Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Exodo 12–13, Bahagi 2: “Gawin Ninyo Ito sa Pag-alaala sa Akin”

“Exodo 12–13, Bahagi 2: ‘Gawin Ninyo Ito sa Pag-alaala sa Akin,’” Manwal ng Titser ng Seminary para sa Lumang Tipan (2026)

“Exodo 12–13, Bahagi 2: ‘Gawin Ninyo Ito sa Pag-alaala sa Akin,’” Manwal ng Titser ng Seminary para sa Lumang Tipan

Exodo 7–13: Lesson 43

Exodo 12–13, Bahagi 2

“Gawin Ninyo Ito sa Pag-alaala sa Akin”

Sa inyong palagay, bakit mahalagang maalaala ang Ama sa Langit at si Jesucristo? Upang matulungan ang mga anak ni Israel na maalaala na sila ay iniligtas Niya mula sa Ehipto, pinasimulan ng Panginoon ang Pista ng Paskuwa. Binigyan tayo ni Jesucristo ng bagong paraan upang lagi Siyang maalaala nang pasimulan Niya ang ordenansa ng sakramento. Ang lesson na ito ay makatutulong sa mga estudyante na maalaala ang Tagapagligtas habang naghahanda at nakikibahagi sila sa ordenansa ng sakramento.

Paghahanda ng estudyante: Sabihin sa mga estudyante na maghandang magbahagi ng isang bagay na nakatulong sa kanila na maalaala ang Tagapagligtas bago tumanggap, habang tumatanggap, at pagkatapos tumanggap ng sakramento. Maaaring kabilang dito ang isang paboritong larawan, banal na kasulatan, himno, o sipi.

Mga Posibleng Aktibidad sa Pag-aaral

Laging maalaala

Upang matulungan ang mga estudyante na maunawaan ang kahalagahan ng pag-alaala, magpakita ng larawan o bagay na tumutulong sa iyong maalaala ang isang bagay o taong mahalaga sa iyo. Maaaring katulad ito ng singsing sa kasal, larawan, o memento. Magbahagi ng maikling paliwanag kung paano nakatutulong sa iyo ang item na ito na maalaala ang tao o pangyayari. Pagkatapos ay sabihin sa mga estudyante na sagutin ang mga sumusunod na tanong.

Anong isang bagay o sinong tao ang nais ninyong maalaala sa buong buhay ninyo? Bakit?
Anong mga bagay ang ginagawa o ginawa ninyo para matulungan kayong maalaala ang bagay o taong ito?

Pagkatapos ay maaari kang magpakita ng larawan ni Jesucristo. Sabihin sa mga estudyante na tingnan ang larawan habang mapanalangin nilang iniisip ang Tagapagligtas. Pagkatapos ay maaari mong ipakita ang mga sumusunod na tanong na sasagutin ng mga estudyante sa kanilang study journal.

Ano ang nadarama mo tungkol sa Tagapagligtas?
Ano sa palagay mo ang mahalagang maalaala tungkol sa Kanya? Bakit?

Sa inyong pag-aaral ngayon, hangarin ang patnubay ng Espiritu Santo para matulungan kayong malaman kung ano ang magagawa ninyo upang maalaala ang Tagapagligtas at ang ginawa Niya para sa inyo.

“Ang araw na ito’y magiging sa inyo’y isang alaala”

Sa nakaraang lesson, “Exodo 12–13, Bahagi 1,” pinag-aralan ng mga estudyante kung paano iniligtas ng Panginoon ang mga Israelita mula sa Ehipto. Maaari mong isulat sa pisara ang salitang Paskuwa. Maaari mong ipakita ang larawan ng Paskuwa na ginamit sa nakaraang lesson. Pagkatapos ay sabihin sa mga estudyante na ibuod ang naaalala nila tungkol sa himala ng unang Paskuwa (tingnan sa Exodo 12:1–13).

Maaari mong hatiin ang klase sa mga grupo na may tatlong miyembro. Sabihin sa bawat estudyante na pag-aralan ang isa sa mga sumusunod na passage at ibahagi ang matututuhan nila sa iba pang miyembro ng grupo.

Iniutos ng Panginoon sa Kanyang mga tao na gawing muli ang hapunan ng Paskuwa “sa lahat ng [kanilang] salinlahi” (Exodo 12:14). Basahin ang mga sumusunod na talata, at hanapin ang mga salita at pariralang nagsasaad ng nais ng Panginoon na maalaala at gawin nila:

Exodo 12:14, 17

Exodo 12:25–27

Exodo 13:3, 8–10

Ano ang nilalayon ng paghahanda at pakikibahagi sa hapunan ng Paskuwa na makatutulong sa mga Israelita na maalaala ang tungkol sa Panginoon?
Sa inyong palagay, paano pinagpala ng Panginoon ang mga Israelita dahil sa masunuring pakikibahagi sa Pista ng Paskuwa?

