Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Ծնունդ 19. «Հետ մի նայիր»

«Ծնունդ 19. «Հետ մի նայիր»», Հին Կտակարան․ Սեմինարիայի ուսուցչի ձեռնարկ (2026)

«Ծնունդ 19. «Հետ մի նայիր»», Հին Կտակարան․ Սեմինարիայի ուսուցչի ձեռնարկ

Ծնունդ 18–23. Դաս 26

Ծնունդ 19

«Հետ մի նայիր»

'Then the Lord rained down sulfur and fire on Sodom and Gomorrah. It was sent down from the sky by the Lord. So he overthrew those cities and all that region, including all the inhabitants of the cities and the vegetation that grew from the ground. But Lotaas wife looked back longingly and was turned into a pillar of salt. (Genesis, Chapter 19, 24-26). Woodcut after a drawing by Julius Schnorr von Carolsfeld (German painter, 1794 - 1872) from my archive, published in 1877.'

Տերը միշտ մտահոգվել է մեր կյանքում չարի ազդեցությունների պատճառով: Ղովտի ընտանիքի անդամները գտնվում էին չարիքների ազդեցության տակ, որոնք շրջապատում էին նրանց Սոդոմ քաղաքում։ Այս դասը կօգնի ուսանողներին խուսափել չարի ազդեցություններից իրենց կյանքում, որպեսզի կարողանան ավելի լիարժեք հետևել Երկնային Հորը և Հիսուս Քրիստոսին:

Ուսանողի նախապատրաստում․ առաջարկեք ուսանողներին մտածել իրենց կյանքում առկա ազդեցությունների կամ գայթակղությունների մասին, որոնց իրենք բախվում են, որոնք խանգարում են իրենց հետևել Երկնային Հորը և Հիսուս Քրիստոսին: Առաջարկեք նրանց մտածել, թե ինչու պետք է հեռացնեն այս խոչընդոտները իրենց կյանքից և ինչպես կարող են դա անել:

Հնարավոր ուսումնական վարժություններ

Փոքր ընտրություններ՝ մեծ հետևանքներով

Յոթանասունից երեց Մասսիմո Դե Ֆեոն կիսվել է կարևոր ճշմարտությունով այն ազդեցության մասին, որ կարող են ունենալ մեր ընտրությունները։

Այն որոշումները, որոնք մենք կայացնում ենք ամեն օր, կարող են թվալ փոքր, բայց դրանք միշտ ունեն իրական ազդեցություն և մեծ հետևանքներ՝ լավ կամ վատ: («Փոքր ընտրություններ՝ մեծ հետևանքներ», Ensign, օգոստոս 2019, 34)

Որո՞նք են մեր կատարած փոքր ընտրությունները, որ կարող են մեծ հետևանքներ ունենալ:

Անհրաժեշտության դեպքում, կարող եք կիսվել մի քանի օրինակներով, օրինակ՝ ինչպիսի մեդիա միջոցներից ենք մենք օգտվում, ինչ ընկերներ ենք մենք ընտրում կամ սուրբ գրություններն ուսումնասիրելու, եկեղեցի հաճախելու կամ աղոթելու վերաբերյալ մեր կատարած ընտրությունները: Գուցե այլ օրինակներ ավելի համապատասխան լինեն ձեր ուսանողների համար: Առաջարկեք ուսանողներին քննարկել, թե այս ընտրություններն ինչո՞ւ կարող են մեծ հետևանքներ ունենալ՝ լավ կամ վատ:

Այնուհետև կիսվեք հետևյալով, որպեսզի օգնեք ուսանողներին հոգևոր առումով պատրաստվել այսօրվա դասին։

Մտածեք ձեր ներկայիս ընտրությունների մասին, որոնք մոտեցնում են ձեզ Երկնային Հորը և Հիսուս Քրիստոսին։ Մտածեք նաև այն ընտրությունների մասին, որոնք կարող են ձեզ հեռացնել Նրանցից: Այսօր ուսումնասիրելիս ուշադրություն դարձրեք այն հոգևոր տպավորություններին, որոնք օգնում են ձեզ ավելի մոտենալ Երկնային Հորը և Հիսուս Քրիստոսին:

Ղովտը իր վրանը բացեց Սոդոմի մոտ

Հին Կտակարանը պարունակում է Ղովտ անունով մի մարդու պատմություն, որը Աբրահամի եղբորորդին էր։ Ղովտն ու նրա ընտանիքը ապրում էին Սոդոմ քաղաքում, որը հայտնի էր իր ծայրահեղ չարությամբ (տես Ծնունդ 13․13, 18․20, Եզեկիել 16․49–50, Հուդա 1․7–8): Թվացյալ փոքր ընտրությունը հանգեցրեց այն բանին, որ Ղովտն ու նրա ընտանիքը բնակվեցին Սոդոմում:

Առաջարկեք ուսանողներին կիսվել, թե ինչ գիտեն այն հանգամանքների մասին, որոնք հանգեցրին այն բանին, որ Ղովտը բնակվեց Սոդոմում: Անհրաժեշտության դեպքում կարող եք օգտագործել հետևյալ բացատրությունները։

Այն բանից հետո, երբ Աբրահամը, Ղովտը և նրանց ընտանիքները Եգիպտոսից տեղափոխվեցին Քանան երկիր, Աբրահամի հովիվների և Ղովտի հովիվների միջև տարաձայնություններ առաջացան իրենց արոտավայրերի վերաբերյալ։ Հետագա հակամարտությունից խուսափելու համար Աբրահամն ու Ղովտը բաժանեցին իրենց ընտանիքները․ յուրաքանչյուր ընտանիք որոշեց, թե որտեղ է ապրելու (տես Ծնունդ 13․8–9):

Հետևյալ հատվածները դասարանով կարդալու փոխարեն ուսանողները կարող են աշխատել դասընկերոջ հետ: Դասընկերները կարող են կարդալ հատվածները և նկարել Ղովտի և Աբրահամի գործողությունները պատկերող նկար:

Կարդացեք Ծնունդ 13․10–13, 18 հատվածները՝ փնտրելով, թե որտեղ որոշեց ապրել ընտանիքներից յուրաքանչյուրը: (Այս հատվածներում Աբրամ անունը վերաբերում է Աբրահամին։ Հետագայում Տերը փոխեց նրա անունը՝ կոչելով Աբրահամ, ինչպես գրված է Ծնունդ 17․5 հատվածում։)

Ի՞նչ տարբերություններ նկատեցիք այս ընտանիքների որոշումների միջև:
Ինչպիսի՞ որոշումներ կարող են կայացնել մարդիկ այսօր, որոնք կարող են նման լինել Ղովտի՝ վրանը Սոդոմի մոտ բացելու որոշմանը։ Ի՞նչ խորհուրդ կարող եք տալ այդ իրավիճակներում:

Եթե ուսանողները դժվարանան ժամանակակից որոշումների օրինակներ նշել, որոնք նման են Ղովտի՝ վրանը Սոդոմի մոտ բացելու որոշմանը, կարող եք կիսվել մի քանի օրինակով, ապա հնարավորություն ընձեռել ուսանողներին խորհուրդներ տալ այդ իրավիճակների համար: Օրինակները կարող են ներառել ոչ պարկեշտ լեզվով խոսելը, ոչ պատշաճ բովանդակությամբ մեդիա միջոցներ ընտրելը, հագուստի կամ համեստության չափանիշներն իջեցնելը կամ այնպիսի ընկերների հետ ժամանակ անցկացնելը, որոնք անտեսում են Փրկչի ուսմունքները:

Սոդոմի և Գոմորի կործանումը

Ղովտն ու նրա ընտանիքը չմնացին իրենց վրանում, որը բացել էին Սոդոմի մոտ։ Ի վերջո, նրանք տեղափոխվեցին և «բնակվեցին Սոդոմում» (Ծնունդ 14.12, շեշտադրումն ավելացված է)։

