Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Гэтлэл 1: Эсэргүүцэлтэй тулгарсан үедээ Бурханыг шүтэх

“Гэтлэл 1: Эсэргүүцэлтэй тулгарсан үедээ Бурханыг шүтэх,” Хуучин Гэрээний семинарын багшийн гарын авлага (2026)

“Гэтлэл 1: Эсэргүүцэлтэй тулгарсан үедээ Бурханыг шүтэх,” Хуучин Гэрээний семинарын багшийн гарын авлага

38-р хичээл: Гэтлэл 1–6

Гэтлэл 1

Эсэргүүцэлтэй тулгарсан үедээ Бурханыг шүтэх

Illustration of a party scene with drinking going on and one girl standing alone.

Египетийн фараон израилчуудыг боолчилж, эх баригчдад Израилын хөвгүүдийг төрөх үед нь хороохыг зарлиглажээ. Гэтэл эх баригчид Бурханыг шүтэн биширдэг учраас Фараоны тушааснаар эс үйлдэв. Энэ итгэлтэй эмэгтэйчүүдийн нэгэн адил бид хүнд хэцүү нөхцөлд ч Бурханд найдахыг сонгож болно. Энэ хичээл нь Бурханыг бусад хүнд хэцүү дарамтаас дээгүүрт тавих хүсэлтэй болоход суралцагчдад тусална.

Суралцагчийн бэлтгэл: Суралцагчдыг гэр бүлийн гишүүн эсвэл найзаасаа бусдыг бус Өөрийг нь дагасны төлөө Бурхан тэднийг хэрхэн адислахыг харсан талаар асуухад урих талаар бод.

Боломжит суралцах үйл ажиллагаа

Христийнхтэй адил зориг

Ерөнхийлөгч Нэлсоны хэлсэн дараах үгийг хуваалцахыг бод.

Ерөнхийлөгч М.Нэлсон Есүс Христийн шавийн шинж чанаруудыг дүрсэлсэн.

14:51

Есүс Христийн жинхэнэ шавь нар босож зогсоод, бодлоо хэлэн, дэлхийн хүмүүсээс өөр байхад бэлэн байдаг. Тэд мохошгүй, үнэнч, эр зоригтой хүмүүс байдаг. (“Есүс Христийн хүчийг амьдралдаа татан авах нь,” 2017 оны 4-р сарын Ерөнхий чуулган,, 40–41)

Ерөнхийлөгч Нэлсоны дүрсэлснээр үйлдэхэд яагаад зориг гаргах хэрэгтэй байж болох вэ?
Ерөнхийлөгч Нэлсоны зөвлөгөөг дагах нь яагаад чухал гэж та бодож байна вэ?

Хүнд хэцүү зүйлсэд бууж өгөлгүй Бурханыг дуулгавартай дагах талаар ямар бодолтой байгаагаа тунгаан бодоход нь суралцагчдад туслахын тулд дараах өөрийгөө үнэлэх үнэлгээг үзүүл.

Дараах мэдэгдлүүдийг уншаад, эдгээр нь таны хувьд хэр үнэн болохыг 1 (огт үнэн биш)-ээс 5 (тун үнэн) хүртэлх оноогоор үнэл.

Би бусдаас өөрийн жишгийг бууруулах дарамт шахалтыг мэдэрч байсан ч Их Эзэнийг нэн тэргүүнд тавихад бэлэн байна.
Бурханы зарлигуудыг дуулгавартай дагахыг хичээснийхээ төлөө Түүний намайг адислах эсэхэд би эргэлзэж байна.
Хэдийгээр энэ нь түгээмэл сонголт биш ч гэсэн би зөв гэж мэддэг зүйлийнхээ төлөө зогсоход бэлэн байна.

Гэтлэл 1-ийг судлахдаа Сүнснээс хүлээн авах мэдрэмждээ анхаарлаа хандуулахад суралцагчдыг урамшуул. Бурханы тааллын эсрэг үйлдэх дарамтыг мэдрэх үедээ зоригтой үйлдэхэд бэлтгэхэд нь Сүнс тэдэнд тусалж чадна.

