Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Genesisy 37–41: “Ary Jehovah nomba an’ i Josefa”

“Genesisy 37–41: -Ary Jehovah nomba an’i Josefa,-” Testamenta Taloha: Boky torolalana ho an’ny mpampianatra seminera (2026)

“Genesisy 37–41: -Ary Jehovah nomba an’i Josefa,-” Testamenta Taloha: Boky torolalana ho an’ny mpampianatra seminera

Genesisy 37–41:Lesona 33

Genesisy 37–41

“Ary Jehovah nomba an’i Josefa”

Na dia namidy toy ny andevo, nendrikendrehina tamin’ny zavatra tsy nataony ary nogadraina aza i Josefa, dia niaina tamin’ny fahamarinana sy nampihatra finoana an’Andriamanitra izy. Vokatr’izany dia nitahy sy nanampy azy tamin’ny fitsapana nahazo azy ny Tompo. Ity lesona ity dia afaka manampy ny mpianatra hanana fanantenana fa azon’Andriamanitra ampiasaina hitahiana ny fiainany ny fitsapana lalovany.

Fanomanana ny mpianatra: Asao ny mpianatra hieritreritra ireo fitsapana na fanamby natrehiny na mety hatrehiny. Entano izy ireo ho tonga ao an-dakilasy efa vonona ny hizara ny fomba ahafahan’ny Tompo na efa nampiasan’ny Tompo izany fanamby izany mba hitahiana ny fiainan’izy ireo.

Sahanasa fianarana azo atao

Angano momba ny ampondra

Mampisehoa sarin’ampondra eo am-pamakian’ny mpianatra iray ity andiam-pehezan-teny manaraka ity.

Mitantara ampondra iray nilatsaka tao anaty lavaka ilayangano. Nitaraina sy niantsoantso izy satria natahotra sady voafandrika. Rehefa avy nitady fomba hanavotana ilay ampondra ny tompony dia nanomboka nangady tany hanotorana ilay lavaka. Isaky ny nisy ranon-tany eraky ny angady nitontona teo an-damosin’ilay ampondradia vao mainka izy nitaraina.

Alohan’ny anohizana ny tantara dia mety hanampy ny mpianatra ny miato kely sy mieritreritra ilay angano ary mamaly fanontaniana toy ireto manaraka ireto:

Zava-tsoa sa zava-dratsy no fahitanao ilay ranon-tany nampidinina tamin’ny angady? Nahoana?
Maneho inona eo amin’ny fiananao ny angady feno ranon-tany.

Asao ny mpianatra hamaky ny fehin’ilay angano ato amin’ity andiam-pehezan-teny manaraka ity.

Nahilik’ilay ampondra ny ranon-tany tao an-damosiny ka nahatonga ny tany nisavovona tao ambaniny. Naverimberin’ilay ampondra tahaka izany hatrany hatrany ny fanilihana ny ranon-tany ary nohitsahiny ny dongon-tany, mandrapahatongan’ilay ampondra tafakatra ambony tsara mba hahafahany mivoaka ilay lavaka.

Inona no hifandraisan’ity angano ity amin’ny fitsapana sy fanamby avelan’ny Ray any An-danitra lalovantsika?

Asehoy ireto manaraka ireto ary asao ny mpianatra hamita izany samirery.

Eritrereto ireo fotoana teo amin’ny fiainanao izay nandalovanao fitsapana na fotoanam-pahakiviana. Soraty ao anatin’ny diary fandalinanao ny valin-teninao ho an’ny sasany amin’ireto fanontaniana manaraka ireto:

Inona no nataonao manoloana izany zavatra niainana izany?
Nahoana no mety ho sarotra ny mahatsiaro ny Tompo rehefa miantrika fanamby ianao?
Raha jerena amin’ny fomba fijery mibanjina ny mandrakizay, dia ahoana no ahafahan’ny Ray any An-danitra mampiasa ny fanamby atrehanao hitahiana ny fiainanao?

Eo am-pandalinanao ny fiainan’i Josefa androany dia mikatsaha fanambarana avy amin’ny Fanahy Masina hanome anao fanantenana fa afaka mamadika ny fitsapana sarotra ho fitahiana eo amin’ny fiainanao ny Ray any An-danitra sy i Jesoa Kristy.

