Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Гэтлэл 5–6: Үр дагавраас үл хамааран Их Эзэний тааллыг гүйцэлдүүлэх

“Гэтлэл 5–6: Үр дагавраас үл хамааран Их Эзэний тааллыг гүйцэлдүүлэх,” Хуучин Гэрээний семинарын багшийн гарын авлага (2026)

“Гэтлэл 5–6: Үр дагавраас үл хамааран Их Эзэний тааллыг гүйцэлдүүлэх,” Хуучин Гэрээний семинарын багшийн гарын авлага

40-р хичээл: Гэтлэл 1–6

Гэтлэл 5–6

Үр дагавраас үл хамааран Их Эзэний тааллыг гүйцэлдүүлэх

The Old Testament prophet Moses and his brother Aaron standing in the Court of the Pharaoh of Egypt. Moses and Aaron are petitioning for the release of the Israelites from bondage. A guard is standing by the Pharaoh.

Их Эзэн Израилыг Египетийн боолчлолоос чөлөөл хэмээн Мосег дуудсаны дараа Мосе Фараонаас Их Эзэний хүмүүсийг явуулахыг хүсэв. Фараон татгалзаж, оронд нь израилчуудыг улам их дарамтлах болжээ. Фараоны хариултыг хүлээн зөвшөөрөлгүй Мосе Их Эзэний түүнээс хүссэн зүйлийг үргэлжлүүлэн хийв. Энэ хичээл нь Их Эзэний амлалтууд үр дагавар шууд гарах эсэхээс үл хамааран Түүний тааллыг гүйцэлдүүлэхэд суралцагчдыг урамшуулж чадна гэдгийг олж харахад тэдэнд тусална.

Суралцагчийн бэлтгэл: Дараах асуултад өгсөн хариултаа ангид хуваалцахад бэлэн ирэхэд суралцагчдыг урь. Есүс Христийг дагах нь таны амьдралыг илүү амар хялбар болгодог уу аль эсвэл хүнд хэцүү болгодог уу?

Боломжит суралцах үйл ажиллагаа

Есүс Христийг дагах

Хэн нэгэн дараах асуултыг тавибал хэрхэн хариулахаа бодоход суралцагчдыг урь.

Есүс Христийг дагах нь та нарын амьдралыг илүү амар хялбар болгосон уу аль эсвэл илүү хүнд хэцүү болгосон уу?

Энэ асуултыг авч ярилцахын тулд та самбарт Илүү амар хялбар ба Илүү хүнд хэцүү гэсэн гарчгийг бичээд, суралцагчдын өгсөн шалтгааныг зохих гарчгийн доор жагсааж бич. Хэдэн суралцагчаар хариултыг нь тайлбарлуул.

Мосе Фараонаас израилчуудыг чөлөөлөхийг хүссэн

Гэтлэл 5–7-д Мосе болон израилчууд Аврагчийг дагах нь амьдралыг амар хялбар болгох уу аль эсвэл хүнд хэцүү болгох уу гэж бодсон байх гэдгийг та онцолж болох юм. Гэтлэл 5–7-ийн хам сэдвийг ойлгоход нь суралцагчдад туслахын тулд 39-р хичээл: “Гэтлэл 2–4”-өөс Мосе болон Израилын хөвгүүдийн тухай санаж байгаа зүйлсээ хуваалцахад тэднийг урь. Шаардлагатай бол дараах тоймыг уншихад нэг суралцагчийг урь.

Израилын хөвгүүд олон үеийн турш египетчүүдэд боолчлогдож байсан. Их Эзэн хүмүүсийнхээ хашхирааныг сонсоод, тэднийг боолчлолоос чөлөөлөхийн тулд Мосег дуудав (Гэтлэл 3:9–10-ыг үзнэ үү).

Гэтлэл 5:1–2-ыг уншаад, Мосе, Аарон хоёр Их Эзэний айлдсан ямар зүйлийг Фараонд хэлснийг олж мэд.

Фараон юу гэж хариулсан бэ?

“Их Эзэн гэж хэн юм бэ?” гэсэн Фараоны хариултыг самбарт бич. Яагаад энэ асуултад өөрсдөө хариулах нь чухал болохыг суралцагчдаас асууж болно. Хичээлийн дараагийн хэсэгт энэ асуултыг авч үзнэ.

