Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Eksodi 16: Buka e Përditshme

“Eksodi 16: Buka e Përditshme”, Manuali i Mësuesit të Seminarit për Dhiatën e Vjetër (2026)

“Eksodi 16: Buka e Përditshme”, Manuali i Mësuesit të Seminarit për Dhiatën e Vjetër

Eksodi 14–18: Mësimi 47

Eksodi 16

Buka e Përditshme

Pasi Zoti e çliroi popullin e Tij nga Egjipti, ata njerëz u ndeshën me sfida dhe mundësi të reja për rritje. Izraelitët nuk mund të mbështeteshin më tek egjiptianët për të siguruar për nevoja si ushqimi dhe uji. Nevojitej që ata të mësonin të mbështeteshin te Zoti për nevojat e tyre të përditshme. Ky mësim mund t’i ndihmojë nxënësit të mbështeten te Zoti çdo ditë.

Përgatitja e nxënësve: Ftojini nxënësit të kërkojnë prova të fuqisë së Zotit në jetën e tyre nga tani e deri në orën e ardhshme mësimore. Inkurajojini ata të gjejnë kohë në lutjet e tyre vetjake ose familjare për ta falënderuar Atin Qiellor për ndihmën e Tij.

Veprimtari të Mundshme të të Mësuarit

Nevoja për ushqim të përditshëm

Merreni parasysh ta filloni orën mësimore duke diskutuar për gjërat që iu nevojiten trupave tanë çdo ditë. Për shembull, mund të paraqitni pak bukë. Ftojeni një nxënës/e që është i/e uritur, të vijë përpara klasës dhe të hajë pak bukë. Pasi nxënësi/ja të ketë ngrënë, bëjini atij ose asaj pyetjet vijuese:

Kur ke ngrënë për herë të fundit?
Nëse ke ngrënë tani së afërmi, përse je i/e uritur tani?
Përse na duhet të hamë rregullisht?

Plaku D. Tod Kristoferson, i Kuorumit të Dymbëdhjetë Apostujve, e krahasoi ushqyerjen e trupave tanë fizikë me kujdesin për shpirtrat tanë:

“Të gjithë ne e dallojmë nevojën për ushqyerje fizike. Uria dhe etja na e kujtojnë me forcë nëse harrojmë. Por nevoja shpirtërore për ushqyerje është po aq e fortë.” (“Daily Bread: Pattern”, Gospel Library [Biblioteka e Ungjillit])

Pse mendon se nevoja për t’i ushqyer shpirtrat tanë është po aq e rëndësishme sa kujdesi për trupat tanë?
Përse mund të jetë e lehtë t’i anashkalojmë nevojat tona shpirtërore?

Shpenzo ca kohë për të përsiatur për pyetjet vijuese. Merre parasysh t’i shënosh në ditarin tënd të studimit mendimet e tua:

A ndien të njëjtën dëshirë për t’u kujdesur për shpirtin tënd çdo ditë siç bën për trupin tënd? Përse po ose përse jo?
Çfarë mendon se do të donte Ati Qiellor që të bëje çdo ditë për t’u kujdesur për shpirtin tënd?

Kërko frymëzim për të ditur se çfarë mund të vazhdosh të bësh, ose çfarë mund të ndryshosh, për t’i siguruar shpirtit tënd forcën ditore nga Zoti që i nevojitet.

Mbështetja te Zoti çdo ditë

Pasi kaluan Detin e Kuq, izraelitët “bes[uan] te Zoti dhe te Moisiu shërbëtor i tij” (Eksodi 14:31). Ata kënduan dhe kërcyen për ta lavdëruar Zotin që i çliroi ata (shih tek Eksodi 15:1–21). Megjithatë, lavdërimi i izraelitëve për Zotin nuk zgjati shumë. Ndërsa Moisiu i udhëhoqi drejt malit Sinai, ata u përballën me probleme të ndryshme dhe besimi i tyre u vu në provë.

