Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Exodo 5–6: Pagsunod sa Kalooban ng Panginoon, Anuman ang Resulta

“Exodo 5–6: Pagsunod sa Kalooban ng Diyos, Anuman ang Resulta,” Manwal ng Titser ng Seminary para sa Lumang Tipan (2026)

“Exodo 5–6: Pagsunod sa Kalooban ng Diyos, Anuman ang Resulta,” Manwal ng Titser ng Seminary para sa Lumang Tipan

Exodo 1–6: Lesson 40

Exodo 5–6

Pagsunod sa Kalooban ng Panginoon, Anuman ang Resulta

The Old Testament prophet Moses and his brother Aaron standing in the Court of the Pharaoh of Egypt. Moses and Aaron are petitioning for the release of the Israelites from bondage. A guard is standing by the Pharaoh.

Matapos siyang tawagin ng Panginoon upang iligtas ang Israel mula sa pagkabihag sa mga Ehipcio, hiniling ni Moises kay Faraon na palayain ang mga tao ng Panginoon. Tumanggi si Faraon at sa halip ay pinatindi ang pasanin ng mga Israelita. Sa kabila ng tugon ni Faraon, patuloy na sinunod ni Moises ang ipinagagawa sa kanya ng Panginoon. Ang lesson na ito ay makatutulong sa mga estudyante na maunawaan na ang mga pangako ng Panginoon ay makahihikayat sa kanila na sundin ang Kanyang kalooban, anuman ang kaagad na resulta nito.

Paghahanda ng estudyante: Sabihin sa mga estudyante na dumating sa klase na handang ibahagi ang kanilang mga sagot sa sumusunod na tanong: Nagiging mas madali o mas mahirap ba ang buhay sa pagsunod kay Jesucristo?

Mga Posibleng Aktibidad sa Pag-aaral

Pagsunod kay Jesucristo

Sabihin sa mga estudyante na isipin kung paano sila sasagot kapag may nagtanong sa kanila ng sumusunod.

Mas pinadadali o mas pinahihirap ba ng pagsunod kay Jesucristo ang iyong buhay?

Upang matalakay ang tanong na ito, maaari mong isulat ang Mas Pinadadali at Mas Pinahihirap bilang mga heading sa pisara at ilista ang mga dahilan ng mga estudyante para sa kanilang sagot sa ilalim ng naaangkop na heading. Maaari mong sabihin sa ilang estudyante na ipaliwanag ang kanilang mga sagot.

Hiniling ni Moises kay Faraon na palayain ang mga Israelita

Maaari mong ipaliwanag na sa Exodo 5–7, maaaring inisip ni Moises at ng mga Israelita kung mas pinadadali o mas pinahihirap ng pagsunod sa Tagapagligtas ang kanilang buhay. Upang matulungan ang mga estudyante na maunawaan ang konteksto ng Exodo 5–7, maaari mong anyayahan ang mga miyembro ng klase na ibahagi ang naaalala nila tungkol kay Moises at sa mga anak ni Israel mula sa Lesson 39: “Exodo 2–4.” Kung kinakailangan, ipabasa sa isang estudyante ang sumusunod na buod.

Ang mga anak ni Israel ay inalipin ng mga Ehipcio sa loob ng maraming henerasyon. Narinig ng Panginoon ang pagdaing ng Kanyang mga tao at tinawag si Moises upang tumulong na iligtas sila mula sa pagkaalipin (tingnan sa Exodo 3:9–10).

Basahin ang Exodo 5:1–2, at alamin ang sinabi nina Moises at Aaron kay Faraon mula sa Panginoon.

Ano ang sagot ni Faraon?

Maaari mong isulat sa pisara ang sagot ni Faraon: “Sino ang Panginoon?” Maaari mong itanong sa mga estudyante kung bakit mahalagang sagutin natin ang tanong na ito para sa ating sarili. Tutukuyin sa susunod na bahagi ng lesson ang tanong na ito.

Dahil sa kanyang galit, mas pinahirapan ni Faraon ang buhay ng mga Israelita sa pamamagitan ng pagdaragdag sa mga gawain nila sa araw-araw (tingnan sa Exodo 5:6–9, 15–19). Nagreklamo ang mga Israelita kina Moises at Aaron tungkol sa kanilang mas pinabigat na mga gawain (tingnan sa Exodo 5:20–21).

Kung kayo si Moises, ano ang maaaring madama ninyo?

Basahin ang Exodo 5:22–23, at isipin kung paano ninyo maaaring ibuod ang sinasabi ni Moises sa Panginoon.

Paano tayo maaaring makaugnay kay Moises sa Exodo 5:22–23?

Maaaring ibahagi ng mga estudyante ang nadarama nila kapag hindi nila kaagad nakikita ang pagpapala matapos sundin ang Panginoon. Pahalagahan ang kanilang mga sagot at nadarama.

Ipakita ang sumusunod na self-assessment, at sabihin sa mga estudyante na pag-isipan ang kanilang mga sagot.

Kumpletuhin ang sumusunod na pangungusap sa paraang pinakamainam na nagpapahayag ng iyong nadarama. Maaari kang pumili ng mahigit sa isang sagot:

Kapag hindi ko kaagad nakikita ang mga pagpapala matapos sundin ang Ama sa Langit at si Jesucristo, nakadarama ako ng …

Kung makikinabang ang mga estudyate mula sa mga self-assessment na ito, maaari mong isulat ang ilan sa mga sumusunod na salita na pagpipilian nila: pagkalungkot, pagkalito, galit, pagkadismaya, determinasyon, pag-asa, pagtitiwala, kapayapaan. Maaari din nilang idagdag kung ano ang maaari nilang gawin sa sitwasyong ito.

Habang nagpapatuloy kayo sa pag-aaral ninyo ngayon, alamin ang mga katotohanan tungkol kay Jesucristo na makatutulong sa inyo na sundin Siya kahit na mahirap at hindi agad natatamo ang mga pagpapala. Bigyang-pansin ang mga impresyon mula sa Espiritu Santo na makatutulong sa inyo sa mga personal na sitwasyon ninyo.

Ang mga pangako ng Panginoon

Habang binabasa ng mga estudyante ang mga sumusunod na passage, maaari mong sabihin sa kanila na markahan ang lahat ng pahayag kung saan tinutukoy ng Panginoon ang Kanyang sarili (mga pahayag na nagsisimula sa Ako, Ako nga, at Ako ay). Ang pagmamarka ng mga banal na kasulatan ay makatutulong sa mga estudyante na mapansin at maalala ang mahahalagang kabatiran at katotohanang natutuhan nila.

Basahin ang Exodo 6:1–8; 7:1–2, 5, at alamin ang itinuro ng Panginoon kay Moises tungkol sa Kanyang sarili.

Ano ang natututuhan ninyo tungkol sa Panginoon mula sa Kanyang mga pangako kay Moises?

Maaaring isulat ng mga estudyante ang kanilang mga sagot sa ilalim ng “Sino ang Panginoon?” sa pisara. Maaaring kabilang sa mga sagot ng mga estudyante ang sumusunod na listahan:

Siya ang Diyos na Makapangyarihan sa lahat (6:2–3).

Naaalala at tinutupad Niya ang Kanyang mga pangako (6:3–5).

Nangako Siyang palalayain ang mga Israelita mula sa pagkaalipin (6:6; 7:5), ibibigay sa kanila ang lupain ng Canaan (6:4, 8), at magiging kanilang Diyos (6:7)

Pagpapatuloy na sundin ang kalooban ng Panginoon

Alalahanin ang nadama noon ni Moises. Basahin ang Exodo 7:6, at markahan ang ginawa nina Moises at Aaron matapos na matuto mula sa Panginoon at marinig ang Kanyang mga pangako.

Kung kayo si Moises, alin sa mga pangako ng Panginoon ang makatutulong sa inyong bumalik kay Faraon? Bakit?
Ano ang katotohanang matututuhan natin mula sa karanasan ni Moises?

Gamit ang sarili nilang mga salita, maaaring matukoy ng mga estudyante ang katotohanang tulad ng sumusunod: Kapag naniniwala tayo sa Panginoon at sa Kanyang mga pangako, maaari tayong magtiwala at sumunod sa Kanya kahit na hindi natin nakikita kaagad ang resulta.

Upang matulungan ang mga estudyante na maunawaan kung paano magagamit ang katotohanang ito sa mga sitwasyon na maaari nilang kaharapin, maaari mong ibahagi ang sumusunod na pahayag. Maaaring basahin nang malakas sa klase ng mga handang estudyante ang bawat talata.

Nagbigay si Elder D. Todd Christofferson ng Korum ng Labindalawang Apostol ng mahalagang payo para sa atin habang hinihintay natin ang mga ipinangakong pagpapala ng Panginoon:

13:17

May ilang tao na mali ang pagkaunawa sa mga pangako ng Diyos dahil iniisip nila na sa pagsunod sa Kanya ay may partikular na resulta silang matatanggap sa takdang panahon. Maaaring isipin nila, “Kung masigasig akong maglilingkod sa full-time mission, bibiyayaan ako ng Diyos ng masayang buhay may-asawa at mga anak,” o “Kung iiwasan kong gumawa ng schoolwork sa araw ng Sabbath, patataasin ng Diyos ang mga grado ko sa eskwela,” o “Kung magbabayad ako ng ikapu, ibibigay sa akin ng Diyos ang trabahong iyon na gustung-gusto ko.” … Hindi natin dapat ituring ang plano ng Diyos na parang vending machine kung saan (1) pipili lang tayo ng gusto nating pagpapala, (2) ibibigay ang kailangang dami ng mabubuting gawa, at (3) kaagad nang darating ang hinihinging biyaya.

Ang Diyos ay talagang tutupad sa Kanyang mga tipan at pangako sa bawat isa sa atin. Wala tayong dapat ipag-alala tungkol diyan. Ang nagbabayad-salang kapangyarihan ni Jesucristo … ay nagbibigay-katiyakan na kayang tuparin at tutuparin ng Diyos ang Kanyang mga pangako. Mahalaga na iginagalang at tinutupad natin ang Kanyang mga batas, ngunit hindi lahat ng pagpapalang nakasalalay sa pagsunod sa batas ay hinubog, dinisenyo, at itinakda ayon sa ating mga inaasahan. Ginagawa natin ang lahat ng ating makakaya ngunit dapat nating ipaubaya sa Kanya ang pamamahala ng mga pagpapala, kapwa temporal at espirituwal. (“Ang Ating Kaugnayan sa Diyos,” Liahona, Mayo 2022, 78)

Ano ang pinakamahalaga para sa inyo sa pahayag na ito?

Ipaalala sa mga estudyante na ang isang bagay na natutuhan natin tungkol sa Panginoon ay na naaalala at tinutupad Niya ang Kanyang mga pangako (tingnan sa Exodo 6:3–5).

Ipaliwanag na tinupad ng Panginoon ang Kanyang mga pangako kay Moises (tingnan sa Exodo 20:2; Deuteronomio 7:6; 14:2; Josue 24:5–7, 13). Kung mayroon kang sapat na oras, maaari mong isulat sa pisara ang mga reference na ito at sabihin sa mga estudyante na itugma ang katuparan sa pangako.

Tulad ng pagtuturo ng Panginoon kay Moises ng tungkol pa sa Kanyang sarili sa pamamagitan ng muling pagbanggit sa Kanyang mga pangako, mas makikilala rin natin ang Panginoon sa pamamagitan ng pagtukoy sa mga pangakong ibinigay Niya sa atin. Ang pagrerebyu sa mga pangakong ito ay makatutulong sa atin na sundin Siya, kahit hindi tayo kaagad nakatatanggap ng mga resulta.

Tukuyin ang tatlong pangakong ginawa para sa inyo ng Panginoon sa mga banal na kasulatan o mula sa mga turo kamakailan sa pamamagitan ng Kanyang mga piling tagapaglingkod. Maaari kayong makahanap ng mga pangako sa:

Mga doctrinal mastery passage o iba pang banal na kasulatan.
Para sa Lakas ng mga Kabataan: Isang Gabay sa Paggawa ng mga Pagpili.
Mga kamakailang mensahe sa pangkalahatang kumperensya.

Pagkatapos ng sapat na oras, maaari kang magtawag ng mga handang estudyante para magbahagi ng natutuhan o nadama nila habang pinag-aaralan nila ang ilan sa mga pangako. Hikayatin ang mga estudyante na patuloy na magtiwala sa Panginoon anuman ang kaagad na resulta nito.

Karagdagang Resources

Paano ako napagpapala kaagad gayong hindi ko naman nakikita ang mga pagpapalang hinahangad ko?

Ipinaliwanag ni Sister Andrea Muñoz Spannaus ng Young Women General Presidency:

Kapag pinili rin ninyo na manangan sa pananampalataya at pag-asa para sa mga pagpapalang hinahangad ninyo, makikita ninyo na ang Ama sa Langit at si Jesucristo ay palagi ninyong kasama. Palagi. Maaari tayong magkaroon ng pag-asa sa Kanyang mga pangako kahit hindi pa rin natin natatamo ang mga partikular na pagpapalang hinahangad natin. Maaari tayong manatiling tapat habang naghihintay tayo. (“How Can We Continue to Have Faith When Promised Blessings Don’t Seem to Come?” YA Weekly, Abr. 29, 2022, ChurchofJesusChrist.org)

Ano ang magagawa ko kapag tila hindi dumarating ang mga pagpapala sa kabila ng aking pagsunod?

Ibinahagi ni Elder Dale G. Renlund ng Korum ng Labindalawang Apostol:

15:10

Kung ang ninanais na pagpapala mula sa Diyos ay hindi pa natanggap—hindi ninyo kailangang mag-alala, at mag-isip kung ano pa ang dapat ninyong gawin. Sa halip, sundin ang payo ni Joseph Smith na “malugod na gawin ang lahat ng bagay sa abot ng [inyong] makakaya; at pagkatapos … tumayong hindi natitinag, na may lubos na katiyakan, na makita ang … bisig [ng Diyos] … ay maipahayag” [Doktrina at mga Tipan 123:17]. Ang ilang mga pagpapala ay ipinagkakaloob kalaunan, maging sa pinakamagigiting na anak ng Diyos. (“Mananagana sa Pagpapala,” Liahona, Mayo 2019, 72)

Ano ang dapat gawin upang maging disipulo ni Jesucristo?

Ipinaliwanag ni Pangulong Jeffrey R. Holland ng Korum ng Labindalawang Apostol:

13:6

Upang maging tagasunod ni Jesucristo, kailangang magdusa kung minsan … at pumunta kung saan kinakailangang magsakripisyo at hindi maiiwasan ang pagdurusa. Ang tunay na Kristiyano ay hindi maaaring sumunod sa Maestro sa mga bagay na sinasang-ayunan lamang niya. Hindi. Sumusunod tayo sa Kanya sa lahat ng lugar, kabilang, kung kinakailangan, sa malalaking gusaling puno ng mga luha at kaguluhan, kung saan minsan ay mag-isa lamang tayong nakatayo. (“Itinaas sa Krus,” Liahona, Nob. 2022, 78)

Mga Karagdagang Aktibidad sa Pag-aaral

Alternatibong simula

Upang matulungan ang mga estudyante na makita ang mga kaugnayan ng kanilang buhay at ng Exodo 5–6, maaari mong simulan ang klase sa isang tanong na tulad ng:

Ano ang ilang halimbawa ng madaliang kasiyahan o ng mga bagay na kaagad na gusto ninyong matamo sa inyong buhay?

Maaari mong ibahagi ang sumusunod na pahayag ni Pangulong Dieter F. Uchtdorf, dating miyembro ng Unang Panguluhan.

Nabubuhay tayo sa mundo na nag-aalok ng fast food, instant messaging, pelikulang madaling mapanood, at agarang sagot sa pinakamababaw o pinakamalalim na mga tanong. Ayaw nating maghintay. Tumataas pa nga ang presyon ng ilan kapag mas mabagal ang pila nila sa grocery kaysa sa ibang nasa paligid nila. (“Patuloy na Magtiyaga,” Liahona, Mayo 2010, 56)

Sa paanong paraan natutulad o naiiba ang pamamaraang ito ng pagtanggap sa gusto natin, sa pagtanggap ng mga pagpapala mula sa Diyos?
Ano ang ilang halimbawa ng mga pagpapalang hinahangad natin mula sa Diyos na maaaring hindi dumating kaagad?
Sa paanong mga paraan tayo makikinabang sa hindi pagkakaroon kaagad ng mga pagpapalang hangad natin sa Diyos?

Ang halimbawa ng pagsunod ng Tagapagligtas sa kalooban ng Kanyang Ama

Maaaring matuto ang mga estudyante mula sa halimbawa ng Tagapagligtas na tapat na sumusunod sa kalooban ng Ama sa Langit, anuman ang resulta nito. Maaaring basahin ng mga estudyante ang 3 Nephi 27:13 at tukuyin kung bakit pumarito sa mundo ang Tagapagligtas. Anyayahan ang mga estudyante na mag-isip ng mga halimbawa sa banal na kasulatan na nagpapakita na sinunod ng Tagapagligtas ang kalooban ng Ama anuman ang mga panandaliang negatibong ibubunga nito. Kabilang sa ilang posibleng halimbawa ang Marcos 3:1–6; 11:15–18; Lucas 22:41–44; Juan 11:43–53; 1 Nephi 19:9–10.

Maaari mong ipabahagi sa mga estudyante kung ano ang pinakanapansin nila mula sa halimbawa ng Tagapagligtas. Maaari mo ring talakayin kung paano makatutulong sa atin ang pag-alaala sa halimbawa ng Tagapagligtas kapag nahihirapan tayong sundin ang kalooban ng Diyos.

Iba pang halimbawa ng pagsunod sa kalooban ng Ama sa Langit

Kung makikinabang ang mga estudyante sa pag-aaral ng iba pang halimbawa ng mga tao na, tulad ni Moises, ay patuloy na naging tapat sa pagsunod sa kalooban ng Panginoon kahit mahirap ito, maaari mong isulat ang mga sumusunod na pangalan (o iba pang pangalan na naiisip mo) sa pisara: Jose ng Ehipto, Nephi, Abinadi, Joseph Smith.

Maaaring ibahagi ng mga estudyante ang natutuhan nila mula sa mga tao na ito na makatutulong sa kanila kapag nahihirapan silang gawin ang tama.

Mga artikulo sa magasin ng Simbahan

Upang matulungan ang mga estudyante na makita ang mga makabagong halimbawa ng tapat na pagsunod ng mga tao sa ipinagagawa sa kanila ng Panginoon anuman ang kaagad na resulta nito, maaari mong ipabasa sa kanila ang isa o ang lahat ng sumusunod na artikulo:

“Ang Aking Pagsisikap na Mapaglabanan ang Pagkabalisa sa Simbahan.” Ibinahagi ng isang 17 taong gulang na dalagita ang kanyang karanasan sa patuloy na pagsisimba kahit na siya ay nababalisa.
“Pamumuhay na ‘Tila Baga’ Natupad na ang mga Pangako ng Diyos.” Isang single adult ang nagbahagi ng tatlong ideya na makatutulong sa atin na tapat na sumulong kapag hindi pa natutupad ang ilang partikular na pangako sa ating buhay.