Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Ծնունդ 22. Հիսուս Քրիստոսի նմանությամբ

«Ծնունդ 22. Հիսուս Քրիստոսի նմանությամբ», Հին Կտակարան․ Սեմինարիայի ուսուցչի ձեռնարկ (2026)

«Ծնունդ 22. Հիսուս Քրիստոսի նմանությամբ», Հին Կտակարան․ Սեմինարիայի ուսուցչի ձեռնարկ

Ծնունդ 18–23․ Դաս 27

Ծնունդ 22

Հիսուս Քրիստոսի նմանությամբ

Abraham and Isaac. Abraham looking toward the heavens with a knife in his hand. Isaac laying on the alter. The Gospel in the Old Testament (Religious Tract Society, 1908).

Մեր մահկանացու միտքը երբեք չի կարող ամբողջությամբ ըմբռնել սրտահույզ այն պատվիրանը, որ Աստված տվեց Աբրահամին․ զոհաբերել իր որդուն՝ Իսահակին: Նեփիացի մարգարե Հակոբը մեծացրեց մեր հասկացողությունը այս պատվիրանի հզոր սիմվոլիզմի վերաբերյալ, երբ ուսուցանեց, որ զոհաբերությունը «Աստծո և նրա Միածին Որդու նմանությամբ էր» (Հակոբ 4․5)։ Այս դասը կօգնի ուսանողներին զգալ Երկնային Հոր և Հիսուս Քրիստոսի սերն իրենց նկատմամբ։

Հնարավոր ուսումնական վարժություններ

Աստծո սերը

Կարող եք սկսել այս դասը՝ կիսվելով հետևյալ խոսքերով։

Նախկինում Առաջին նախագահության անդամ, նախագահ Դիտեր Ֆ․ Ուխդորֆը նկարագրել է Երկնային Հոր սերը Իր զավակների հանդեպ․

19:44

Մտածեք ամենամաքուր, ամենաուժեղ սիրո մասին, որը կարող եք պատկերացնել: Այժմ բազմապատկեք այդ սերը անսահման թվով՝ դա ձեր հանդեպ Աստծո սիրո չափն է:

Աստված չի նայում արտաքինին: Ես հավատացած եմ, որ նրան չի հետաքրքրում՝ արդյոք մենք ապրում ենք ամրոցում, թե տնակում, արդյոք մենք գեղեցիկ ենք, թե անբարետես, արդյոք մենք հայտնի ենք, թե մոռացված: Թեև մենք անթերի չենք, Աստված սիրում է մեզ լիարժեքորեն: Թեև մենք կատարյալ չենք, Աստված սիրում է մեզ կատարելապես: Թեև կարող ենք մեզ մոլորված ու անպարփակ զգալ, Աստծո սերը պարփակում է մեզ ամբողջությամբ: («The Love of God», Լիահոնա, նոյեմբեր 2009, 22)

Բացի նախագահ Ուխդորֆի օգտագործած բառերից, ինչպիսի՞ այլ բառեր կամ արտահայտություններ կարող են օգտագործվել՝ նկարագրելու Աստծո սերը մեր հանդեպ:

Որպեսզի օգնեք ուսանողներին անհատականացնել դասն ըստ իրենց կյանքի հանգամանքների, առաջարկեք նրանց մտածել, թե որքան հաճախ են զգում կամ գիտակցում Երկնային Հոր և Հիսուս Քրիստոսի սերը իրենց հանդեպ: Կարող եք նաև առաջարկել նրանց մտածել, թե ներկայումս ինչ հարցեր ունեն իրենք Երկնային Հոր և Հիսուս Քրիստոսի սիրո վերաբերյալ:

Խրախուսեք ուսանողներին այսօր ուսումնասիրելիս ուշադրություն դարձնել Սուրբ Հոգուց եկող տպավորություններին, որոնք կարող են օգնել իրենց զգալ Երկնային Հոր և Հիսուս Քրիստոսի սերը:

Աստծո սիրո դրսևորումը

Սուրբ գրությունները պարունակում են բազմաթիվ ուսմունքներ, որոնք նկարագրում են Երկնային Հոր և Հիսուս Քրիստոսի սերը մեր հանդեպ: Օրինակներից մեկը պարունակվում է Հովհաննես 3․16 հատվածում։

