Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Гэтлэл 2–4: “Би амтай чинь хамт байна”

“Гэтлэл 2–4: ‘Би амтай чинь хамт байна,’” Хуучин Гэрээний семинарын багшийн гарын авлага (2026)

“Гэтлэл 2–4: ‘Би амтай чинь хамт байна,’” Хуучин Гэрээний семинарын багшийн гарын авлага

39-р хичээл: Гэтлэл 1–6

Гэтлэл 2–4

“Би амтай чинь хамт байна”

Jesus Christ appearing to the prophet Moses. Mist or a cloud hovers around the figure of the Savior.

Саад бэрхшээлтэй тулгарах үед Их Эзэн бошиглогчдоороо дамжуулан биднийг хайраар чиглүүлдэг. Фараоны засаглал доор Израилын хүүхдүүд боолчлолд зовж, Их Эзэнд хандан тусламж гуйн хашхирч байв. Их Эзэн тэдний гуйлтыг сонсож, тэдэнд туслахын тулд Мосег бошиглогчоор дуудав. Энэ хичээл нь Их Эзэний бошиглогчдоороо дамжуулан хэлсэн үгсийг амьдралынхаа нэгэн хэсэг болгоход суралцагчдад тусална.

Суралцагчийн бэлтгэл: Бошиглогчдын сүүлийн үеийн сургаалыг давтахад суралцагчдыг урь. Дараа нь бошиглогчийн сургаалыг дагах нь амьдралыг нь хэрхэн адисалсан талаар гэр бүлийнхээ гишүүнтэй эсвэл найзтайгаа ярилцахад тэднийг урь.

Боломжит суралцах үйл ажиллагаа

Аль дуу хоолойд итгэх вэ

Дараах мэдэгдлийг хуваалцаад, доорх асуултуудыг тавьснаар хичээлийг эхлүүл.

Арван хоёр төлөөлөгчийн чуулгын ахлагч Нийл Л.Андэрсэн ийн ажигласан.

16:4

Сая сая дуу хоолойгоор биднийг өөр олон зүйл хийхэд нөлөөлдөг шуугиантай гараг ертөнц дээр бид амьдарч байна. Интернэт, ухаалаг утас, олон янзын үзвэр үйлчилгээ бүгд л анхаарлыг маань татахыг хүсэж, бидэнд нөлөөлөх гэж оролдож байна. (“Бурханы бошиглогч,” 2018 оны 4-р сарын Ерөнхий чуулган)

Сүүлийн хэдэн өдрийн турш харсан эсвэл сонссон дуу хоолойн хэдэн жишээг жагсаан бич.

Та нар янз бүрийн мэдээллийн эх сурвалжаас юу олж анзаарсан бэ?
Бошиглогчдын үгс бусад дуу хоолойноос юугаараа ялгаатай байна вэ?

Дараах өөрийгөө үнэлэх мэдэгдлүүдийг харуулаад, хариултынхаа талаар бодоход суралцагчдыг урь.

Дараах мэдэгдэл тус бүрд өөрийгөө 1 (огт үнэн биш)-ээс 5 (маш үнэн) хүртэлх оноогоор үнэлнэ үү.

Би бусад дуу хоолой, нөлөөллийн оронд бошиглогч, төлөөлөгчдийн үгэнд илүү их итгэдэг.
Би Их Эзэний бошиглогч, төлөөлөгчдөөс хүлээн авдаг зөвлөгөө, чиглэлд итгэдэг.
Би өнөөгийн бошиглогч, төлөөлөгчдийн үгсийг хичээл зүтгэл гарган судалдаг.

Энэ хичээлийг судалж байхдаа бошиглогч, төлөөлөгчдийн зөвлөгөөг амьдралдаа хэрхэн илүү бүрэн дагаж мөрдөх талаар Сүнснээс авах мэдрэмжээ сонсоход суралцагчдыг урь.

Их Эзэн Мосег бошиглогчоор дуудсан

Хэдийгээр израил хүн болж төрсөн ч бошиглогч Мосе нь Египетэд Фараоны гэр бүлд өсжээ. Мосег өлгийтэй нялх хүүхэд байхад Фараон шинээр төрсөн бүх израил хөвгүүнийг алахыг тушаав (Гэтлэл 1:22-ыг үзнэ үү). Мосег аврахын тулд ээж нь түүнийг сагсанд хийн нууж, голын дэргэд тавьжээ. Фараоны охин Мосег олж, өөрийнхөө хүү болгон өсгөв (Гэтлэл 2:1–10-ыг үзнэ үү). Мосе Египетэд сайн боловсрол эзэмшиж, “үг болон үйлсээр хүчтэй эр болжээ” (Үйлс 7:22).

Мосе насанд хүрсэн хойноо израил боолуудын нэгийг хамгаалахдаа египет хүнийг хөнөөв. Мосе Мидиан руу зугтаж, Иетро хэмээх дээд присттэй хамт амьдарч, охин Зиппоратай нь гэрлэжээ (Гэтлэл 2:11–21-ийг үзнэ үү). Мосег Мидианд хонь хариулж байхад Иеховатай холбоотой нэгэн үйл явдал тохиолдов.

Дараах зургийг үзүүл. Дараах шүлгүүдийг уншихдаа өөрсдийгөө Мосе гэж төсөөлөн бодоход мөн жижиг бүлгүүдэд хуваагдан дараах асуултуудад хариулахад суралцагчдыг урь. Дараа нь тэд ангиараа сурсан зүйлээсээ онцлох хэсгийг хуваалцаж болно.

The Old Testament prophet Moses kneeling before the burning bush on Mount Sinai. Light is emanating from the bush.

Гэтлэл 3:1–6. Та нарт ямар санагдах вэ? Яагаад?

Гэтлэл 3:7–14. Та нарт Их Эзэний сургаалуудаас аль нь хамгийн чухал эсвэл тайтгаруулам санагдсан бэ?

Эдгээр шүлгийг судлахдаа Есүс Христэд анхаарлаа хандуулахад нь суралцагчдад туслахын тулд Аврагчийн зургийг самбарын голд тавь. Та зургийн эргэн тойронд Аврагчийн тухай үг хэллэг бичиж, Түүний үгсээр дамжуулан Түүний тухай мөн Мосетой болон Израилын хөвгүүдтэй харилцах харилцааных нь талаар юу сурч болохыг дүрслэн бичихэд суралцагчдыг урьж болно. Есүс Мосег нэрээр нь дуудсан (4-р шүлэг), Есүсийн төрх байдал газрыг ариун болгосон (5-р шүлэг), Есүс ард түмнийхээ зовлонг харж, хашхирааныг сонссон (7-р шүлэг), Есүс Мосетой хамт байна гэж амласан (12-р шүлэг) зэрэг ойлголтуудын жишээг багтааж болно.

Хэрэв суралцагчид дурдаагүй бол “БИ БАЙДАГ” (Гэтлэл 3:14) гэсэн нэр цолыг онцол. Энэ нь Иехова гэдэг үгтэй нэг язгуур үгээс гаралтай бөгөөд үүнийг “Тэр байна” эсвэл “Тэр оршдог” гэж орчуулж болно гэдгийг тайлбарла. Энэ нэрийг израил хүмүүс тун амархан таних байсан. Энэ нэрийн ач холбогдлын талаар ойлгоход нь суралцагчдад туслахын тулд та Их Эзэн үнэхээр оршдог, үргэлж байдаг гэдгийг мэдэх нь яагаад утга учиртай болохыг асууж болох юм.

Суралцагчдыг хариултаа хуваалцсаны дараа та дараах асуултыг тавьж болно.

Мосегийн оронд байсан бол та нарт ямар асуулт эсвэл санаа зовоосон асуудал гарах байсан бэ?

Их Эзэн Өөрийн хэн гэдгийг төдийгүй юу амласнаа тунхагласан хэдий ч Мосе Израилыг чөлөөлөх дуудлагадаа санаа зовниж байсныг тайлбарла.

Гэтлэл 4:10–15-ыг уншаад, Их Эзэн Мосегийн санаа зовоосон асуудалд хэрхэн хандсаныг олж мэд.

Та нар эдгээр шүлгээс бошиглогчийн үгсийн талаар юу мэдэж авсан бэ?

Их Эзэн Өөрийн үгсийг бошиглогчдоороо дамжуулан хэлдэг гэсэн үнэнийг тодорхойлоход нь суралцагчдад тусал.
Энэ үнэнийг мэдэх нь та нарын амьдрал эсвэл шийдвэрт хэрхэн нөлөөлөх вэ?

Хичээлийн эхэнд дурдсан бидний анхаарлыг татах гэж хичээдэг янз бүрийн дуу хоолойг эргэн сана. Их Эзэн бошиглогчдоор дамжуулан ярьдаг бөгөөд бид бусад дуу хоолойг бус бошиглогчдыг сонсох ёстой гэдгийг ойлгоход нь хэн нэгэнд туслахын тулд та нар юу хуваалцаж болохоо бод. Гэтлэл 3-аас сурсан зүйлээ болон Их Эзэн Өөрийн үгсийг бошиглогчдоороо дамжуулан хэлдэг гэдгийг мэдэхэд тусалсан та нарт эсвэл та нарын таньдаг хүнд тохиолдсон аливаа туршлагаа дурдаж болно.

Хэлж болох зүйлээ хуваалцахад суралцагчдыг урь. Дараа нь “Энэ ойлголт нь та нарыг эсвэл та нарын мэддэг хүнийг хэрхэн адисалсан бэ?” гэж нэмж тодруулан асууж болох юм.

Их Эзэний бошиглогчдын үгсийг амьдралдаа хэрэгжүүлэх

Их Эзэний бошиглогчдоороо дамжуулан өгсөн үгсийг ямар ямар арга замаар сонсож, хэрэгжүүлж болох вэ?

Бошиглогчдын сургаалыг хэрэгжүүлэх жишээг хуваалцахад хэдэн суралцагчийг урамшуулан дэмж. Хэрэгтэй гэж үзвэл дараах санаануудыг хуваалц. Үүнд:

Саяхан болсон ерөнхий чуулган дээр хэлсэн үгсээс тодорхой бошиглолын зөвлөгөөг хэрэгжүүлэх
Өглөө болгон сургуульдаа явахаар бэлтгэхдээ ерөнхий чуулганы үгсийг сонсох гэх мэтээр бошиглогчийн үгсийг илүү ихээр судлах
Саяхан болсон ерөнхий чуулган дээр Тэргүүн зөвлөлийн болон Арван хоёр төлөөлөгчийн чуулгын гишүүн бүрийн хэлсэн үгийг судлах төлөвлөгөө гаргах (Хэрэв суралцагчид дижитал хувилбар луу орох боломжтой бол Gospel Library аппликэйшн дээрх Сургалтын төлөвлөгөө үйлдлийг ашиглаж болно.)

Их Эзэний бошиглогчдоороо дамжуулан өгсөн үгсийг хэрхэн сонсож, амьдралдаа хэрэгжүүлэхээ судлах тэмдэглэлдээ бич. Төлөвлөгөөнийхөө хүрээнд, ямар саад бэрхшээлтэй тулгарч болзошгүй вэ гэдгээ тэмдэглэ. Саад бэрхшээл бүрийг хэрхэн даван туулахаа бич.

Дараа орох 55-р хичээл: “Суралцахуйгаа үнэлэх нь 3”-аар төлөвлөгөөгөө хэрхэн хэрэгжүүлж байгааг дүгнэх боломж олдоно гэдгийг суралцагчдад тайлбарла.

Их Эзэн өнөөдөр амьд бошиглогчдоороо дамжуулан ярьдаг гэсэн гэрчлэлээ хуваалцсанаар хичээлээ дуусга.

Нэмэлт эх сурвалж

“БИ БАЙДАГ” гэсэн нэр цолын талаар бид өөр юу мэдэх вэ?

Аврагч мөнх бус амьдралдаа Иехова (Иохан 8:56–59-ийг үзнэ үү) гэдгээ иудейчүүдэд тунхаглахдаа энэ нэр цолыг ашигласан. Тэрээр мөн Сургаал ба Гэрээнд Өөрийгөө “Агуу Би байдаг” (Сургаал ба Гэрээ 29:1; 38:1; 39:1) хэмээн дурдсан

Бошиглогчдыг Бурхан дууддаг гэсэн гэрчлэлээ би хэрхэн хүчирхэгжүүлж болох вэ?

Ерөнхийлөгч Рассэлл М.Нэлсон ийн тунхагласан.

Сүм нь Их Эзэн Есүс Христийн Өөрийнх нь хайрыг түгээж, хуулиудыг нь заахын тулд бошиглогч, төлөөлөгчдийг томилдог. …

Бид үнэхээр Их Эзэний төлөөлөгч, бошиглогчид эсэхийг Тэнгэрлэг Эцэгээсээ асуу. Энэ болон бусад асуудлаар бид илчлэл хүлээн авсан эсэхийг асуу. (“The Love and Laws of God” [Brigham Young University devotional, Sep. 17, 2019], 3, 5, speeches.byu.edu)

Залуу эмэгтэйчүүдийн ерөнхий ерөнхийлөгч асан Кэрол Ф.Макконки эгч ийн заасан.

Бид Христэд итгэх итгэл, үнэн хүсэлтэйгээр бошиглолын ариун үгийг залбирч уншин, судалбал Ариун Сүнс бидний оюун ухаан, зүрх сэтгэлд үнэнийг ярих болно. (“Бошиглогчдын үгсийг дагаж амьдарцгаая,” 2014 оны 10-р сарын Ерөнхий чуулган, 88)

Би бошиглогчийн үгэнд үргэлж итгэх ёстой юу?

Арван хоёр төлөөлөгчийн чуулгын ахлагч Нийл Л.Андэрсэн ийн хуваалцсан.

16:4

1982 онд Рассэлл М.Нэлсон ах ерөнхий эрх мэдэлтнээр дуудагдахаасаа хоёр жилийн өмнө “Би хэзээ ч ‘Бошиглогч хэзээ бошиглогчийн хувиар эсвэл хувь хүнийхээ хувьд ярьдаг бол?’ гэж өөрөөсөө асууж байгаагүй. ‘Би хэрхэн түүнтэй илүү адил болох вэ?’ гэдэгт л санаа тавьдаг байсан” гэж хэлж байсан. Тэрээр “Би бошиглогчдын хэлсэн үг сургаал мөн эсэхийг асуухаа больж, тэднийг дагахад л анхаарлаа хандуул гэсэн зарчмыг баримталдаг” [Russell M. Nelson, in Lane Johnson, “Russell M. Nelson: A Study in Obedience,” Ensign, Aug. 1982, 24] гэж нэмж хэлсэн билээ. Энэ бол даруу бөгөөд сүнслэг хүн амьдралаа хэрхэн зохион байгуулахаа сонгосон арга зам юм. 36 жилийн дараа, одоо бол тэр Их Эзэний бошиглогч. (“Бурханы бошиглогч,” 2018 оны 4-р сарын Ерөнхий чуулган)

Хэрвээ би бошиглогчийн үгсийг ойлгохгүй бол яах вэ?

Тэргүүн зөвлөлийн ерөнхийлөгч Хэнри Б.Айринг ийн тайлбарласан.

15:17

Заримдаа бид сайтар залбирч, бодож үзсэний дараа ч бидэнд ойлгомжгүй эсвэл хамаагүй мэт санагдах зөвлөгөө хүлээн авах болно. Зөвлөгөөг үл тоомсорлож болохгүй, харин ч улам сайн зууран барь. Хэрэв таны итгэдэг хүн элснээс ялгаагүй харагдах зүйлсийг алтны хольцтой гээд танд өгсөн бол та үүнийг зөөлөн сэгсрээд, гартаа нэг хэсэг аяархан барьж үзэх байсан байх. Би бошиглогчийн зөвлөгөөн дээр үүнийг үйлдэх болгонд хэсэг хугацааны дараа алтны хэлтэрхийнүүд харагдаж эхэлдэг ба би үүнд талархдаг. (“Finding Safety in Counsel,” Ensign, May 1997, 26)

Нэмэлт суралцах үйл ажиллагаа

Мосе бол Христийн амьдралын сонгодог жишээ

Мосе Христийн амьдралын сонгодог жишээ эсвэл бэлгэ тэмдэг байсан гэдгийг ойлгоход нь суралцагчдад туслахын тулд та Гэтлэл 2, Матай 2:13–16 хоёрын ижил төстэй байдлыг харьцуулахад тэднийг урьж болно. Суралцагчид дараах ижил төстэй байдлыг онцолж болно.

Мосе, Есүс хоёрыг хүүхэд байхад нь Израилын хөвгүүдийг алах хааны зарлиг гарч байсан.
Тэднийг хааны зарлигаас аврахын тулд Иосеф, Мариа хоёр Есүсийг Египет рүү аваачиж, Мосег Египетийн гэр бүлд өсгөсөн.
Мосе, Есүс хоёр хоёулаа Бурханы хүмүүсийг боолчлолоос чөлөөлөхийн тулд төрсөн.

Дараа нь та эдгээр ижил төстэй байдал нь хэрхэн Есүс Христийн талаар зааж, гэрчилж байгааг суралцагчдаас асууж болно.

Бошиглогчдод хариу үйлдэл үзүүлэх

Бид бошиглогчдын үгсийн хариуд ямар үйлдэл гаргах ёстойг ойлгоход нь суралцагчдад туслахын тулд Гэтлэл 4:29–31-ийг уншаад, израилчууд Мосегийн үгсийн хариуд ямар үйлдэл гаргасныг олж мэдэхэд тэднийг урь. Түүнчлэн та Арван хоёр төлөөлөгчийн чуулгын ерөнхийлөгч М.Рассэлл Баллардын (1928–2023) дараах мэдэгдлийг хуваалцаж болно.

Биднийг Сүмийн ерөнхийлөгчийн үгээр дамжиж ирсэн Их Эзэний зөвлөгөөг сонсох үед бидний хариу үйлдэл эерэг мөн шаламгай байх ёстой. (“His Word Ye Shall Receive,” Ensign, May 2001, 65)

Хүмүүсийн гаргасан хариу үйлдлээс болон ерөнхийлөгч Баллардын мэдэгдлээс бид юу сурч мэдэж болох талаар ярилц. Хариу үйлдэхдээ эерэг мөн шаламгай байхын жишээг асууж, эдгээр сонголт яагаад өөрчлөлт авчирдаг талаар ярилц.

Бошиглогчдын үгсийг хэрэгжүүлэхэд зориулсан судлах үйл ажиллагаа

Суралцагчид бошиглогчдын үгсийг амьдралдаа хэрэгжүүлэх дадлага хийж болох хэд хэдэн арга зам энд байна. Эхний үйл ажиллагааны хувьд суралцагчид бошиглогчдын үгсийг дижитал хэлбэрээр судалж эсвэл та Лиахона-ын ерөнхий чуулганы дугаарыг эсвэл сүүлийн үеийн захиаснуудыг хэвлэж өгч болно.

Бошиглогч, төлөөлөгчдийн одоогийн захиасыг (сошиал медиа дэх нийтлэлүүд, ерөнхий чуулган дээр хэлсэн үгс эсвэл бусад сургаалаас) судлахад суралцагчдыг урь. Өөрсдөд нь утга учиртай санагдсан үг хэллэгээ олохыг суралцагчдаас хүс. Тэдгээр үг хэллэгээ самбарт бичихэд тэднийг урь.
Бошиглогчийн хамгийн сүүлд хэлсэн хэд хэдэн үгээс догол мөр эсвэл сургаалуудыг сонго. Суралцагчдадаа хамгийн их хамаатай гэж үзсэн эшлэлүүдийг сонго. Тэдгээр эшлэлийг тараах материал дээр бэлтгэж, Их Эзэн тэдэнтэй шууд ярьж байгаа мэтээр эшлэлүүдийг судлахад суралцагчдыг урь. Тэд өөрсдөд нь онцгой санагдсан зүйлсийг зурж тэмдэглэж болно.