Topimaso ankapobenymomba ny Genesisy 37–41

Mba hanampiana ny mpianatra hahazo ny fizotran’ny tantara ao amin’ny Genesisy 37–41, dia azonao atao ny mampiseho ireo sary dimy etsy ambany ireo tsy milahatra araka ny tena izy. Afaka miara-miasa mitambatra ny mpianatra rehetra na miara-miasa anaty vondrona kely maromaro mba hamerenana ny sary araka ny filaharany ao amin’ny tantara. Azonao atao avy eo ny manentana mpianatra vitsivitsy hampiasa ny sary mba hamintina fohy ny tantara ao amin’ny Genesisy 37–41.

Azon’ny mpianatra atao ny mampiasa ny famintinana eo ambanin’ny sary tsirairay na eo ambanin’ny lohatenin’ny toko mba hanampy azy ireo hamintina na hanamarina ny filaharan’ny sary.

Fony mbola 17 taona i Josefa dia nialona ny fitiavan’i Jakoba rainy azy mihoatra ny hafa ny rahalahiny. Halan’izy ireo i Josefa noho ny fitantarany ny nofiny momba azy ireo hiankohoka eo anatrehany any aoriana any. Namidin’izy ireo ho toy ny andevo i Josefa tamin’izany fotoana izany (jereo ny Genesisy 37).

Namidy tamin’i Potifara, tandapan’i Faraon’i Egypta i Josefa. Taty aoriana dia tonga mpitantana ny fananan’i Potifara rehetra i Josefa (jereo ny Genesisy 39:1–4).

Nitsiriritra an’i Josefa ny vadin’i Potifara, kanefa tsy nanaiky ny handika ny lalan’ny fahadiovam-pitondrantena i Josefa ka nitsoaka azy. Nanendrikendrika an’i Josefa ho nanao an-keriny azy ny vadin’i Potifara, koa dia nalefa higadra tany am-ponja i Josefa (jereo ny Genesisy 39:7–20).

Raha mbola tao am-ponja i Josefa dia nampahafatatra ny dikan’ny nofin’ny mpanompon’i Farao (Jereo ny Genesisy 40).

Roa taona taty aoriana dia nanofy i Farao nefa tsy azony ny hevitr’izany. Ny iray tamin’ny mpanompon’i Farao, izay nafahana avy tao am-ponja, dia niteny tamin’i Farao fa afaka milaza ny hevitry ny nofy i Josefa. Nilaza tamin’i Farao i Josefa fa maneho fzina sy fito taona hisian’ny mosary izay ho avy tsy ho ela tao Egypta ny nofiny (jereo ny Genesisy 41).

Fitahiana avy amin’ny fitsapana mahazo antsika

Mba hanampiana ny mpianatra hamanatra ireo lesona azontsika ianarana avy amin’ny zavatra niainan’i Josefa dia zarao ho vondrona kely ny mpianatra ary omeo na anehoy ireto torolalana sy fanontaniana manaraka ireto.

Fanamarihana: Ny lesona 34, “Genesisy 39,” dia hifantoka amin’ny lalàn’ny fahadiovam-pitondrantena.

Vakio ireto andinin-tsoratra masina manaraka ireto ahitana ny fomba nanampian’ny Tompo an’i Josefa nandritra ny fitsapana nolalovany.
1. Genesisy 39:1–6 (Taorian’ny namarotan’ny rahalahin’i Josefa azy ho toy ny andevo)
2. Genesisy 39:20–23 (Taorian’ny nandefasan’i Potifara an’i Josefa tao am-ponja)
3. Genesisy 41:14–16, 25–32 (Taorian’ny namoahana an’i Josefa avy tao am-ponja nony farany)
Valio ireto fanontaniana manaraka ireto:
- Inona ny fahamarinana azontsika ianarana avy amin’ny fomba niatrehan’i Josefa ireo olany?
- Nahoana no tsy maintsy niandry taona maro i Josefa vao nahazo ny fitahiana nokasainy?
- Inona no porofo hitanao fa nanampy an’i Josefa tao anatin’ny fitsapana Andriamanitra?
- Ahoana no ahafahan’ny Ray any An-danitra sy i Jesoa Kristy manampy antsika amin’ny fomba mitovy amin’izany rehefa mandalo ady sarotra isika?