Фараон уурлаж, израилчуудын өдөр тутмын ажлын ачааллыг нэмэгдүүлэн тэдний амьдралыг улам хэцүү болгов (Гэтлэл 5:6–9, болон 8a зүүлт тайлбар, 15–19-ийг үзнэ үү). Израилчууд Мосе, Аарон хоёрт ачаа дарамт нь нэмэгдсэн талаар дургүйцлээ илэрхийлжээ (Гэтлэл 5:20–21-ийг үзнэ үү).

Хэрвээ Мосегийн оронд байсан бол та нарт ямар санагдах байсан бэ?

Гэтлэл 5:22–23-ыг уншаад, Мосегийн Их Эзэнд хэлсэн үгийг хэрхэн нэгтгэн дүгнэхээ талаар бод.

Гэтлэл 5:22–23 дээрх Мосед ямар байсныг бид хэрхэн ойлгож болох вэ?

Суралцагчид Их Эзэнд дуулгавартай байсны дараа адислалуудаа тэр даруй олж харахгүй байх үед ямар мэдрэмж төрдөг талаар хуваалцаж болох юм. Тэдний хариулт, мэдрэмжийг хүлээн зөвшөөр.

Дараах өөрийгөө үнэлэх үнэлгээг үзүүлээд, хариултынхаа талаар тунгаан бодоход суралцагчдыг урь.

Дараах өгүүлбэрийг мэдрэмжийг тань хамгийн сайн илэрхийлэх байдлаар гүйцээж бич. Та нар нэгээс илүү хариулт сонгож болно.

Тэнгэрлэг Эцэг, Есүс Христ хоёрт дуулгавартай байсны дараа тэр даруй адислалуудыг олж харахгүй байх үед надад … мэдрэмж төрдөг.

Энэ өөрийгөө үнэлэх үнэлгээнд түлхэц өгөх нь суралцагчдад тустай гэж үзвэл та тэдэнд сонгоход нь зориулж дараах үгсээс заримыг нь самбарт бичиж болно. Үүнд:Цөхөрсөн, самгардсан, уурласан, урам хугарсан, шийдэмгий, итгэл найдвар төрүүлсэн, өөртөө итгэлтэй, амар тайван. Тэд мөн ийм нөхцөл байдалд юу хийхээ нэмж болно.

Өнөөдөр та нар үргэлжлүүлэн суралцах явцдаа, хэдий хүнд хэцүү байж, адислалууд нь тэр даруй ирэхгүй байсан ч Есүс Христийг дагахад танд туслах үнэнийг олж мэд. Та нарын хувийн нөхцөл байдалд тусалж болох Ариун Сүнсээс ирэх мэдрэмжид анхаарлаа хандуул.

Их Эзэний амлалт

Суралцагчид дараах судрын хэсгүүдийг уншихдаа Их Эзэний Өөрийгөө дурдсан бүх мэдэгдлийг зурж тэмдэглэхэд тэднийг урь (Би, Би бол, Би тэгнэ болон Надад байна гэх мэтээр эхэлсэн мэдэгдлүүд). Судар дээр зурж тэмдэглэх нь сурч мэдсэн чухал ойлголт, үнэнүүдийг олж харж, мартахгүй байхад суралцагчдад тусална.

Гэтлэл 6:1–8, 7:1–2, 5-ыг уншаад, Их Эзэн Өөрийн талаар Мосед юу заасныг олж мэд.

Мосед өгсөн амлалтуудаас нь Их Эзэний талаар та нар юу мэдэж авч байна вэ?

Суралцагчид хариултаа самбар дээрх “Их Эзэн гэж хэн юм бэ?” гэсний доор бичиж болно. Суралцагчдын хариултад дараах жагсаалт орсон байж болно. Үүнд:

Тэр бол Төгс Хүчит Бурхан (6:2–3)

Тэр амлалтуудаа санаж, биелүүлдэг (6:3–5)

Тэр израилчуудыг боолчлолоос чөлөөлж (6:6; 7:5), Канаан нутгийг тэдэнд өгч (6:4, 8), тэдний Бурхан болно (6:7) гэж амласан.

Их Эзэний тааллыг үргэлжлүүлэн гүйцэлдүүлэх

Дээр үзсэнээр Мосед ямар мэдрэмж төрж байсныг эргэн сана. Гэтлэл 7:6-г уншаад, Их Эзэнээс суралцан, Түүний амлалтуудыг сонссоны дараа Мосе, Аарон хоёр юу хийснийг тэмдэглэ.