Lexo tek Eksodi 16:2–4, 11–15, duke kërkuar se si Zoti siguroi për nevojat e izraelitëve.

Çfarë gjete?

Merreni parasysh t’u tregoni nxënësve se buka tek Eksodi 16:15 ishte “mana” dhe t’i ftoni ata t’i bëjnë referencë-kryq ose ta lidhin atë me vargjet te Gjoni 6:47–51.

Lexo te Gjoni 6:31–35, 47–51, duke kërkuar atë që Jezusi dha mësim rreth manës.

Në çfarë mënyrash mana është e ngjashme me Jezu Krishtin?
Në ç’mënyrë është ajo që na ofron Jezusi, pafundësisht më e mirë sesa mana?

Jepni përgjigjet e sakta pasi nxënësit të kenë mbaruar: 1. E vërtetë; 2. E rreme; 3. E rreme; 4. E vërtetë; 5. E vërtetë; 6. E rreme; 7. E vërtetë; 8. E rreme.

Si mund të zbatohen këto hollësi rreth manës për nevojën tonë për ushqim shpirtëror?
Çfarë mund të të mësojnë këto hollësi rreth manës për marrjen e ushqimit shpirtëror nga Jezu Krishti?

Plaku Kristoferson foli për nevojën tonë për ushqim shpirtëror të përditshëm nga Zoti:

“Nuk duhet të mendojmë se mund të qëndrojmë javë dhe muaj pa ushqim shpirtëror dhe të mos vuajmë e të mos kemi një ndikim negativ në jetën tonë shpirtërore. Pranimi i realitetit për nevojën tonë për administrim shpirtëror të përditshëm, ose mana, na ndihmon ta rritim kurajën për të bërë gjënë e drejtë dhe për t’u shërbyer të tjerëve më shumë sesa do ta kishim bërë po ta shpërfillnim Perëndinë.” (“Daily Bread: Pattern”, Gospel Library [Biblioteka e Ungjillit])

Përse është mbështetja te Zoti çdo ditë më e mirë se përvojat shpirtërore të fuqishme rastësore?

Buka e përditshme

Jepni udhëzimet e mëposhtme. Përveç fragmenteve të sugjeruara të shkrimeve të shenjta, nxënësit mund të kërkojnë thënie nga udhëheqësit e Kishës duke kërkuar fjalë ose fraza si “i/e përditshëm/me” ose “çdo ditë” te Gospel Library [Biblioteka e Ungjillit].

Në ditarin tënd të studimit, emërtoje një faqe “Buka e Përditshme: Jezu Krishti”. Në mes të faqes, vizato një bukë. Studioji shkrimet e shenjta vijuese, duke kërkuar gjërat që mund të bëjmë çdo ditë për t’u mbështetur te Zoti dhe për të marrë ushqim shpirtëror. Shkruaje atë që gjen përreth vizatimit tënd të bukës.

Ligji i Përtërirë 8:3
1 Nefi 17:3
2 Nefi 32:3
Alma 37:36–37

Ftojini nxënësit ta diskutojnë atë që gjetën, duke bërë pyetje si vijueset. Mund t’i inkurajoni nxënësit të shtojnë ide në ditarët e tyre të studimit ndërsa mësojnë nga shokët e tyre të klasës.
Cili nga këto veprime të ka ndihmuar ta ftosh Bukën e Jetës, Jezu Krishtin, në jetën tënde të përditshme? Si të ka ushqyer ose forcuar Ai si rezultat i kësaj?
Përveç asaj që gjete në shkrimet e shenjta, çfarë gjërash të tjera përpiqesh të bësh çdo ditë për t’u mbështetur te Zoti?
Çfarë do t’i thoshe dikujt që ndien se nuk ka nevojë t’i bëjë këto gjëra?

Nëse e lejon koha, merreni parasysh të këndoni një himn me klasën rreth nevojës sonë për Zotin, të tillë si “Çdo Or’ më Duhesh Ti” (Himne, nr. 51). Nxënësit mund të tregojnë vargje nga himni që janë kuptimplota për ta.

Shikoje listën që shkrove përreth bukës në ditarin tënd të studimit. Rretho një ose dy ide që ti e ndien se Zoti do të donte të nisje t’i bëje ose t’i bëje ndryshe për t’u mbështetur më mirë tek Ai çdo ditë. Më pas përgjigju për sa vijon:

Kur dhe ku do ta bësh këtë gjë çdo ditë?
Çfarë sfidash do të të nevojitet të kapërcesh për ta bërë këtë zakon një pjesë të rutinës sate të përditshme? Si do t’i kapërcesh këto sfida?
Si mendon se bërja e kësaj gjëje çdo ditë mund të ndikojë në marrëdhënien tënde me Atin Qiellor dhe Jezu Krishtin me kalimin e kohës?

Përfundojeni duke dhënë mendimet dhe duke treguar ndjenjat tuaja rreth nevojës sonë për t’u mbështetur te Zoti çdo ditë. Kërkoni mundësi në mësimet e ardhshme për të ndjekur ecurinë e përpjekjeve të nxënësve. Gjithashtu, mund t’i përditësoni periodikisht nxënësit tuaj mbi përpjekjet tuaja të përditshme për t’u mbështetur te Zoti.

Burime Shtesë

Si mund të marr ushqim shpirtëror nga Zoti çdo ditë?

Presidenti Rasëll M. Nelson, dëshmoi:

17:17

“Me shpejtësi të frikshme, një dëshmi që nuk ushqehet çdo ditë ‘nga fjala e mirë e Perëndisë’ [Moroni 6:4], mund të shkërmoqet. Pra, kundërhelmi për planin e Satanit është i qartë: na nevojiten përvoja të përditshme duke adhuruar Zotin dhe duke e studiuar ungjillin e Tij.” (“Fuqia e Hovit Shpirtëror”, Liahona, maj 2022, f. 99)

Plaku Diter F. Uhtdorf, i Kuorumit të Dymbëdhjetë Apostujve, dha mësim:

15:13

“Fëmijët e Izraelit e shijuan gostinë me shkurtat në shkretëtirë, por ajo që i mbajti gjallë, ishte mrekullia e vogël dhe e thjeshtë e manës, bukës së tyre të përditshme [shihni tek Eksodi 16].

Vëllezër e motra, buka e përditshme përgatitet dhe shërbehet në mënyrën më të mirë të mundshme në shtëpi. Besimi dhe dëshmia kultivohen më së miri në mënyra normale dhe të natyrshme, me pjesëza një e nga një, në çaste të vogla e të thjeshta, në rrjedhën e vazhdueshme të të jetuarit të përditshëm.” (“Jezu Krishti Është Forca e Prindërve”, Liahona, maj 2023, f. 57)

Çfarë mund të mësojmë tjetër nga tregimi për Perëndinë që u siguron izraelitëve manën e përditshme?

Plaku D. Tod Kristoferson dha mësime shtesë te “Daily Bread: Experience” [“Buka e Përditshme: Përvoja”] (3:12) dhe “Daily Bread: Change” [“Buka e Përditshme: Ndryshimi”] (3:00).

3:12

3:0

Veprimtari Plotësuese të të Mësuarit

Fillim ndryshe

Paraqitni dy artikuj të ndryshëm ushqimorë: një me afat të largët përdorimi (si për shembull oriz) dhe një me afat të afërt përdorimi (si për shembull bukë ose fruta).

Sa kohë mendoni se do të rezistojë secili prej këtyre ushqimeve para se të prishet?

Presidenti Henri B. Ajring, i Presidencës së Parë, dha mësim se “besimi i madh ka një afat të afërt përdorimi” (“Spiritual Preparedness: Start Early and Be Steady”, Liahona, nëntor 2005, f. 39).

Si mendoni, çfarë do të thotë Presidenti Ajring?

