Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Ծնունդ 15–18, 21. «Տերը արեց … ինչպես որ ասաց»

«Ծնունդ 15–18, 21. «Տերը արեց … ինչպես որ ասաց»», Հին Կտակարան․ Սեմինարիայի ուսուցչի ձեռնարկ (2026)

«Ծնունդ 15–18, 21. «Տերը արեց … ինչպես որ ասաց»», Հին Կտակարան․ Սեմինարիայի ուսուցչի ձեռնարկ

Ծնունդ 18–23․ Դաս 25

Ծնունդ 15–18, 21

«Տերը արեց … ինչպես որ ասաց»

Sarah holds a baby Isaac in her arms. She looks down at him and smiles.

Տերը հավատարիմներին փառահեղ խոստումներ է տվել, բայց երբեմն մեր կյանքի հանգամանքները կարող են ստիպել մեզ մտածել, թե այդ խոստումներն ինչպես է հնարավոր իրականացնել: Աբրահամն ու Սառան հավանաբար այդպես էին մտածում այն բանից հետո, երբ Տերը խոստացավ, որ Սառան երեխա կունենա, երբ նրանք ծեր էին։ Այս դասը կօգնի ուսանողներին մեծացնել իրենց վստահությունն առ այն, որ Տերը կպահի Իր խոստումները:

Հնարավոր ուսումնական վարժություններ

Տիրոջ խոստումները մեզ

Ցուցադրեք հետևյալ սցենարները՝ ցույց տալու համար, թե մարդն ինչու կարող է կասկածնել, թե արդյոք Աստված կպահի Իր խոստումները: Մեկ այլ սցենար տեսնելու համար կարող եք դիտել «Continue in Patience» տեսանյութը (2:41)՝ 1:07-1:55։ Այդ տեսանյութը հասանելի է ChurchofJesusChrist.org կայքում: Կարող եք նաև առաջարկել ուսանողներին ստեղծել իրենց՝ նմանատիպ սցենարները:

2:42

Մի երիտասարդ աղջիկ ընտրել է ազնիվ լինել իր դպրոցական աշխատանքում՝ հավատալով, որ Տերը կօրհնի իրեն: Նա նկատում է, որ իր գնահատականներն ավելի ցածր են, քան մյուս ուսանողներինը, որոնք խաբեություն են անում:
Մի երիտասարդ տղա ստացել է իր հայրապետական օրհնությունը, որտեղ ասվում է, որ նա պետք է ծառայի լիաժամկետ միսիա: Բժշկական զննման ժամանակ բժիշկները հայտնաբերում են, որ նա ունի ֆիզիկական խնդիրներ, որոնք թույլ չեն տա նրան ծառայել:
Մի երիտասարդ աղջիկ որոշեց ստուգել Մորոնիի խոստումը․ նա կարդաց Մորմոնի Գիրքը և աղոթեց՝ իմանալու համար, որ այն ճշմարիտ է: Նա կարծում է, որ պատասխան չի ստացել։ Ի՞նչ հարցեր կարող են ունենալ այս երիտասարդները Աստծո և Նրա խոստումների վերաբերյալ:
- Ի՞նչ հարցեր կարող են ունենալ այս երիտասարդները Աստծո և Նրա խոստումների վերաբերյալ:

Առաջարկեք ուսանողներին հիշել այնպիսի իրավիճակներ, երբ իրենք կամ իրենց ծանոթ մարդիկ դժվարացել են տեսնել, թե ինչպես է Տերը իրականացնելու խոստացված օրհնությունները: Կարող եք ուսանողներին առաջարկել գրել այդ իրավիճակների մասին իրենց ուսումնական օրագրերում։ Ուսանողները կարող են նաև գրել իրենց ունեցած հարցերը։

Խրախուսեք ուսանողներին ջանքեր գործադրել՝ հրավիրելու Սուրբ Հոգուն իրենց ուսման գործընթաց: Վկայեք, որ երբ նրանք դա անեն, Սուրբ Հոգին կարող է օգնել իրենց գտնել այն հարցերի պատասխանները, որ իրենք ունեն, և մեծացնել իրենց վստահությունն առ այն, որ Տերը կկատարի Իր խոստումները:

Տիրոջ խոստումները Աբրահամին և Սառային

Երբ ուսանողներն ուսումնասիրեն են Սառայի և Աբրահամի պատմությունը, օգնեք նրանց սովորել կարդալ սուրբ գրությունները համապատասխան համատեքստում: Հետևյալ պարբերությունը ուսանողներին կծանոթացնի այդ հմտությանը.