Хэрэв та нар Мосегийн оронд байсан бол Их Эзэний аль амлалт та нарыг Фараон руу буцаж очиход туслах байсан бэ? Яагаад?
Бид Мосегийн туршлагаас ямар үнэнийг мэдэж авч болох вэ?

Суралцагчид өөрсдийн үгээр дараахтай төстэй үнэнийг тодорхойлж болно. Бид Их Эзэнд болон Түүний амлалтуудад итгэх үедээ хэдийгээр үр дагаврыг нь тэр даруй олж харахгүй байсан ч Түүнд итгэж, дагаж чадна

Энэ үнэн тэдэнд тулгарч болох нөхцөл байдалд хэрхэн хамаатай болохыг ойлгоход нь суралцагчдад туслахын тулд дараах мэдэгдлийг хуваалц. Суралцагчид өөрсдийн хүсэлтээр догол мөр бүрийг ангийнхандаа чанга уншиж өгч болно.

Арван хоёр төлөөлөгчийн чуулгын ахлагч Д.Тодд Кристоффэрсон Их Эзэний амласан адислалуудыг хүлээж байх үед хэрхэх тухай чухал зөвлөгөөг бидэнд өгсөн юм.

13:17

Зарим хүн Бурханд дуулгавартай байх нь тогтсон цаг хугацаанд тодорхой үр дүнд хүргэдэг хэмээн Түүний амлалтуудыг андуурч ойлгодог. “Бүрэн цагийн номлолд хичээнгүйлэн үйлчилбэл Бурхан намайг аз жаргалтай гэрлэлт, үр хүүхдээр адисална.” “Хүндэтгэлийн өдөр хичээл хийхгүй бол Бурхан намайг сайн дүнгээр адисална.” Эсвэл “аравны нэгээ төлбөл Бурхан намайг хүссэн ажлаар минь адисална” гэж тэд боддог байж болно. … Бид Бурханы төлөвлөгөөг эхлээд (1) хүссэн адислалаа сонгоод, дараа нь (2) шаардлагатай сайн үйлсийн нийлбэр дүнг оруулан, эцэст нь (3) захиалгыг нэн даруй хүргэдэг автомат машин гэж бодож болохгүй.

Бурхан үнэхээр бидний хүн нэг бүртэй байгуулсан гэрээ, амлалтууддаа хүрнэ. Үүнд бид санаа зовох шаардлагагүй. Есүс Христийн цагаатгагч хүч нь Бурхан амлалтуудаа биелүүлдэг бөгөөд биелүүлэх ч болно гэдгийг батлан харуулдаг. Түүний хуулиудыг хүндэлж, дагах нь чухал ч тэдгээрт дуулгавартай байхад тулгуурлагдсан адислал бүхэн бидний хүлээлтийн дагуу бүтээгдэж, бидний хүссэн цаг хугацаанд багтах боломжгүй. Бид хамгийн сайнаараа үйлдээд, материаллаг болон сүнслэг адислалуудын зохицуулалтыг Түүнд даатгах учиртай. (“Бидний Бурхантай харилцах харилцаа,” Лиахона, 2022 оны 5-р сар, 78)

Энэ мэдэгдлээс юу нь та нарын анхаарлыг татсан бэ?

Их Эзэний талаар сурсан нэг зүйл бол Тэр амлалтуудаа санаж, биелүүлдэг явдал юм гэдгийг суралцагчдад сануул (Гэтлэл 6:3–5-ыг үзнэ үү).

Их Эзэн Мосед амласан амлалтуудаа биелүүлсэн гэдгийг тайлбарла (Гэтлэл 20:2; Дэд хууль 7:6; 14:2; Иошуа 24:5–7, 13-ыг үзнэ үү). Хэрэв танд хангалттай цаг байвал та дээрх эшлэлүүдийг самбарт бичээд, амлалт болон хэрхэн биелүүлсэн зэргийг нь суралцагчдаар тохируулуулж болно.

Их Эзэн Өөрийн амлалтуудыг ахин дахин хэлж, Өөрийнхөө талаар Мосед заасан шиг бид ч мөн Их Эзэний бидэнд өгсөн амлалтуудыг тодорхойлох замаар Түүнийг илүү сайн мэдэж авч чадна. Эдгээр амлалтыг эргэн харах нь үр дагаврыг тэр даруй хүлээж авахгүй байсан ч Түүнийг дуулгавартай дагахад бидэнд тусална.