Կարդացեք Հովհաննես 3․16 հատվածը՝ փնտրելով Երկնային Հոր սիրո ամենամեծ դրսևորումը:

Ինչպե՞ս կամփոփեք ձեր գտածը:

Ուսանողները կարող են կիսվել հետևյալ ճշմարտությամբ․ Երկնային Հայրը ցույց տվեց Իր սերը մեր նկատմամբ Իր Որդու՝ Հիսուս Քրիստոսի զոհաբերության միջոցով։

Ինչպե՞ս է Փրկչի քավիչ զոհաբերությունը ցույց տալիս Երկնային Հոր և Հիսուս Քրիստոսի սերը մեր հանդեպ:

Աբրահամին պատվիրվում է զոհաբերել իր որդուն

Բացատրեք, որ այսօր ուսանողները կուսումնասիրեն մի պատմություն, որը ուսուցանում է մեզ Երկնային Հոր և Հիսուս Քրիստոսի սիրո մասին, որը դրսևորվել է Փրկչի Քավության միջոցով:

Կարող եք ցուցադրել հետևյալ նկարը։

The Old Testament prophet standing beside an altar. Abraham's son Isaac is strapped to the altar. Abraham is holding a dagger in the air as he prepares to sacrifice Isaac. An angel is appearing before Abraham and commanding him to not sacrifice his son.

Ի՞նչ գիտեք այս փորձառության մասին Աբրահամի և Իսահակի կյանքից:

Երբ ուսանողները կիսվեն իրենց պատասխաններով, բացատրեք հետևյալը:

Աբրահամի և Իսահակի պատմությունը ուսուցանում է մեզ այն սիրո մասին, որը Երկնային Հայրը և Հիսուս Քրիստոսը դրսևորեցին մեր հանդեպ՝ Փրկչի քավիչ զոհաբերության միջոցով:

Կարդացեք Հակոբ 4․5 հատվածը և փնտրեք, թե ինչ է ուսուցանել Հակոբը այս պատմության մասին։

Ի՞նչ գտաք:

Երբ ուսանողներն ուսումնասիրեն Աբրահամի և Իսահակի պատմությունը Ծնունդ 22 գլխում, առաջարկեք նրանց ուշադրություն դարձնել, թե այս պատմությունը խորհրդանշականորեն ինչ կարող է ուսուցանել իրենց Երկնային Հոր և Հիսուս Քրիստոսի մասին:

Որպեսզի պատրաստեք ուսանողներին անել դա, կարող եք գրատախտակին երկու սյունակ կազմել: Մի սյունակը վերնագրեք Աբրահամ և Իսահակ, իսկ մյուսը՝ Երկնային Հայր և Հիսուս Քրիստոս։ Կարող եք նաև առաջարկել ուսանողներին կազմել այդ աղյուսակը իրենց ուսումնական օրագրերում:

Ուսանողները կարող են կատարել հետևյալ ուսումնական վարժությունը ինքնուրույն կամ դասընկերոջ հետ: Կարող եք կիսվել լրացված աղյուսակի մեկ օրինակով (տեղադրված է ստորև դասում)՝ նախքան ուսանողները կսկսեն իրենց ուսումնասիրությունը:

Աղոթքով կարդացեք Ծնունդ 22.1–14 հատվածները՝ փնտրելով նմանություններ Երկնային Հոր և Հիսուս Քրիստոսի հետ: Ընդգծեք սուրբ գրությունների կարևոր արտահայտությունները: Գրեք ձեր մտքերն այն մասին, թե այս օրինակներն ինչ են ուսուցանում ձեզ Երկնային Հոր և Հիսուս Քրիստոսի մասին:

Հետևյալ աղյուսակը պարունակում է գաղափարների օրինակներ, որոնք ուսանողները կարող են գտնել այս պատմությունն ուսումնասիրելիս: Ըստ անհրաժեշտության, կարող եք օգտագործել այդ օրինակները՝ օգնելու ուսանողներին իրենց ուսումնասիրության մեջ: Օրինակ՝ ուսանողների ուսումնասիրությունից առաջ կամ հետո կարող եք կիսվել Մորիայի երկրի մասին տեղեկություններով (տես Ծնունդ 22․2)։

Աբրահամն ու Իսահակը	Երկնային Հայրն ու Հիսուս Քրիստոսը
Ծնունդ 22․2, 12. «քո միակ որդուն»	Հիսուս Քրիստոսը Երկնային Հոր Միածին Որդին է (տես Հովհաննես 3․16)։
Ծնունդ 22․2. «Մորիայի երկիրը»	«Այն վայրը, որն ավանդաբար հայտնի է որպես վայր, որտեղ Աբրահամը պետք է զոհաբերեր Իսահակին, գտնվում է … նույն տարածքում, որտեղ Հայրը պետք է զոհաբերեր Իր Որդուն» (Հին Կտակարան. Ուսանողի ձեռնարկ, 3-րդ հրատ. [2003], 77)։
Ծնունդ 22․2. «ողջակեզ»	Ողջակեզները կենդանիների զոհաբերության մի ձև էին։ Կենդանիների զոհաբերությունը խորհրդանշում էր Հիսուս Քրիստոսին (տես Մովսես 5․4–7)։
Ծնունդ 22․6. «վերցրեց ողջակեզի փայտն ու դրեց իր որդի Իսահակի վրա»	Քրիստոսը կրեց Իր խաչը (տես Հովհաննես 19․16–18):
Ծնունդ 22․7–8. «Աստված կհոգա իր ողջակեզի գառան մասին»	Երկնային Հայրն ուղարկեց Իր Որդուն՝ Աստծո Գառին, որպես քավիչ զոհաբերություն (տես Հովհաննես 1․29):
Ծնունդ 22․9. «կապեց իր որդի Իսահակին և դրեց նրան զոհասեղանի վրա»	Քրիստոսը կապվեց խաչին գամերով (տես 1 Նեփի 11․33)։

Ուսանողներին ուսումնասիրելու համար բավարար ժամանակ տրամադրելուց հետո նրանց հնարավորություն տվեք կիսվելու, թե Հոգին ինչ ուսուցանեց իրենց՝ այս հատվածներն ուսումնասիրելիս: Քննարկում ծավալելու համար կարող եք տալ նմանատիպ հարցեր.

Աբրահամի և Իսահակի պատմությունից ի՞նչ սովորեցիք Երկնային Հոր և Հիսուս Քրիստոսի մասին:
Երկնային Հոր և Հիսուս Քրիստոսի ո՞ր խորհրդանիշներն էին առավել կարևոր ձեզ համար: Ինչո՞ւ։

Աստծո սերը իմ հանդեպ

Ուսանողներին հնարավորություն տվեք խորհելու իրենց հանդեպ Երկնային Հոր և Հիսուս Քրիստոսի սիրո մասին: Որպեսզի պատրաստեք նրանց խորհելու, կարող եք երգել կամ լսել մի օրհներգ, որն այդ սիրո մասին է, օրինակ՝ «God Loved Us, So He Sent His Son» (Հիմներ, հմր. 187)։

Դուք կարող եք նաև կիսվել նախագահ Դալլին Հ․ Օուքսի խոսքերով, որոնք տեղադրված են «Լրացուցիչ նյութեր» բաժնում:

Երկնային Հոր և Հիսուս Քրիստոսի՝ ձեր հանդեպ ունեցած սիրո մասին հիշելն ինչպե՞ս կարող է ազդել ձեր կյանքի վրա:
Ի՞նչն է օգնել կամ կարող է օգնել ձեզ զգալ Երկնային Հոր և Հիսուս Քրիստոսի սերը:

Ավարտեք դասը՝ առաջարկելով ուսանողներին մտածել այն մասին, թե իրենք ինչ սովորեցին և զգացին այսօր Երկնային Հոր և Հիսուս Քրիստոսի՝ իրենց հանդեպ ունեցած սիրո մասին: Նրանց առաջարկեք, որ օրագրերում գրանցեն իրենց մտքերն ու հոգևոր տպավորությունները։ Կարող եք կիսվել ձեր վկայությամբ այն սիրո մասին, որ Երկնային Հայրը և Հիսուս Քրիստոսը ունեն մեզանից յուրաքանչյուրի հանդեպ: Խրախուսեք ուսանողներին փնտրել փորձառություններ, որոնք կօգնեն իրենց շարունակաբար զգալ Աստծո սերն իրենց հանդեպ:

Լրացուցիչ նյութեր

Ինչպե՞ս է Փրկչի Քավությունը ցույց տալիս Աստծո սերը մեր հանդեպ:

Առաջին Նախագահությունից նախագահ Դալլին Հ. Օուքսը կիսվել է.

12:44

Հիսուս Քրիստոսի Քավության փառահեղ և աներևակայելի ազդեցությունը հիմնված է մեզանից յուրաքանչյուրի հանդեպ Աստծո սիրո վրա։ Դա հաստատում է Նրա հայտարարությունը, որ «հոգիների արժեքը՝ այսինքն յուրաքանչյուր մահկանացուի, մեծ է Աստծո աչքում» (Վարդապետություն և Ուխտեր 18․10)։ Աստվածաշնչում Հիսուս Քրիստոսը բացատրել է դա մեր Երկնային Հոր սիրո տեսանկյունից․ «Որովհետեւ Աստուած այնպէս սիրեց աշխարհքը որ իր միածին Որդին տուաւ. Որ ամեն նորան հաւատացողը չ’կորչի, այլ յաւիտենական կեանքն ունենայ» (Հովհաննես 3.16)։ Ժամանակակից հայտնություններում մեր Քավիչ Հիսուս Քրիստոսը հայտարարել է, որ Ինքն «այնպես սիրեց աշխարհը, որ տվեց իր կյանքը, որ բոլոր նրանք, ովքեր կհավատան, դառնան Աստծո որդիներ» (Վարդապետություն և Ուխտեր 34․3)։ («Մեր Փրկիչն ի՞նչ է արել մեզ համար», Լիահոնա, մայիս 2021, 76)

Իսկ եթե ես կասկածե՞մ իմ հանդեպ Երկնային Հոր սիրո վերաբերյալ:

Նախագահ Թոմաս Ս. Մոնսոնը (1927–2018) բացատրել է․

16:35

Երկնային Հայրը սիրում է ձեզ՝ յուրաքանչյուրիդ: Այդ սերը երբեք չի փոխվում: Այն կախված չէ ձեր արտաքինից, ձեր ունեցվածքից կամ ձեր բանկային հաշվին ունեցած դրամի քանակից: Այն չի փոխվում՝ կախված ձեր տաղանդներից և կարողություններից: Այն պարզապես կա: Այն չի փոխվում, երբ դուք տխուր եք կամ ուրախ, հուսահատ կամ հույսով լեցուն: Աստծո սերը ձեզ հետ է, անկախ նրանից դուք ձեզ արժանի եք համարում դրան, թե՝ ոչ: Այն ուղղակի միշտ ձեզ հետ է: («Մենք երբեք միայնակ չենք քայլում», Լիահոնա, նոյ. 2013, 123–124)

Ինչո՞ւ Աստված պատվիրեց Աբրահամին զոհաբերել Իսահակին։

Առաջին Նախագահությունից նախագահ Ջորջ Ք. Քենոնը (1827–1901) ասել է․

Ինչո՞ւ Տերը նման բաներ պատվիրեց Աբրահամին։ Իմանալով, թե ինչպիսին էր լինելու նրա ապագան, որ նա լինելու էր անհամար սերունդների հայր, Նա որոշեց փորձել նրան։ Աստված չարեց սա Իր համար, քանի որ Նա՝ ամեն բան նախապես իմանալու Իր կարողությամբ կանխավ գիտեր, թե ինչ է անելու Աբրահամը․ սակայն նպատակը Աբրահամին դաս տալն էր, նաև նրան հնարավորություն տալ ձեռք բերել գիտելիք, որը նա չէր կարող ձեռք բերել ոչ մի ուրիշ ճանապարհով։ Ահա թե ինչու է Աստված փորձում մեզանից յուրաքանչյուրին։ Դա Նրա իմանալու համար չէ, քանի որ Նա կանխավ գիտի ամեն բան։ Նա գիտի ձեր ամբողջ կյանքը և ամեն բան, որ դուք անելու եք։ Բայց Նա փորձում է մեզ մեր իսկ օգտի համար, որպեսզի մենք ճանաչենք ինքներս մեզ։ (Ջորջ Ք. Քենոն, Համաժողովի զեկույց, հոկտեմբեր 1899, 66)