Երբ մենք ուսումնասիրում ենք սուրբ գրությունները, օգտակար է հասկանալ համատեքստը (որոշակի հատվածի հետ կապված հանգամանքները կամ նախապատմությունը): Համատեքստը կարող է պարզաբանել և հնարավորություն տալ ավելի խոր հասկանալ սուրբ գրությունների պատմությունները կամ ուսմունքները: Օրինակ՝ Աբրահամի և Սառայի պատմությունն ուսումնասիրելիս օգտակար կլինի իմանալ, որ իր կյանքի մեծ մասը Աբրահամը ցանկանում էր հայր դառնալ (տես Աբրահամ 1.2)։ Բայց երբ նա և իր կինը՝ Սառան մեծացան և դուրս եկան վերարտադրողական տարիքից, թվում էր, որ նրանք իրենց մահկանացու կյանքի ընթացքում երբեք չեն զգա սեփական երեխաներ ունենալու խոստացված օրհնությունները:

Երբ ուսանողները ուսումնասիրեն և քննարկեն իրենց խմբերում, կարող եք մի քանի կամավորների առաջարկել, որ դասարանի հետ կիսվեն իրենց գաղափարներով։ Կարող եք նաև տալ հետևյալ հարցերը․

Ձեր կարծիքով, համատեքստն ինչպե՞ս օգնեց ձեզ հասկանալ այն, ինչ ուսումնասիրում եք:
Ի՞նչ կզգայիք, եթե դուք անեիք այն, ինչ արեցին Աբրահամն ու Սառան այս հատվածներում:

Տերը պահում է Իր խոստումները

Կարդացեք Ծնունդ 21.1–6 հատվածները՝ փնտրելով, թե ինչպես Տերը պահեց Աբրահամին և Սառային տված Իր խոստումները:

Ի՞նչ ճշմարտություններ եք դուք սովորում Տիրոջ մասին այս պատմությունից:

Առաջին Նախագահության նախկին անդամ, նախագահ Դիտեր Ֆ. Ուխդորֆը կիսվել է այն դասով, որ ինքը ստացել է Աստծո խոստումների մասին։

Աստծո խոստումները չեն կատարվում այնքան արագ կամ այնպես, ինչպես մենք ենք ակնկալում. դրանք գալիս են Նրա ժամանակին և Նրա ձևով: («Համբերությամբ շարունակենք», Լիահոնա, մայիս 2010, 58)

Ճշմարտություններից մեկը, որ ուսանողները կարող են բացահայտել, այն է, որ Տերը կատարում է Իր խոստումները Իր ժամանակին և Իր ձևով։

Ինչպե՞ս կարող են մեզ համար օգտակար լինել այն դեպքերը, երբ Տիրոջ խոստումները անմիջապես չեն կատարվում մեր կյանքում:
Ի՞նչ գիտեք Տիրոջ մասին, որը կարող է օգնել ձեզ, երբ սպասում եք Նրա խոստումների կատարմանը:

Ուսանողների համար օգտակար կլինի փնտրել սուրբ գրություններ Տիրոջ մասին, որոնք կարող են օգնել նրանց պատասխանել ներկայացված հարցին: Հնարավոր հատվածներն են․ Հովհաննես 14․18, 1 Նեփի 9․6, Մոսիա 24․14, Վարդապետություն և Ուխտեր 24․8, 68․6։

Փորձառություններ և վկայություններ

Տասներկու Առաքյալների Քվորումից երեց Ջեֆրի Ռ. Հոլլանդը կիսվել է հետևյալ գաղափարներով Տիրոջ խոստացած օրհնությունների մասին.

Որոշ օրհնություններ շուտ ենք ստանում, մյուսները՝ ուշ, մի քանիսն էլ՝ կստանանք երկնքում, բայց նրանք, ովքեր ընդունում են Հիսուս Քրիստոսի ավետարանը, ստանում են դրանք։ («An High Priest of Good Things to Come», Ensign, նոյեմբեր 1999, 38)

Ի՞նչ փորձառություններ եք ունեցել դուք կամ ուրիշները, որ օգնել են ձեզ հավատալ, որ Տերը կպահի Իր խոստումները Իր ձևով և Իր ժամանակին:

Պատրաստեք ուսանողներին վկայել իրենց սովորած կամ զգացած ճշմարտությունների մասին: Կարող եք դա անել՝ ցուցադրելով հետևյալ ցուցումները.

Սուրբ գրությունների ուսումնասիրության ձեր օրագրում կատարեք հետևյալ վարժություններից մեկը․

Խորհեք այն սցենարների մասին, որոնք ներկայացվել էին դասի սկզբին: Նամակ գրեք այդ մարդկանցից մեկին և ներառեք, թե ինչու եք հավատում, որ Տերը կպահի Իր խոստումները:
Գրեք կարճ պարբերություն ձեր օրագրում: Ներառեք այն, ինչ սովորեցիք և զգացիք այսօր, որը կարող է օգնել ձեզ՝ Տիրոջ խոստումների կատարմանը սպասելիս:

Մի քանի պատրաստակամ ուսանողի առաջարկեք դասարանի հետ կիսվել իրենց մտքերով։ Կարող եք ավարտել, կիսվելով ձեր վկայությամբ, որ Տերը կպահի Իր խոստումները:

Լրացուցիչ նյութեր

Ինչպե՞ս կարող է իմ կյանքի վրա ազդել Աստծո խոստումներին հավատալը:

Տասներկու Առաքյալների Քվորումից երեց Դեյվիդ Ա. Բեդնարն ուսուցանել է․

Նրան հավատալ նշանակում է վստահել, որ Նրա առատ օրհնությունները հասանելի ու կիրառելի են մեր անձնական կյանքում ու մեր ընտանիքներում: Մենք մեր ողջ հոգով կարող ենք հավատալ Նրան [տես Օմնի 1․26], երբ առաջ մղվենք ուխտի մեր արահետով, մեր կամքը Նրա կամքին հանձնենք ու հնազանդվենք մեզ համար Նրա առաջնահերթությանն ու ժամանակի ընտրությանը: Նրան հավատալը` որպես ճշմարտություն ընդունելով Նրա զորությունն ու խոստումները, հեռանկար, խաղաղություն ու ուրախություն է բերում մեր կյանք: («Եթե ինձ գիտենայիք», Լիահոնա, նոյ. 2016, 105)

Ինչպե՞ս կարող է հավերժության հեռանկարն օգնել ինձ վստահել Աստծո խոստումներին:

Տասներկու Առաքյալների Քվորումից Երեց Նիլ Լ․ Անդերսենը խոստացել է.

Երբեմն կյանքը շատ անարդար է թվում, հատկապես, երբ մեր մեծագույն ցանկությունն է անել ճիշտ այն բաները, ինչ Տերն է պատվիրել: Որպես Տիրոջ ծառա, ես հավատացնում եմ ձեզ, որ այս խոստումը հավաստի է. «Հավատարիմ անդամները, ում հանգամանքները նրանց թույլ չեն տալիս ստանալու հավերժական ամուսնության և ծնող լինելու օրհնությունները այս կյանքում, կստանան բոլոր խոստացված օրհնությունները հավերժության մեջ, եթե նրանք պահում են ուխտերը, որոնք նրանք կապել են Աստծո հետ» [Ընդհանուր ձեռնարկ․ ծառայել Հիսուս Քրիստոսի Վերջին Օրերի Սրբերի Եկեղեցում (2010), 1.3.3]: («Երեխաներ», Լիահոնա, նոյեմբեր 2011, 30)

Ծնունդ 16․1–3 Ինչո՞ւ Աբրահամն ամուսնացավ Հագարի հետ, եթե նա արդեն ամուսնացած էր Սառայի հետ:

Աբրահամն ամուսնացավ իր կնոջ՝ Սառայի ծառա Հագարի հետ, քանի որ նրան պատվիրված էր դա անել (տես Վարդապետություն և Ուխտեր 132.34–35): Բազմակի ամուսնությունն արգելված է․ այն տեղի է ունենում միայն այն դեպքում, եթե Տերը՝ Իր մարգարեի միջոցով պատվիրրում է դա անել (տես Հակոբ 2.27–30): Եթե ուսանողները հարցեր ունենան Եկեղեցու պատմության ընթացքում բազմամուսնության կիրառման մասին, կարող են պատասխանները փնտրել «Բազմամուսնությունը Հիսուս Քրիստոսի Վերջին Օրերի Սրբերի Եկեղեցում» հոդվածում՝ Ավետարանի թեմաների ակնարկներում։

