“Exodo 19–20; 24; 31–34: Kinatibuk-ang Pagpasabot,” Manwal sa Magtutudlo sa Seminary sa Daang Tugon (2026)
“Exodo 19–20; 24; 31–34: Kinatibuk-ang Pagpasabot,” Manwal sa Magtutudlo sa Seminary sa Daang Tugon
Exodo 19–20; 24; 31–34
Exodo 19–20; 24; 31–34
Kinatibuk-ang Pagpasabot
Human maluwas ang mga Israelita gikan sa Ehipto, gidala sila ni Jehova sa Bukid sa Sinai. Didto, Siya midapit kanila sa paghimo og pakigsaad ngadto Kaniya aron mahimong “usa ka balaan nga nasud” (Exodo 19:6). Misaka sa bukid si Moises aron dawaton ang pulong sa Ginoo alang sa katawhan. Ang Ginoo mipadayag sa Napulo ka Sugo, ug ang mga tawo misaad nga motuman. Si Moises mibalik sa bukid aron dawaton ang dugang nga instruksiyon. Samtang didto siya sa bukid, ang pipila sa Israelita milapas sa ilang pakigsaad diha sa Ginoo pinaagi sa paghimo ug pag-ampo sa usa ka bulawang nating baka. Si Moises mibalik ug gibuyag ang mga tawo sa ilang kadaotan. Human ang mga Israelita nag-antos sa mga sangpotanan sa paglapas sa ilang pakigsaad, ang Ginoo nagpahinumdom kanila nga Siya patas, maluluy-on, ug mainantoson.
Tabangi ang mga tigkat-on nga makaila sa gugma, gahom, ug kaluoy sa Ginoo diha sa ilang kinabuhi. Dili lang nga kinahanglang masayod kita mahitungod sa gugma, gahom, ug kaluoy, sa Ginoo, apan kita nagkinahanglan usab nga makasinati niini. Samtang ikaw magtudlo, pangita og kahigayonan nga makatabang sa mga tigkat-on nga makabantay sa gugma, gahom ug kaluoy sa Ginoo. Tabangi sila nga makaila sa mga ehemplo diha sa mga kasulatan ug sa ilang kaugalingong kasinatian sa kinabuhi. Ang pagdala sa pagtagad sa mga tigkat-on ngadto sa gugma, gahom ug kaluoy sa Ginoo makatabang kanila nga makasabot ug mabatyagan kon sa unsang paagi mopanalangin ug motabang ang Ginoo kanila. Ang usa ka ehemplo kon unsaon kini paghimo makita diha sa Leksiyon 51: “Exodo 24; 31–34.” Aron makat-on pa, tan-awa sa “Tabangi ang mga Estudyante sa Pag-ila sa Gugma, Gahom, ug Kaluoy sa Ginoo diha sa Ilang mga Kinabuhi” (Pagtudlo Sumala sa Pamaagi sa Manluluwas [2022], 8).
Pangandam sa pagtudlo
Ang mosunod nga impormasyon maghatag kanimo og mga ideya kon unsay kinahanglan nimong andamon daan alang sa matag leksiyon.
Exodo 19
Katuyoan sa leksiyon: Aron makatabang sa mga estudyante nga mobati sa tinguha sa Dios aron makaangkon sa relasyon sa pakigsaad uban kaniya.
-
Pagpangandam sa estudyante: Dapita ang mga estudyante nga mamalandong kon unsay makahimo sa relasyon nga makahuloganon o importante. Sila makahunahuna og usa ka tawo diin sila adunay makahuloganon nga relasyon, ug makadala og usa ka hulagway niini nga tawo aron ipakigbahin diha sa pagsugod sa klase.
-
Mga aytem nga ipakita: Usa ka hulagway sa usa ka tawo diin ikaw adunay makahuloganon nga relasyon, sama sa usa ka sakop sa pamilya o usa ka mentor
Exodo 20:1–11
Katuyoan sa leksiyon: Aron matabangan ang mga estudyante nga higugmaon, ug tahoron ang Dios labaw sa tanang butang.
-
Pagpangandam sa estudyante: Dapita ang mga estudyante sa paglista sa pipila ka sugo sa Dios. Dapita sila sa paghisgot uban sa usa ka sakop sa pamilya o higala sa unsang paagi ang mga sugo nga ilang gilista makatabang kanila sa pagpakita sa ilang gugma alang sa Dios ug sa pag-una Kaniya sa ilang mga kinabuhi.
-
Handout: “Mga Sugo nga Makatabang Kanato sa Paghigugma sa Dios ug sa Pag-una Kaniya”
Exodo 20:12–17
Katuyoan sa leksiyon: Aron matabangan ang mga estudyante nga makasabot sa mga paagi sa pagtuman sa mga sugo nga makatabang kanila sa paghigugma sa Dios ug sa ilang silingan.
-
Pagpangandam sa estudyante: Dapita ang mga estudyante sa pagsulay sa ilang kahibalo sa Napulo ka Sugo. Pwede sila nga maglista pasunod o i-recite nila sa ilang nahinumdoman.
-
Mga materyal alang sa mga estudyante: Mga Kopya sa Alang sa Kalig-on sa mga Kabatan-onan: Usa ka Giya sa Paghimo og mga Pagpili (2022)
-
Handout: “Ang mga Sugo Nga Motabang Kanato sa Paghigugma sa Atong Isigkatawo”
Exodo 24; 32–34
Katuyoan sa leksiyon: Aron makatabang sa mga estudyante nga makasabot nga patas, maluluy-on ug mapailobon ang Ginoo.
-
Pagpangandam sa estudyante: Dapita ang mga estudyante nga mamalandong sa unsang paagi sila nakakita sa kaangayan, gugma ug kamapailobon sa sa Ginoo diha sa ilang mga kinabuhi. Pwede nimo silang dapiton sa pagbisita sa usa ka sakop sa pamilya o higala mahitungod sa unsang paagi ang kaangayan ug kaluoy sa Ginoo nagtinabangay aron sa pagpanalangin sa tanan Niyang mga anak.
-
Hulagway: Usa ka hulagway sa Manluluwas
-
Bidyo: “Be True to God and His Work” (13:53) gikan sa time code nga 11:05 hangtod 11:42