Зөв шударга байхын жишээ

Египетийн Иосефыг өөд болсны дараа израилчуудад юу тохиолдсон тухай мэддэг зүйлээ хуваалцахыг суралцагчдаас хүс. Шаардлагатай бол дараах дүгнэлтийн заримыг эсвэл бүгдийг нь ашигла.

Египетийн Иосефыг өөд болсны дараа израилчууд (эсвэл еврейчүүд) Египетийн нутагт олуулаа болжээ. Израилчууд египетчүүдийг хүчтэй болно гэж эмээж, шинэ фараон тэднийг боолчлов (Гэтлэл 1:6–14-ийг үзнэ үү).

Гэтлэл 1:15–16-г уншаад, Фараон еврей эх баригч Шифра, Пуа хоёрт юу хийхийг тушаасныг олж мэд. “Эх баригч” гэж хүүхэд төрүүлэхэд тусалдаг эмэгтэйчүүдийг хэлдэг. “Амаржих” (16-р шүлэг) суудал гэж байсан нь хүүхэд төрүүлэх гэж буй эмэгтэйчүүдэд зориулсан суудлыг хэлдэг байв.

Олж мэдсэн зүйлээ хуваалцахад суралцагчдыг урь. Бурханы тааллаас илүү бусдын хүссэн зүйлийг хийх ёстой мэт хүнд хэцүү нөхцөл байдалтай тулгарсан энэ эмэгтэйчүүдтэй хэрхэн холбогдож болох арга замыг олоход нь суралцагчдад тусал. Дараах асуулт, үйл ажиллагаа нь ийн үйлдэх нэг арга зам юм.

Хэрэв та Шифра эсвэл Пуа байсан бол Бурханы тааллыг Фараоныхоос дээгүүр тавихад танд юу нь хэцүү байх байсан бэ?

Ангийнхныг бүлгүүдэд хуваарилах талаар бодож үз. Хүнд хэцүү бусад зүйлийн улмаас Бурханы тааллыг дээгүүрт тавихад бэрхшээлтэй байж болох өөрсдөдөө тулгарсан юм уу тулгарч болох нөхцөл байдлыг тодорхойлоход бүлгүүдийг урь. Ийм нөхцөл байдалд Бурханыг дагахад санаа зовниж болох шалтгааны жагсаалт гаргахыг тэднээс хүс.

Гэтлэл 1:17–21-ийг уншаад, Шифра, Пуа хоёр яагаад ийм шийдвэр гаргасныг олж мэд.

Та нар юу олж мэдсэн бэ?
Эдгээр шүлгийн юу нь Бурханыг өөрсдөд нь тулгарч буй хүнд хэцүү нөхцөл байдлаас дээгүүр тавих эсэхдээ эргэлзэж байгаа хүнд урам зориг өгч чадах вэ?

Суралцагчдыг хуваалцах үед та тэдэнд “Бурханаас эмээх” (17, 21-р шүлэг-ийг үзнэ үү) гэдэг нь Бурханыг бишрэх, хүндлэх гэсэн утгатайг хэлж болно. Хэрэв суралцагчид олж тогтоогоогүй бол Шифра, Пуа хоёрт “Бурхан сайнаар ханджээ” (20-р шүлэг) гэсэн хэллэгийг онцол. Энэ хэллэгийг тэмдэглэхэд суралцагчдыг урь. Энэ нь өөрсдөд нь тулгарсан хүнд хэцүү нөхцөл байдлаас Бурханыг дээгүүрт тавьсан учраас Тэрээр Шифра, Пуа хоёрыг адисалсан гэсэн үг юм. 21-р шүлэг дээрх б зүүлт тайлбарт бичсэнээр, Их Эзэний Шифра, Пуа хоёрт өгсөн нэг адислал бол гэр бүл бий болгож өгсөн нь юм.
Бид Бурханыг бус бусдыг дагах хүнд хэцүү нөхцөл байдалтай тулгарахад бидэнд туслах ямар үнэнийг Шифра, Пуа хоёроос мэдэж авч болох вэ?

Суралцагчид өөрсдийн үгийг ашиглан, бид бусдын нөлөөнд автахын оронд Бурханы таалалд өөрсдийгөө нийцүүлбэл Тэр биднийг адислах болно гэх мэт үнэнийг тодорхойлж болно.

