Վարդապետության սերտման վարժություն 2

Կարող եք առաջարկել ուսանողներին խորհել մի դեպքի մասին, երբ նրանք դժվարացել են սովորել կամ անել որևէ նոր բան: Օրինակները կարող են ներառել նոր լեզու սովորելը, նոր գործիքի տիրապետելը կամ սպորտով զբաղվելը: Ուսանողները կարող են կիսվել այն բաներով, որոնք օգնել են իրենց սովորել և հաղթահարել նոր բան սովորելու դժվարությունները: Եթե ուսանողները չնշեն, կարող եք ավելացնել, որ այդ պարագայում մարդուն օգնում է համբերատար լինելը և իր առաջընթացն ուրիշների հետ համեմատելուց խուսափելը:

Բացատրեք, որ դասի այս հատվածում ուսանողները հնարավորություն կունենան խորացնելու իրենց հասկացողությունը վարդապետության սերտման հատվածներից մեկի վերաբերյալ, որը նրանք ուսումնասիրել են այս տարի։ Կարող եք ցուցադրել Հին Կտակարանի վարդապետության սերտման առաջին վեց հղումները և սուրբ գրությունների հիմնական արտահայտությունները, որոնք հասանելի են Վարդապետության սերտման հիմնական փաստաթղթում (2022)։ Առաջարկեք ուսանողներին ընտրել վարդապետության սերտման մի հատված, որը իրենք կցանկանային ավելի լավ հասկանալ։

Այս ուսումնական վարժության համար ուսանողները կարող են աշխատել անհատապես կամ փոքր խմբերով՝ այլ ուսանողների հետ, որոնք ընտրել են նույն հատվածը: Կարող եք ցուցադրել հետևյալ ցուցումները։

Սուրբ գրությունների ուսումնասիրության այս մոդելի համար տես «Analyzing a Passage» տեսանյութը (8:12), որը հասանելի է ChurchofJesusChrist.org. կայքում:

8:12

Եթե ժամանակը թույլ տա, ուսանողները կարող են կիսվել մյուս ուսանողների հետ, թե ինչ են գտել և ինչպես է դա մեծացրել հատվածի իրենց ըմբռնումը: Որպես այլընտրանք, ուսանողները կարող են փորձել բացատրել հատվածի վարդապետությունը դասընկերոջը՝ օգտագործելով լրացուցիչ գաղափարներ, որոնք իրենք ձեռք են բերել ուսումնական վարժության ընթացքում:

Կարող եք խրախուսել ուսանողներին օգտագործել այս մեթոդները սուրբ գրությունների ուսումնասիրության իրենց անհատական ջանքերում:

Դասի մնացած մասը նվիրված է այն նպատակին, որ օգնեք ուսանողներին կիրառել հոգևոր գիտելիքներ ձեռք բերելու սկզբունքները համապատասխան իրավիճակներում: Շարունակելուց առաջ օգտակար կլինի առաջարկել ուսանողներին կրկնել հոգևոր գիտելիքներ ձեռք բերելու սկզբունքները: Կրկնության համար առաջարկվող վարժությունները ներառված են հավելվածի «Վարդապետության սերտման կրկնության վարժություններ» բաժնում: Սկզբունքների նկարագրությունները ներկայացված են «Ձեռք բերել հոգևոր գիտելիքներ» բաժնի 5–12 պարբերություններում՝ Վարդապետության սերտման հիմնական փաստաթղթում (2022)։

Հիշեք, որ վարդապետության սերտման վարժության դասերը նախատեսված չեն նոր բովանդակություն ներկայացնելու համար: Վարդապետության սերտման վարժության դասերը ուսանողներին հնարավորություն են տալիս կրկնել այն, ինչ սովորել են, փորձել բացատրել սովորածը և կիրառել այն համապատասխան սցենարում: Դա կարող է մեծացնել ուսանողների ունակությունը՝ հիշելու և օգտագործելու վարդապետության կարևոր սկզբունքներն իրենց կյանքում:

Որպեսզի օգնեք ուսանողներին սովորել կիրառել հոգևոր գիտելիքներ ձեռք բերելու սկզբունքները, կարող եք ցուցադրել հետևյալ սցենարը: Կարող եք հարմարեցնել սցենարի մանրամասները՝ ավելի լավ համապատասխանեցնելով դասարանի կարիքներին:

Սցենարի փոխարեն կարող եք օգտագործել «Find Answers through Jesus» տեսանյութը (1:04):

1:4

Գրատախտակին ցուցադրեք հոգևոր գիտելիքներ ձեռք բերելու երեք սկզբունքները և ստորև ներկայացվող հարցերը։ Կարող եք ուսանողներին բաժանել փոքր խմբերի՝ քննարկելու սկզբունքները, նաև, թե իրենք ինչպես կարող են տեսողականորեն ներկայացնել դրանք: Առաջարկեք ուսանողներին ստեղծել բրոշյուր կամ պաստառ, որը կարող է օգնել մարդկանց օգտագործել հոգևոր գիտելիքներ ձեռք բերելու սկզբունքները՝ իրենց խնդիրները լուծելու համար: Տրամադրեք նրանց թղթեր և նկարչական պարագաներ: Բրոշյուր պատրաստելու համար ուսանողները կարող են եռակի ծալել թուղթը և թղթի յուրաքանչյուր հատվածի վրա մեկ սկզբունք պատկերել: Խրախուսեք ուսանողներին ստեղծագործ լինել երեք սկզբունքները պատկերելիս:

Անհրաժեշտության դեպքում, հետևյալ հարցերը կարող են օգնել ուսանողներին ավելի լավ հասկանալ, թե ինչպես կիրառել հոգևոր գիտելիքներ ձեռք բերելու սկզբունքները: Հիշեք, որ այս վարժության նպատակն է՝ հնարավորություն տալ ուսանողներին կիսվելու իրենց սովորածով: Քանի որ դուք՝ որպես ուսուցիչ, կարող եք օգնել հեշտացնել նրանց քննարկումները և անհրաժեշտության դեպքում օգնություն ցուցաբերել, արեք հնարավորը, որպեսզի ստեղծեք այնպիսի միջավայր, որտեղ կարող են տեղի ունենալ ուսանողների կողմից վարվող քննարկումներ:

Խրախուսեք ուսանողներին օգտվել Gospel Library հավելվածից՝ գտնելու երեք կամ ավելի աղբյուրներ, որոնք իրենք խորհուրդ կտային Էնդիին ուսումնասիրել: Եթե ուսանողներն օգնության կարիք ունենան սուրբ գրությունների հղումները գտնելու հարցում, կարող եք առաջարկել նրանց հետևյալ հատվածները․ Ծնունդ 12․1–3, Մովսես 1․6, 39, Մովսես 6․26–33 և Աբրահամ 3․22–23։