Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Exodo 19: “Mahimo Kamo nga Pinili Kong Katawhan”

“Exodo 19: ‘Mahimo Kamo nga Pinili Kong Katawhan,’” Manwal sa Magtutudlo sa Seminary sa Daang Tugon (2026)

“Exodo 19: ‘Mahimo Kamo nga Pinili Kong Katawhan,’” Manwal sa Magtutudlo sa Seminary sa Daang Tugon

Exodo 19–20; 24; 31–34: Leksiyon 48

Exodo 19

“Mahimo Kamo nga Pinili Kong Katawhan”

A photograph of a mountain thought to be Mount Sinai, rising above a desert landscape on a clear day.

Gihigugma sa Langitnong Amahan ang Iyang tanang anak ug nagtinguha og relasyon sa pakigsaad sa matag usa kanato. Ang pagkat-on kon unsa ang Iyang gibati mahitungod sa mga Israelita makatabang kanato nga makasabot unsa ang Iyang gibati kanato. Human magiyahan ang mga anak sa Israel paggawas sa Ehipto, ang Ginoo midala nila ngadto sa Bukid sa Sinai aron mohimo og mga pakigsaad uban Kaniya. Kini nga leksiyon makatabang sa mga estudyante nga mobati diha sa ilang mga kasingkasing sa tinguha sa Dios nga makabaton og relasyon sa pakigsaad uban kanila.

Pagpangandam sa estudyante: Dapita ang mga estudyante nga mamalandong kon unsay makahimo sa relasyon nga makahuloganon o importante. Sila makahunahuna og usa ka tawo diin sila adunay makahuloganon nga relasyon, ug makadala og usa ka hulagway niini nga tawo aron ipakigbahin diha sa pagsugod sa klase.

Posibleng mga Kalihokan sa Pagkat-on

Espesyal nga mga relasyon

Ikonsiderar ang pagpakita og usa ka litrato sa tawo nga ikaw adunay makahuloganong relasyon, sama sa sakop sa pamilya o sa usa ka mentor. Ipakigbahin nganong importante ang imong relasyon uban niini nga tawo. Dapita ang mga estudyante sa paghunahuna sa usa ka tawo nga makahuloganon sa ilang kinabuhi. Kon ang mga estudyante magdala og usa ka litrato sa klase, mahimong ipakigbahin kini nila karon.

Unsay nakapahimo sa imong relasyon niini nga tawo nga makahuloganon?

Dapita ang mga estudyante nga mainampoong mamalandong sa mosunod nga mga pangutana. Awhaga sila sa pagrekord sa ilang mga hunahuna ug mga pagbati diha sa ilang mga journal sa pagtuon.
Unsa ka makahuloganon kanimo ang imong relasyon ngadto sa Langitnong Amahan ug ni Jesukristo?
Unsay nakapahimo sa koneksyon nga anaa kanimo uban sa Langitnong Amahan ug ni Jesukristo nga lahi gikan sa uban nimo nga mga relasyon?
Sa unsang mga pamaagi sa imong hunahuna nga mahimong mausab ang imong kinabuhi samtang ikaw magpadayon sa paglig-on sa imong relasyon uban sa Langitnong Amahan ug ni Jesukristo?

Pagtinguha sa giya gikan sa Espiritu aron makasabot unsa ang imong mahimo sa pagpalig-on sa imong relasyon uban sa Langitnong Amahan ug ni Jesukristo.

“Mahimo kamo nga pinili kong mga katawhan ”

Human ang mga anak sa Israel mihawa sa Ehipto, ang Ginoo midala kanila ngadto sa Bukid sa Sinai (usahay ang mga kasulatan nagpasabot sa Mt. Sinai isip Mt. Horeb; tan-awa sa Exodo 3:1), samtang Siya misaad (tan-awa sa Exodo 3:7–12; 19:1–4). Alang ni Moises ug sa mga anak sa Israel, ang Bukid sa Sinai sama sa usa ka templo: usa ka dapit diin makahimo sila og mga pakigsaad sa Dios.

Basaha ang Exodo 19:3–6, nga mangita sa mga pulong ug hugpong sa mga pulong nga nagtudlo mahitungod sa matang sa relasyon nga gusto sa Langitnong Amahan ug ni Jesukristo kanato.

Unsay imong nakaplagan?

Si Presidente Russell M. Nelson mipasabot kon unsay buot ipasabot sa “pinili nga bahandi” (bersikulo 5):

Sa Daang Tugon, ang termino nga Hebreohanon diin ang talagsaon gihubad og segullah, nga nagpasabot og “gipabilihan nga kabtangan,” o “bahandi.” …

Sa ingon, atong makita nga ang termino sa kasulatan nga talagsaon nagpasabot og “gipabilihan nga bahandi,” “nga gihimo” o “gipili sa Dios.” Aron kita mailhan sa mga sulugoon sa Ginoo isip iyang talagsaon nga mga katawhan mao ang usa ka labing taas nga pagdayeg. (“Children of the Covenant,” Ensign, May 1995, 34)

Aron matabangan ang mga estudyante nga mailhan ang usa ka baroganan, mahimo nimong hatagan og gibug-aton ang mga pulong nga kon ug dayon sa bersikulo 5.

Unsa nga mga baroganan ang inyong makat-onan gikan niini nga mga bersikulo?

Ang mga estudyante tingali makaila sa lahilahi nga mga baroganan, lakip sa kon kita mosunod sa tingog sa Ginoo ug maghupot sa atong mga pakigsaad uban Kaniya, kita mahimong Iyang balaang katawhan.

Si Presidente Russell M. Nelson nagtudlo mahitungod sa relasyon sa pakigsaad nga kita makahimo uban sa Dios:

Sa higayon nga kamo ug ako mohimo og usa ka pakigsaad uban sa Dios, ang atong relasyon uban Kaniya mamahimong [mas] suod kay sa wala pa ang atong pakigsaad. Karon kita mag-uban nga gihugpong. Tungod sa atong pakigsaad sa Dios, Siya dili gayod kapoyon sa Iyang mga paningkamot sa pagtabang kanato, ug kita dili gayod makabsan sa Iyang maluluy-on nga pailob ngari kanato. Ang matag usa kanato adunay usa ka espesyal nga dapit diha sa kasingkasing sa Dios. Siya adunay taas nga pangandoy alang kanato. (Russell M. Nelson, “Ang Walay Kataposang Pakigsaad,” Liahona, Okt. 2022, 6)

Unsa ang mahinungdanong nagpatigbabaw alang kanimo niini nga pamahayag?

Basaha ang mosunod nga mga tudling sa kasulatan, nga mangita sa ebidensiya nga ang Dios gusto sa relasyon sa pakigsaad uban nimo. Mahimo nimong i-link o i cross-reference kini nga mga bersikulo diha sa Exodo 19:5–6.

Mateo 11:28–30

Tito 2:11–14

1 Pedro 1:15–16

Moroni 10:32–33

Dapita ang mga estudyante sa pagpakigbahin sa mga pulong o mga hugpong sa mga pulong gikan niini nga mga bersikulo nga nagpakita nga ang Dios gusto sa usa ka relasyon sa pakigsaad uban kanato. Ang mga estudyante tingali mosulti nga ang Manluluwas nagdapit kanato sa pagduol Kaniya aron Siya makatabang kanato ug mohatag kanato og kapahulayan (tan-awa sa Mateo 11:28–30). Tingali ilang masulti nga ang Manluluwas naghatag sa Iyang Kaugalingon aron sa pagtubos ug pagputli kanato isip Iyang talagsaon nga katawhan (tan-awa sa Tito 2:14) o nga kita mahimong balaan tungod kay ang Manluluwas balaan (tan-awa sa 1 Pedro 1:16).

