Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Гэтлэл 16: Өдөр тутмын талх

“Гэтлэл 16: Өдөр тутмын талх,” Хуучин Гэрээний семинарын багшийн гарын авлага (2026)

“Гэтлэл 16: Өдөр тутмын талх,” Хуучин Гэрээний семинарын багшийн гарын авлага

Гэтлэл 14–18, 47-р хичээл

Гэтлэл 16

Өдөр тутмын талх

Их Эзэнийг хүмүүсээ Египетээс чөлөөлсний дараа тэд шинэ сорилт бэрхшээлтэй тулгарч, өсөж хөгжих боломжтой болсон юм. Израилчууд хоол хүнс, ус гэх мэт хэрэгцээт зүйлээ египетчүүдээс авахаа больсон. Тэд өдөр тутмын хэрэгцээндээ Их Эзэнд найдаж сурах хэрэгтэй байв. Энэ хичээл нь Их Эзэнд өдөр бүр найдахад суралцагчдад тусална.

Суралцагчийн бэлтгэл: Өнөөдрөөс эхлэн дараагийн хичээл хүртэл Их Эзэний хүч чадал амьдралд нь байгаа гэсэн нотолгоог олж мэдэхэд суралцагчдыг урь. Ганцаараа эсвэл гэр бүлээрээ залбирахдаа Тэнгэрлэг Эцэгийн тусламжид цаг гарган талархахад тэднийг урамшуулан дэмж.

Боломжит суралцах үйл ажиллагаа

Өдөр тутмын тэжээлээ авах хэрэгцээ

Бие махбодод маань өдөр бүр хэрэгтэй зүйлсийн талаар ярилцаж, хичээлээ эхлүүлэх талаар бодож үз. Жишээлбэл: Та талх харуулж болно. Өлсөж байгаа нэг суралцагчийг ангийн өмнө гарч ирэн, талхнаас идэхийг хүс. Суралцагчийг идэх үед түүнээс асуу.

Чи хамгийн сүүлд хэзээ юм идсэн бэ?
Хэрэв чи саяхан идсэн бол одоо яагаад өлсөж байна вэ?
Бид яагаад тогтмол идэх ёстой байдаг вэ?

Арван хоёр төлөөлөгчийн чуулгын ахлагч Д.Тодд Кристоффэрсон бие махбодоо хооллохыг сүнсэндээ анхаарал халамж тавихтай зүйрлэсэн.

Бид бүгд бие махбодынхоо хоол ундны хэрэгцээг ойлгодог. Хэрэв мартвал өлсөж, цангах нь бидэнд үүнийг маш хүчтэй сануулдаг. Гэхдээ сүнслэг хэрэгцээгээ хангах нь үүний нэгэн адил хүчтэй хэрэгцээ юм. (“Daily Bread: Pattern,” Gospel Library)

Сүнсээ тэтгэх нь яагаад бие махбоддоо анхаарал халамж тавихтай адил чухал гэж та нар бодож байна вэ?
Сүнслэг хэрэгцээгээ анхаарахгүй өнгөрөх нь яагаад амархан бэ?

Цаг гарган, дараах асуултуудыг тунгаан бодоорой. Бодол санаагаа судлах тэмдэглэлдээ бичих талаар бодож үз.

Танд бие махбодоо арчилж торддогийн адил өдөр бүр Сүнсээ арчилж тордох хүсэл төрдөг үү? Яагаад тийм эсвэл яагаад үгүй вэ?
Тэнгэрлэг Эцэг таныг сүнсэндээ анхаарал халамж тавихын тулд өдөр бүр юу хийгээсэй гэж хүсдэг гэж бодож байна вэ?

Их Эзэнээс ирэх өдөр тутмын шаардлагатай хүчээр Сүнсээ тэтгэхийн тулд та юугаа үргэлжлүүлэн хийж эсвэл юугаа өөрчлөх хэрэгтэйгээ мэдэх үүднээс сүнсний удирдамжийг эрэлхийл.

Их Эзэнд өдөр бүр найдах

Израилчууд Улаан тэнгисийг гаталсныхаа дараа “Эзэн хийгээд Түүний зарц Мосед итгэв” (Гэтлэл 14:31). Өөрсдийг нь чөлөөлсний төлөө тэд Их Эзэнийг магтан дуулж, бүжиглэжээ (Гэтлэл 15:1–21-ийг үзнэ үү). Гэвч израилчууд Их Эзэнийг тийм ч удаан магтаж алдаршуулсангүй. Мосег тэднийг Синаи уул руу хөтлөх зуур тэд янз бүрийн бэрхшээлтэй тулгарч, итгэл нь соригджээ.