Хичээлийн үлдсэн хэсэгт хэрхэн бидэнд “Бурхан сайн [ханддаг]” талаар голлон анхаардаг ч та Тэнгэрлэг Эцэгийн таалалд нийцүүлсэн Аврагчийн жишээн дээр анхаарлаа төвлөрүүлэх цаг гаргахыг бодоорой. Үүнийг хийхийн тулд та дараах асуултыг ашиглаж болно. Суралцагчдад жишээ олоход хэцүү байвал та тэднийг Иохан 6:38 эсвэл Лук 22:42 руу чиглүүлж болно.
Аврагч энэ үнэний төгс жишээ гэдгийг харуулсан юуг Тэрээр зааж эсвэл хийсэн бэ?
Их Эзэн Өөрийг нь нэн тэргүүнд тавьж, хүндэлсний төлөө хэрхэн сайнаар хандаж (адисалж) болох тухай ойлгоход нь суралцагчдад туслах үйл ажиллагааны талаар бод. Энд хоёр санааг дурдав. Дараах асуултуудад хариулахад нь суралцагчдад туслахын тулд тэдгээрээс эсвэл өөрийн сонголтоос аль нэгийг сонго.
1. ChurchofJesusChrist.org) дээрх “Leave the Party” (6:26) эсвэл “Зориг, хүч чадал хийгээд эрч хүчээрээ үлэмж баатарлаг бай” видеог цагийн код 1:20-оос 5:13 хүртэл суралцагчидтай хуваалц. Бурханыг бусад хүнд хэцүү зүйлээс дээгүүр тавьсны төлөө Их Эзэн Иоханыг хэрхэн адисалсныг олж мэдэхэд суралцагчдыг урь.
6:26

10:35
1. Бурхан Өөрийг нь бусад хүнд хэцүү зүйлээс дээгүүр тавьсан хүмүүст хэрхэн сайн хандсаныг харуулсан цөөн судрыг суралцагчдад өгч судлуул. Суралцагчид 2 Нифай 5:6–13; Мозая 24:11–15; 4 Нифай 1:15–18-ыг судалж болно. Мөн Бурханыг эн тэргүүнд тавьсан Өөрийн хүүхдүүдэд Бурхан хэрхэн сайн ханддагийг харуулсан өөр өөр судрыг суралцагчид олж болно.
“Бурхан бидэнд сайн хандах” нь хэрхэн харагдаж болох вэ?
Бусдын нөлөөнд автахын оронд Бурханы таалалд нийцүүлсэн танд эсвэл таны таньдаг хэн нэгэнд Бурхан хэрхэн сайнаар хандсан бэ?
Үр дүн нь ямар ч байсан Бурханыг эн тэргүүнд тавихаар сонгох нь танд яагаад үнэ цэнтэй вэ?

Өөрсдийн хүслийг Бурханыхтай нийцүүл

Өнөөдөр сурсан, мэдэрсэн зүйлүүдээ болон хүнд хэцүү нөхцөл байдалтай тулгарах үед энэ нь тэдэнд хэрхэн тусалж болох талаар эргэцүүлэхэд нь туслах дараах асуултуудыг суралцагчдад тавихыг бод.

Судлах тэмдэглэлдээ дараах асуултуудын аль нэгд хариулахаар сонго.

Бурханыг эн тэргүүнд тавих үед Бурхан таныг адислах болно гэдэгт итгэлтэй байхад тань тусалж чадах юуг та өнөөдөр сурч мэдсэн эсвэл мэдэрсэн бэ?
Бусад хүнд хэцүү зүйлтэй тулгарахдаа Бурханыг сонгох нь зүйтэй эсэхэд эргэлзэж байгаа хүнтэй та юу хуваалцах байсан бэ?

Бичсэн зүйлээ хуваалцах боломжийг суралцагчдад олгох талаар бодож үз. Мөн та Матай 5:10–12-т байдаг, Аврагчийг сонгосон учраас хавчигдсан хүмүүст өгсөн Түүний амлалтыг хуваалцаж болно. Хэцүү байсан ч Бурханыг дагахаар сонгосон үед Бурхан биднийг хэрхэн адислах тухай гэрчлэлээ хуваалцахыг бод.

