Anyayahan ang mga estudyante na pagnilayan kung ano ang dahilan kung bakit makabuluhan o mahalaga ang isang ugnayan. Maaari silang mag-isip ng isang tao na may mahalagang kaugnayan sa kanila, at maaari silang magdala ng retrato ng taong ito na ibabahagi sa simula ng klase.

Mga Posibleng Aktibidad sa Pag-aaral

Mga espesyal na ugnayan

Maaari kang magpakita ng retrato ng isang taong may mahalagang kaugnayan sa iyo, tulad ng isang kapamilya o isang mentor. Ibahagi kung bakit mahalaga sa iyo ang kaugnayan mo sa taong ito. Anyayahan ang mga estudyante na mag-isip ng isang taong mahalaga sa kanilang buhay. Kung nagdala ng retrato ang mga estudyante sa klase, maaari nilang ipakita ito ngayon.

Bakit mahalaga ang kaugnayan ninyo sa taong ito?

Anyayahan ang mga estudyante na mapanalanging pag-isipan ang mga sumusunod na tanong. Hilingin sa kanila na itala sa kanilang study journal ang mga saloobin at nadarama nila.
Gaano kahalaga sa iyo ang iyong kaugnayan sa Ama sa Langit at kay Jesucristo?
Ano ang kaibahan ng kaugnayan mo sa Ama sa Langit at kay Jesucristo sa iba pang ugnayan na mayroon ka?
Sa iyong palagay, sa anong mga paraan maaaring magbago ang iyong buhay habang patuloy mong pinatitibay ang iyong ugnayan sa Ama sa Langit at kay Jesucristo?

Humingi ng patnubay sa Espiritu para maunawaan kung ano ang magagawa mo para mapatibay ang iyong ugnayan sa Ama sa Langit at kay Jesucristo.

“Aking sariling pag-aari”

Matapos umalis ang mga anak ni Israel sa Ehipto, inakay sila ng Panginoon sa Bundok ng Sinai (kung minsan, tinutukoy sa mga banal na kasulatan ang Bundok ng Sinai bilang Bundok ng Horeb; tingnan sa Exodo 3:1), tulad ng ipinangako Niya (tingnan sa Exodo 3:7–12; 19:1–4). Para kay Moises at sa mga anak ni Israel, ang Bundok ng Sinai ay parang templo: isang lugar kung saan sila makikipagtipan sa Diyos.

Basahin ang Exodo 19:3–6, at hanapin ang mga salita at parirala na nagtuturo tungkol sa kung anong uri ng ugnayan ang nais ng Ama sa Langit at ni Jesucristo sa atin.

Ano ang nahanap ninyo?

Ipinaliwanag ni Pangulong Russell M. Nelson kung ano ang ibig sabihin ng maging “sariling pag-aari” ng Diyos (talata 5):

Sa Lumang Tipan, ang salitang Hebreo na pinagmulan ng salin ng sariling pag-aari ay segullah, na ibig sabihin ay “pinahahalagahang pag-aari” o “kayamanan.” …

Kaya naman, makikita natin na ang ibig sabihin ng mga salita sa banal na kasulatan na sariling pag-aari ay “pinahahalagahang kayamanan,” “ginawa,” o “pinili ng Diyos.” Ang pagtukoy sa atin ng mga tagapaglingkod ng Panginoon bilang mga taong Kanyang sariling pag-aari ay napakagandang papuri. (“Children of the Covenant,” Ensign, Mayo 1995, 34)

Upang matulungan ang mga estudyante na tumukoy ng isang alituntunin, maaari mong ituro ang salitang kung at ang kasunod na parirala nito sa talata 5.

Anong mga alituntunin ang matutukoy ninyo sa mga talatang ito?

Maaaring tukuyin ng mga estudyante ang iba’t ibang alituntunin, kabilang ang kung susundin natin ang tinig ng Panginoon at tutuparin ang ating mga tipan sa Kanya, tayo ay magiging Kanyang mga banal na tao.