Ուսանողները կարող են խաչաձև հղումով կապել Ծնունդ 14․12 հատվածը Ծնունդ 13․12 հատվածի հետ՝ իրենց սուրբ գրություններում։ Եթե ուսանողները դասի սկզբում նկար են ստեղծել, կարող եք նաև առաջարկել նրանց թարմացնել իրենց նկարը՝ արտացոլելու Ղովտի բնակվելու նոր վայրը:

Սոդոմի և նրա մոտակայքում գտնվող Գոմոր քաղաքի բնակիչները մերժեցին մարգարեներին, որոնց Տերն ուղարկել էր նրանց նախազգուշացնելու համար (տես Եկեղեցու Նախագահների ուսմունքները. Ջոզեֆ Սմիթ [2007], 203)։ Իր ողորմածությամբ՝ Տերը սուրհանդակներ ուղարկեց Սոդոմ, որպեսզի զգուշացնեն Ղովտին և նրա ընտանիքին, որ նրանք լքեն քաղաքը՝ նախքան դրա կործանումը (տես Ծնունդ 19․12–13)։ Քանի որ ժողովուրդը մերժեց մարգարեներին և շարունակեց չարությամբ գործել, նրանք կործանվեցին։

Կարդացեք Ծնունդ 19.14–19, 24–26 հատվածները՝ փնտրելով, թե Ղովտը և նրա ընտանիքն ինչպես արձագանքեցին քաղաքը շտապ լքելու հրահանգներին:

Այս հատվածներում ի՞նչն ամենաշատը տպավորեց ձեզ: Ինչո՞ւ։
Այս հատվածներն ի՞նչ են ուսուցանում ձեզ Տիրոջ մասին

Կարող եք նաև հարցնել ուսանողներին, թե ինչ են սովորում, որը կարող է օգնել այն մարդուն, որը կարծում է, որ մեծ խնդիր չէ մասնակցել թվացյալ աննշան ամբարշտության գործողություններին:

Որպեսզի օգնեք ուսանողներին հասկանալ, թե ինչու Ղովտի կինը դարձավ «աղի արձան» (հատված 26), օգտակար կլինի բացատրել, որ հնարավոր է՝ Ղովտի կինը ոչ միայն պարզապես հետ նայեց, այլ գուցե վերադարձավ Սոդոմ (տես Ղուկաս 17․28–32)։ Կարող եք նաև կիսվել Նախագահ Ջեֆրի Ռ. Հոլլանդի հետևյալ խոսքերով:

Տասներկու Առաքյալների Քվորումի նախագահ Ջեֆրի Ռ. Հոլլանդը կիսվել է հնարավոր պատճառներով, թե ինչու Ղովտի կինը դարձավ «աղի արձան» (հատված 26):

Ակնհայտորեն սխալը, որը կատարեց Ղովտի կինը, այն չէր, որ նա պարզապես հետ նայեց. իր սրտի խորքում նա ցանկանում էր հետ գնալ: …

Հնարավոր է, որ Ղովտի կինը զայրույթով հետ էր նայում դեպի Տերը, այն ամենի համար, ինչը Նա խնդրում էր նրան թողնել հետևում։ («Remember Lot’s Wife» [Բրիգամ Յանգի համալսարանի հոգևոր հավաքույթ, հուն. 13, 2009] 2, speeches.byu.edu)

Կարող եք ուսանողներին առաջարկել քննարկել հետևյալ հարցը դասընկերոջ հետ կամ փոքր խմբերով, այնուհետև դասարանի հետ կիսվել իրենց պատասխաններով:

Ի՞նչ ճշմարտություններ եք սովորում Ղովտի և նրա ընտանիքի պատմությունից, որոնք կարող եք կիրառել ձեր կյանքում հանդիպող իրավիճակներում:

Օգտագործելով իրենց սեփական բառերը, ուսանողները կարող են նշել հետևյալ ճշմարտությունները․

Երբ թույլ ենք տալիս, որ չարի ազդեցությունները մտնեն մեր կյանք, նույնիսկ թվացյալ փոքր ազդեցությունները, դրանք կարող են մեզ հեռացնել Հիսուս Քրիստոսից:

Որպես Հիսուս Քրիստոսի աշակերտներ, մենք պետք է հեռանանք ամբարշտությունից և հետ չնայենք։

Որպեսզի օգնեք ուսանողներին ավելի լավ հասկանալ և զգալ այս ճշմարտությունների կարևորությունը, կարող եք քննարկել հետևյալ հարցերը։
Ի՞նչը կարող է օգնել ձեզ ճանաչել փոքր թվացող ազդեցությունները, որոնք ձեզ կհեռացնեն Երկնային Հորից և Հիսուս Քրիստոսից:
Ինչպե՞ս կարող է Փրկիչը օգնել մեզ հետևում թողնել մեր անցյալի սխալները և հավատքով առաջ շարժվել

Առաջարկեք ուսանողներին կիսվել իրենց փորձառություններով, որոնք վերաբերում են այն ճշմարտություններին, որ դուք քննարկում եք: Կարող եք նաև կիսվել ձեր անձնական փորձառություններով։

Կիրառեք դրանք ձեր կյանքում

Որպեսզի օգնեք ուսանողներին կիրառել իրենց ուսումնասիրած ճշմարտությունները, ցուցադրեք հետևյալ ցուցումներն ու հարցերը: Առաջարկեք ուսանողներին ոգեշնչում խնդրել Աստծուց՝ ճանաչելու այն փոփոխությունները, որոնք Նա կցանկանար, որ իրենք կատարեն:

Մտածեք, թե այսօրվա ձեր սովորածից հետո ինչպիսի՞ գործողություններ անելու հուշում զգացիք։ Ձեր ուսումնասիրության օրագրում գրեք ծրագիր՝ ինչ եք անելու և երբ եք դա անելու: Անհրաժեշտության դեպքում հետևյալ հարցերը կարող են օգնել ձեզ ծրագիր կազմել.

Ինչպիսի՞ փոքր թվացող որոշումներ եք դուք այժմ կայացնում, որոնք ի վերջո կարող են ձեզ հեռացնել Երկնային Հորից և Հիսուս Քրիստոսից: Ի՞նչ փոփոխություններ եք դուք անելու։
Ի՞նչ եք անելու, որպեսզի թողնեք անցյալի սխալները և հավատքով առաջ շարժվեք առ Հիսուս Քրիստոս։

Տվեք ձեր վկայությունն այսօր քննարկված ճշմարտությունների մասին: Ուսանողներին խրախուսեք գործել իրենց ծրագրերի համաձայն։

Լրացուցիչ նյութեր

Ի՞նչ մեղքեր էին գործել Սոդոմի և Գոմորի բնակիչները։

Սոդոմի և Գոմորի բնակիչները շատ չար գործեր էին անում, որոնք վշտացնում էին Տիրոջը։ Եզեկիել մարգարեն հայտարարել է, որ մարդիկ հպարտ էին, անհոգ հանգստություն էին վայելում ու թեև ունեին «հացի կշտություն», մերժում էին «աղքատին ու չքավորին» (տես Եզեկիել 16.49–50)։ Սեռական անբարոյականությունը լայնորեն ընդունված և տարածված էր Սոդոմի և մոտակա քաղաքների բնակիչների շրջանում (տես Ծնունդ 19․1–11, Ջոզեֆ Սմիթի Թարգմանություն, Ծնունդ 19․9–12 [Աստվածաշնչի հավելվածում], Հուդա 1․7)։

Ծնունդ 19.26 Իսկ եթե ես փորձում եմ փախչե՞լ ամբարշտությունից, բայց դժվարանում եմ թողնել իմ մեղքերը:

Վերջին օրերի մասին խոսելիս Փրկիչը զգուշացրել է. «Հիշեք Ղովտի կնոջը» (Ղուկաս 17․32)։ Երբ մենք ապաշխարում ենք մեր մեղքերից, մենք պետք է ամեն ինչ անենք, որ թողնենք դրանք: Մենք պետք է նաև հիշենք, որ Հիսուս Քրիստոսը համբերատար է և կօգնի յուրաքանչյուրին, ով անկեղծորեն փորձում է հաղթահարել մեղքը կամ կախվածությունը: Տասներկու Առաքյալների Քվորումից երեց Նիլ Լ․ Անդերսենն ուսուցանել է.

Երբեմն մեր ապաշխարության ընթացքում, ավելի քրիստոսանման դառնալու մեր ամենօրյա ջանքերում մենք անընդհատ մաքառում ենք միևնույն դժվարությունները հաղթահարելու համար: … Մի հուսահատվեք: Եթե ձգտում և աշխատում եք ապաշխարել, դուք ապաշխարելու գործընթացում եք։ …

Մեղքերը թողնելը նշանակում է երբեք չվերադառնալ դրանց: Մեղքերի թողությունը ժամանակ է պահանջում: («Repent … That I May Heal You», Լիահոնա, նոյ․ 2009, 41, 42)

Արդյո՞ք Ղովտի կինը իրականում դարձավ աղի արձան։

Գիտնականների մեծամասնությունը եկել է այն եզրակացության, որ Սոդոմի գտնվելու ամենահավանական տեղանքն այժմ ծածկված է Մեռյալ ծովի հարավային մասով՝ ջրի զանգվածով, որն ունի աղի բարձր պարունակություն։ Եթե Ղովտի կինը վերադառնար Սոդոմ, նա կկործանվեր քաղաքում։ Այն, որ նա աղի արձան դարձավ կարող է այդ արդյունքն արտահայտելու փոխաբերական միջոց լինել: Ինչ էլ որ լիներ Ղովտի կնոջ հետ, պարզ է, որ նա կործանվելու էր։

Օժանդակ ուսումնական վարժություններ

Առարկայական դաս՝ չարի ազդեցություններից խուսափելու վերաբերյալ

Սոդոմի մոտ իր վրանը բացելու Ղովտի ընտրության հետևանքի մասին խոսելուց առաջ (տես Ծնունդ 13.12) կարող եք օգտագործել հետևյալ առարկայական դասը.

Սեղանին դրեք երկու մագնիս և առաջարկեք ուսանողներից մեկին հնարավորինս մոտեցնել դրանցից մեկը մյուսին՝ առանց իրար կպցնելու։ Երբ մագնիսները կպչեն միմյանց, մտածեք հոգևոր դասերի մասին, որոնք ուսանողները կարող են քաղել այս առարկայական դասից: Կարող եք ուսանողներին հիշեցնել այս առարկայական դասը Ղովտի և նրա ընտանիքի պատմությունը ուսումնասիրելուց հետո:

Եթե մագնիսները հասանելի չեն, կարող եք ցուցադրել «Temptation Fades as We Seek Christ in Every Thought» տեսանյութը (2:57)։

2:58

Ծնունդ 14 Սովորենք Աբրահամի հավատարմությունից

Ուսանողների համար օգտակար կլինի տեսնել հստակ հակադրությունը չարի որևէ ազդեցություն թույլ տալու և այն ամբողջությամբ մերժելու միջև: Նրանք կարող են ուսումնասիրել Աբրահամի կյանքից մի դեպք, որը տեղի է ունեցել այն ժամանակ, երբ Ղովտն ու իր ընտանիքը բնակվում էին Սոդոմում:

Բացատրեք, որ այն բանից հետո, երբ Ղովտը և նրա ընտանիքը բնակվեցին Սոդոմ քաղաքում, Ղովտը գերվեց մարտում (տես Ծնունդ 14․11–12)։ Երբ Աբրահամը (այն ժամանակ հայտնի էր որպես Աբրամ) իմացավ Ղովտի գերության մասին, նա հավաքեց, զինեց իր ծառաներին և փրկեց Ղովտին (տես Ծնունդ 14․13–16)։

Առաջարկեք ուսանողներին կարդալ Ծնունդ 14․21–23 հատվածները՝ փնտրելով, թե ինչ առաջարկեց Սոդոմի թագավորը Աբրահամին և ինչպես պատասխանեց Աբրահամը: Ապա քննարկեք հետևյալ հարցերը.

Ինչպե՞ս կամփոփեք թագավորին տված Աբրահամի պատասխանը:
Ձեր կարծիքով ինչո՞ւ Աբրահամը այդպես արձագանքեց։

Երբ ուսանողները քննարկեն ներկայացված հարցը, կարող եք օգնել նրանց բացահայտել նմանատիպ ճշմարտություն․ Երբ մենք պահում ենք Տիրոջ հետ կապած մեր ուխտերը, մենք ավելի լավ ենք կարողանում դիմակայել չարի ազդեցություններին՝ անկախ նրանից, թե որքան փոքր են դրանք, հավատարիմ մնալ Աստծուն և զերծ մնալ մեղքից։

Ինչպե՞ս կարող ենք այսօր հետևել Աբրահամի օրինակին։

Ծնունդ 14.18–20: Մելքիսեդեկն օրհնում է Աբրահամին

Ծնունդ 14․18–20 հատվածները պարունակում են Մելքիսեդեկի և Աբրահամի միջև փոխգործակցությունը: Այս փոխգործակցության մասին ուսումնասիրությունը կօգնի ուսանողներին ավելին իմանալ Մելքիսեդեկյան քահանայության մասին:

Հարցրեք ուսանողներին, թե արդյոք իրենք գիտեն, թե ինչու է Մելքիսեդեկյան քահանայությունը կոչվում այդ անունով։ Այնուհետև կարող եք առաջարկել նրանց կարդալ Վարդապետություն և Ուխտեր 107.2–3 հատվածները՝ փնտրելով մանրամասներ:

Ուսանողները կարող են կարդալ Ծնունդ 14․18–20 հատվածները և ցանկ կազմել, թե իրենք ինչ սովորեցին Մելքիսեդեկի մասին: Այնուհետև բացատրեք, որ Ջոզեֆ Սմիթի՝ Աստվածաշնչի Թարգմանությունը մեզ ավելի շատ տեղեկություն է տալիս այն մասին, թե ով էր Մելքիսեդեկը, և ինչ է նա արել։ Օգնեք ուսանողներին գտնել Ջոզեֆ Սմիթի Թարգմանություն․ Ծնունդ 14․25–40 հատվածները (Աստվածաշնչի հավելվածում)։ Առաջարկեք ուսանողներին ուսումնասիրել այս հատվածները և ավելացնել այս լրացուցիչ մանրամասները իրենց գրած ցանկին:

Հիմնվելով Մելքիսեդեկի մասին սովորածի վրա, ձեր կարծիքով, ինչո՞ւ է պատշաճ կոչել քահանայությունը նրա անունով։

Տեսանյութեր

Կարող եք դասի տարբեր կետերում օգտագործել հետևյալ տեսանյութերից մեկը կամ երկուսն էլ.

«Stay within the Lines» (5:10)։ Ցուցադրում է, թե գայթակղություններին դիմակայելն ինչպես կարող է օգնել մեզ զերծ մնալ չարի ազդեցություններից

5:10

«New Year’s: Look Not behind Thee» (3:09): Ցուցադրում է անցյալի սխալները հետևում թողնելու և Հիսուս Քրիստոսի հանդեպ հավատքով առաջ նայելու կարևորությունը

3:9