Нэмэлт эх сурвалж

Гэтлэл 1:17. Бурханаас эмээх гэж юу гэсэн үг вэ?

Судруудын удирдамжид айдсын талаар хоёр тодорхойлолт байдаг. Үүнд: “(1) Бурханаас эмээх нь Түүнийг хүндэлж, гайхширч, Түүний зарлигуудыг дуулгавартай дагах явдал юм; (2) хүнээс, мөнх бус аюулаас, өвчин зовлон, хор хөнөөлөөс эмээх нь ийм зүйлээс айж, эмээх явдал юм” (Судруудын удирдамж, “Fear,” Gospel Library).

Арван хоёр төлөөлөгчийн чуулгын ахлагч Дэвид А.Бэднар ийн заасан.

16:21

Бидний байнга мэдэрдэг айдсаас ялгаатай мөртлөө үүнтэй холбоотой айдсыг судруудад “тааламжит айдас” (Еврей 12:28) эсвэл “Эзэнээс эмээх” (Иов 28:28; Сургаалт үгс 16:6; Исаиа 11:2–3) хэмээн хэлсэн. Тааламжит айдас нь цочрол, түгшүүр төрүүлдэг дэлхийн айдастай адилгүйгээр амар амгалан, амлалт, итгэлтэй байдлын нэгэн эх сурвалж юм.

Гэхдээ айдастай холбоотой аливаа зүйл хэрхэн сургамжтай эсвэл сүнслэг байдлын хувьд ач тустай байж болох вэ?

Миний тайлбарлахыг оролдож буй зөв шударга айдас нь Их Эзэн Есүс Христийг чин сэтгэлээсээ хүндлэх хүндлэл, сүсэг бишрэл (Дуулал 33:8; 96:4-ийг үзнэ үү), Түүний зарлигуудад дуулгавартай байх (Дэд хууль 5:29; 8:6; 10:12; 13:4; Дуулал 112:1-ийг үзнэ үү), Түүгээр шүүгдэх эцсийн шүүлт ба шударга ёсонд найдах найдлагыг багтаадаг. (“Тиймийн тул тэд айдсаа дарав,” 2015 оны 4-р сарын Ерөнхий чуулган, 48)

Би айсан байсан ч хэрхэн зоригтой урагшилж болох вэ?

Далын ерөнхийлөгчийн зөвлөлийн ахлагч Карл Б.Күк ийн хэлсэн.

11:5

Хэрэв бид тэнгэр, газрын Бурхан руу харж, Ариун Сүнсний өдөөлтийг даган, итгэлээр үргэлжлүүлэн явах аваас Тэрээр бидэнд ямар ч саад бэрхшээл, урам хугарах зүйл тохиолдсон бай даван туулахад тусална.

Аз болоход, биднийг сул дорой, хүч мөхөстсөн үед Их Эзэн бидний итгэлийг хүчирхэгжүүлж, чадавхыг байгаагаас маань илүү нэмэгдүүлж чадна. (“Итгэлтэйгээр үргэлжлүүлсээр бай,” Лиахона, 2023 оны 5-р сар, 14)

Ерөнхийлөгч Томас С.Монсон (1927–2018) ийн заасан.

16:18

Бид бүгд айдас, доог тохуурхалтай болон эсэргүүцэлтэй тулгарах болно. Бүгдээрээ, мөн хүн бүр нийтэд дэлгэрсэн зүйлийг дагах биш, харин зөв зарчмын төлөө зогсох зоригтой байцгаая. Бууж өгөх нь бус, харин урам зориг нь биднийг Бурханы сайшаалаар адисалдаг. Зориг нь гагцхүү … үхэх явдал гэхээсээ илүү амьдралын хэв маяг болох үед амьд бөгөөд сэтгэл татам чанар болдог. Бид урагш тэмүүлж, амьдрах ёстой зарчмуудын дагуу амьдрах гэж хичээснээр Их Эзэнээс тусламж хүлээн авч, Түүний үгсээс тайтгарлыг олж чадах нь гарцаагүй. (“Хүчтэй бөгөөд зоригтой бай,” 2014 оны 5-р сарын Ерөнхий чуулган, 69)

Нэмэлт суралцах үйл ажиллагаа

Хичээлийг эхлүүлэх өөр хувилбар

Ерөнхийлөгч Нэлсоны хэлсэн мэдэгдлийг уншихын оронд “Leave the Party” видеог үзэж хичээлээ эхлүүлж болно. Видеог цагийн код 3:08 дээр түр зогсоо. Ийм нөхцөлд Иоханд юу хэцүү байсан байж болохыг суралцагчдаас асуу. Өсвөр үеийнхэн ямар нөхцөлд Бурханд дуулгаваргүй байх хүнд хэцүү зүйлтэй тулгарч болохыг тэднээс асуу.

6:26

Суралцагчдыг Бурханы адислалын тухай жинхэнэ үнэнийг тодорхойлсны дараа видеоны үлдсэн хэсгийг үзүүл. Иоханы ямар шийдвэр гаргасныг болон түүний шийдвэрийн улмаас Бурхан түүнд хэрхэн “сайн хандсан” талаар олж мэдэхийг суралцагчдаас хүс.

6:26

Гэтлэл 1:17, 21. Бурханаас эмээж, Бурханыг дагах

Суралцагчдыг хүнд хэцүү нөхцөл байдалд орсон эсвэл орж болзошгүй нөхцөл байдлынхаа талаар хоорондоо ярилцсаны дараа та тэдэнд Бурханаас эмээж, Түүнийг зоригтой дагах нь юу гэсэн утгатайг олж мэдэхэд нь тусалж болно. Суралцагчдыг Судруудын удирдамжийг ашиглан “Courage,” “Fear” эсвэл “Fear of God” гэсэн хэсэгт жагсаасан судруудыг судлахад урих талаар бодож үз. Хэн нэгэн Их Эзэний зарлиг, жишгийг үл тоомсорлох хүнд хэцүү нөхцөлтэй тулгарсан үед тус болох судруудыг хайж олоход тэднийг урамшуул.

Их Эзэний адислалуудыг ойлгох

Бурханы тааллыг дагаснаар ирэх Түүний адислал нөхцөл байдал бүрд үргэлж ижил байдаггүй гэдгийг ойлгоход нь суралцагчдад туслахын тулд ерөнхийлөгч Монсоны хэлсэн дараах мэдэгдлийг унш.

Ерөнхийлөгч Томас С.Монсон (1927–2018) ийн заасан.

16:18

Зоригийн үйлдэл бүхэн ийм агуу эсвэл агшин зуурын үр дүнг авчирдаггүй ч тэд бүгд оюун санааны амар амгаланг мөн зөв ба үнэн хамгаалагдсан гэсэн мэдлэгийг авчирдаг. (“Хүчтэй бөгөөд зоригтой бай,” 2014 оны 5-р сарын Ерөнхий чуулган, 68)

Мөн та Бурханыг дагах нь бид бусдын сонголтоос үргэлж аюулгүй байх болно гэсэн үг биш гэдгийг тайлбарлаж болно. Эдгээр эх баригчийг Фараон гэмтээгээгүй мэт харагдавч Онитагийн охидыг хуурамч бурхад шүтэхээс татгалзсаных нь төлөө хилэнцэт пристүүд алжээ (Абрахам 1:11-ийг үзнэ үү). Үр дүн нь ямар ч байсан Бурханд итгэх хэрэгтэй гэдгийг суралцагчдад ойлгуулахын тулд та дараах асуултуудыг тавьж болно.

Яагаад Бурханы адислал үргэлж сорилт бэрхшээл, зовлон зүдгүүрийг алга болгодоггүй гэж та нар бодож байна вэ?
Үр дүн нь ямар ч байсан Түүний тааллыг бусад хүнд хэцүү нөхцөл байдлаас дээгүүрт тавихад танд юу тусалдаг вэ?

“Бүү тэвдэн сандар”

Суралцагчийн тайлбар нь хичээлийг айдсын тухай ярилцахад чиглүүлбэл “Be Not Troubled” (4:30) видеог үзүүлэхийг бод. Бурхан бидэнд айдсаа даван туулахад хэрхэн тусалж болохыг олж мэдэхийг суралцагчдаас хүс. Дараа нь суралцагчдыг айдсаа даван туулахад Бурхан хэрхэн тусалсан талаар хуваалцахад урь.

4:31