Ang Paskuwa at ang sakramento

Jesus Christ seated at a table with His apostles. The apostles are watching Christ as He breaks bread and offers it to them in remembrance of His body and blood. The painting depicts the institution of the Sacrament at the Last Supper.

Basahin ang Lucas 22:13–15, 19–20, at alamin ang bagong ordenansa na pinasimulan ng Tagapagligtas.

Paano natutulad ang Paskuwa sa ordenansa ng sakramento? Paano ito naiiba?

Ang mga sumusunod na tanong ay makatutulong sa mga estudyante na matukoy ang mga katotohanang nauugnay sa kanilang buhay. Ang mga tanong na tulad nito ay makatutulong sa mga estudyante na makahanap ng personal na kaugnayan sa mga banal na kasulatan na pinag-aaralan nila. Ang mga tanong din na iyon ay nagbibigay-daan sa Ama sa Langit upang personal na maturuan at mabigyang-inspirasyon ang mga estudyante.

Para sa karagdagang training tungkol sa pagtulong sa mga estudyante na magkaroon ng kaugnayan sa mga banal na kasulatan, tingnan sa “Pag-aralan ang doktrina ni Jesucristo para sa iyong sarili” sa Mga Kasanayan para sa Pag-unlad ng Guro [2022], 29.
Anong mga katotohanan ang matututuhan natin kapag pinag-isipan natin kung bakit naglaan ang Ama sa Langit at si Jesucristo ng mga ordenansa na tulad ng Paskuwa noong unang panahon at ng sakramento ngayon?

Maaaring magbahagi ang mga estudyante ng iba’t ibang katotohanan. Ang isang katotohanan na maaari nilang matukoy ay naglalaan ang Ama sa Langit at si Jesucristo ng mga ordenansa tulad ng Paskuwa at sakramento upang matulungan tayo na maalaala Sila.

Ipinaliwanag ni Elder Dale G. Renlund ng Korum ng Labindalawang Apostol ang isang dahilan kung bakit hinihikayat tayo ng Ama sa Langit at ni Jesucristo na alalahanin Sila:

Nais ng ating Ama sa Langit na alalahanin natin ang kabutihan Niya at ng Kanyang Pinakamamahal na Anak … para sa impluwensya sa atin ng pag-alaalang iyon. Sa pagninilay sa Kanilang kabaitan, lumalawak ang ating pananaw at pang-unawa. Sa pagbubulay sa Kanilang habag, nagiging mas mapagkumbaba, madasalin, at matatag tayo. (“Pagnilayan ang Kabutihan at Kadakilaan ng Diyos,” Liahona, Mayo 2020, 41)

Paano nakaapekto sa inyo ang pag-alaala sa kabutihan ng Diyos?

Pag-alaala sa Tagapagligtas bago tumanggap, habang tumatanggap, at pagkatapos tumanggap ng sakramento

Ang sumusunod na aktibidad ay makatutulong sa mga estudyante na maghandang maalaala ang Tagapagligtas bago tumanggap, habang tumatanggap, at pagkatapos tumanggap ng sakramento. Maaari kang magbigay ng papel at mga art supply. Sabihin sa mga estudyante na gumawa ng isang bagay na tulad ng poster, polyeto, meme, o iba pang paalala ng sakramento. Hikayatin ang mga estudyante na maging malikhain sa kanilang disenyo.

Maaaring maglaan ang mga estudyante ng espasyo sa likod ng kanilang mga papel para sa pagtatapos ng lesson. Sa pagtatapos ng lesson, ang mga estudyante ay gagawa ng mga plano upang mas maalaala pa ang Tagapagligtas bago tumanggap, habang tumatanggap, at pagkatapos tumanggap ng sakramento.

Upang matulungan kayong maalaala ang kabutihan ng Diyos habang kayo ay naghahanda, nakikibahagi, at inaalaala ang ordenansa ng sakramento, gawin ang isa o mahigit pa sa mga sumusunod:

Maglista ng ilan sa mga simbolo ng pista ng Paskuwa na napag-aralan mo. Isulat kung paano makatutulong sa iyo ang mga simbolong ito ng Paskuwa upang maalaala mo ang Tagapagligtas bago ka tumanggap ng sakramento.
Basahin ang mga panalangin sa sakramento sa Doktrina at mga Tipan 20:77, 79. Ilista ang mga pangakong gagawin natin kapag nakibahagi tayo sa sakramento. Pagkatapos ay ilista ang mga pangako ng Panginoon. Sumulat ng maikling talata kung paano makatutulong sa iyo ang pag-iisip tungkol sa mga pangakong ito na maalaala mo ang Tagapagligtas sa oras ng sakramento.
Maglista ng ilang passage sa banal na kasulatan o isang pahayag mula sa isang lider ng Simbahan na maaari mong basahin at pagnilayan sa oras ng sakramento. Pumili ng mga passage o pahayag na makatutulong sa iyo na maalaala ang Tagapagligtas.
Pumili ng paboritong himno sa sakramento. Ilista ang pamagat at dalawa o tatlong linya mula sa himno. Pumili ng mga linya na makabuluhan sa iyo at makatutulong sa iyo na maalaala ang Tagapagligtas pagkatapos ng sakramento.

Maaaring ibahagi ng mga estudyante ang ginawa nila sa kanilang kapartner, grupo, o sa klase. Maaari mong hikayatin ang mga estudyante na magdagdag ng mga ideya sa ibabahagi ng iba pang miyembro ng klase.

Gumawa ng plano para maalaala ang Tagapagligtas

Tahimik na pagnilayan ang natutuhan at nadama ninyo ngayon. Anyayahan ang Espiritu Santo na tulungan kayong matukoy ang isang bagay na magagawa ninyo upang mas maalaala si Jesucristo bago tumanggap, habang tumatanggap, at pagkatapos tumanggap ng sakramento.

Sabihin sa mga estudyante na gamitin ang espasyo sa likod ng kanilang papel para sagutin ang sumusunod na tanong.

Ano ang ilang partikular na bagay na magagawa mo upang mas maalaala ang Tagapagligtas habang naghahanda, nakikibahagi, at nagninilay ka tungkol sa sakramento?

Maaaring magbahagi ang ilang handang estudyante tungkol sa nadama nila na dapat gawin. Sabihin sa mga estudyante na dalhin ang kanilang papel sa sacrament meeting para matulungan sila na maalala ang kanilang natutuhan at nadama. Maaari mong ibahagi ang iyong patotoo tungkol sa kapangyarihan na maaaring dumating sa ating buhay kapag mas inaalaala natin ang Tagapagligtas habang naghahanda at nakikibahagi sa sakramento.

Karagdagang Resources

Exodo 12:17. Paano naging “[ordenansa] magpakailanman” ang pista ng Paskuwa?

Ipinaliwanag ni Pangulong Boyd K. Packer (1924–2015) ng Korum ng Labindalawang Apostol:

Sa Getsemani at Golgota ay natigis ang dugo ng Tagapagligtas. Ilang siglo bago iyon, pinasimulan ang Paskuwa bilang simbolo at halimbawa ng mga bagay na darating. Ito ay isang ordenansa na iingatan magpakailanman (tingnan sa Exodo 12). …

Matapos ang pagpapako sa krus sa Panginoon, hindi na kinakailangan ng pagtitigis ng dugo sa batas ng pagsasakripisyo. … Ang sakripisyo magmula noon ay ang bagbag na puso at nagsisising espiritu—pagsisisi.

At ang Paskuwa ay kinakailangang gunitain magpakailanman gaya ng sakramento, kung saan pinaninibago natin ang ating tipan ng binyag at tumatanggap bilang pag-alaala sa katawan ng Kordero ng Diyos at sa Kanyang dugo, na itinigis para sa atin. (“Atonement, Agency, Accountability,” Ensign, Mayo 1988, 72)

Ano ang dapat kong gawin sa oras ng sakramento?

Sinabi ni Brother Milton Camargo, Unang Tagapayo sa Sunday School General Presidency:

Ang pagpapanibago ng ating mga tipan sa oras ng sakramento bawat Linggo ay isang magandang pagkakataon para suriin ang ating sarili at muling ituon ang ating buhay kay Jesucristo. Sa pagtanggap ng sakramento, ipinapahayag natin na “lagi natin siyang aalalahanin.” Ang salitang lagi ay napakahalaga. Pinalalawig nito ang impluwensya ng Tagapagligtas sa bawat bahagi ng ating buhay. Hindi lamang sa simbahan o sa pagdarasal natin sa umaga natin Siya naaalala o kapag may problema lamang tayo at mayroon tayong kailangan.

Oo, kung minsa’y nababaling ang ating pansin. Nakakalimot tayo. Nawawala ang tuon natin. Ngunit ang pagpapanibago ng ating mga tipan ay nangangahulugan na nais nating alalahanin palagi ang Tagapagligtas, na sisikapin nating gawin ito sa buong linggo, at na mangangako at magtutuon tayong muli sa Kanya sa hapag ng sakramento sa susunod na linggo. (“Magtuon kay Jesucristo,” Liahona, Mayo 2023, 65)

Saan ko malalaman pa ang tungkol sa pista ng Paskuwa?

Marami ka pang mababasa tungkol sa pista ng Paskuwa sa “The Passover Supper” (Ensign, Abr. 2014, 74–75).

Mga Karagdagang Aktibidad sa Pag-aaral

Alternatibong simula

Sabihin sa mga estudyante na kunwari ay alam nila na bibisita nang personal si Jesucristo sa susunod nilang sacrament meeting. Sabihin sa kanila na pag-isipan kung paano makakaimpluwensya sa paraan ng paghahanda at pakikibahagi nila sa sacrament meeting ang kaalaman na naroon si Jesus.

Ano sa palagay ninyo ang pakiramdam ng pagdalo sa sacrament meeting nang naroon ang Tagapagligtas?
Ano ang gagawin ninyo na naiiba sa karaniwan upang maghanda para sa simbahan? Para maghandang tumanggap ng sakramento? Ano ang dati ninyong ginagawa na gagawin pa rin ninyo?
Paano makatutulong sa inyo ang karanasang ito na laging maalaala si Jesucristo at ang Kanyang nagbabayad-salang sakripisyo sa pagdalo ninyo sa mga sacrament meeting sa hinaharap?

Ang mga himno sa sakramento

Maaaring makatulong sa mga estudyante na maunawaan ang kahalagahan ng pagkanta ng mga himno sa sakramento bilang bahagi ng pag-alaala sa Tagapagligtas. Maaari mong ipaalala sa mga estudyante na kumanta si Jesus ng himno bago pumunta sa Halamanan ng Getsemani (tingnan sa Marcos 14:26).

Ipinaalala sa atin ni Pangulong Jeffrey R. Holland ng Korum ng Labindalawang Apostol:

Ang pangangasiwa at pagpapasa ng sakramento ay sinisimulan sa isang himno na dapat nating lahat na kantahin. Hindi mahalaga kung anong uri ng boses sa musika ang mayroon tayo. Ang mga himno sa sakramento ay katulad lang din ng mga panalangin—at lahat ay maaaring magbigay ng tinig sa panalangin! …

Isang mahalagang bahagi ito ng ating pagsamba na magkaisa sa ganoong pakanta at nakaaantig na mga pagpapahayag ng pasasalamat. (“This Do in Remembrance of Me,” Ensign, Nob. 1995, 68)

Maaari mong anyayahan ang mga estudyante na magbahagi ng mga karanasan nila noong nakatulong sa kanila ang pagkanta ng himno sa sakramento na mas mapalapit sa Ama sa Langit at kay Jesucristo.

Maaari mong anyayahan ang mga estudyante na piliin ang paborito nilang himno sa sakramento na ibabahagi sa kapartner, mas maliit na grupo, o sa klase. Maaaring magbahagi ang mga estudyante ng isang paboritong linya mula sa himno at kung paano ito naging makabuluhan sa kanila. Kung naaangkop, maaari kang magpatugtog o kumanta ng isang talata mula sa paboritong himno sa sakramento ng ilang estudyante. Habang nakikinig o kumakanta ang mga estudyante, maaari mo silang anyayahang tukuyin ang mga linya mula sa mga himno na mahalaga sa kanila.

Damhin ang kapangyarihan ng pag-alaala sa Tagapagligtas

Sa video na “Na Sila sa Tuwina ay Aalalahanin Siya” (6:29), itinuturo ni Elder Claudio R. M. Costa ng Pitumpu ang mga bagay na magagawa natin upang maalaala ang Tagapagligtas at maragdagan ang kapangyarihan ng ordenansa ng sakramento sa ating buhay.

6:29

Ang video na “Inspiring Short: Always Remember Being Saved” (2:51), na ipinrodyus ng BYU Speeches, ay tungkol sa kuwento ng isang lalaki na nailigtas habang nagra-rock climbing. Ibinahagi ng tagapagsalita ang kuwentong ito para ituro na tunay nating mapaparangalan ang Tagapagligtas sa pamamagitan ng pag-alaala sa Kanya.