Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Exodo 7–11: Pagkilala sa Kapangyarihan ng Panginoon

“Exodo 7–11: Pagkilala sa Kapangyarihan ng Panginoon,” Manwal ng Titser ng Seminary para sa Lumang Tipan (2026)

“Exodo 7–11: Pagkilala sa Kapangyarihan ng Panginoon,” Manwal ng Titser ng Seminary para sa Lumang Tipan

Exodo 7–13: Lesson 41

Exodo 7–11

Pagkilala sa Kapangyarihan ng Panginoon

A black-and-white drawing by Paul Gustave Doré of Moses and his brother, Aaron, standing in Pharaoh’s court next to a serpent.

Maaaring mahirap kilalanin ang kapangyarihan ng Panginoon sa ating buhay. Pinili ng Panginoon sina Moises at Aaron upang ipakita ang Kanyang kapangyarihan sa harapan ni Faraon. Binalewala ni Faraon ang kapangyarihan ng Panginoon. Nagbunsod ito ng karagdagang pagpapamalas ng kapangyarihan ng Panginoon sa pamamagitan ng mga salot na dumating sa Ehipto. Ang layunin ng lesson na ito ay tulungan ang mga estudyante na maunawaan kung paano makikilala ang kapangyarihan ng Panginoon at maniniwala sa Kanya.

Paghahanda ng estudyante: Sabihin sa mga estudyante na maghanap ng katibayan ng kapangyarihan ng Panginoon sa kanilang buhay mula sa oras ng klase ngayon hanggang sa susunod na klase.

Mga Posibleng Aktibidad sa Pag-aaral

Kapangyarihan ng Diyos sa ating paligid

Maaari mong simulan ang klase sa pamamagitan ng pagtatanong ng mga sumusunod o pagsasabi sa mga estudyante na talakayin ang mga ito sa mga grupo.

Habang papunta kayo sa seminary ngayon, ano ang mga bagay na nakita, napansin, o naobserbahan ninyo?
Sa scale na 1–5 (1 para sa walang nalaman o naobserbahan, 5 para sa maraming nalaman o naobserbahan), paano ninyo ire-rate ang pagiging maalam ninyo sa inyong kapaligiran ngayon?
Ano ang ilang dahilan kung bakit maaari tayong maging mas mapagmasid o hindi gaanong mapagmasid?

Ipaliwanag na sa katulad na paraan, mapag-iisipan natin kung gaano natin napapansin ang nagawa o ginagawa ng Panginoon para sa atin. Maaari mong itanong ang sumusunod:
Anong katibayan ang maaaring mapansin ng isang tao tungkol sa kapangyarihan ng Diyos sa isang ordinaryong araw?

Ang isang paraan para maanyayahan ang Espiritu Santo na turuan ang bawat isa sa mga estudyante ay sa pamamagitan ng pagtutulot sa mga estudyante na pribadong i-assess kung ano sa palagay nila ang ginagawa nila sa partikular na mga alituntunin ng ebanghelyo. Matutulungan mo sila na gawin ito sa pamamagitan ng pagpapakita ng mga sumusunod:

I-rate ang iyong sarili sa scale na 1–5 (1 bilang pinakamababa, 5 bilang pinakamataas) kung gaano ka kainam na inilalarawan ng sumusunod:

Tiwala ako sa kakayahan kong makilala ang kapangyarihan o impluwensya ng Diyos sa aking buhay.

Habang nag-aaral kayo ngayon, anyayahan ang Espiritu Santo na tulungan kayong maragdagan ang kakayahan ninyong makilala ang kapangyarihan at impluwensya ng Diyos sa inyong buhay.

Paniniwala sa Panginoon

Sa Exodo 6–7, ipinangako ng Panginoon kay Moises na aalisin Niya ang mga Israelita mula sa pagkaalipin. Ipinahayag Niya na ipapakita Niya ang Kanyang kapangyarihan kay Faraon at sa mga Ehipcio at wala silang magagawa kundi palayain ang mga Israelita.

Basahin ang Exodo 6:7; 7:5, at alamin ang titiyakin ng Panginoon na malalaman ng mga Israelita at ng mga Ehipcio. Maaaring markahan ng mga estudyante ang malalaman nila.

Ano ang malalaman ng mga Israelita at mga Ehipcio dahil sa mga pagpapakita ng kapangyarihan ng Panginoon?
Ano ang maaari nating matutuhan tungkol sa Panginoon mula sa mga pagpapahayag na ito?

Tulungan ang mga estudyante na tumukoy ng isang katotohanan na tulad ng binibigyan tayo ng Panginoon ng mga pagkakataong maniwala sa Kanya at makilala ang Kanyang kapangyarihan sa ating buhay.

Ang mga salot

Ang sumusunod na aktibidad ay makapagbibigay sa mga estudyante ng pagkakataong maging pamilyar sa ilan sa mga salot sa Egipto. Matutulungan din sila nitong makita ang iba’t ibang tugon sa mga pagpapamalas ng kapangyarihan ng Diyos. Maging maingat na huwag mag-ukol ng maraming oras sa bahaging ito na makakaapekto sa natitirang bahagi ng lesson.

Maaari mong ipakita ang sumusunod na chart at mga tanong.

Sa Exodo 7–11, ipinakita ng Panginoon ang Kanyang kapangyarihan sa pamamagitan ng sunud-sunod na mga salot. Tingnan ang sumusunod na chart at pumili ng dalawa o tatlong salot na pag-aaralan, at alamin ang mga sagot sa mga kasunod na tanong.

Sinasabi sa ilang talata na pinatigas ng Panginoon ang puso ni Faraon. Ang Pagsasalin ni Joseph Smith ay nagbibigay ng mahalagang paglilinaw na pinatigas ni Faraon ang kanyang sariling puso (tingnan sa Joseph Smith Translation, mga footnote sa Exodus 7:3, 13; 9:12; 10:1, 20, 27; 11:10).

Salot	Mga talatang pag-aaralan
Salot 1. Ang tubig ay naging dugo	Mga talatang pag-aaralan Exodo 7:19–25
Salot 2. Nagkaroon ng maraming palaka sa lupain	Mga talatang pag-aaralan Exodo 8:5–15
Salot 3. Kuto	Mga talatang pag-aaralan Exodo 8:16–19
Salot 4. Mga langaw	Mga talatang pag-aaralan Exodo 8:20–25, 29–32
Salot 5. Namatay ang mga baka	Mga talatang pag-aaralan Exodo 9:1–7
Salot 6. Mga pigsa	Mga talatang pag-aaralan Exodo 9:8–12
Salot 7. Yelong ulan at apoy mula sa kalangitan	Mga talatang pag-aaralan Exodo 9:22–29, 33–35
Salot 8. Mga balang	Mga talatang pag-aaralan Exodo 10:12–20
Salot 9. Kadiliman	Mga talatang pag-aaralan Exodo 10:21–27

Sa paanong mga paraan naipapakita ang kapangyarihan ng Panginoon?
Sa inyong palagay, bakit naniwala o hindi naniwala ang mga tao sa Panginoon at sa Kanyang kapangyarihan?

Pagkatapos ng sapat na oras, maaari mong sabihin sa mga estudyante na ibahagi ang kanilang mga nalaman nang magkakapartner o sa maliliit na grupo.

Maaaring makatulong na linawin ang ilan sa sumusunod. Maaaring napansin ng mga estudyante na ang mga salamangkero ni Faraon, sa pamamagitan man ng panlilinlang o ng kapangyarihan ng kaaway, ay may kakayahang gayahin ang ilang bahagi ng unang dalawang salot. Gayunman, hindi nila lubos na nagaya o napigilan ang mga salot. Dagdag pa rito, tila nagdusa ang mga Israelita mula sa ilang salot ngunit naprotektahan mula sa ikaapat, ikalima, at ikapitong salot.

Kung kapaki-pakinabang, maaari mong hikayatin ang mga estudyante na markahan ang mga karagdagang parirala sa Exodo 8:10, 22; 10:2 kung saan nagpatotoo ang Panginoon na malalaman ng mga tao na Siya ang Panginoon.
Sa inyong palagay, bakit nais ng Panginoon na malaman ng mga Ehipcio at mga Israelita ang tungkol sa Kanya?
Ano ang mga dahilan kung bakit naniniwala ang mga tao kung minsan sa Diyos at sa Kanyang kapangyarihan at kalaunan ay mag-aalinlangan sila?

Ang kapangyarihan ng Panginoon sa ating buhay

Maaaring makatulong na sabihin sa mga estudyante na ang kapangyarihan ng Panginoon ay makikita sa maraming paraan sa kasalukuyang panahon. Ang sumusunod ay makatutulong sa mga estudyante na pag-isipan kung paano nila nakita o naranasan ang kapangyarihang iyon.

Isipin kunwari na may kaibigan kayo na hindi nagtitiwala na naranasan o nadama na niya ang kapangyarihan ng Ama sa Langit. Habang patuloy kayong nag-aaral, isipin kung ano ang sasabihin ninyo sa taong ito.

Maaaring makatulong na bigyan ng oras ang mga estudyante na pag-isipan o isulat ang kanilang mga naiisip sa sumusunod na mga tanong bago sila magbahagi sa klase.

Sa anong mga paraan ka nagsimulang maniwala sa kapangyarihan ng Panginoon? O anong mga bagay ang makatutulong sa iyo na maniwala?
Anong mga halimbawa mula sa mga banal na kasulatan o kasaysayan ng Simbahan kung saan ipinakita sa mga tao ang kapangyarihan ng Panginoon?

Maaaring magbahagi ang mga estudyante ng mga halimbawang tulad ng pagkakaroon ng kapanatagan at kapayapaan mula sa panalangin at pagpapala ng priesthood, pagtatamo ng kapatawaran, pagkakaroon ng personal na patnubay mula sa Espiritu Santo, at iba pa.

Tulungan ang mga estudyante na maunawaan na ang mga karanasan sa kapangyarihan ng Panginoon ay karaniwang bunga ng pagpapakita ng tapat na mga pag-uugali o kilos.

Itinuro ni Pangulong Russell M. Nelson ang sumusunod tungkol sa magagawa natin para makapag-anyaya ng mga karanasan sa Ama sa Langit:

Unawain na ang kawalan ng mga karanasan sa Diyos ang maaaring dahilan ng pagdududa na mayroong Diyos. Kaya, ilagay ang inyong sarili sa posisyon na masimulang magkaroon ng mga karanasan sa Kanya. Magpakumbaba. Manalangin na magkaroon ng mga mata na makakakita sa kamay ng Diyos sa inyong buhay at sa mundong nakapaligid sa inyo. Hilingin sa Kanya na sabihin sa inyo kung naroroon Siya talaga—kung nakikilala Niya kayo. Tanungin Siya kung ano ang nadarama Niya para sa inyo. Pagkatapos ay makinig. (“Pumarito Ka, Sumunod Ka Sa Akin,” Liahona, Mayo 2019, 90)

Ano ang magagawa ng isang tao upang masimulang makita ang kamay at kapangyarihan ng Diyos sa kanilang buhay?

Maaari mong anyayahan ang mga estudyante na isadula kung paano sila tutugon sa sitwasyon sa itaas. Sabihin sa kanila na payuhan ang kanilang kaibigan na hindi nagtitiwala na naranasan o nadama na niya ang kapangyarihan ng Panginoon.

Maaari kang magpatotoo tungkol sa Ama sa Langit at kay Jesucristo at sa kahalagahan ng pagkilala sa Kanilang kapangyarihan sa ating buhay.

Karagdagang Resources

Bakit idinulot ng Panginoon ang mga partikular na salot na iyon?

Ang mga salot ay naghatid ng ilang layunin. Ang isa sa mga iyon ay upang ipakita kay Faraon, sa Ehipto, at sa mga Israelita na si Jesucristo (Jehova) ay mas makapangyarihan kaysa sa mga diyus-diyusan ng mga Ehipcio. Ang Ehipto ay maraming diyus-diyusan, kabilang na rito si faraon mismo. “Ipinahayag ng [ilang] tagapagsalin ang masimbolikong koneksyon ng bawat salot sa isang diyos ng mga Ehipcio, na ipinapalagay na bawat isa ay nilayong ipakita na si Jehova ay nakahihigit sa isang partikular na diyos. Ang paliwanag na ito ay mahirap na patunayan sa lahat ng pagkakataon. … [Gayunman,] walang duda na ang layunin ng mga salot sa kabuuan ay ipakita na nakahihigit ang kapangyarihan ni Jehova sa kapangyarihan ng diyos ng mga Ehipcio, kung saan kabilang ang maringal na Faraon mismo” (Richard Neitzel Holzapfel, Dana M. Pike, and David Rolph Seely, Jehovah and the World of the Old Testament: An Illustrated Reference for Latter-day Saints [2009], 90).

Bakit nagaya ng mga salamangkero ang ilan sa mga himala ng Diyos?

Itinuro ni Pangulong Dallin H. Oaks:

Ang diyablo ang ama ng kasinungalingan, at laging gusto niyang biguin ang gawain ng Diyos sa pamamagitan ng kanyang mga tusong panggagaya. (“Dalawang Linya ng Pakikipag-ugnayan,” Liahona, Nob. 2010, 84)

Itinuro ni Pangulong Joseph Fielding Smith (1876–1972):

Dapat tandaan na malaki ang kaalaman ni Satanas at kaya niyang magpakita ng awtoridad at mapigilan nang bahagya ang mga elemento, kapag walang namamagitang mas matinding kapangyarihan. (Answers to Gospel Questions, comp. Joseph Fielding Smith Jr. [1957], 1:178)

Pansinin na pagkatapos ng ikalawang salot, hindi na magaya ng mga salamangkero ang mga salot (tingnan sa Exodo 8:18) at sinabi kay Faraon, “Ito ay daliri ng Diyos” (Exodo 8:19).

Paano ako magkakaroon ng karanasan sa Ama sa Langit?

Itinuro ni Pangulong Russell M. Nelson:

Ibuhos sa Diyos ang inyong niloloob. Itanong sa Kanya kung ang mga bagay na ito ay totoo. Maglaan ng oras para pag-aralan ang Kanyang mga salita. Mag-aral nang husto! … Pagtrabahuhan ito ngayon—sa pag-aaral nang mabuti at taimtim na panalangin—para malaman ang mga walang-hanggang katotohanang ito at pagkatapos ay sundin ang mga ito.

Kung hindi ninyo tiyak kung naniniwala nga ba kayo sa Diyos, magsimula roon.

(“Pumarito Ka, Sumunod Ka sa Akin,” Liahona, Mayo 2019, 90)

Mga Karagdagang Aktibidad sa Pag-aaral

Alternatibong simula

Ang isa pang paraan upang masimulan ang klase ay anyayahan ang mga estudyante na sagutan ng tama o mali ang sumusunod na quiz:

May tiwala si Moises sa kanyang mga kakayahan at nasasabik sa kanyang responsibilidad na palayain ang mga anak ni Israel mula sa pagkaalipin. (Mali. Tingnan sa Exodo 3:11.)
Matapos hilingin nina Moises at Aaron kay Faraon na hayaang umalis ang mga anak ni Israel, ayaw makinig ng mga Israelita kay Moises at ayaw sumunod sa kanyang pamumuno. (Tama. Tingnan sa Exodo 5:19–21.)
Nagaya ng mga salamangkero ng Ehipto ang ilan sa mga salot at himala ni Moises. (Tama. Tingnan sa Exodo 7:11–12, 22; 8:7, 18)
Sinabi ni Faraon na handa siyang palayain ang mga anak ni Israel dahil iginagalang niya ang kapangyarihan ng Panginoon. (Mali. Tingnan sa Exodo 5:1–2.)

Mga dahilan kung bakit hindi natin nakikilala kung minsan ang kapangyarihan ng Panginoon

Maaaring makinabang ang mga estudyante sa karagdagang talakayan kung bakit minsan ay hindi natin nakikilala ang kapangyarihan ng Panginoon. Para makatulong dito, maaari nilang basahin ang mga sumusunod na banal na kasulatan at hanapin ang mga balakid na nagpahirap sa mga anak ni Israel at sa Faraon na makilala ang impluwensya at kapangyarihan ng Panginoon:

Exodo 6:9 (Ang mga anak ni Israel matapos dagdagan ni Faraon ang kanilang mga pasanin)

Exodo 8:32; 9:6–7, 11–12, 34–35; 10:20, 27 (Si Faraon matapos alisin ang iba’t ibang salot)

Maaari din ninyong basahin ang Helaman 16:13–23, at alamin kung bakit pinatigas ng mga tao ang kanilang mga puso laban sa mga himalang nasaksihan nila.

Maaari mong talakayin kung bakit ang mga paghihirap o matitigas na puso ay maaaring maging mga balakid sa pagkilala sa impluwensya o kapangyarihan ng Panginoon.