Гэтлэл 16:2–4, 11–15-ыг уншаад, Их Эзэн израилчуудын хэрэгцээ шаардлагыг хэрхэн хангасныг олж мэд.

Та нар юу олж мэдсэн бэ?

Гэтлэл 16:15 дахь “талх” гэдэг үгийг тэмдэглээд, үүнийгээ Иохан 6:47–51-тэй холбогдох эшлэл болгоход эсвэл холбоход суралцагчдыг урих талаар бодож үз.

Иохан 6:31–35, 47–51-ийг уншаад, Есүс талхны талаар юу гэж заасныг олж мэд.

Талх нь Есүс Христтэй юугаараа төстэй вэ?
Есүсийн бидэнд санал болгож буй зүйл хэрхэн талхнаас хавьгүй дээр вэ?

Суралцагчдыг дууссаны дараа зөв хариултуудыг хуваалц. Үүнд: 1. Үнэн; 2. Худал; 3. Худал; 4. Үнэн; 5. Үнэн; 6. Худал; 7. Үнэн; 8. Худал.

Талхны тухай эдгээр мэдээлэл бидний сүнслэг тэжээлийн хэрэгцээ шаардлагатай юугаараа хамаатай вэ?
Талхны тухай эдгээр мэдээлэл Есүс Христээс сүнслэг тэжээл авах талаар танд юу зааж чадах вэ?

Ахлагч Кристоффэрсон бид Их Эзэнээс өдөр бүр сүнслэг тэжээл авах хэрэгтэй талаар ярьсан.

Сүнслэг тэжээлгүйгээр хэдэн долоо хоног, сарыг өнгөрөөж болох ба энэ нь сүнслэг амьдралд маань муу, үхлийн нөлөө үзүүлэхгүй гэж бид бодох ёсгүй. Өдөр бүр сүнслэг хоол буюу талх хэрэгтэйг хүлээн зөвшөөрөх нь зөвийг хийх, Бурханыг үл тоомсорлодог байсан бол үйлчлэхгүй байснаасаа илүү ихээр бусдад үйлчлэх зоригийг маань өсгөн нэмэгдүүлэхэд тусалдаг. (“Daily Bread: Pattern,” Gospel Library)

Их Эзэнд өдөр бүр найдах нь яагаад хааяа нэг хүчирхэг сүнслэг туршлага олж авахаас дээр вэ?

Өдөр тутмын талх

Дараах заавруудыг өг. Суралцагчид санал болгосон судрын хэсгүүдээс гадна Gospel Library дээрээс “өдөр тутамдаа” эсвэл “өдөр бүр” гэх мэт үг, хэллэгүүдийг хайх замаар Сүмийн удирдагчдын мэдэгдлийг хайж болно.

Судлах тэмдэглэлийнхээ нэг хуудсыг “Өдөр тутмын талх: Есүс Христ” гэж гарчигла. Хуудасны голд нэг бүтэн талх зур. Дараах судруудыг судлаад, Их Эзэнд найдан сүнслэг тэжээл хүлээн авахын тулд өдөр бүр бидний хийж болох зүйлсийг олж мэд. Зурсан талхаа тойруулан, олж мэдсэн зүйлээ бич.

Дэд хууль 8:3
1 Нифай 17:3
2 Нифай 32:3
Алма 37:36–37

Дараахтай адил асуултуудыг тавьж, олж мэдсэн зүйлийнхээ талаар ярилцахад суралцагчдыг урь. Ангийнхнаасаа суралцахын зэрэгцээ олж мэдсэн санаагаа судлах тэмдэглэлдээ нэмж бичихэд суралцагчдыг урамшуулан дэмжиж болно.
Эдгээр үйлдлийн аль нь танд Амьдралын Талх болох Есүс Христийг өдөр бүр амьдралдаа урихад тусалсан бэ? Үүний үр дүнд Тэр таныг хэрхэн тэжээж, хүчирхэгжүүлсэн бэ?
Судраас олж мэдсэн зүйлсээс гадна та Их Эзэнд найдахын тулд өөр ямар ямар зүйлийг өдөр бүр хийхийг хичээдэг вэ?
Тэдгээрийг хийх хэрэггүй гэж боддог хүнд та юу гэж хэлэх вэ?

Цаг гарвал, Их Эзэн бидэнд яагаад хэрэгтэй тухай “Та байнга хэрэгтэй” (Дуулал, д. 48) дууллыг ангийнхантайгаа хамтдаа дуулах талаар бодож үз. Суралцагчид дуулал дээрх өөрсдөд нь утга учиртай санагдсан мөрүүдээ хуваалцаж болно.

Судлах тэмдэглэл дээр талхаа тойруулан бичсэн зүйлсийнхээ жагсаалтыг хар. Өдөр бүр Их Эзэнд илүү сайн найдахын тулд Түүний таныг хийж эхлээсэй эсвэл хийхээ болиосой хэмээн хүсэж байгаа нэг юм уу хоёр санааг дугуйл. Дараа нь дараах асуултуудад хариул.

Та өдөр бүр энэ зүйлийг хэзээ, хаана хийх вэ?
Энэ дадал хэвшлийг өдөр тутмын амьдралынхаа нэгэн хэсэг болгохын тулд ямар сорилт бэрхшээлийг даван туулах хэрэгтэй вэ? Та тэдгээр сорилт бэрхшээлийг хэрхэн даван туулж болох вэ?
Өдөр бүр энэ зүйлийг хийх нь цаг хугацаа өнгөрөх тусам таны Тэнгэрлэг Эцэг, Есүс Христ хоёртой тогтоосон харилцаанд хэрхэн нөлөөлөх вэ?

Өдөр бүр Их Эзэнд найдах хэрэгцээний талаарх мэдрэмж, бодол санаагаа хуваалцсанаар хичээлээ өндөрлө. Дараа дараагийн хичээл дээр суралцагчид үүн дээрээ хэрхэн ажиллаж байгааг нь шалга. Та бас өдөр тутам Их Эзэнд найдахын тулд юу хийж байгаагаа суралцагчдадаа үе үе хэлж болно.

Нэмэлт эх сурвалж

Би өдөр бүр Их Эзэнээс хэрхэн сүнслэг тэжээл хүлээн авч болох вэ?

Ерөнхийлөгч Рассэлл М.Нэлсон ийн гэрчилсэн.

17:18

Өдөр бүр “Бурханы сайн үгээр” [Моронай 6:4] тэжээгддэггүй гэрчлэл асар хурдан үгүй болох болно. Тиймээс Сатаны төлөвлөгөөг эсэргүүцэх ерөндөг нь тодорхой юм. Бид өдөр бүр Их Эзэнийг шүтэж, Түүний сайн мэдээг судлах хэрэгтэй. (“Сүнслэг инерцийн хүч,” Лиахона, 2022 оны 5-р сар, 99)

Арван хоёр төлөөлөгчийн чуулгын ахлагч Дийтр Ф.Угдорф ийн заасан.

15:13

Израилын хүүхдүүд цөлд бөднө шувуун дээр найрласан ч тэдний өдөр тутмын талх болох маннагийн өчүүхэн мөн энгийн гайхамшгаар тэд амьд үлдсэн [Гэтлэл 16-г үзнэ үү].

Ах, эгч нар аа, өдөр тутмын сүнслэг талхыг гэрт бэлтгэж, түгээх нь хамгийн сайн юм шүү. Итгэл мөн гэрчлэл нь өдөр тутам өчүүхэн мөн энгийн цаг мөчид бага багаар, энгийн бөгөөд ердийн байдлаар хамгийн ихээр тэтгэгддэг. (“Есүс Христ бол эцэг эхчүүдийн хүч чадал юм,” Лиахона, 2023 оны 5-р сар, 57)

Бурхан израилчуудыг өдөр бүр талхаар хангаж байсан түүхээс өөр юу мэдэж авч болох вэ?

Ахлагч Д.Тодд Кристоффэрсон “Daily Bread: Experience” (3:12) болон “Daily Bread: Change” (3:00) дээр нэмэлт сургамжуудыг хуваалцсан.

3:12

3:0

Нэмэлт суралцах үйл ажиллагаа

Хичээлийг эхлүүлэх өөр хувилбар

Нэг нь хадгалах хугацаа урт (будаа гэх мэт), нөгөө нь хадгалах хугацаа богино (талх, жимс гэх мэт) хоёр өөр хүнсний зүйл үзүүл.

Эдгээр хоол хүнсийг хэр хугацааны дараа муудна гэж та бодож байна вэ?

Тэргүүн зөвлөлийн ерөнхийлөгч Хэнри Б.Айринг: “Агуу итгэл үнэмшлийн хадгалах хугацаа богино” хэмээн заасан (“Spiritual Preparedness: Start Early and Be Steady,” Liahona, Nov. 2005, 39).

Ерөнхийлөгч Айринг үүгээр юу хэлэх гэсэн гэж та бодож байна вэ?

Хэрэв бид Есүс Христэд итгэх итгэлээ байнга хөгжүүлэхгүй юм бол итгэл маань суларч эсвэл алга болж болно гэдгийг хуваалцаж болно. Гэтлэл 16-г судалж байхдаа өнгөрсөн үеийн туршлагадаа найдахын оронд Их Эзэнд итгэх итгэлээ өдөр бүр хүчирхэгжүүлж болох арга замуудын талаар бодоход суралцагчдыг урь.

Дуулгавартай байдлын сорилт

Гэтлэл 16:4-ийг Абрахам 3:25-тай холбогдох эшлэл болгож эсвэл холбоход суралцагчдыг урь. Судрын хэсэг бүрийг уншаад, Бурханы бидэнд зарлиг өгдөг шалтгаануудын нэгийг олохыг тэднээс хүс.

Их Эзэнд дуулгавартай байх нь яагаад заримдаа хэцүү байдаг вэ?
Эдгээр саад бэрхшээлийг даван туулахад бидэнд юу туслах вэ?

Арван хоёр төлөөлөгчийн чуулгын ахлагч Үлиссэс Соарэс ийн заасан.

Мөнх бус амьдрал бол Их Эзэн биднийг Бурханы зарлигласан бүх зүйлийг хийх нь үү, үгүй юу гэдгийг харж, нотлох сорилт шалгалтын үе юм. Маш хэцүү зүйлс тохиолдох үед ч Христэд гуйвшгүй итгэдэг байх шаардлагатай. Энэ нь биднээс Христэд тууштайгаар итгэн, Сүнсээр удирдуулан, Бурхан бидний хэрэгцээг хангана гэсэн найдвартайгаар урагш тэмүүлэхийг шаардана. (“Бурханд эргэлзэлгүйгээр найдах нь,” 2017 оны 4-р сарын Ерөнхий чуулган, 20)

Их Эзэний зарлигийн дагуу үйлдэхийг хичээх үед Тэрээр та нарын хэрэгцээг хэрхэн хангаж байсан бэ?

Их Эзэнд найдахыг бусад эх сурвалжид найдахтай харьцуулах

Их Эзэнд найдсанаар хүлээн авах адислалуудыг бусад эх сурвалжид найдсанаар үүсэж болох асуудлуудтай харьцуулан таньж мэдэхэд суралцагчдад тусал. Израилчуудыг цөлд орохоос өмнө Египет тэднийг хоол хүнс, усаар хангаж байсан гэдгийг суралцагчдад сануулж болно (Гэтлэл 16:2–3-ыг үзнэ үү).

Египетэд найдсанаас Их Эзэнд өдөр бүр найдах нь яагаад израилчуудын хувьд дээр байсан бэ?

Египет израилчуудыг хоол хүнсээр хангаж байсан ч тэднийг боолчилж, хуурамч итгэл үнэмшил, уламжлалд автуулж байсан гэдгийг ойлгоход нь суралцагчдад тусал. Их Эзэнд найдсанаар Израилд болон тэдний үр удамд эрх чөлөө, өсөж хөгжих боломжийг олгосон юм. Эцэст нь Израил амласан нутагт орох байв.

Бид Их Эзэнд найдахын оронд ямар ямар эх сурвалжид найдахад уруу татагдаж болох вэ?
Их Эзэнд найдах нь бусад хүнд юм уу аливаа зүйлд найдахаас яагаад илүү дээр вэ?

Хүндэтгэлийн өдөр

Суралцагчдыг талхны талаар судалж байхад, Хүндэтгэлийн өдрийн тухай олж мэдсэн зарчмаа хуваалцахыг тэднээс хүсэх талаар бодож үз. Израил хүндэтгэлийн өдөр амрахын тулд зургаа дахь өдөр нь илүү их ажилладаг байсныг онцолж болох юм. Тэд бас Их Эзэн Хүндэтгэлийн өдрийг ариунаар сахиг гэж зургаа дахь өдөр Израилд адислалыг нь нэмж өгдөг байсныг мэдэж болно. Дараах асуултуудыг тавьж, бидний амьдралтай ижил төстэй зүйлс юу байгаа талаар ярилцахад нь суралцагчдад тусал.

Бид Хүндэтгэлийн өдрийг илүү ариун сахихын тулд долоо хоногийн турш өөр ямар ямар зүйл нэмж хийх хэрэгтэй байж болох вэ?
Таныг Хүндэтгэлийн өдрийг ариунаар сахихыг хичээхэд Тэнгэрлэг Эцэг, Есүс Христ хоёр таныг болон гэр бүлийг тань материаллаг болон сүнслэг байдлын хувьд хэрхэн тэтгэж байсан бэ?