Ծնունդ 17․20։ Ովքե՞ր են Իսմայելի հետնորդները:

Իսլամական ավանդույթի համաձայն՝ Աբրահամը Իսմայելին և նրա մորը բերեց Արաբիա և բնակեցրեց Մեքքայի մոտակայքում, որը ապագայում դարձավ մեծ քաղաք: Ի վերջո, Իսմայելի 12 որդիների ժառանգները սկսեցին բնակեցնել Արաբական թերակղզին:

Հագարը և նրա որդի Իսմայելը հարգված են իսլամական հավատքում որպես Մուհամադի՝ Իսլամի հիմնադրի նախնիներ։ Մուսուլմանները (Իսլամի հետևորդները) նաև պատվում են Աբրահամին որպես մարգարե։

Լրացուցիչ տեղեկությունների համար տես «Ishmael, Our Brother», (Ջեյմս Բ. Մեյֆիլդ, Ensign, հունիս 1979, 24–32)։

Օժանդակ ուսումնական վարժություններ

Խաչաձև հղումներ

Աբրահամի և Սառայի՝ Տիրոջ հանդեպ դրսևորած հավատքը ցույց տալու համար առաջարկեք ուսանողներին հետևյալ հատվածներից մեկը կամ մի քանիսը կապել Ծնունդ 21․1–2 հատվածներին։

Հռոմեացիներին 4․16–22
Եբրայեցիներին 11․11
Ի՞նչ եք սովորում այս հատվածներից, որը կարող է օգնել ձեզ հավատք ունենալ առ այն, որ Աստված կպահի Իր խոստումները:

Ջոզեֆ Սմիթի Թարգմանություն

Ծնունդ 15 գլխի ձեր ուսումնասիրության ընթացքում կարող եք բացատրել, որ Ջոզեֆ Սմիթի Թարգմանությունն ուսուցանում է, որ Աբրահամը նաև հարցեր ուներ ժառանգության հող տրամադրելու Տիրոջ խոստման վերաբերյալ:

Կարդացեք Ջոզեֆ Սմիթի Թարգմանություն, Ծնունդ 15․9–12 հատվածները (Աստվածաշնչի հավելվածում)՝ փնտրելով, թե ինչ ուսուցանեց Տերը Աբրահամին, որն օգնեց նրան հավատալ խոստմանը:

Ի՞նչ գտաք:
Ձեր կարծիքով, Հիսուս Քրիստոսի մահվան և Հարության մասին իմանալն ինչո՞ւ էր օգտակար Աբրահամի համար այդ պահին:
Հավերժության հեռանկարն ինչպե՞ս կարող է օգնել մեզ, երբ մենք կարծում ենք, որ խոստացված օրհնությունները չեն կատարվում:

Սովորեք սուրբգրային օրինակներից

Կարող են լինել դեպքեր, երբ մենք ակնկալում ենք, որ որոշակի բաներ տեղի կունենան մեր կյանքում, սակայն բախվում ենք անսպասելի խնդիրների կամ հանգամանքների։

Առաջարկեք ուսանողներին խորհել հետևյալ հարցերի շուրջ.

Ձեր իմացած մարդկանցից ո՞ւմ կյանքի հանգամանքները կարող են տարբերվել իրենց սպասելիքներից:

Ընտրեք հետևյալ մարդկանցից մեկին՝ ուսումնասիրելու համար։ Փնտրեք այն, ինչ սուրբ գրություններից այդ մարդը կարող է ցանկանալ, որ ձեր ընկերը կամ ընտանիքի անդամը իմանա Տիրոջ մասին:

Աբրահամ (Ծնունդ 15.1–6)
Հագար (Ծնունդ 16.3–11)
Սառա (Ծնունդ 18.9–14, 21.1–2)
Իսմայել (Ծնունդ 21.9–20)
- Դժվար ժամանակներում ինչպե՞ս կարող է ձեզ օգնել հիշելը, որ Տերը գիտի, թե ինչ դժվարությունների եք դուք բախվում: