Ելք 16

• Ե՞րբ եք վերջին անգամ կերել:

• Եթե նոր եք կերել, ինչո՞ւ եք հիմա քաղցած:

• Ինչո՞ւ մենք պետք է կանոնավոր սնվենք:

Տասներկու Առաքյալների Քվորումից երեց Դ. Թոդ Քրիստոֆերսոնը մեր ֆիզիկական մարմինները սնուցելը համեմատել է մեր հոգիների մասին հոգ տանելու հետ.

Մենք բոլորս գիտակցում ենք ֆիզիկական սնուցման անհրաժեշտությունը: Քաղցն ու ծարավը շատ ուժեղ են հիշեցնում մեզ սնվելու անհրաժեշտության մասին, եթե մենք մոռանում ենք: Սակայն հոգևոր սնննդի կարիքը նույնքան ուժեղ է: («Daily Bread: Pattern», Gospel Library հավելված)

• Ըստ ձեզ, մեր հոգիները սնուցելու անհրաժեշտությունն ինչո՞ւ է նույնքան կարևոր, որքան մեր մարմնի մասին հոգ տանելը:

• Ինչո՞ւ է հնարավոր հեշտությամբ անտեսել մեր հոգևոր կարիքները։

Մի քանի րոպե տրամադրեք՝ խորհելու հետևյալ հարցերի շուրջ։ Կարող եք ձեր մտքերը գրել ձեր օրագրերում․

• Արդյո՞ք դուք զգում եք ամեն օր ձեր հոգու մասին հոգ տանելու նույնպիսի ցանկություն, ինչպիսին ձեր մարմնի մասին հոգ տանելու ցանկությունն է։ Ինչո՞ւ այո, կամ ինչո՞ւ ոչ։

• Ըստ ձեզ, Երկնային Հայրը ի՞նչ կցանկանար, որ դուք անեիք ամեն օր՝ ձեր հոգու մասին հոգ տանելու համար:

Ոգեշնչում փնտրեք՝ իմանալու, թե ինչ կարող եք շարունակել անել կամ ինչ կարող եք փոխել, որպեսզի Տիրոջ կողմից ստանաք ձեր հոգուն անհրաժեշտ ամենօրյա զորությունը:

Կարմիր ծովն անցնելուց հետո իսրայելացիները «հավատացին Տիրոջն ու նրա ծառա Մովսեսին» (Ելք 14․31)։ Նրանք երգեցին և պարեցին՝ գովաբանելով Տիրոջը՝ իրենց ազատագրելու համար (տես Ելք 15․1–21)։ Սակայն իսրայելացիների կողմից Տիրոջ գովաբանությունը երկար չտևեց։ Երբ Մովսեսը առաջնորդում էր նրանց դեպի Սինա լեռը, նրանք բախվեցին տարբեր խնդիրների, և նրանց հավատքը փորձության ենթարկվեց։

Կարդացեք Ելք 16․2–4, 11–15 հատվածները՝ փնտրելով, թե ինչպես է Տերը հոգ տարել իսրայելացիների կարիքների մասին։

• Ի՞նչ գտաք:

Կարդացեք Հովհաննես 6․31–35, 47–51 հատվածները՝ փնտրելով, թե ինչ է ուսուցանել Հիսուսը մանանայի մասին։

• Ի՞նչ նմանություն կա մանանայի և Հիսուս Քրիստոսի միջև:

• Այն, ինչ առաջարկում է մեզ Հիսուսը, ինչո՞վ է մանանայից անսահմանորեն լավը:

Բացել PDF-ը

• Մանանայի վերաբերյալ այդ մանրամասներն ինչպե՞ս կարող են կիրառվել հոգևոր սնուցում ստանալու մեր կարիքի համար։

• Մանանայի մասին այդ մանրամասներն ի՞նչ կարող են ձեզ ուսուցանել Հիսուս Քրիստոսից հոգևոր սնուցում ստանալու վերաբերյալ:

Ուսանողները կարող են բացահայտել շատ արժեքավոր ճշմարտություններ: Նրանք կարող են կիսվել, թե ինչու են կարծում, որ իրենց նշած ճշմարտությունները կարևոր են: Կարող եք տալ հետևյալ լրացուցիչ հարցերը։ Այս դասի մնացած մասը կկենտրոնանա հետևյալ ճշմարտության վրա. եթե մենք ամեն օր ապավինենք Տիրոջը, Նա կօրհնի մեզ հոգևոր սնուցումով, որի կարիքը մենք ունենք։ (Նշում․ ուսանողները կարող են խորհել Տիրոջը ապավինելու իրենց ցանկության մասին Դաս 55. «Գնահատեք ձեր գիտելիքները 3» ուսումնասիրելու ժամանակ։ Եթե ​​այս դասի մնացած մասի ընթացքում ցանկանում եք կենտրոնանալ այլ ճշմարտության վրա, համապատասխան հարմարեցումներ կատարեք նաև Դաս 55-ն ուսուցանելիս։)