Լրացուցիչ ուսումնական վարժություններ

Akedah (The Binding) տեսանյութ

Որոշ ուսանողների համար կարող է օգտակար լինել Աբրահամի և Իսահակի պատմության պատկերավոր ներկայացումը: Որպեսզի օգնեք նրանց դա անել, կարող եք ցուցադրել «Akedah (The Binding)» (12:57) տեսանյութի մի մասը կամ ամբողջովին։ Օգտագործեք հետևյալ տեսանյութերից նշված հատվածները՝ Ծնունդ 22.1–14 հատվածների ուսումնասիրությունը լրացնելու համար:

Ծնունդ 22․1–2 (0:00–1:34) Այս հատվածը դիտելուց հետո առաջարկեք ուսանողներին քննարկել այն հարցերը, որ կարող էր ունենալ Աբրահամը։

Ծնունդ 22․3–6 (3:08–6:00) Այս հատվածից առաջ առաջարկեք ուսանողներին ապացույցներ փնտրել առ այն, որ Աբրահամի համար դժվար էր այս պատվիրանին հնազանդվելը:

Ծնունդ 22․7–9 (6:01–10:10) Այս հատվածից առաջ առաջարկեք ուսանողներին փնտրել, թե ինչո՞վ է Իսահակը իրենց հիշեցնում Հիսուս Քրիստոսին։ Հատվածը դիտելուց հետո նրանք կարող են քննարկել իրենց մտքերը:

Ծնունդ 22․10–18 (10:11–12:57) Այս հատվածից հետո առաջարկեք ուսանողներին կիսվել, թե ինչ սովորեցին այս պատմությունից Երկնային Հոր և Հիսուս Քրիստոսի մասին:

12:57

Դժվար բաներ

Հետևյալ վարժությունը կարող է օգնել ուսանողներին հասկանալ պատճառնեից մի քանիսը, թե ինչու է Փրկիչը դժվար փորձառություններ տալիս մեզ: Ուսանողները կարող են կարդալ Ծնունդ 22.2 հատվածը և քննարկել, թե ինչու էր Աբրահամի համար դժվար անել այն, ինչ Տերը պատվիրեց նրան: Այնուհետև կարող եք դիտել հետևյալ երկու տեսահոլովակները: Այս տեսահոլովակները ցուցադրում են (1) ժամանակակից մի դժվար փորձառություն, որն ունեցավ Յոթանասունից երեց Իսահակ Կ. Մորիսոնը և (2) այն, ինչ նա սովորեց իր փորձառության միջոցով:

10:52

Լրացուցիչ տեսանյութեր

Դասի վերջում ուսանողները հնարավորություն ունեն խորհելու իրենց հանդեպ Երկնային Հոր և Հիսուս Քրիստոսի սիրո մասին: Որպեսզի օգնեք ուսանողներին պատրաստվել խորհելու, կարող եք օգտագործել հետևյալ տեսանյութերը.

4:49

«For God So Loved the World» (4:48) Փրկչի կյանքի այս պատկերները դիտելուց հետո ուսանողները կարող են խորհել իրենց հանդեպ Երկնային Հոր և Հիսուս Քրիստոսի սիրո մասին:

5:37

«There Is No Limit to God’s Love» (5:37) Ուսանողները կարող են հիշել Աստծո սերը զգալու իրենց սեփական փորձառությունները, երբ դիտեն այս տեսանյութը, որը նկարագրում է այն սերը, որը զգաց երիտասարդ կինը, երբ ձգտում էր ապաշխարել: