Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Exodo 2–4: “Ako’y Sasaiyong Bibig”

“Exodo 2–4: ‘Ako’y Sasaiyong Bibig,’” Manwal ng Titser ng Seminary para sa Lumang Tipan (2026)

“Exodo 2–4: ‘Ako’y Sasaiyong Bibig,’” Manwal ng Titser ng Seminary para sa Lumang Tipan

Exodo 1–6: Lesson 39

Exodo 2–4

“Ako’y Sasaiyong Bibig”

Jesus Christ appearing to the prophet Moses. Mist or a cloud hovers around the figure of the Savior.

Kapag nahaharap tayo sa mga paghihirap, mapagmahal tayong ginagabayan ng Panginoon sa pamamagitan ng Kanyang mga propeta. Sa ilalim ng paghahari ni Faraon, ang mga anak ni Israel ay nahirapan sa pagkaalipin at nanangis sa Panginoon. Narinig ng Panginoon ang kanilang mga pagdaing at tinawag si Moises bilang propeta para tulungan sila. Ang lesson na ito ay makatutulong sa mga estudyante na mas lubos na maipamuhay ang mga salita ng Panginoon sa pamamagitan ng Kanyang mga propeta.

Paghahanda ng estudyante: Sabihin sa mga estudyante na pag-aralang muli ang mga itinuro ng propeta kamakailan. Pagkatapos ay anyayahan silang talakayin sa isang kapamilya o kaibigan kung paano napagpala ng pagsunod sa mga turo ng propeta ang kanilang buhay.

Mga Posibleng Aktibidad sa Pag-aaral

Aling mga tinig ang pagkakatiwalaan

Maaari mong simulan ang klase sa pamamagitan ng pagbabahagi ng pahayag na ito at pagtatanong ng mga sumusunod.

Sinabi ni Elder Neil L. Andersen ng Korum ng Labindalawang Apostol:

16:5

Nabubuhay tayo sa planeta na puno ng malalakas na tinig na nag-iimpluwensya sa atin. Ang internet, ang ating mga smartphone, ang ating napakaraming mapaglilibangan ay mapilit sa pag-impluwensiya sa atin, umaasa na bibilhin natin ang kanilang mga produkto at aayon sa kanilang mga pamantayan. (“Ang Propeta ng Diyos,” Liahona, Mayo 2018, 26)

Ilista ang ilang halimbawa ng mga tinig na nakita o narinig ninyo sa nakalipas na ilang araw.

Ano ang napansin ninyo tungkol sa iba’t ibang source ng impormasyon?
Paano naiiba ang mga salita ng mga propeta sa iba pang tinig?

Maaari mong ipakita ang sumusunod na mga pahayag tungkol sa pagsusuri sa sarili at anyayahan ang mga estudyante na pag-isipan ang kanilang mga sagot.

Para sa bawat isa sa mga sumusunod na pahayag, i-rate ang iyong sarili gamit ang scale mula 1 (talagang hindi totoo) hanggang 5 (napakatotoo):

Mas nagtitiwala ako sa mga salita ng mga propeta at apostol kaysa sa iba pang tinig o impluwensya.
May tiwala ako sa payo at patnubay na natatanggap natin mula sa mga propeta at apostol ng Panginoon.
Sinisikap kong pag-aralan ang mga salita ng mga propeta at apostol sa kasalukuyang panahon.

Sa pag-aaral ng mga estudyante ngayon, sabihin sa kanila na pakinggan ang mga impresyon mula sa Espiritu kung paano nila mas lubos na masusunod ang payo ng mga propeta at apostol sa kanilang buhay.

Tinawag ng Panginoon si Moises na maging propeta

Bagama’t isinilang siyang Israelita, ang propetang si Moises ay lumaki sa sambahayan ni Faraon sa Ehipto. Noong sanggol pa si Moises, iniutos ni Faraon na patayin ang lahat ng bagong-silang na batang lalaking Israelita (tingnan sa Exodo 1:22). Para mailigtas si Moises, itinago siya ng kanyang ina sa isang basket at inilagay ito sa tabi ng ilog. Si Moises ay natuklasan ng anak na babae ni Faraon, na nagpalaki sa kanya bilang kanyang anak (tingnan sa Exodo 2:1–10). Sa Ehipto, si Moises ay mahusay na nakapag-aral at “makapangyarihan sa mga salita at sa mga gawa” (Mga Gawa 7:22).

Sa kanyang pagtanda, pinatay ni Moises ang isang Ehipcio habang ipinagtatanggol ang isa sa mga alipin na Israelita. Tumakas si Moises patungong Midian, kung saan siya nanirahan kasama ang isang mataas na saserdote na nagngangalang Jetro at pinakasalan ang kanyang anak na si Zifora (tingnan sa Exodo 2:11–21). Habang nag-aalaga ng mga tupa sa Midian, nakausap ni Moises si Jehova.

Ipakita ang sumusunod na larawan. Sabihin sa mga estudyante na isipin kunwari na sila si Moises habang binabasa nila ang mga sumusunod na talata at sagutin ang mga sumusunod na tanong sa maliliit na grupo. Pagkatapos, maaari silang magbahagi ng mga highlight ng natutuhan nila bilang isang klase.

The Old Testament prophet Moses kneeling before the burning bush on Mount Sinai. Light is emanating from the bush.

Exodo 3:1–6. Ano ang mararamdaman ninyo? Bakit?

Exodo 3:7–14. Alin sa mga turo ng Panginoon ang naging pinakamakabuluhan o nakapapanatag sa inyo?

Upang matulungan ang mga estudyante na magtuon kay Jesucristo sa pag-aaral nila ng mga talatang ito, maaari kang magpakita ng isang larawan ng Tagapagligtas sa gitna ng pisara. Maaari mong anyayahan ang mga estudyante na magsulat ng mga parirala tungkol sa Tagapagligtas sa paligid ng larawan, nang inilalarawan sa pamamagitan ng Kanyang mga salita kung ano ang matututuhan natin tungkol sa Kanya at sa Kanyang kaugnayan kay Moises at sa mga anak ni Israel. Maaaring kabilang sa mga halimbawa ng matututuhan ay tinawag ni Jesus si Moises sa pangalan (talata 4), dahil sa presensya ni Jesus naging banal ang lupa (talata 5), nakita ni Jesus ang mga paghihirap at narinig ang mga pagdaing ng Kanyang mga tao (talata 7), at nangako si Jesus na sasamahan si Moises (talata 12).

Kung hindi ito babanggitin ng mga estudyante, banggitin ang titulong “AKO NGA” (Exodo 3:14). Ipaliwanag na nagmumula ito sa salitang-ugat na katulad ng kay Jehova, na mabibigyang-kahulugan bilang “Siya nga” o “Siya ay buhay.” Ang pangalan ay madaling makikilala ng mga Israelita. Upang matulungan ang mga estudyante na maunawaan ang kahalagahan ng pangalang ito, maaari mong itanong kung bakit makabuluhang malaman na talagang mayroong Panginoon at Siya ay naririyan palagi.

Kapag tapos nang ibahagi ng mga estudyante ang kanilang mga sagot, maaari mong itanong ang sumusunod.

Kung kayo ang nasa sitwasyon ni Moises, ano ang maaaring maging mga tanong o alalahanin ninyo?

Ipaliwanag na sa kabila ng pahayag ng Panginoon kung sino Siya at kung ano ang ipinapangako Niya, may mga alalahanin pa rin si Moises tungkol sa pagtawag sa kanya upang iligtas ang Israel.

Basahin ang Exodo 4:10–15, at alamin kung paano tinugunan ng Panginoon ang mga alalahanin ni Moises.

Ano ang natutuhan ninyo tungkol sa mga salita ng mga propeta mula sa mga talatang ito?

Tulungan ang mga estudyante na matukoy ang katotohanang ipinahahayag ng Panginoon ang Kanyang mga salita sa pamamagitan ng Kanyang mga propeta.
Paano makaaapekto sa inyong buhay o mga desisyon ang kaalaman ninyo sa katotohanang ito?

Alalahanin ang simula ng lesson at ang iba’t ibang tinig na umaasang makukuha ang ating pansin. Isipin kung ano ang maaari ninyong ibahagi sa isang tao upang matulungan siyang maunawaan na nangungusap ang Panginoon sa pamamagitan ng mga propeta at dapat tayong makinig sa mga propeta sa halip na sa iba pang tinig. Maaari ninyong isama ang natutuhan ninyo mula sa Exodo 3 at anumang karanasan ninyo, o ng isang tao na kilala ninyo, na nakatulong sa inyo na malaman na inihahayag ng Panginoon ang Kanyang mga salita sa pamamagitan ng Kanyang mga propeta.

Anyayahan ang mga estudyante na ibahagi ang maaaring sabihin nila. Ang isang posibleng follow-up na tanong ay “Paano kayo napagpala ng kaalamang ito o ang isang taong kilala ninyo?”

Pagsasabuhay ng mga salita ng mga propeta ng Panginoon

Ano ang ilan sa mga paraan kung paano natin maririnig at maipamumuhay ang mga salita ng Panginoon, na ibinigay sa pamamagitan ng Kanyang mga propeta?

Hikayatin ang ilang estudyante na magbahagi ng mga halimbawa ng pagsasabuhay ng mga turo ng mga propeta. Kung kapaki-pakinabang, magbahagi ng ilang ideya na tulad ng:

Pagsasabuhay ng partikular na payo ng propeta mula sa isang mensahe sa pangkalahatang kumperensya kamakailan.
Pag-aaral ng mga salita ng mga propeta nang mas madalas, tulad ng pakikinig sa mensahe sa pangkalahatang kumperensya tuwing umaga habang naghahandang pumasok sa paaralan.
Paggawa ng planong pag-aralan ang mga mensahe sa huling pangkalahatang kumperensya ng bawat miyembro ng Unang Panguluhan at ng Korum ng Labindalawang Apostol. (Kung may digital access ang mga estudyante, maaari nilang gamitin ang Study Plans feature sa Gospel Library app.)

Isulat sa inyong study journal kung paano ninyo maririnig at maipamumuhay ang salita ng Panginoon sa pamamagitan ng Kanyang mga propeta. Bilang bahagi ng inyong plano, isulat kung anong mga balakid ang sa palagay ninyo ay maaaring kaharapin ninyo. Para sa bawat balakid, isulat kung paano ninyo ito madaraig.

Ipaliwanag sa mga estudyante na magkakaroon sila ng pagkakataon sa isang lesson sa hinaharap, Lesson 55: “I-assess ang Iyong Pagkatuto 3,” na ma-assess kung gaano nila kahusay na naisasakatuparan ang kanilang mga plano.

Tapusin ang lesson sa pagbabahagi ng iyong patotoo na nangungusap ang Panginoon sa pamamagitan ng Kanyang mga buhay na propeta sa kasalukuyang panahon.

Karagdagang Resources

Ano pa ang alam natin tungkol sa titulong “AKO NGA”?

Sa kanyang mortal na buhay, ginamit ng Tagapagligtas ang titulong ito upang ipahayag sa mga Judio na Siya si Jehova (tingnan sa Juan 8:56–59). Tinukoy rin Niya ang Kanyang sarili bilang “ang Dakilang Ako Nga” sa Doktrina at mga Tipan (Doktrina at mga Tipan 29:1; 38:1; 39:1).

Paano ko mapalalakas ang aking patotoo na ang mga propeta ay tinawag ng Diyos?

Ipinahayag ni Pangulong Russell M. Nelson:

Ang Panginoong Jesucristo, na nagmamay-ari ng Simbahang ito, ay humihirang ng mga propeta at apostol para iparating ang Kanyang pagmamahal at ituro ang Kanyang mga batas. …

Tanungin ang inyong Ama sa Langit kung kami nga ay mga tunay na apostol at propeta ng Panginoon. Itanong kung nakatanggap na kami ng paghahayag tungkol dito at sa iba pang mga bagay. (“The Love and Laws of God” [Brigham Young University devotional, Set. 17, 2019], 3, 5, speeches.byu.edu)

Itinuro ni Sister Carol F. McConkie, dating Young Women General Presidency:

Habang mapanalangin nating binabasa at pinag-aaralan ang sagradong salita ng propeta nang may pananampalataya kay Cristo, na may tunay na layunin, ang Espiritu Santo ay magsasabi ng katotohanan sa ating isipan at puso. (“Mamuhay Ayon sa mga Salita ng mga Propeta,” Liahona, Nob. 2014, 79)

Dapat ba akong magtiwala palagi sa mga salita ng propeta?

Ibinahagi ni Elder Neil L. Andersen ng Korum ng Labindalawang Apostol:

16:5

Noong 1982, dalawang taon bago matawag na General Authority, sinabi ni Brother Russell M. Nelson, “Hindi ko kailanman tinanong ang aking sarili ng, ‘Kailan nagsasalita ang propeta bilang isang propeta at kailan hindi?’ Ang interes ko ay kung ‘Paano ako magiging mas katulad niya?’” Idinagdag niya, “Ang aking [pilosopiya ay] ang ihinto ang paglalagay ng tandang pananong sa mga pahayag ng propeta at sa halip ay lagyan ang mga ito ng tandang padamdam” [Russell M. Nelson, sa Lane Johnson, “Russell M. Nelson: A Study in Obedience,” Ensign, Ago. 1982, 24]. Ganito pinili ng isang mapagpakumbaba at espirituwal na tao na ayusin ang kanyang buhay. Ngayon, matapos ang 36 na taon, siya ay naging propeta ng Panginoon. (“Ang Propeta ng Diyos,” Liahona, Mayo 2018, 26)

Paano kung hindi ko nauunawaan ang mga salita ng propeta?

Ipinaliwanag ni Pangulong Henry B. Eyring ng Unang Panguluhan:

15:17

Kung minsan ay tumatanggap tayo ng payo na hindi natin maunawaan o tila hindi angkop sa atin, kahit taimtim nating ipinagdasal at pinag-isipan ito. Huwag balewalain ang payo, sa halip ay madalas na pagnilayan ito. Kung binigyan ka ng isang tao na pinagkakatiwalaan mo ng tila puro buhangin at nangakong naglalaman ito ng ginto, mangyaring hawakan ninyo ito sandali, at maingat itong alugin. Sa bawat pagkakataon na ginawa ko ito sa isang payo ng isang propeta, pagkaraan ng ilang panahon ay nagsisimulang lumitaw ang maninipis na ginto at nagpasalamat ako. (“Finding Safety in Counsel,” Ensign, Mayo 1997, 26)

Mga Karagdagang Aktibidad sa Pag-aaral

Si Moises bilang halimbawa ni Cristo

Upang matulungan ang mga estudyante na maunawaang si Moises ay isang halimbawa o simbolo ni Cristo, maaari mo silang anyayahang ikumpara ang mga pagkakatulad ng Exodo 2 at Mateo 2:13–16. Maaaring banggitin ng mga estudyante ang mga pagkakatulad na gaya ng:

Nooong mga bata pa sila, napailalim sina Moises at Jesus sa utos ng hari na patayin ang mga batang Israelita.
Upang mailigtas sila mula sa utos ng hari, dinala nina Jose at Maria si Jesus patungong Ehipto, at si Moises ay pinalaki sa tahanan ng isang Ehipcio.
Sina Moises at Jesus ay kapwa ibinangon upang iligtas ang mga tao ng Diyos mula sa pagkaalipin.

Pagkatapos ay maaari mong itanong sa mga estudyante kung paano itinuturo at pinatototohanan ng mga pagkakatulad na ito ang tungkol kay Jesucristo.

Pagtugon sa propeta

Upang matulungan ang mga estudyante na maunawaan kung paano tayo dapat tumugon sa propeta, ipabasa sa kanila ang Exodo 4:29–31, at alamin kung paano tumugon ang mga Israelita kay Moises. Maaari mo ring ibahagi ang sumusunod na pahayag ni Pangulong M. Russell Ballard (1928–2023) ng Korum ng Labindalawang Apostol:

Kapag naririnig natin ang payo ng Panginoon na ipinahahayag sa pamamagitan ng mga salita ng Pangulo ng Simbahan, dapat positibo at mabilis ang ating pagtugon. (“His Word Ye Shall Receive,” Ensign, Mayo 2001, 65)

Talakayin kung ano ang matututuhan natin mula sa tugon ng mga tao at sa pahayag ni Pangulong Ballard. Humingi ng mga halimbawa ng positibo at kaagad na pagtugon at talakayin kung bakit nakagagawa ng kaibhan ang mga pagpiling iyon.

Mga aktibidad sa pag-aaral para sa pagsasabuhay ng mga salita ng mga propeta

Narito ang ilang paraan na maipamumuhay ng mga estudyante ang mga salita ng mga propeta. Para sa unang aktibidad, maaaring pag-aralan ng mga estudyante ang mga salita ng mga propeta nang digital, o maaari kang magbigay ng mga kopya ng mga edisyon ng pangkalahatang kumperensya ng Liahona o mag-print ng mga mensahe kamakailan.

Sabihin sa mga estudyante na saliksikin ang mga kasalukuyang mensahe mula sa propeta at mga apostol (mula sa mga social media post, mensahe sa pangkalahatang kumperensya, o iba pang turo). Sabihin sa mga estudyante na maghanap ng mga pariralang makabuluhan para sa kanila. Anyayahan sila na isulat sa pisara ang mga parirala.
Pumili ng mga talata o turo mula sa ilan sa mga pinakahuling mensahe ng propeta. Pumili ng mga sipi na sa palagay mo ay pinakanauugnay sa iyong mga estudyante. Ihanda ang mga sipi na ito sa isang handout at sabihin sa mga estudyante na pag-aralan ang mga sipi na tila direkta silang kinakausap ng Panginoon. Maaari nilang markahan ang pinakamahalaga para sa kanila.