Ang akong relasyon sa Dios

Aron maandam ang mga estudyante sa pagtubag sa mosunod nga mga pangutana diha sa ilang mga journal sa pagtuon, mahimo kang mopakigbahin og mga pamaagi nga imong nabati nga ang Dios gusto sa usa ka relasyon sa pakigsaad uban nimo. Dapita ang mga estudyante sa pagpamalandong sa ilang kaugalingong mga kasinatian samtang ikaw mopakigbahin.

Mahimo usab nimong isulti ang uban nga ebidensiya nga ang Dios gusto nga mohimo og relasyon sa pakigsaad uban kanato. Ang mga ehemplo tingali maglakip sa pagbati sa gugma sa Dios o pagdawat og espirituhanon nga mga impresyon nga nag-awhag kanato aron sa pagbuhat sa maayo ug mahimong mas maayo.

Pamalandongi ang bisan unsa nga impresyon nga imong nadawat gikan sa Espiritu, ug tubaga ang usa o daghan pa sa mosunod nga mga pangutana diha sa imong journal sa pagtuon:

Unsay imong nakat-onan o nabati nga nagtabang nimo nga gustong mohimo ug motuman sa mga pakigsaad uban sa Dios?
Sa unsang paagi nga ang pagkasayod nga ang Dios gusto sa usa ka suod nga relasyon sa pakigsaad uban kanimo nakaapekto sa imong tinguha nga mas maduol ngadto Kaniya?
Sa unsang paagi ang Dios mipanalangin kanimo sa pagpaningkamot sa pagtuman sa mga pakigsaad nga imong gihimo uban Kaniya?

Human sa igo nga panahon, dapita ang andam nga mga estudyante sa pagpakigbahin sa ilang mga hunahuna ug mga pagbati diha sa klase. Ikonsiderar ang pagpakigbahin sa mga paagi nga ang Dios nagpanalangin kaninyo sa paghimo ug pagtuman sa mga pakigsaad ngadto Kaniya.

Ang mga Israelita andam nga mohimo og usa ka pakigsaad

Ang mosunod nga summary makatabang sa mga estudyante nga makasabot unsa ang gihimo sa Israel aron sa pagpangandam sa paghimo og pakigsaad uban sa Dios. Tingali ganahan nimong isulti nga human niini, ang Ginoo mipadayag sa Napulo ka Sugo, diin ang mga estudyante magtuon sa sunod nga duha ka leksiyon. Samtang taposon nimo ang leksiyon, mahimo nimong ipakigbahin ang imong mga hunahuna ug mga pagbati mahitungod kon unsa ka gusto sa Dios nga mohimo og mga pakigsaad ngari kanato.

Ang mga Israelita miuyon nga mohimo og usa ka pakigsaad uban sa Dios aron mahimong Iyang balaan nga katawhan. Ang Ginoo dayon mipahibalo nga Siya moabot ug makigsulti sa mga tawo (tan-awa sa Exodo 19:7–9). Ang Ginoo misugo kang Moises sa pagbalaan sa katawhan, o himoon silang balaan, ug aron ang mga tawo malimpyo sa ilang mga sapot agi og pagpangandam kon ang Ginoo “mokunsad … nga makita sa tanan nga katawhan sa ibabaw sa bukid sa Sinai.” (Exodo 19:11). Ang mga tawo nag-andam sa ilang kaugalingon ug nagpundok sa Bukid sa Sinai “sa pagsugat sa Dios” (Exodo 19:17). Didto, sila nakakita sa ebidensiya sa presensiya sa Ginoo didto sa bukid. Ang Ginoo mitawag ni Moises nga motungas sa Bukid aron makigsulti Kaniya ug aron mopadayag sa Iyang kabubut-on alang sa mga tawo (tan-awa sa Exodo 19:18–25).

Dugang nga mga Kapanguhaan

Sa unsang paagi ang paghimo og pakigsaad sa Dios lahi kay sa kontrata?

Si Presidente Emily Belle Freeman, Kinatibuk-ang Presidente sa Young Women, namulong kabahin sa dalan sa pakigsaad nga atong gisubay samtang kita naghimo og pakigsaad sa Dios:

10:24

Ato kining gitawag og paglakaw sa dalan sa pakigsaad—usa ka dalan nga nagsugod sa pakigsaad sa bunyag ug mopadulong ngadto sa mas lawom nga mga pakigsaad nga atong gihimo sulod sa templo. Tingali nakadungog mo niadtong mga pulong ug naghunahuna sa tsekan nga mga kahon. Basin ang tanan ninyo nga nakita mao ang dalan sa mga kinahanglanon. Ang mas duol nga pagtan-aw mopadayag og usa ka butang nga mas namugos. Ang usa ka pakigsaad dili lamang mahitungod sa usa ka kontrata, bisan kon kini importante. Kini mahitungod sa relasyon. Si Presidente Russell M. Nelson mitudlo, “Ang dalan sa pakigsaad mahitungod gayod sa atong relasyon uban sa Dios” [Russell M. Nelson, “Ang Walay Kataposan nga Pakigsaad,” Liahona, Okt. 2022, 11]. (Paglakaw diha sa Relasyon sa Pakigsaad uban ni Kristo,” Liahona, Nob. 2023, 77–78)

Sa unsang paagi napanalanginan ang akong kinabuhi sa paghimo ug pagtuman sa mga pakigsaad uban sa Dios?

Si Elder David A. Bednar sa Korum sa Napulog Duha ka Apostoles mipamatuod:

Ako mopamatuod nga ang katawhan sa pakigsaad sa Ginoo karon sa pagkatinuod gisangkapan sa katarong ug uban sa gahom sa Dios sa dako nga himaya. Ako nakasaksi sa hugot nga pagtuo, kaisog, panglantaw, kamakanunayon, ug hingpit nga kalipay nga molabaw pa kaayo sa mortal nga kapasidad—ug nga ang Dios lamang ang makahatag. (“Uban sa Gahom sa Dios sa Dako nga Himaya,” Liahona, Nob. 2021, 29)

Sa unsang paagi ang paghimo ug pagtuman sa mga pakigsaad nakaimpluwensiya sa pamaagi sa atong pagkinabuhi?

Si Elder Neil L. Andersen sa Korum sa Napulog Duha ka Apostoles miingon:

15:3

Nagdan-ag isip usa ka kahayag niadtong naglibot kanato, kita mahunahunaon gayod nga nag-umol sa atong mga tinguha, mga hunahuna, mga pagpili, ug mga binuhatan. Nagtinguha sa tibuok natong kasingkasing nga makaila ug mohigugma sa Manluluwas, atong gilahi ang atong kaugalingon gikan sa kalibotan pinaagi sa mga pakigsaad uban sa Dios, pinaagi sa pagkalahi, pagkadili komon, ug pagka-espesyal, samtang kita nagtahod Kaniya ug sa Iyang mga pagtulun-an nga dili mopalayo sa atong kaugalingon gikan sa uban nga lahi og gituohan. (“Magpaduol ngadto sa Manluluwas,” Liahona, Nob. 2022, 73)

Si Sister Becky Craven, kanhi Kinatibuk-ang Presidente sa Young Women, mitudlo mahitungod sa gipaabot sa Ginoo kanato isip Iyang “piniling katawhan”:

12:24

Isip mga katawhan sa pakigsaad, dili kita kinahanglan nga moduyog sa uban diha sa kalibotan. Gitawag kita og “[usa ka] piniling katawhan” [1 Pedro 2:9]—usa ka dako nga pagdayeg! Samtang ang mga impluwensya sa kalibotan nag-anam og dawat sa daotang mga butang, kinahanglan kitang maningkamot sa tanan natong kakugi nga magpabiling lig-on diha sa dalan nga magdala nato nga luwas ngadto sa atong Manluluwas, padak-an ang gilay-on tali sa atong pagsunod sa pakigsaad ug sa kalibotanon nga mga impluwensiya. (“Mabinantayon batok Dili Kaayo Magtagad,” Liahona, Mayo 2019, 10)

Dugang nga mga Kalihokan sa Pagkat-on

“Pagkabalaan ngadto sa Ginoo”