Հիսուս Քրիստոսին ապավինելու մեր ամենօրյա կարիքի մասին ուսանողների հասկացողությունը խորացնելու համար կարող եք կիսվել հետևյալ խոսքերով կամ դիտել «Daily Bread: Pattern» (2:51) տեսանյութը, որը հասանելի է ChurchofJesusChrist.org կայքում։

2:52

Երեց Քրիստոֆերսոնը խոսել է Տիրոջ կողմից ամեն օր հոգևոր սնունդ ստանալու մեր կարիքի մասին․

Մենք չպետք է մտածենք, որ կարող ենք առանց հոգևոր սնուցման մնալ շաբաթներ և ամիսներ և չտառապել, և որ դա մահացու ազդեցություն չի ունենա մեր հոգևոր կյանքի վրա։ Ամենօրյա հոգևոր սնունդ կամ մանանա ստանալու մեր կարիքի իրողությունն ընդունելն օգնում է մեզ ավելի խիզախ լինել՝ անելու ճիշտ բաներ և ծառայելու ուրիշներին ավելի շատ, քան կարող ենք դա անել Աստծուն անտեսելու դեպքում: («Daily Bread: Pattern», Gospel Library հավելված)

• Ինչո՞ւ է ավելի լավ ամեն օր ապավինել Տիրոջը, քան ժամանակ առ ժամանակ հզոր հոգևոր փորձառություններ ունենալ:

Ձեր օրագրերի էջերից մեկում գրեք «Հանապազօրյա հաց. Հիսուս Քրիստոս» վերնագիրը։ Էջի մեջտեղում մի կտոր հաց նկարեք։ Ուսումնասիրեք հետևյալ սուրբ գրությունները՝ փնտրելով այն, ինչ մենք կարող ենք անել ամեն օր՝ Տիրոջը ապավինելու և հոգևոր սնունդ ստանալու համար: Հացի նկարի շուրջը գրեք այն, ինչ կգտնեք:

• Բ Օրենք 8.3

• 1 Նեփի 17․3

• 2 Նեփի 32.3

• Ալմա 37․36–37

  Ուսանողներին առաջարկեք քննարկել, թե ինչ են բացահայտել՝ տալով հետևյալ հարցերը: Խրախուսեք ուսանողներին գաղափարներ ավելացնել իրենց օրագրերում՝ սովորելով իրենց դասընկերներից։

• Այս գործողություններից ո՞րն է օգնել ձեզ ամեն օր ձեր կյանք հրավիրել Կյանքի Հացը՝ Հիսուս Քրիստոսին: Արդյունքում ինչպե՞ս է Նա սնուցել կամ զորացրել ձեզ:

• Բացի այն, ինչ գտել եք Սուրբ գրություններում, ի՞նչ այլ բաներ եք փորձում անել ամեն օր՝ Տիրոջը ապավինելու համար:

• Ի՞նչ կասեք այն մարդուն, որը կարծում է, որ չպետք է անի այդ բաները:

Նայեք ձեր օրագրում հացի նկարի շուրջը ձեր գրածին: Շրջանի մեջ վերցրեք մեկ կամ երկու գաղափար, որոնք, ըստ ձեզ, Տերը կցանկանար, որ դուք սկսեք անել կամ այլ կերպ անեք, որպեսզի ամեն օր ավելի լավ ապավինեք Նրան: Ապա պատասխանեք հետևյալ հարցերին.

• Ե՞րբ և որտեղ եք անելու այդ բանն ամեն օր:

• Ի՞նչ դժվարություններ պետք է հաղթահարեք՝ այդ սովորությունը ձեր առօրյայի մաս դարձնելու համար: Ինչպե՞ս եք հաղթահարելու այդ դժվարությունները:

• Ըստ ձեզ, այդ բանն ամեն օր անելն ինչպե՞ս կարող է ժամանակի ընթացքում ազդել Երկնային Հոր և Հիսուս Քրիստոսի հետ ձեր հարաբերությունների վրա: