Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Eksodi 14: “Mos Kini Frikë”

“Eksodi 14: ‘Mos Kini Frikë’”, Manuali i Mësuesit të Seminarit për Dhiatën e Vjetër (2026)

“Eksodi 14: ‘Mos Kini Frikë’”, Manuali i Mësuesit të Seminarit për Dhiatën e Vjetër

Eksodi 14–18: Mësimi 45

Eksodi 14

“Mos Kini Frikë”

The Old Testament prophet Moses standing with his arm extended toward the Red Sea. Moses is commanding the Red Sea to part to allow the Israelites to escape the Pharoah of Egypt.

Ne mund të ndihemi të pashpresë ndonjëherë, ashtu siç mund të jenë ndier izraelitët ndërkohë që ishin të bllokuar ndërmjet Detit të Kuq dhe ushtrisë së faraonit. Megjithatë, këshilla e Moisiut për ta ende gjen zbatim për ne sot: “Mos kini frikë, qëndroni dhe çlirimi do të vijë nga Zoti” (Eksodi 14:13). Ky mësim mund t’i ndihmojë nxënësit të ndiejnë dëshirën për ta vendosur mirëbesimin e tyre te Zoti për forcë dhe çlirim.

Përgatitja e nxënësve: Ftojini nxënësit të studiojnë tek Eksodi 14:13–14 dhe të marrin parasysh aspekte të jetës së tyre ku mund t’i ndihmojnë këto vargje.

Veprimtari të Mundshme të të Mësuarit

I rrethuar nga sprovat

Ndihmojini nxënësit të reflektojnë mbi sfidat në jetën e tyre që mund t’i bëjnë ata të ndihen të mbingarkuar ose të bllokuar. Një mënyrë për ta bërë këtë është të jepni thënien vijuese nga Vëllai Milton Kamargo, i Presidencës së Përgjithshme të Shkollës të së Dielës. Mund të shkruani këshillën e babait të tij në qendër të tabelës.

Vëllai Milton Kamargo, Këshilltar i Parë në Presidencën e Përgjithshme të Shkollës të së Dielës, dha këshillën nga babai i tij:

“Im atë e kishte zakon të më thoshte: ‘Mos u përqendro aq fort te problemet e tua saqë nuk mund ta shohësh zgjidhjen’”. (“Përqendrohuni te Jezu Krishti”, Liahona, maj 2023, f. 64)

Kërkojuni nxënësve të tregojnë atë që mendojnë se po jepte mësim babai i Vëllait Kamargo. Më pas ftojini ata të shkruajnë përreth thënies në tabelë çdo problem, sfidë ose sprovë për të cilën mund ta kenë të vështirë të shohin zgjidhje.

Nxënësit mund t’i përgjigjen pyetjes së parë nga pyetjet vijuese me zë të lartë. Me pyetjen e dytë, mund të jetë diçka e urtë t’i ftoni ata t’i përsiatin në heshtje përgjigjet e tyre.

Përsiat për rastet kur mund të jesh ndier sikur nuk kishte asnjë zgjidhje për problemet me të cilat je përballur.

Cilat janë disa mënyra se si një person mund të reagojë në rrethana të tilla?
Si reagon ti zakonisht në rrethana të tilla?

Ndërsa studion kapitullin tek Eksodi 14 sot, kërko frymëzim nga Fryma e Shenjtë për të të ndihmuar ta rritësh dëshirën për të mirëbesuar te Zoti ndërsa përballesh ose përgatitesh të përballesh me sfida dhe sprova.

Gjendja e vështirë e izraelitëve

Për t’i ndihmuar nxënësit ta kuptojnë situatën e izraelitëve tek Eksodi 14, paraqitni ose ndihmojini ata të gjejnë hartën 2 te Harta e Fotografi të Biblës, që gjendet te Ndihma për Studimin në Gospel Library [Biblioteka e Ungjillit]. Ndërsa jepni paragrafin vijues, ftojini nxënësit të gjejnë vendndodhjen e Pi-Hahirothit (nr. 3) në hartë.

Ndërsa fëmijët e Izraelit dilnin nga Egjipti, Zoti e urdhëroi Moisiun t’i udhëhiqte ata drejt Pi-Hahirothit (Eksodi 14:2). Pak pasi i la izraelitët të shkonin, faraoni e kuptoi se “shkretëtira i mban[te] të mbyllur” (Eksodi 14:3), ndaj e ngurtësoi zemrën e tij dhe i ndoqi nga pas.

Presidenti Xhefri R. Holland, i Kuorumit të Dymbëdhjetë Apostujve, shpjegoi sa vijon në lidhje me rrethanat e izraelitëve.

“Fëmijët e Izraelit [ishin në një] situatë të tmerrshme. … Kishte karroca pas tyre, duna rëre në çdo anë dhe shumë ujë pikërisht përpara. … Në këtë rast ajo ishte me të vërtetë një çështje jetë a vdekje.” (“Cast Not Away Therefore Your Confidence”, Ensign, mars 2000, f. 9)

Për t’i ndihmuar nxënësit ta përfytyrojnë këtë rrëfim, mund t’u tregoni atyre figurën vijuese të Detit të Kuq. Ftojini ata të imagjinojnë sikur të ishin në mesin e izraelitëve në këtë çast.

Si mund të kishe reaguar në këto rrethana?

Merreni parasysh t’i ftoni nxënësit të krahasojnë dhe ballafaqojnë reagimin e izraelitëve ndaj rrethanave me reagimin e Moisiut. Vënia re e ngjashmërive dhe ndryshimeve ndërmjet njerëzve, mësimeve dhe ngjarjeve në shkrimet e shenjta është një zotësi e rëndësishme e studimit të shkrimeve të shenjta. Bërja e këtyre krahasimeve mund t’i ndihmojë nxënësit të përcaktojnë të vërteta të rëndësishme të ungjillit që përndryshe mund të mos i shihnin. Mund të doni të shpjegoni shkurtimisht zotësinë e krahasimit dhe ballafaqimit. Ftojini nxënësit ta ushtrojnë atë në veprimtarinë vijuese të studimit.

Në ditarin tënd të studimit, krijo një tabelë të vogël me dy kolona. Emërtoje njërën kolonë Izraelitët dhe tjetrën Moisiu.

Lexo tek Eksodi 14:10–14, duke kërkuar atë që thanë izraelitët dhe atë që tha Moisiu. Përmblidhe atë që gjen në kolonën e duhur.

Ku u përqendruan izraelitët në këto rrethana? Ku u përqendrua Moisiu?
Çfarë vëren nga krahasimi i asaj që thanë ata?
Çfarë mëson nga ky tregim që mund të të ndihmojë në sfidat e tua?

Ndër të vërtetat e tjera që nxënësit mund t’i tregojnë, ndihmojini ata të shohin sa vijon: Përqendrimi te Jezu Krishti mund ta rritë shpresën tonë gjatë sfidave dhe sprovave.
Çfarë problemesh mendon se mund të ndodhin nëse përqendrohemi vetëm te sfidat dhe sprovat tona?

Përqendrimi te Krishti

Merreni parasysh të jepni pjesën e mbetur të thënies së Vëllait Kamargo nga fillimi i mësimit.

Vëllai Kamargo dha sa vijon për fuqinë e përqendrimit te Jezu Krishti:

“Im atë e kishte zakon të më thoshte: ‘Mos u përqendro aq fort te problemet e tua saqë nuk mund ta shohësh zgjidhjen’.

Unë dëshmoj se Zoti Jezu Krisht është zgjidhja madje dhe për problemet tona më të vështira.” (“Përqendrohuni te Jezu Krishti”, Liahona, maj 2023, f. 64)

Përse mendon se përqendrimi te Jezu Krishti është i dobishëm kur ndihemi të rrethuar ose të bllokuar nga sfidat ose sprovat tona?

Për të treguar atë që dha mësim Vëllai Kamargo, ftojini nxënësit që fillimisht ta përqendrojnë mendjen te sfidat që shkruan në tabelë. Vërini ata të përqendrohen tek ato sfida për 30 sekonda. Pastaj kërkojuni atyre të përsiatin se si ndihen.

Më pas, vendosni një figurë të Jezu Krishtit përpara klasës. Ftojini nxënësit t’i përqendrojnë mendimet e tyre vetëm te fuqia dhe dashurinë e Tij për 30 sekonda. Ftojini nxënësit tʼi shkruajnë përgjigjet e tyre për pyetjen vijuese në ditarët e tyre të studimit.
Çfarë ndryshimi mund të vësh re kur përqendrohesh te Jezu Krishti dhe fuqia e Tij më shumë sesa te sfidat me të cilat përballesh?

Paraqitni pyetjet më poshtë dhe ndajini nxënësit në dyshe ose grupe të vogla. Ftojini ata të zgjedhin dy ose tri nga sfidat në tabelë dhe t’i diskutojnë këto pyetje.
Në ç’mënyra mund të jetë Jezu Krishti një zgjidhje për problemet, sfidat ose sprovat që zgjodhe?
Si mund të veprojë një person me besim te Jezu Krishti gjatë asaj sfide, problemi ose sprove të caktuar?

Ftojini nxënësit e gatshëm ta tregojnë atë që mësuan ose ndien.

Fuqia e madhe e Zotit

Merreni parasysh t’i vini nxënësit t’i lexojnë vargjet vijuese individualisht ose në dyshe. Nxënësit gjithashtu mund ta vizatojnë atë që lexojnë në ditarët e tyre të studimit.

Nëse është e dobishme për nxënësit, mund të ftoni disa nxënës të interpretojnë shkurtimisht vargjet 19–22. Për shembull, mund të krijoni një pengesë të vogël që mund të hiqet ose ndahet, duke i lejuar nxënësit të kalojnë përmes saj.

Një mundësi tjetër është të shfaqni materialin filmik vizatimor “The Passover” [“Pashka”] nga kodi kohor 1:28 deri në 2:32. Ky material filmik gjendet në ChurchofJesusChrist.org.

2:54

Lexo tek Eksodi 14:15–31, duke kërkuar mënyrën se si Zoti luftoi për izraelitët dhe i çliroi ata.

Çfarë të frymëzon nga ky rrëfim?
Çfarë gjete që të ndihmon të duash ta vendosësh mirëbesimin tënd te Zoti?

Forcë dhe çlirim vetjak

Pyetja e radhës mund të jetë në fillim e vështirë për nxënësit që t’i përgjigjen. Të dëgjuarit e përvojave të të tjerëve mund t’i ndihmojë ata të mendojnë për veten. Mund të doni të tregoni një përvojë që ju ose dikush që e njihni ka pasur, që mund të ndihmojë t’i përgjigjet pyetjes. Ose shfaqni një material filmik si vijuesi që përshkruan rëndësinë e përqendrimit te Shpëtimtari gjatë sprovave tona:

“Finding Christ during Difficult Times” [“Gjetja e Krishtit gjatë Kohëve të Vështira”] (4:35)

“Feeling the Lord’s Love and Goodness in Trials” [“Të Ndjerit e Dashurisë dhe Mirësisë së Zotit Gjatë Sprovave”] (4:18)

Të dyja materialet filmike janë në dispozicion në ChurchofJesusChrist.org.

4:35

4:17

Si të ka ndihmuar ty ose dikë që ti njeh përqendrimi te Jezu Krishti gjatë një sfide ose sprove?

Ndihmojini nxënësit të kuptojnë se ndonjëherë mund të mos çlirohemi nga sfidat tona në mënyrat që presim. Megjithatë, përqendrimi te Jezu Krishti mund të na ndihmojë të gjejmë shpresë dhe forcë pavarësisht se me çfarë po përballemi.

Merreni parasysh ta përmbyllni duke dhënë dëshminë tuaj për Jezu Krishtin dhe rëndësinë e përqendrimit tek Ai gjatë sprovave tona. Mund të merrni parasysh ta përfshini thënien më poshtë në dëshminë tuaj.

Vëllai Kamargo dëshmoi se Shpëtimtari mund të na ndihmojë:

“Zoti Jezu Krisht jeton sot. Ai mund të jetë një prani aktive dhe e përditshme në jetën tonë. Ai është zgjidhja e problemeve tona, por ne duhet t’i ngremë sytë dhe ta ngulitim vështrimin për ta parë Atë. Ai ka thënë: ‘Shihni tek unë në çdo mendim; mos dyshoni, mos kini frikë’ [Doktrina e Besëlidhje 6:36].” (“Përqendrohuni te Jezu Krishti”, Liahona, maj 2023, f. 67)

Burime Shtesë

Si mund të më ndihmojë Jezu Krishti në sfidat e mia?

Plaku Ronald A. Rasband, i Kuorumit të Dymbëdhjetë Apostujve, ftoi:

“Përpiquni vetëm të thoni emrin ‘Jezu Krishti’ në një mjedis të rrezikshëm me dikë që e ka humbur shpresën. Thjesht ta thërrasim Atë me emër, me nderim, mund të sjellë ndryshim në një çast të vështirë.” (“Jezu Krishti Është Përgjigjja” [mbrëmje me një Autoritet të Përgjithshëm, 8 shkurt 2019], f. 3)

Presidenti Rasëll M. Nelson shpalli:

“Çfarëdo pyetjesh apo problemesh të keni, përgjigjja gjendet gjithmonë në jetën dhe mësimet e Jezu Krishtit”. (“Përgjigjja Është Gjithmonë Jezu Krishti”, Liahona, maj 2023, f. 127)

Presidenti Rasëll M. Nelson tha:

“Kur përqendrimi i jetës sonë është te plani i Perëndisë për shpëtim … dhe te Jezu Krishti e ungjilli i Tij, ne mund të ndiejmë gëzim pavarësisht nga ajo që po ndodh – apo nuk po ndodh – në jetën tonë. Gëzimi vjen prej Tij dhe për shkak të Tij. Ai është burimi i të gjithë gëzimit.” (“Gëzimi dhe Mbijetesa Shpirtërore”, Liahona, nëntor 2016, f. 82)

Plaku Ajzek K. Morison, i Të Shtatëdhjetëve, shpjegoi:

“Dashuria që ndiejmë për shkak të Shpëtimtarit dhe Shlyerjes së Tij, bëhet një burim i fuqishëm për ne në çastet tona sprovuese. … Ai urdhëroi: ‘Në botë do të keni mundime, por merrni zemër, unë e munda botën!’ [Gjoni 16:33]. Ai mund të na ndihmojë të përballojmë çfarëdolloj dhembjeje, sëmundjeje dhe sprove me të cilën përballemi në vdekshmëri.” (“Ne Mund të Bëjmë Gjëra të Vështira me Anë të Tij”, Liahona, nëntor 2022, f. 115)

Përse nuk më çliron gjithmonë Perëndia nga sfidat dhe sprovat e mia?

Presidenti Tomas S. Monson (1927–2018) shpjegoi:

“Ati ynë Qiellor … e di se ne mësojmë, rritemi dhe bëhemi më të fortë teksa përballemi dhe u mbijetojmë sprovave që duhet të kalojmë. Ne e dimë se ka [raste] kur do të përjetojmë pikëllim zemërthyes, kur do të hidhërohemi dhe kur mund të vihemi në provë deri në skajet tona. Megjithatë, vështirësi të tilla na lejojnë të ndryshojmë për më mirë, ta rindërtojmë jetën tonë në mënyrën që na mëson Ati ynë Qiellor dhe të bëhemi diçka ndryshe nga ajo që ishim – më të mirë seç ishim, më të kuptueshëm seç ishim, më të dhimbsur seç ishim, me dëshmi më të forta seç kishim më parë.” (“Nuk do të të Lë, As Nuk do të të Braktis”, Liahona, nëntor 2013, f. 87)

Veprimtari Plotësuese të të Mësuarit

Urtësia dhe fuqia e Perëndisë

Gjatë diskutimit për hartën në mësim, mund të merrni parasysh të theksoni urtësinë dhe fuqinë e Perëndisë duke shpjeguar se fëmijët e Izraelit fillimisht arritën në Sukoth (Eksodi 13:20). Ndihmojini nxënësit të gjejnë vendndodhjen e Sukothit në hartë. Ftojini ata të gjejnë rrugën më të drejtpërdrejtë nga Sukothi në Kanaan (toka e premtuar).