Nxënësit mund të tregojnë se, nëse nuk e ndërtojmë vazhdimisht besimin tonë te Jezu Krishti, ai besim mund të dobësohet ose zhduket. Ndërsa nxënësit studiojnë tek Eksodi 16, ftojini ata të mendojnë rreth mënyrave se si mund ta forcojnë besimin e tyre te Zoti çdo ditë, në vend që të mbështeten vetëm te përvojat e kaluara.

Prova e bindjes

Ftojini nxënësit të bëjnë referencën-kryq ose ta lidhin vargun tek Eksodi 16:4 me vargun tek Abraham 3:25. Kërkojuni atyre ta lexojnë çdo fragment, duke kërkuar një nga arsyet pse Perëndia na jep urdhërime.

Përse mund të jetë ndonjëherë e vështirë t’i bindesh Zotit?
Çfarë mund të na ndihmojë t’i kapërcejmë këto vështirësi?

Plaku Ulises Soares, i Kuorumit të Dymbëdhjetë Apostujve, dha mësim:

“Jeta e vdekshme është një periudhë prove ku ne do të provohemi për të parë nëse do t’i bëjmë të gjitha gjërat që Zoti Perëndia ynë do të na urdhërojë. Kjo do të kërkojë besim të palëkundur te Krishti, edhe në kohë vështirësie të madhe. Kjo do të kërkojë që ne të çajmë përpara me besim të qëndrueshëm te Krishti, duke u udhëhequr nga Shpirti dhe duke besuar se Perëndia do të sigurojë për nevojat tona.” (“Besoni në Perëndi pa Lëkundje”, Liahona, maj 2017, f. 33–34)

Si ka siguruar Zoti për nevojat tuaja ndërsa jeni përpjekur të bëni siç urdhëron Ai?

Mbështetja te Zoti kundrejt mbështetjes te burimet e tjera

Ndihmojini nxënësit të dallojnë bekimet e mbështetjes te Zoti krahasuar me problemet e mundshme nga mbështetja te burime të tjera. Mund t’u kujtoni nxënësve se para se izraelitët të hynin në shkretëtirë, Egjipti u siguroi atyre ushqim dhe ujë (shihni tek Eksodi 16:2–3).

Pse ishte më mirë për Izraelin që të mbështetej te Zoti çdo ditë në vend që të mbështetej tek Egjipti?

Ndihmojini nxënësit të kuptojnë se ndërkohë që Egjipti siguroi ushqim për Izraelin, ai e mbajti gjithashtu Izraelin në robëri dhe e ekspozoi atë ndaj bindjeve dhe traditave të tij të rreme. Mbështetja te Zoti iu dha Izraelit dhe pasardhësve të tij lirinë dhe mundësinë për të përparuar. Izraeli do të hynte më në fund në tokën e premtuar.

Cilat janë disa burime ku mund të tundohemi të mbështetemi në vend që të mbështetemi te Zoti?
Pse është mbështetja te Zoti më e mirë për ne sesa mbështetja te njerëzit ose gjërat e tjera?

Dita e Shabatit

Ndërsa nxënësit studiojnë për manën, merreni parasysh t’u kërkoni atyre të tregojnë parimet që zbulojnë rreth ditës së Shabatit. Ata mund të vënë në dukje se Izraeli punonte më shumë në ditën e gjashtë në mënyrë që të pushonte në Shabat. Gjithashtu, ata mund të kuptojnë se Zoti siguroi më tepër për Izraelin në ditën e gjashtë në mënyrë që ata të mund ta mbanin ditën e Shabatit të shenjtë. Ndihmojini nxënësit të diskutojnë ngjashmëritë me jetën tonë duke pyetur:

Cilat janë disa gjëra shtesë që mund të nevojitet t’i bëjmë gjatë javës në mënyrë që të mund ta mbajmë më mirë ditën e Shabatit të shenjtë?
Si kanë siguruar Ati Qiellor dhe Jezu Krishti për ju dhe familjen tuaj materialisht dhe shpirtërisht ndërsa jeni munduar ta mbani ditën e Shabatit të shenjtë?