Mahimo nimong gamiton ang mosunod aron sa paghisgot kon unsaon nga kita mahimong balaan nga nasod. Ipakita sa mga estudyante ang imahe sa pulong nga “Pagkabalaan ngadto sa Ginoo” nga diha sa gawas sa templo. Tabangi ang mga estudyante nga makadiskobre unsay ipasabot sa pagkahimong balaan. Usa ka paagi nga ilang mabuhat kini pinaagi sa pagpangita sa “Pagkabalaan” ug “Balaan” diha sa Giya ngadto sa mga Kasulatan.

Hisgoti nganong ang pagpaningkamot nga mahimong balaan importante man nga bahin sa atong pagpangandam sa pagtambong sa templo. Mahimo usab nimong hisgotan kon sa unsang paagi makatabang kanato nga mahimong balaan ang paghimo ug pagtuman sa pakigsaad sa templo.

Lahi kaysa kalibotan

Mahimo nimong gamiton ang mosunod aron sa pagtabang sa mga estudyante nga makasabot sa unsang paagi makatabang kanato ang relasyon sa pakigsaad uban sa Dios nga mahimong lahi kaysa kalibotan. Mahimo usab ninyong hisgotan kon sa unsang paagi ang panaw sa mga Israelita gikan sa Ehipto ngadto sa Bukid sa Sinai nagsimbolo sa pagbiya sa kalibotan aron mohimo og mga pakigsaad uban sa Dios.

Hisgoti sa unsang paagi ang pagkahimong “[usa ka] piniling katawhan” (Exodo 19:5) ug “usa ka balaan nga nasud” (Exodo 19:6) nga mahimong lahi ang mga anak sa Israel gikan sa palibot nga mga nasod. Pwede usab nimong basahon ang pamahayag ni Elder Neil L. Andersen o ang pamahayag ni Sister Becky Craven diha sa Dugang nga mga Kapanguhaan. Ikonsiderar ang paghisgot sa usa o mas daghan pa sa mosunod nga mga pangutana:

Sa unsang paagi ang pagtuman sa atong mga pakigsaad uban sa Dios makatabang kanato nga mahimong lahi kaysa sa kalibotan?
Sa unsang paagi kita mahimong lahi gikan sa kalibotan nga dili nato ilain ang atong kaugalingon gikan sa kalibotan?
Unsay epekto sa usa ka batan-on kinsa nagtuman sa ilang mga pakigsaad ngadto sa mga tawo sa ilang palibot?

Nakita ni Nephi ang mga katawhan sa Ginoo sa pakigsaad sa ulahing mga adlaw

Ang mosunod makatabang sa mga estudyante nga mobati sa gahom nga gihatag sa Ginoo ngadto sa Iyang katawhan sa pakigsaad sa ulahing mga adlaw. Pwede nimong dapiton ang mga estudyante sa pagtuon sa 1 Nephi 14:12–14, nga mangita kon sa unsang paagi ang kabubut-on sa Ginoo mopanalangin sa Iyang katawhan sa pakigsaad. Hisgoti sa unsang paagi ang mga estudyante makakita niini nga mga panalangin diha sa ilang kinabuhi o sa kinabuhi sa ubang mga tawo nga ilang nailhan. Ikonsiderar ang pagbasa sa pamahayag gikan ni Elder David A. Bednar diha sa Dugang nga mga Kapanguhaan.

Mga kasinatian ni Moises ug sa Israel uban ni Jehova sa Bukid sa Sinai

Si Moises makadaghan mibisita sa Ginoo sa Bukid sa Sinai samtang ang mga Israelita mihimo og mga pakigsaad uban ni Jehova. Ang mosunod nga mga graphic makatabang sa mga estudyante nga makasabot sa maong mga pagbisita. Mahimo nimong ipakita ang blangko nga porma, ug gamiton ang nakompleto nga porma aron sa pagtabang sa mga estudyante nga makadiskobre unsa ang nahitabo sa matag pagbisita.