Mandehandehana ary henoy ny mpianatra eo ampiadian’izy ireo hevitra momba ny valinteniny ao amin’ny vondrona misy azy. Isaory izy ireo amin’ny fizarana ny zavatra hitan’izy ireo. Ampatsiahivo ny mpianatra fa afaka mampianatra fahamarinana samihafa avy amin’io soratra masina io ny Fanahy Masina. Ny fampatsiahiavana momba ity lesona ity dia hifantoka amin’ny fahamarinana fa raha mahatoky isika dia azon’Andriamanitra ampiasaina mba hitahiana ny fiainantsika sy ny an’ny hafa ny fitsapana lalovantsika.

Vakio ny Genesisy 41:37–45, ary jereo ny porofo manamarina ny fomba nampiasan’Andriamanitra ny fitsapana nahazo an’i Josefa mba hitahiana azy sy ny hafa.

Tamin’ny fomba ahoana no nitahian’i Tompo an’i Josefa sy ny hafa tamin’ny alalan’ny fitsapana nolalovany?

Mametraha fanontaniana izay afaka manampy ny mpianatra hianantra momba ny herin’Andriamanitra sy ny famindram-pony avy amin’ilay fahamarinana nampianarina. Ireto fanontaniana manaraka ireto dia ohatra azonao ampiasaina. (Raha mila fitaovana fampiofanana fanampiny hanampiana ny mpianatra hianatra momba ny fitiavan’ny Tompo, ny heriny sy ny famindram-pony dia jereo ny “Ampio ny mpianatra hamantatra ny fitiavan’ny Tompo sy ny heriny ary ny famindram-pony eo amin’ny fiainan’izy ireo” ao amin’ny Fahaiza-manao ho fampivoarana ny mpampianatra.
Araka ny hevitrao dia inona no mety ho tian’i Josefa ho fantatrao mikasika ny Tompo taorian’ny zavatra nolalovany?
Ahoana no ahafahan’ny fitsapana manamafy ny fifandraisantsika amin’ny Ray any An-danitra sy i Jesoa Kristy?

Vakio ny Fotopampianarana sy Fanekempihavanana 90:24 sy ity teny manaraka nolazain’ny Loholona Dieter F. Uchtdorf ao amin’ny Kôlejin’ny Apôstôly Roambinifolo ity. Jereo ny fomba ifandraisan’izany amin’i Josefa sy ireo olona rehetra mandalo fitsapana sy olana.

Mijoro ho vavolombelona aho fa na dia misy fotoana aza isika mety hahatsapa ho tototr’ireo fitsapan’ny fiainana na voahodidin’ny olana ara-pihetseham-po, ny fitiavan’ Andriamanitra sy ireo fitahian’ny filazantsaran’i Jesoa Kristy tafaverina amin’ny laoniny dia hampitranga zavatra tsy takatry ny saina. (“Hanao zavatra tsy takatry ny saina Andriamanitra,” Liahona, nôv. 2020, 52)

Inona no ifandraisan’ny Fotopampianarana sy Fanekempihavanana 90:24 sy ny teny nambaran’ny Loholona Uchtdorf amin’i Josefa? Aminao?

Ohatra amin’izao vaninan’andro misy antsika izao

Eritrereto ny zavatra niainanao na ny hafa rehefa hitanao nampiasa ireo fitsapana nolalovanao ny Ray any Aan-danitra mba hitahiana ny fiainanao. Valio ao anatin’ny diary fandalinanao soratra masina ny roa amin’ireto fanontaniana manaraka ireto farafahakeliny:

Ahoana no nahitanao ny Ray any An-danitra nampiasa fitsapana mba hitahiana ny fiainan’ireo olona fantatrao? Inona no nianaranao tamin’ireny olona ireny?
Raha misy olona mandalo fitsapana sarotra amin’izao fotoana izao, dia inona no tianao ho fantatr’izy ireo mikasika ny Ray any An-danitra sy i Jesoa Kristy?
Inona no nanampy anao hitoetra ho mahatoky tamin’Andriamanitra nandritra ireo fitsapana nianjady taminao teo amin’ny fiainanao?

Azo atao ny manasa ny mpianatra hizara ny zavatra niainany sy ny fihetse-pony mikasika ny Mpamonjy.

Loharanom-pitaovana fanampiny

Ahoana no hanampian’ny fanantenako ao amin’i Jesoa Kristy ahy amin’ny ady sarotra lalovako?

Nampianatra toy izao ny Filoha Dieter F. Uchtdorf, izay tao amin’ny Fiadidiana Voalohany tamin’izany:

18:49

Manantena an’i Jesoa Kristy isika, ny fahatsaran’ Andriamanitra, amin’ny fisehoan’ny Fanahy Masina, ary amin’ny fahafantarana fa misy mihaino sy mamaly ny vavaka. Koa satria Andriamanitra dia mahatoky hatrany ary mihazona hatrany ny fampanantenany tany aloha, dia afaka manantena amim-pahatokiana isika fa hitazona ny fampanantenana ataony amintsika Andriamanitra ankehitriny sy amin’ny ho avy. Ao anatin’ny fotoam-pahoriana isika dia afaka mifikitra mafy amin’ilay fanantenana fa “[hiara-hiasa] ny zava-drehetra ho tombontsoan[tsika]” (Fotopampianarana sy Fanekempihavanana 90:24) raha manaraka ny torohevitr’ireo mpaminanin’ Andriamanitra isika. Io karazana fanantenana ao amin’Andriamanitra io, amin’ny fahatsarany sy amin’ny heriny dia manome aina antsika ho marisika mandritra ireo fanamby sarotra ary manome hery ireo izay mahatsapa ho voatohintohin’ny rindrin’ny tahotra sy fisalasalana ary ny hakiviana. (“Ny hery tsy manam-petran’ny fanantenana,” Liahona, nôv. 2008, 23)

Inona no azoko atao mba hanamafisako orina ny finoako ao anatin’ny ady sarotra?

Nanazava Rahavavy Michelle D. Craig izay efa tao amin’ny Fiadidian’ny Zatovovavy maneran-tany teo aloha:

11:16

Rehefa mitranga ny fotoan-tsarotra dia miezaka mahatsiaro aho fa izaho dia nisafidy ny hanaraka an’i Kristy talohan’ny nahatongavako teto an-tany, ary ireo fanamby eo amin’ny finoako sy ny fahasalamako ary ny faharetako dia ampahany amin’ny antony maha eto ahy avokoa. Ary tena tsy tokony hieritreritra mihitsy aho hoe ny fitsapana mahazo ahy ankehitriny dia lasa hampanontany tena mahakasika ny fitiavan’ Andriamanitra ahy, na koa hamela izany hamadika ny finoako Azy ho lasa ahiahy. Ny fisian’ny fitsapana dia tsy midika hoe tsy mahomby ilay drafitra. Tafiditra ho isan’ilay drafitra natao hanampy ahy hikatsaka an’ Andriamanitra izy ireny. Miha-mitovy kokoa Aminy aho rehefa maharitra amim-paharetana ary, enga anie aho ho tahaka Azy, ka hivavaka mafimafy kokoa, rehefa fadiranovana. (“Amin’ny fo manontolo,” Liahona, nôv. 2022, 61–62)

Ahoana no ahafahan’ny Ray any An-danitra mitahy ahy ao anatin’ny fitsapana lalovako?

Nampianatra ny Filoha Thomas S. Monson (1927–2018) hoe:

18:16

Fantatsika fa hisy fotoana izay hiainantsika alahelo mahavaky fo, sy hijaliantsika ary mety hitsapana mihitsy ny fetra zakantsika aza. Kanefa ny olana toy izany dia manome fahafahana antsika hivoatra, sy hanitsy ny fiainantsika araka ny fomba nampianarin’ny Raintsika any an-danitra ary ho lasa tsy hitovy amin’ilay isika teo aloha isika—olona tsara kokoa noho ny teo aloha, mahataka-javatra bebe kokoa noho ny teo aloha, mahay maneho fitiavana kokoa noho ny teo aloha ary manana fijoroana ho vavolombelona matanjaka kokoa noho ny teo aloha. (“Tsy handao na hahafoy anao Aho,” Liahona, nôv. 2013, 87)

Sahanasa fianarana fanampiny

Ny fiainan’i Josefa dia fanehoana an’ohatra an’i Jesoa Kristy

Mba hanampiana ny mpianatra hahita fomba maha-fanehoana an’ohatra an’i Jesoa Kristy ny fiainan’i Josefa dia asehoy ny tabilao eo ambany ka ny andian-tsoratra masina ihany no haseho. Azonao atao ny mizarazara ny mpianatra hiaraka tsiroarao mba hiara-miasa avy eo. Samy afaka maka tsanganana samihafa ao amin’ny tabilao ny mpiara-miasa tsirairay, mamaky ny andinin-tsoratra masina, ary mijery ny fitovizana eo amin’ny fiainan’i Josefa sy ny an’i Jesoa Kristy. Manampy ny mpianatra hahalalim-paka ny fahatakarany momba ny fiainana sy ny iraka nampanaovina an’i Jesoa Kristy ny fahitana ireo fitovizana ireo.

Fanamarihana: Ao amin’ny sahanasa fianarana fanampiny ao amin’ny Lesona 35: “Genesisy 42–46,” dia ahitana sahanasa mitovy amin’izany izay mampiseho ny fomba hanohizan’ny fiainan’i Josefa maneho an’ohatra an’i Kristy raha namela ny helok’ireo rahalahiny sy namonjy ny fianakaviany izy.

Josefa tany Egypta	Jesoa Kristy
Josefa tany Egypta Genesisy 37:3 (Tian’ny rainy fatratra)	Jesoa Kristy Matio 3:17
Josefa tany Egypta Genesisy 37:4 (Halan’ny sasany tamin’ireo rahalahiny)	Jesoa Kristy Isaia 53:3; Jaona 1:11
Josefa tany Egypta Genesisy 37:6–7 (Fantany fa indray andro dia hiankohoka eo anatrehany ny fianakaviany)	Jesoa Kristy Romana 14:11
Josefa tany Egypta Genesisy 37:26–28 (Namadika azy hahazoam-bola ireo olona akaiky azy)	Jesoa Kristy Matio 26:14–16

Fankahalana sy fitsiriritana

Ny tantaran’i Josefa dia afaka manampy ny mpianatra hahatakatra ny vokatry ny fankahalana sy ny fitsiriritana ny hafa. Afaka manontany ny hevitry ny mpianatra ianao ny amin’ny antony heverin’izy ireo fa nahatonga ny rahalahin’i Josefa hivarotra azy ho andevo tany Egypta. Afaka mamaky ny Genesisy 37:4–5, 8, 11 izy ireo avy eo ary mitadysy manisy marika ireo teny manoritsoritra ny zavatra tsapany momba an’i Josefa.

Azonao atao avy eo ny mampiseho azy ireo ny “Ireo Mpiasa ao amin’ ny Tanimboaloboka” manomboka eo amin’ny minitra faha-4:49 ka hatramin’ny 5:44 ary mihaino ny fampianaran’ny Filoha Jeffrey R. Holland ao amin’ny Kôlejin’ny Apôstôly Roambinifolo mikasika ny fankahalana sy ny fitsiriritana.

15:23

Azonao atao ny manasa ny mpianatra hampitaha ireo zokilahin’i Josefa tany Egypta amin’i Hyrum zokilahin’i Joseph Smith, ary i Samy zokilahin’i Nefia. I Hyrum sy i Samy dia zokilahy nanaiky sy nanaraka tamim-panetrentena ny torolalana nomen’ny zandriny.

Afaka misaintsaina fomba mety ahatonga azy ireo ho azon’ny fankam-panahy hankahala na hitsiriritra ny mpianatra ary ny fomba mety ahafahan’ny Mpamonjy manampy azy ireo hanohitra izany fihetseham-po izany.