Ftojini nxënësit të lexojnë tek Eksodi 14:1–2, duke kërkuar se ku i tha Zoti Moisiut t’i udhëhiqte fëmijët e Izraelit. Ndihmojini ata të gjejnë vendndodhjen e Pi-Hahirothit në hartë.

Çfarë vini re rreth drejtimit se si Zoti i udhëhoqi fëmijët e Izraelit?

Mund të jetë e nevojshme të shpjegoni se rruga që i bie më drejt për në Kanaan do të kishte qenë po të udhëtonin në veri të Detit të Kuq përgjatë Detit Mesdhe. Zoti përkundrazi i drejtoi izraelitët që të udhëtonin në jug dhe të fushonin pranë Detit të Kuq.

Çfarë pyetjesh mund të kishit pasur për rrugën po të ishit një prej izraelitëve?
Si mund t’i ndihmojë çuarja e izraelitëve në Detin e Kuq të tjerët që të “mësojnë që [Ai është] Zoti”? (Eksodi 14:4.)

Doktrina e Besëlidhje 8:3. “Ky është shpirti i zbulesës”

Për t’i ndihmuar nxënësit të mësojnë rreth zbulesës, ftojini ata të lexojnë tek Eksodi 14:15–16. Kërkojuni atyre të kërkojnë se si e dinte Moisiu se çfarë të bënte kur u bllokua ndërmjet ushtrisë së faraonit dhe Detit të Kuq.

Si mendoni se i foli Zoti Moisiut në këtë çast?

Ftojini nxënësit të lexojnë fragmentin e zotërimit doktrinor Doktrina e Besëlidhje 8:2–3, duke kërkuar mënyrën se si i foli Zoti Moisiut.

Çfarë mësoni rreth zbulesës?
Kur i ka folur Zoti mendjes ose zemrës suaj?

Ftojini nxënësit të bëjnë referencë-kryq ose t’i lidhin vargjet tek Eksodi 14:15–16 me ato te Doktrina e Besëlidhje 8:2–3.

Ndikimi i tregimit të Moisiut për Detin e Kuq

Nëse dëshironi, mund t’i ndihmoni nxënësit të shohin efektin që mund të ketë ky tregim në jetën e tyre. Merreni parasysh të tregoni se për mijëra vite, tregimi i Zotit që i çliron fëmijët e Izraelit nga robëria në Egjipt i ka frymëzuar profetët dhe njerëzit të kenë besim te Zoti Jezu Krisht.

Ndajeni klasën në dyshe ose në grupe të vogla dhe caktojuni atyre njërin nga fragmentet vijues për ta studiuar. Shkruajini pyetjet e mëposhtme në tabelë për nxënësit që t’u referohen dhe t’i diskutojnë ndërsa studiojnë.

1 Nefi 3:31; 4:1–3 (Bijtë e Lehit po përpiqeshin t’i merrnin fletët prej tunxhi nga Labani.)

1 Nefi 17:25–27, 51 (Nefi po përpiqej t’i bindte vëllezërit e tij që ta ndihmonin të ndërtonte një anije.)

Alma 36:27–28 (Alma po e mësonte djalin e tij Helamanin që ta vendoste mirëbesimin e tij te Perëndia.)

Si mendoni se tregimi i Eksodit mund ta kishte ndihmuar këtë individ ose grup në situatën e tij?
Cilat rreshta ose fraza nga Eksodi 14 mund t’ju inkurajojnë të mirëbesoni te Zoti dhe te fuqia e Tij për t’ju çliruar?

Ftojini nxënësit ta zbatojnë këtë tregim në jetën e tyre me nxitjen vijuese:

Nëse Perëndia ishte i gatshëm dhe në gjendje të ndante Detin e Kuq për izraelitët e lashtë, e di se mund të më ndihmojë edhe mua me .