Судруудаас эсвэл Их Эзэний сонгосон үйлчлэгчдийн сүүлийн үеийн сургаалуудаас Түүний та нарт өгсөн гурван амлалтыг олж тодорхойл. Та нар дараах эх сурвалжуудаас амлалтуудыг олж болох юм. Үүнд:

Төгс эзэмших сургаалын судрын хэсгүүд эсвэл бусад судар
Өсвөр үеийнхний бат бөх байдлын төлөө: Сонголт хийхэд туслах хөтөч
Саяхны Ерөнхий чуулган дээрх хэлсэн үгс гэх мэт.

Хангалттай цаг гаргаж өгсний дараа хүсвэл зарим амлалтыг судалж байхдаа сурсан эсвэл мэдэрсэн зүйлээ хуваалцахад суралцагчдыг урьж болно. Шууд үр дагаврыг харах эсэхээс үл хамааран Их Эзэнд үргэлжлүүлэн итгэхэд суралцагчдыг урамшуулан дэмж.

Нэмэлт эх сурвалж

Эрэлхийлж буй адислалаа олж харахгүй байж би хэрхэн тэр даруй адислагддаг вэ?

Залуу эмэгтэйчүүдийн ерөнхий ерөнхийлөгчийн зөвлөлийн Андреа Муньоз Спаннаус эгч ийн тайлбарласан.

Өөрсдийн итгэл үнэмшил, эрэлхийлж буй адислалаа хүлээж авна гэсэн итгэлээсээ зууран барихыг сонговол Тэнгэрлэг Эцэг, Есүс Христ хоёр та нартай үргэлж хамт байдгийг харах болно. Үргэлж. Эрэлхийлж буй тодорхой адислалууддаа хараахан хүрэх боломжгүй байсан ч бид Түүний амлалтуудад найдаж болно. Бид хүлээж байхдаа ч итгэлтэй хэвээр байж чадна. (“How Can We Continue to Have Faith When Promised Blessings Don’t Seem to Come?” YA Weekly, Apr. 29, 2022, ChurchofJesusChrist.org)

Дуулгавартай байгаад ч адислал ирэхгүй байгаа юм шиг санагдах үед би юу хийж болох вэ?

Арван хоёр төлөөлөгчийн чуулгын ахлагч Дэйл Г.Рэнланд ийн хуваалцсан.

15:10

Хүссэн адислалаа Бурханаас хараахан аваагүй байгаа бол та өөр юу хийх хэрэгтэйгээ бодон санаа зовох хэрэггүй. Харин “[өөрийн] хүчинд байгаа бүх зүйлийг хөгжил хөөртэйгөөр хийцгээе; мөн тэгээд … бат итгэлтэйгээр бат зогсож … [Бурханы] гар … илчлэгдэхийг [харна]” [Сургаал ба Гэрээ 123:17] гэсэн Иосеф Смитийн зөвлөгөөг анхаар. Зарим адислал хожим өгөгдөхөөр хадгалагддаг бөгөөд Бурханы хамгийн итгэлтэй хүүхдүүдийн хувьд ч тийм байдаг. (“Ерөөл олшрох нь,” 2019 оны 4-р сарын Ерөнхий чуулган, 85)

Есүс Христийн дагалдагч байх нь юуг шаарддаг вэ?

Арван хоёр төлөөлөгчийн чуулгын ахлагч Жэффри Р.Холланд ийн тайлбарласан.

13:6

Есүс Христийн дагалдагч байхын тулд хүн заримдаа аливаа ачааг үүрч … золиослол гаргах шаардлагатай, зовлон зүдгүүртэй замаар явах ёстой болдог. Жинхэнэ Христэд итгэгч хүн зөвхөн өөрийн санаанд нийцсэн замаар Багшийг дагадаггүй. Үгүй. Бид газар бүрд, шаардлагатай бол нулимс, бэрхшээлээр дүүрсэн талбарт, заримдаа бүр ганцаархнаа зогсоод ч хамаагүй Түүнийг дагадаг. (“Загалмайд өргөгдсөн,” Лиахона, 2022 оны 11-р сар, 78)

Нэмэлт суралцах үйл ажиллагаа

Хичээлийг эхлүүлэх өөр хувилбар

Өөрсдийн амьдрал, Гэтлэл 5–6-ийн хоорондох холбоог харахад нь суралцагчдад туслахын тулд дараах асуултаар хичээлийг эхлүүл.