Itinuro ni Pangulong Russell M. Nelson ang tungkol sa tipan na maaari natin gawin at tuparin sa Diyos:

Kapag kayo at ako ay nakipagtipan sa Diyos, nagiging mas malapit ang ating ugnayan sa Kanya kaysa noong bago tayo makipagtipan. Ngayon ay nakabigkis na tayo sa isa’t isa. Dahil sa ating tipan sa Diyos, hindi Siya kailanman mapapagod sa Kanyang mga pagsisikap na tulungan tayo, at hindi kailanman mauubos ang Kanyang maawaing pasensya sa atin. Ang Diyos ay may espesyal na pagmamahal para sa bawat isa sa atin. Malaki ang inaasahan Niya para sa atin. (Russell M. Nelson, “Ang Walang Hanggang Tipan,” Liahona, Okt. 2022, 6)

Ano ang pinakamahalaga para sa inyo mula sa pahayag na ito?

Basahin ang mga sumusunod na scripture passsage, at maghanap ng katibayan na nais ng Diyos na makipagtipan sa inyo. Maaari mong i-link o i-cross-reference ang mga talatang ito sa Exodo 19:5–6.

Mateo 11:28–30

Tito 2:11–14

1 Pedro 1:15–16

Moroni 10:32–33

Anyayahan ang mga estudyante na magbahagi ng mga salita at parirala mula sa mga talatang ito na nagpapakita na nais ng Diyos na makipagtipan sa atin. Maaaring banggitin ng mga estudyante na inaanyayahan tayo ng Tagapagligtas na lumapit sa Kanya upang matulungan Niya tayo at bigyan tayo ng kapahingahan (tingnan sa Mateo 11:28–30). Maaari nilang banggitin na ibinigay ng Tagapagligtas ang Kanyang Sarili upang tubusin at gawin tayong dalisay bilang sambayanang pag-aari Niya (tingnan sa Tito 2:14) o na maaari tayong maging banal dahil ang Tagapagligtas ay banal (tingnan sa 1 Pedro 1:16).

Ang aking ugnayan sa Diyos

Para maihanda ang mga estudyante na sagutin ang mga sumusunod na tanong sa kanilang study journal, maaari mong ibahagi ang mga paraan kung paano mo nadama na nais ng Diyos na makipagtipan sa iyo. Anyayahan ang mga estudyante na pagnilayan ang sarili nilang mga karanasan habang nagbabahagi ka.

Maaari mo ring banggitin ang iba pang katibayan na nais ng Diyos na makipagtipan sa atin. Maaaring kabilang sa mga halimbawa ang pagdama sa pagmamahal ng Diyos o pagtanggap ng mga espirituwal na impresyon na naghihikayat sa atin na gumawa ng mabuti at maging mas mabuti.

Pagnilayan ang anumang impresyong natanggap ninyo mula sa Espiritu, at sagutin sa inyong study journal ang isa o mahigit pa sa mga sumusunod na tanong:

Ano ang natutuhan o nadama mo na tumutulong sa iyo na naising gumawa at tumupad ng mga tipan sa Diyos?
Paano nakakaapekto sa hangarin mong mapalapit sa Diyos ang kaalaman na nais Niya ng malapit na pakikipagtipan sa iyo?
Paano ka pinagpala ng Diyos sa pagsisikap mong tuparin ang mga tipang ginawa mo sa Kanya?

Pagkatapos ng sapat na oras, anyayahan ang mga handang estudyante na ibahagi sa klase ang kanilang mga saloobin at nadarama. Maaari mong ibahagi ang mga paraan kung paano ka pinagpala ng Diyos sa paggawa at pagtupad ng mga tipan sa Kanya.

Naghanda ang mga Israelita na makipagtipan

Ang sumusunod na buod ay makatutulong sa mga estudyante na maunawaan ang ginawa ng Israel para maghanda na makipagtipan sa Diyos. Maaari mong banggitin na pagkatapos nito, inihayag ng Panginoon ang Sampung Utos, na pag-aaralan ng mga estudyante sa susunod na dalawang lesson. Sa pagtatapos mo ng lesson, maaari mo ring ibahagi ang iyong mga saloobin at nadarama tungkol sa kung paano nais ng Diyos na makipagtipan sa atin.

