Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Exodo 20: 12–17: Ang Napulo ka Sugo Makatabang Nato sa Paghigugma sa Dios ug sa Atong Silingan

“Exodo 20: 12–17: Ang Napulo ka Sugo Makatabang Nato sa Paghigugma sa Dios ug sa Atong Silingan,” Manwal sa Magtutudlo sa Seminary sa Daang Tugon (2026)

“Exodo 20: 12–17: Ang Napulo ka Sugo Makatabang Nato sa Paghigugma sa Dios ug sa Atong Silingan,” Manwal sa Magtutudlo sa Seminary sa Daang Tugon

Exodo 19–20; 24; 31–34: Leksiyon 50

Exodo 20:12–17

Ang Napulo ka Sugo Makatabang Nato sa Paghigugma sa Dios ug sa Atong Silingan

Samtang ang mga anak sa Israel nagkampo sa Bukid sa Sinai, ang Ginoo mipadayag sa Napulo ka Sugo. Pinaagi sa pagtuman sa Napulo ka Sugo, kita nagpakita og gugma alang sa Dios ug sa uban. Samtang kita maningkamot sa paghigugma sa uban sama sa gibuhat sa Langitnong Amahan ug ni Jesukristo, ang atong gugma alang Kanila molambo usab. Kini nga leksiyon makatabang sa mga estudyante nga makasabot sa mga paagi sa pagtuman sa mga sugo nga makatabang nila sa paghigugma sa Dios ug sa ilang silingan.

Pagpangandam sa estudyante: Dapita ang mga estudyante sa pagsulay sa ilang kahibalo sa Napulo ka Sugo. Pwede sila nga maglista pasunod o i-recite nila sa ilang nahinumdoman.

Posibleng mga Kalihokan sa Pagkat-on

Survey mahitungod sa mga sugo

Dapita ang mga estudyante sa pagpangita ug pagbasa sa Napulo ka Sugo diha sa Exodo 20:3–17 o sa pahina 39 sa Alang sa Kalig-on sa mga Kabatan-onan: Usa ka Giya sa Paghimo og mga Pagpili (2022). Mahimo silang motubag sa mosunod nga mga pangutana, o mahimo nilang ihan-ay ang Napulo ka Sugo gikan sa 1 (kadaghanan gisunod) hangtod sa 10 (kadaghanan gisupak) base sa unsay makit-an niini nga survey.

Hain sa Napulo ka Sugo ang imong gibati nga kasagaran kanunayng gisunod sa mga tawo? Ngano man?
Hain sa Napulo ka Sugo ang imong gibati nga kasagaran kanunayng gisupak sa mga tawo? Ngano man?
Sa unsang paagi sa imong hunahuna ang atong mga pagbati alang sa Dios makita kon giunsa nato pagtratar ang Iyang mga sugo?

Ang Napulo ka Sugo nagtabang kanato sa paghigugma sa Dios ug sa atong silingan

Mahimong gitun-an sa mga estudyante ang Napulo ka Sugo sa Leksiyon 49: “Exodo 20:1–11”. Mahimo nimong ipabasa o iparebyo sa mga estudyante ang Mateo 22:36–40, nga mangita sa duha ka dagkong mga sugo nga gitudlo ni Jesus. Mahimong rebyohon sa mga estudyante kon sa unsang paagi ang Napulo ka mga Sugo sa Exodus 20:3–17 may kalabotan niining duha ka dagkong mga sugo. Tabangi ang mga estudyante nga makamatikod kon sa unsang paagi ang kataposang unom ka mga sugo nakatutok sa paghigugma sa atong silingan.

Basaha ang Exodo 20:12–17, ang kataposang unom sa Napulo ka Sugo. Pangitaa kon giunsa pagtudlo niini nga mga bersikulo nga pinaagi sa pagsunod sa Napulo ka Sugo, atong gipakita ang atong gugma alang sa Dios ug sa atong silingan.

Samtang magtuon ka, pagmahimong andam sa mga impresyon gikan sa Espiritu Santo. Pamalandongi kon unsay imong mahimo sa paghigugma sa Dios ug sa imong silingan pinaagi sa pagsunod sa Napulo ka Sugo.

Mga sugo sa paghigugma sa atong silingan

Pagpakigbahin sa mga estudyante

Pasalamati ang mga estudyante sa ilang paghago, ug dayega sila sa ilang mga paningkamot. Paghunahuna og paagi aron sila mopakigbahin sa ilang nakat-onan. Pananglitan, mahimo nimong ihan-ay ang mga lingkoranan aron ang mga estudyante maglingkod nga mag-atbang sa usag usa diha sa mga laray. Paghatag ug gitakdang gidugayon sa panahon aron sila makapakigbahin sa ilang gitun-an sa tawo nga naglingkod sa ilang atbang. Human ang duha ka estudyante nagpakigbahin, dapita ang mga estudyante sa usa sa mga laray sa pagbalhin og usa ka lingkoranan. Ang mga estudyante anaa na karon sa laing kapares. Balika sa makadaghang higayon kon gusto.

Pagkahuman, mahimong hisgotan sa mga estudyante ang mosunod nga mga pangutana isip usa ka klase o kauban ang ilang kapares karon.

Pagpili og piho nga sugo nga imong gitun-an, ug tubaga ang mosunod nga mga pangutana:

Sa unsang paagi ang imong gugma sa Dios ug sa imong silingan makatabang nimo sa pagtuman niini nga sugo?
Unsa nga mga panalangin ang imong nasinati gikan sa pagsunod niini nga sugo?

Ikonsiderar ang pagpaambit sa imong mga hunahuna kon sa unsang paagi ang pagkamasulundon sa mga sugo sa Ginoo makatabang nato nga mas higugmaon ang Dios ug ang uban. Mahimo nimong awhagon ang mga estudyante sa pagpadayon sa pagpaningkamot sa pagsunod sa Napulo ka Sugo.

Dugang nga mga Kapanguhaan

Sa unsang paagi ang paghigugma sa Dios makatabang nako sa paghigugma sa uban?

Si Presidente Russell M. Nelson mitudlo:

Kon kita nahigugma sa Dios uban sa atong tibuok kasingkasing, Siya magpabalik sa atong mga kasingkasing ngadto sa kaayohan sa uban sa usa ka matahom, mahiyason nga lugway sa panahon. (“Ang Dako ug Ikaduhang Sugo,” Liahona, Nob. 2019, 97)

Gitudlo ni Presidente Thomas S. Monson (1927–2018) ang mosunod kabahin sa pagtuman sa mga sugo:

Dili kita tinud-anay nga mahigugma sa Dios kon dili nato higugmaon ang atong isig ka ingon niining mortal nga kinabuhi. Sama usab, dili kita hingpit nga mahigugma sa atong isig ka tawo kon dili nato higugmaon ang Dios, ang Amahan natong tanan. Si Apostol Juan misulti nato, “Gikan kaniya nabatonan ta kining maong sugo, nga ang nagahigugma sa Dios kinahanglan magahigugma sa iyang igsoon usab” [1 Juan 4:21]. Kitang tanan espiritu nga mga anak sa atong Langitnong Amahan ug, sa ingon, mga managsoon. Samtang atong ibutang kini nga kamatuoran sa hunahuna, mahimong mas sayon ang paghigugma sa tanang mga anak sa Dios. (“Gugma—ang Kahulugan sa Ebanghelyo,” Liahona, Mayo 2014, 91)

Dugang nga mga Kalihokan sa Pagkat-on

Mga senaryo gamit ang mga sugo

Human matun-an sa mga estudyante ang mga sugo, mahimo nimong ipakita ang mosunod nga mga senaryo. Ang mga estudyante mahimong morekomendar og mga sugo nga paningkamotan sa tawo diha sa senaryo nga sundon. Mahimo nilang hisgotan kon sa unsang paagi kana nga sugo makatabang sa tawo.

1. Usa ka batan-ong babaye nasuko sa iyang mga ginikanan. Gisultihan niya ang iyang mga higala nga makatambong siya sa usa ka kalihokan, apan karon dili siya paadtoon sa iyang mga ginikanan. Miikyas siya ug nakaadto gihapon.

2. Usa ka batan-ong lalaki nagkapuliki sa pagdula og mga esport alang sa iyang team sa eskwelahan. Naka-absent na siya sa klase ug kinahanglang moapas og himo og homework ug mga pasulit sa dili pa ang iyang sunod nga dula. Nakahukom siya nga mangopya sa mga assignment ug mga pasulit sa iyang mga higala aron makuha dayon ang mga tubag.

3. Usa ka batan-ong babaye nagsunod sa daghang lain-laing mga tawo sa social media. Dili siya malipayon sa iyang hitsura ug estilo sa pamiste. Migahin siya og daghang panahon sa pagpaningkamot nga mapareha sa mga tawo nga iyang nakita sa online.

Exodo 20:17. Pagpasalamat

Usa ka paagi sa paglikay nga masuya mao ang pagkat-on nga mahimong mapasalamaton ug malipayon sa unsay anaa nato. Aron mas masabtan ang ideya sa pagpasalamat, mahimong basahon sa mga estudyante ang artikulo nga “Ang Flashlight sa Pagpasalamat” (Alang sa Kalig-on sa mga Kabatan-onan, Feb. 2021, 31).

Bidyo

Kon tun-an sa mga estudyante ang mga sugo nga dili mangawat ug dili mamakak, mahimo nimong ipakita o idirekta sila sa bidyo nga “Pagkamatinud-anon: Mas Motuo Ka Niini!” (4:46). Kini nga bidyo nagpakigbahin sa istorya sa usa ka medikal nga estudyante nga dili motugot sa pagpanikas panahon sa usa ka pasulit.

4:47