Та нарын амьдралд агшин зуур сэтгэл ханамж авах эсвэл хүссэнээ тэр даруй авч, хийж болдог зүйлүүдийн ямар жишээ байна вэ?

Та Тэргүүн зөвлөлийн ерөнхийлөгч асан Дийтр Ф.Угдорфын дараах мэдэгдлийг хуваалцаж болно.

Бид түргэн хоол идэж, нүд ирмэх зуур и-мэйл, текст бичиж, хүссэн киногоо тэр даруйд үзэж болдог эсвэл аар саар болон гүнзгий нухацтай асуултад алга эргүүлэхийн хооронд хариу авч болдог дэлхийд аж төрж байна. Бид хүлээх дургүй. Хүнсний дэлгүүрт хүлээж байгаа дараалал бусдынхаас удаан урагшилж байвал зарим хүний даралт ихэсдэг. (“Тэвчээрээр үргэлжлүүл,” 2010 оны 4-р сарын Ерөнхий чуулган, 67)

Хүсэж буй зүйлээ авах энэ арга нь Бурханаас адислал хүлээж авахтай юугаараа төстэй эсвэл ялгаатай вэ?
Бурханаас бидний эрэлхийлдэг тэр даруй ирэхгүй байж болох адислалуудын зарим жишээ юу вэ?
Бурханаас эрэлхийлсэн адислалуудаа тэр даруй хүлээн авахгүй байх нь бидэнд ямар арга замаар ашигтай байж болох вэ?

Эцэгийнхээ тааллыг гүйцэлдүүлсэн Аврагчийн үлгэр жишээ

Үр дагавар ямар байхаас үл хамааран Тэнгэрлэг Эцэгийн тааллыг үнэнчээр дагадаг Аврагчийн үлгэр жишээнээс суралцагчид суралцаж болно. Суралцагчид 3 Нифай 27:13-ыг уншаад, Аврагч юуны учир энэ дэлхийд ирснийг олж тодорхойлж болно. Богино хугацааны сөрөг үр дагавраас үл хамааран Аврагч Эцэгийн тааллыг гүйцэлдүүлсэн гэдгийг харуулсан судрын жишээнүүдийг бодоход суралцагчдыг урь. Зарим боломжит жишээнд Марк 3:1–6; 11:15–18; Лук 22:41–44; Иохан 11:43–53; 1 Нифай 19:9–10 зэрэг нь орно.

Аврагчийн үлгэр жишээнээс юу нь онцгой санагдаж байгаа талаар хуваалцахыг суралцагчдаас хүс. Та мөн Бурханы тааллыг дагахад хэцүү байх үед Аврагчийн үлгэр жишээг санах нь бидэнд хэрхэн тусалж болох талаар ярилцаж болно.

Тэнгэрлэг Эцэгийн тааллыг гүйцэлдүүлсэн бусад жишээ

Хэцүү үед ч гэсэн Мосегийн адилаар Их Эзэний тааллыг гүйцэлдүүлэхэд үнэнч хэвээр байсан хүмүүсийн бусад жишээг судлах нь суралцагчдад ашиг тустай бол та самбарт Египетийн Иосеф, Нифай, Абинадай, Иосеф Смит гэх мэт нэрсийг (эсвэл таны бодож буй өөр нэрсийг) бичиж болно.

Зөв зүйл хийхэд хэцүү мэт санагдах үед нь энэ хувь хүмүүсээс сурсан, тус болж болох зүйлээ суралцагчид хуваалцаж болно.

Сүмийн сэтгүүлийн нийтлэл

Үр дагавар шууд гарах эсэхээс үл хамааран Их Эзэний тэднээс хийхийг хүссэн зүйлийг итгэлтэйгээр хийдэг хүмүүсийн орчин үеийн жишээг харахад нь суралцагчдад туслахын тулд дараах хоёр нийтлэлийн нэгийг эсвэл хоёуланг тэдэнд уншуулаарай.

“My Struggle with Anxiety at Church.” 17 настай залуу эмэгтэй сэтгэл түгшүүртэй ч сүмд үргэлжлүүлэн явж байгаа туршлагаасаа хуваалцжээ.
“Living ‘as though’ God’s Promises Have Been Fulfilled.” Бидний амьдралд тодорхой амлалтууд хараахан биелээгүй байхад итгэлтэй урагшлахад туслах гурван санааг нэгэн ганц бие залуу хуваалцжээ.