Pumayag ang mga Israelita na makipagtipan sa Diyos upang maging Kanyang banal na mga tao. Pagkatapos ay ipinahiwatig ng Panginoon na Siya ay darating at mangungusap sa mga tao (tingnan sa Exodo 19:7–9). Iniutos ng Panginoon kay Moises na pabanalin ang mga tao, o gawin silang banal, at linisin ng mga tao ang kanilang mga kasuotan bilang paghahanda sa panahong ang Panginoon ay “bababa sa paningin ng buong bayan sa ibabaw ng bundok ng Sinai” (Exodo 19:11). Inihanda ng mga tao ang kanilang sarili at nagtipon sa Bundok ng Sinai “upang katagpuin ang Diyos” (Exodo 19:17). Doon, nakita nila ang katibayan ng presensya ng Panginoon sa bundok. Tinawag ng Panginoon si Moises sa bundok upang kausapin Siya at ipahayag ang Kanyang kalooban para sa mga tao (tingnan sa Exodo 19:18–25).

Karagdagang Resources

Paano naiiba ang pakikipagtipan sa Diyos sa isang kontrata?

Nagsalita si Pangulong Emily Belle Freeman, Young Women General President, tungkol sa landas ng tipan na tinatahak natin kapag nakikipagtipan tayo sa Diyos:

10:24

Ang tawag natin dito ay pagtahak sa landas ng tipan—landas na nagsisimula sa tipan ng binyag at humahantong sa mas malalim na mga tipan natin sa templo. Marahil ay naririnig ninyo ang mga salitang iyon at nag-iisip kayo ng mga bagay na dapat gawin. Siguro ang tanging nakikita ninyo ay landas na puno ng mga kinakailangan. Kapag mas nagtuon kayo ng pansin makakakita kayo ng bagay na mas kahika-hikayat. Ang tipan ay hindi lamang tungkol sa kasunduan, bagama’t mahalaga iyan. Tungkol ito sa pakikipag-ugnayan. Itinuro ni Pangulong Russell M. Nelson, “Ang landas ng tipan ay tungkol sa ating kaugnayan sa Diyos” [Russell M. Nelson, “Ang Walang Hanggang Tipan,” Liahona, Okt. 2022, 11]. (Mamuhay na Nakaugnay kay Cristo sa Pamamagitan ng Tipan,” Liahona, Nob. 2023, 77–78)

Paano mapagpapala ng paggawa at pagtupad ng mga tipan sa Diyos ang buhay ko?

Pinatotohanan ni Elder David A. Bednar ng Korum ng Labindalawang Apostol:

Pinatototohanan ko na ang pinagtipanang mga tao ng Panginoon ngayon ay tunay na nasasandatahan ng kabutihan at kapangyarihan ng Diyos sa dakilang kaluwalhatian. Naging saksi ako sa pananampalataya, tapang, pananaw, pagtitiyaga, at kaligayahan na higit pa sa kapasidad ng isang mortal—na tanging Diyos lang ang makapagbibigay. (“Nasasandatahan ng Kabutihan at Kapangyarihan ng Diyos sa Dakilang Kaluwalhatian,” Liahona, Nob. 2021, 29–30)

Paano makaiimpluwensya ang paggawa at pagtupad sa mga tipan sa paraan ng ating pamumuhay?

Sinabi ni Elder Neil L. Andersen ng Korum ng Labindalawang Apostol:

15:4

Habang nagsisilbing ilaw sa mga tao sa paligid natin, sadya nating hinuhubog ang ating mga hangarin, iniisip, pinipili, at ikinikilos. Sa paghahangad na kilalanin at mahalin ang Tagapagligtas, inihihiwalay natin ang ating sarili sa mundo sa pamamagitan ng pakikipagtipan sa Diyos, pagiging naiiba, di-pangkaraniwan, at espesyal, habang iginagalang natin Siya at ang Kanyang mga turo nang hindi inilalayo ang ating sarili sa ibang mga tao na iba ang paniniwala. (“Higit na Paglapit sa Tagapagligtas,” Liahona, Nob. 2022, 76)

Itinuro ni Sister Becky Craven, dating miyembro ng Young Women General Presidency, ang tungkol sa inaasahan ng Panginoon sa atin bilang Kanyang “sariling pag-aari”:

12:24

Dahil tayo’y mga tao ng tipan, hindi tayo inaasahang gumaya sa iba sa mundo. Tinawag na tayong “kakaibang mga tao” [1 Pedro 2:9]—napakagandang papuri! Habang lalong tinatanggap ng mga impluwensya ng mundo ang kasamaan, masigasig tayong magsikap na manatiling matibay sa landas na ligtas tayong inaakay patungo sa Tagapagligtas, na mas lalong nakatuon sa pagtupad ng ating mga tipan at hindi na gaanong naiimpluwensyahan ng mga opinyon ng mundo. (“Maingat Laban sa Kaswal,” Liahona, Mayo 2019, 10)

Mga Karagdagang Aktibidad sa Pag-aaral

“Kabanalan sa Panginoon”

Maaari mong gamitin ang mga sumusunod upang talakayin kung paano tayo maaaring maging isang banal na bansa. Ipakita sa mga estudyante ang isang larawan ng mga salitang “Kabanalan sa Panginoon” sa labas ng templo. Tulungan ang mga estudyante na matuklasan ang ibig sabihin ng maging banal. Isang paraan para magawa nila ito ay sa pamamagitan ng paghahanap ng “Kabanalan” at “Banal” sa Gabay sa mga Banal na Kasulatan.

Talakayin kung bakit mahalagang bahagi ng paghahandang dumalo sa templo ang pagsisikap na maging banal. Maaari mo ring talakayin kung paano makatutulong sa atin ang paggawa at pagtupad ng mga tipan sa templo na maging banal.

Kaiba sa mundo

Maaari mong gamitin ang sumusunod para matulungan ang mga estudyante na maunawaan kung paano tayo natutulungan ng pakikipagtipan sa Diyos na maging kaiba sa mundo. Maaari mong talakayin kung paano maaaring sumagisag ang paglalakbay ng mga Israelita mula sa Ehipto papunta sa Bundok ng Sinai sa pag-iwan sa mundo para makipagtipan sa Diyos.

Talakayin kung paano ang “sariling pag-aari” (Exodus 19:5) at “isang banal na bansa” (Exodus 19:6) ay magpapaiba sa mga anak ni Israel sa mga karatig bansa. Maaari mo ring basahin ang pahayag ni Elder Neil L. Andersen o ang pahayag ni Sister Becky Craven sa Karagdagang Resources. Maaari mong talakayin ang isa o mahigit pa sa mga sumusunod na tanong:

Paano tayo tinutulungan ng pagtupad sa ating mga tipan sa Diyos na maging kaiba sa mundo?
Paano tayo magiging iba sa mundo nang hindi inilalayo ang ating sarili sa mundo?
Ano ang maaaring maging epekto ng isang kabataang tumutupad sa kanilang mga tipan sa mga taong nakapaligid sa kaniya?

Nakita ni Nephi ang mga pinagtipanang tao ng Panginoon sa mga huling araw

Ang sumusunod ay makatutulong sa mga estudyante na madama ang kapangyarihang ibinibigay ng Panginoon sa Kanyang mga pinagtipanang tao sa mga huling araw. Maaari mong anyayahan ang mga estudyante na pag-aralan ang 1 Nephi 14:12–14, at alamin kung paano pagpapalain ng Panginoon ang Kanyang mga pinagtipanang tao. Talakayin kung paano nakita ng mga estudyante ang mga pagpapalang ito sa kanilang buhay o sa buhay ng mga taong kilala nila. Maaari mong basahin ang pahayag mula kay Elder David A. Bednar sa Karagdagang Resources.

Mga karanasan ni Moises at ng Israel kay Jehova sa Bundok ng Sinai

Maraming beses na dumalaw si Moises sa Panginoon sa Bundok ng Sinai habang nakikipagtipan ang mga Israelita kay Jehova. Ang sumusunod na graphics ay makatutulong sa mga estudyante na maunawaan ang mga pagdalaw na iyon. Maaari mong ipakita ang blangkong form, at gamitin ang nakumpletong form para tulungan ang mga estudyante na matuklasan ang nangyari sa bawat pagdalaw.