Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Exodo 20: 1–11: Ang Napulo ka Sugo: Paghigugma sa Dios ug Pag-una Kaniya diha sa Atong Kinabuhi

“Exodo 20: 1–11: Ang Napulo ka Sugo: Paghigugma sa Dios ug Pag-una Kaniya diha sa Atong Kinabuhi,” Manwal sa Magtutudlo sa Seminary sa Daang Tugon (2026)

“Exodo 20: 1–11: Ang Napulo ka Sugo: Paghigugma sa Dios ug Pag-una Kaniya diha sa Atong Kinabuhi,” Manwal sa Magtutudlo sa Seminary sa Daang Tugon

Exodo 19–20; 24; 31–34: Leksiyon 49

Exodo 20:1–11

Ang Napulo ka Sugo: Paghigugma sa Dios ug Pag-una Kaniya diha sa Atong Kinabuhi

Ang Langitnong Amahan ug si Jesukristo nahigugma kanatong tanan ug gusto nga kita mopili Kanila og una diha sa atong kinabuhi. Human sa pagluwas sa mga Israelita gikan sa Ehipto, ang Ginoo migiya kanila ngadto sa Bukid sa Sinai aron mohimo og pakigsaad ngadto Kaniya. Didto Iyang gipadayag ang Napulo ka Sugo aron sa pagtabang kanila sa paghigugma Kaniya labaw sa tanang butang. Kini nga leksiyon makatabang sa mga estudyante nga mohigugma ug mopasidungog sa Dios labaw pa sa tanang butang.

Pagpangandam sa estudyante: Dapita ang mga estudyante sa paglista sa pipila ka sugo sa Dios. Dapita sila sa paghisgot uban sa usa ka sakop sa pamilya o higala sa unsang paagi ang mga sugo nga ilang gilista makatabang kanila sa pagpakita sa ilang gugma alang sa Dios ug sa pag-una Kaniya sa ilang mga kinabuhi.

Posibleng mga Kalihokan sa Pagkat-on

Ang labing dako nga sugo

Pahinumdom: Kini nga leksiyon nagtutok sa unang upat ka sugo. Leksiyon 50: “Exodo 20:12–17” motutok sa kataposang unom.

Mahimo nimong sugdan ang klase pinaagi sa pagpangutana sa mga estudyante sa paghunahuna kon unsa nga sugo, sa tanang mga sugo sa Dios nga ilang gihunahuna nga labing importante. Dayon ipakigbahin ang mosunod nga summary.

Atol sa Iyang mortal nga pangalagad, ang Manluluwas gipangutana kon hain sa mga sugo ang labing dako, o labing importante (tan-awa sa Mateo 22:36).

Basaha ang Mateo 22:37–39 (tan-awa usab sa Levitico 19:18; Deuteronomio 6:5), nga mangita sa tubag sa Manluluwas.

Ngano kaha nga kini mao ang duha ka labing dako nga sugo?

Samtang magtuon ka sa Napulo ka Sugo niini nga leksiyon ug sa ubang mga leksiyon, pangitaa kon sa unsang paagi kini nga mga sugo makatabang kanato sa paghigugma sa Dios ug sa atong mga silingan. Atol niini nga leksiyon, imong tun-an ang pipila sa Napulo ka Sugo nga makatabang kanato sa paghigugma ug pagpasidungog sa Dios.

Basaha ang Exodo 20:1–11, nga mangita sa unang upat ka sugo nga gihatag sa Ginoo sa mga Israelita.

Ang Exodo 20:3–17 usa ka tudling sa doktrinal nga kahanas. Ikonsiderar ang pagdapit sa mga estudyante nga markahan sa lahi nga paagi ang mga tudling sa doktrinal nga kahanas aron dali ra kini nilang makit-an.

Unsa nga mga pagkaparehas ang imong nakita tali niini nga mga sugo ug ang unang dako nga sugo gikan sa Mateo 22:37–38?

Pwede nimong i-summarize diha sa pisara ang mga kamatuoran nga gipakigbahin sa mga estudyante. Tingali mangita sila og susama sa ang Dios misugo kanato sa paghigugma Kaniya ug sa pag-una Kaniya diha sa atong kinabuhi.

Mahimo nimong dapiton ang mga estudyante nga i-cross reference o i-link ang Exodo 20:3–17 ngadto sa Mateo 22:36–39.
Unsa sa imong hunahuna ang gipasabot sa unahon ang Dios diha sa atong kinabuhi?

Tabangi ang mga estudyante sa paghunahuna kon unsaon nila paggamit karon kini nga kamatuoran diha sa ilang kinabuhi. Mahimo nimong dapiton sila sa pagkompleto sa mosunod nga pagsukod sa kaugalingon.

Pamalandongi ang imong mga tubag sa mosunod nga mga pangutana. Mahimo nimong irekord ang pipila sa imong mga hunahuna diha sa imong journal sa pagtuon.

Ang akong gugma ba sa Diyos ang labing importante nga impluwensiya sa akong kinabuhi?
Unsa kaha ang makapugong kanako sa paghigugma sa Dios ug sa pag-una Kaniya diha sa akong kinabuhi?

Mga sugo nga makatabang kanato sa paghigugma sa Dios ug sa pag-una Kaniya

Ang pagpakigbahin makatabang sa mga estudyante nga mas makahibalo sa unsay ilang gitun-an. Hatagi ang mga estudyante og kahigayonan sa pagpakigbahin sa unsay ilang nakat-onan gikan sa handout. Ang mga estudyante mahimong mopakigbahin diha sa ginagmayng grupo o sa klase.

Kon angay, ikonsiderar ang pagtubag sa mosunod nga pangutana uban ang imong kaugalingong kasinatian human ang andam nga estudyante motubag.

Unsa nga mga panalangin ang imong nasinati, o sa usa ka tawo nga imong kaila, pinaagi sa pag-una sa Dios?

Pag-una sa Dios

Ang mosunod nga kalihokan makatabang sa mga estudyante sa paghimo og plano sa paghigugma sa Dios ug sa pag-una Kaniya diha sa ilang kinabuhi. Pahinumdomi ang mga estudyante nga ang numero 1 nagpasabot sa pag-una sa Dios diha sa atong kinabuhi.

Diha sa imong journal sa pagtuon, o sa laing papel, pagdrowing og dako nga numero 1. Himoa kini nga igo ang gidak-on aron masulatan sa sulod, o paggahin og luna aron masulatan sa tapad niini.

Tinguhaa ang giya sa Langitnong Amahan pinaagi sa Espiritu Santo aron sa pagdesisyon kon unsay imong mahimo sa pag-una sa Dios diha sa imong kinabuhi. Diha sa sulod o sa tapad sa numero 1 isulat ang unsay imong mahimo. Isulat ang imong mga tubag sa mosunod nga mga pangutana sa ubos:

Sa unsang paagi nga ang pagbuhat niini makatabang nimo sa paghigugma sa Dios ug sa pag-una Kaniya diha sa imong kinabuhi?
Sa unsa nga paagi kaha ang Ginoo mopanalangin kanimo sa pagbuhat niini?
Unsa kaha nga mga hagit ang imong atubangon samtang buhaton kini? Unsay imong mahimo sa pagbuntog niini nga mga hagit?

Awhaga ang mga estudyante sa paglihok sa espirituhanon nga mga impresyon nga ilang naangkon. Ang mga estudyante adunay oportunidad sa pag-follow up sa ilang pag-uswag diha sa Leksiyon 67: “Pagsukod sa Imong Nakat-onan 4.”

Isag-ulo

Pwede nimong tabangan ang mga estudyante sa pagsag-ulo sa pakisayran sa doktrinal nga kahanas ug sa mahinungdanong hugpong sa mga pulong sa kasulatan atol niini nga leksiyon ug dayon pagrebyo niini sa umaabot nga mga leksiyon. Ang mahinungdanong hugpong sa mga pulong alang sa Exodo 20:3–17 mao “Ang Napulo ka Sugo.” Ang mga ideya alang sa mga kalihokan sa pagsag-ulo anaa sa apendiks ubos sa “Rebyo sa mga Kalihokan sa Doktrinal nga Kahanas.”

Dugang nga mga Kapanguhaan

Sa unsang paagi nga ang pagsunod sa mga sugo sa Dios makapanalangin sa akong kinabuhi?

Si Presidente Dallin H. Oaks sa Unang Kapangulohan mitudlo:

Gikinahanglan sa Dios kanato ang pagtuman sa Iyang mga sugo tungod kay pinaagi lamang nianang pagkamasulundon, lakip sa paghinulsol, kita makabalik sa pagpuyo diha sa Iyang presensiya ug mahimong hingpit sama Kaniya. (“Duha ka Dagkong mga Sugo,” Liahona, Nov. 2019, 74)

Si Elder D. Todd Christofferson sa Korum sa Napulog Duha ka Apostoles mipasabot:

[Ang mga sugo sa Dios] nagdan-ag sa dalan sa pagkaayo, kalipay, kalinaw, ug hingpit nga kalipay. Ang atong Amahan ug ang atong Manunubos mipanalangin kanato sa mga sugo, ug sa pagtuman sa Ilang mga sugo, atong mabati ang Ilang hingpit nga gugma sa mas puno ug sa lawom nga paagi. (“Ang Gugma sa Dios,” Liahona, Nob. 2021, 18)

Sa unsang paagi ang pag-una sa Dios makapanalangin sa akong kinabuhi?

Si Presidente Ezra Taft Benson (1899–1994) mipasabot:

Kon atong unahon ang Dios, ang tanang ubang butang mapahimutang sa tukma nilang dapit o mawala kini sa atong kinabuhi. Ang atong gugma sa Ginoo modumala sa mga tinguha sa atong pagbati, sa mga gipangayo sa atong panahon, sa mga interes nga atong gitinguha, ug sa han-ay sa atong mga prayoridad. (“The Great Commandment—Love the Lord,” Ensign, May 1988, 4)

Si Elder D. Todd Christofferson sa Korum sa Napulog Duha ka Apostoles mipakigbahin:

Kon atong higugmaon ang Dios og una, makita nato ang kalibotan ug ang atong mga kinabuhi pinaagi sa Iyang mga mata kay sa pinaagi sa mga mata ni bisan kinsa nga tawo (bisan ang tig-impluwensiya sa social media). (“The First Commandment First” [Brigham Young University devotional, Mar. 22, 2022], 3–4, speeches.byu.edu)

Dugang nga mga Kalihokan sa Pagkat-on

Ang mga panalangin sa adlaw nga Igpapahulay

Mahimong makabenepisyo ang mga estudyante sa dugang nga paghisgot sa kaimportante sa adlaw nga Igpapahulay. Sa pagbuhat niini, mahimo nimong basahon ang Exodo 20:8–11 isip usa klase. Dayon mahimo nimong bahinon ang mosunod nga mga pakisayran taliwala sa mga estudyante aron basahon. Mahimo nilang pangitaon ang unsay ilang nakat-onan mahitungod sa sugo sa Ginoo sa pagbalaan sa adlaw nga Igpapahulay.

Isaias 58:13–14

Mateo 12:1–13

Doktrina ug mga Pakigsaad 59:9–17

Mahimo ninyong tan-awon ang “Sa Akong Balaan nga Adlaw—Pagtahod sa Igpapahulay” (1:30) aron matabangan ang mga estudyante nga makakita sa panalangin sa adlaw nga Igpapahulay gikan sa bag-ong panglantaw.

1:30

Mahimong hisgotan sa mga estudyante ang mga panalangin nga ilang nakita gikan sa pagbalaan sa adlaw nga Igpapahulay. Sa laing paagi, mahimong ipabasa nimo sa mga estudyante ang mga seksiyon sa artikulo nga “Mga Panalangin sa Adlaw nga Igpapahulay” (Liahona, Mar. 2016, 48–51), nga mangita sa pipila ka mga panalangin sa pagbalaan sa Adlaw nga Igpapahulay.

Blessings of the Sabbath Day diha sa Ensign

Mga Panalangin sa Adlaw nga Igpapahulay diha sa Liahona

Ang Tighatag sa Balaod

Mahimo nimong gamiton kini nga ideya sa pagpaila sa Napulo ka Sugo. Ang mga estudyante mahimong makabenepisyo gikan sa pagtutok sa titulo sa Manluluwas nga Maghahatag sa Balaod (tan-awa sa Isaias 33:22). Pwede nimong basahon ang Deuteronomio 4:11–13 (tan-awa usab sa Deuteronomio 5:2–4, 22). Tabangi ang mga estudyante nga makakita nga isip Maghahatag sa Balaod, ang Ginoo Mismo mihatag sa Napulo ka Sugo ngadto sa Israel pinaagi sa pakigsaad. Ikonsiderar ang paghisgot sa mga pangutana sama sa mosunod:

Sa unsang paagi nga ang pagkadungog sa Ginoo nga namulong sa Napulo ka Sugo nakaimpluwensya kon giunsa kini pagtan-aw sa mga Israelita?
Sa unsang paagi kaha nakaapekto kini kanato nga makahibalo nga ang mga sugo direkta nga nagagikan sa Ginoo?

Mga kapilian sa bidyo

“Ang Napulo ka Sugo” (2:13). Kini nga bidyo nagtudlo og sayon nga paagi sa paghinumdom sa Napulo ka Sugo.

2:10

“Pangalagad ni Howard W. Hunter: Pag-una sa Ginoo” (2:25). Si Presidente Howard W. Hunter (1907–1995) mipili sa pag-una sa Ginoo diha sa iyang kinabuhi.

2:25

“Pagkamasulundon sa Napulo ka Sugo” (3:10). Si Elder L. Tom Perry (1922–2015) sa Korum sa Napulog Duha ka Apostoles mitudlo kon sa unsang paagi ang gisaad sa Dios nga mga panalangin sa pagsunod sa mga sugo dili mausab bisan pa sa katilingban nga nagbag-o kanunay.

3:10