Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Genesis 15–18; 21: “Ginawa ng Panginoon … ang Ayon sa Kanyang Pangako”

“Genesis 15–18; 21: ‘Ginawa ng Panginoon … ang Ayon sa Kanyang Pangako,’” Manwal ng Titser ng Seminary para sa Lumang Tipan (2026)

“Genesis 15–18; 21: ‘Ginawa ng Panginoon … ang Ayon sa Kanyang Pangako,’” Manwal ng Titser ng Seminary para sa Lumang Tipan

Genesis 18–23: Lesson 25

Genesis 15–18; 21

“Ginawa ng Panginoon … ang Ayon sa Kanyang Pangako”

Sarah holds a baby Isaac in her arms. She looks down at him and smiles.

Gumawa ang Panginoon ng maluwalhating mga pangako sa matatapat, ngunit kung minsan, dahil sa sitwasyon natin sa buhay, nagdududa tayo kung matutupad pa ang mga pangakong ito. Maaaring gayon ang nadama nina Abraham at Sara matapos ipangako ng Panginoon sa kanila na magkakaroon ng anak si Sara sa kanyang katandaan. Ang lesson na ito ay makatutulong sa mga estudyante na madagdagan ang kanilang tiwala na tutuparin ng Panginoon ang Kanyang mga pangako.

Paghahanda ng estudyante: Sabihin sa mga estudyante na isaulo at pagnilayan ang unang linya na matatagpuan sa Genesis 18:14: “Mayroon bang anumang bagay na napakahirap sa Panginoon?” Maaari ninyo silang hikayatin na isipin ang mga pagkakataon na nakita nilang naisagawa ng Panginoon ang tila mga imposibleng bagay sa mga banal na kasulatan, sa sarili nilang buhay, o sa buhay ng iba.

Mga Posibleng Aktibidad sa Pag-aaral

Ang mga pangako ng Panginoon sa atin

Ipakita ang mga sumusunod na sitwasyon upang ilarawan kung bakit maaaring pagdudahan ng isang tao kung tutuparin ng Diyos ang Kanyang mga pangako. Para sa isa pang sitwasyon, maaari ninyong panoorin ang “Continue in Patience” (2:41), mula sa time code na 1:07 hanggang 1:55. Makikita ang video na ito sa ChurchofJesusChrist.org. Maaari mo ring anyayahan ang mga estudyante na gumawa ng sarili nilang mga sitwasyon na katulad nito.

2:42

Napagpasiyahan ng isang dalagita na maging tapat sa kanyang gawain sa paaralan, dahil sa paniniwalang pagpapalain siya ng Panginoon. Napansin niya na naging mas mababa ang kanyang mga marka kumpara sa ibang estudyante na nandaraya.
Natanggap ng isang binatilyo ang kanyang patriarchal blessing, na nagsasabing maglilingkod siya bilang isang full-time missionary. Sa isang medical exam, natuklasan ng mga doktor na mayroon siyang pisikal na kumplikasyon na hahadlang sa kanya na maglingkod.
Sinubok ng isang dalagita ang pangako ni Moroni sa pamamagitan ng pagbabasa ng Aklat ni Mormon at pagdarasal upang malaman na totoo ito. Pakiramdam niya ay wala siyang natanggap na sagot. Ano ang ilang tanong na maaaring mayroon ang mga kabataang ito tungkol sa Diyos at sa Kanyang mga pangako?
- Ano ang ilang tanong na maaaring mayroon ang mga kabataang ito tungkol sa Diyos at sa Kanyang mga pangako?

Sabihin sa mga estudyante na mag-isip ng mga sitwasyon kung saan mahihirapan sila o ang mga taong kilala nila na makita kung paano tutuparin ng Panginoon ang mga ipinangakong pagpapala. Maaari mong anyayahan ang mga estudyante na magsulat tungkol sa mga sitwasyong ito sa kanilang study journal. Maaari din nilang isulat ang anumang tanong na mayroon sila.

Hikayatin ang mga estudyante na pagsikapang maanyayahan ang Espiritu Santo sa kanilang pag-aaral. Magpatotoo na kapag ginawa nila ito, matutulungan sila ng Espiritu Santo na mahanap ang mga sagot sa kanilang mga tanong at madaragdagan ang kanilang tiwala na tutuparin ng Panginoon ang Kanyang mga pangako.

Ang mga pangako ng Panginoon kina Abraham at Sara

Habang pinag-aaralan ng mga estudyante ang salaysay nina Sara at Abraham, matutulungan mo silang magsanay sa pagbabasa ng mga banal na kasulatan sa loob ng naaangkop na konteksto. Malalaman ng mga estudyante ang tungkol sa kasanayang ito sa sumusunod na talata:

Sa pag-aaral natin ng mga banal na kasulatan, makatutulong na maunawaan ang konteksto (mga sitwasyon o impormasyon tungkol sa isang partikular na passage). Ang konteksto ay makapaglilinaw at makapagbibigay ng mas malalim na pang-unawa sa mga kuwento o turo sa mga banal na kasulatan. Halimbawa, habang pinag-aaralan ang kuwento nina Abraham at Sara, maaaring makatulong na malaman na halos buong buhay niya, hinangad ni Abraham na maging ama (tingnan sa Abraham 1:2). Ngunit nang lumampas na ang edad nila ng kanyang asawa na si Sara sa karaniwang taon ng pag-aanak, tila hindi na nila mararanasan ang mga ipinangakong pagpapala ng pagkakaroon ng sarili nilang mga anak sa kanilang mortal na buhay.

Matapos mag-aral at magtalakayan ng mga estudyante sa kanilang grupo, maaari mong anyayahan ang ilang boluntaryo na ibahagi sa klase ang kanilang mga ideya. Pagkatapos ay maaari mong itanong sa kanila ang mga sumusunod:

Sa palagay ninyo, paano nakatulong sa inyo ang konteksto para maunawaan ang pinag-aralan ninyo?
Ano kaya ang madarama ninyo kung naranasan ninyo ang ginawa nina Abraham at Sara sa mga talatang ito?

Tinutupad ng Panginoon ang Kanyang mga pangako

Basahin ang Genesis 21:1–6, at alamin kung paano tinupad ng Panginoon ang Kanyang mga pangako kina Abraham at Sara.

Anong mga katotohanan ang nalaman ninyo tungkol sa Panginoon mula sa salaysay na ito?

Ibinahagi ni Pangulong Dieter F. Uchtdorf, na noon ay kabilang sa Unang Panguluhan, ang isang aral na natutuhan niya tungkol sa mga pangako ng Diyos:

Ang mga pangako ng Diyos ay hindi palaging natutupad nang kasimbilis ng o sa paraang inaasahan natin; dumarating ang mga ito ayon sa Kanyang panahon at paraan. (“Patuloy na Magtiyaga,” Liahona, Mayo 2010, 58)

Ang isang katotohanan na matutukoy ng mga estudyante ay tinutupad ng Panginoon ang Kanyang mga pangako sa Kanyang panahon at sa Kanyang paraan.

Paano tayo makikinabang mula sa mga panahon na ang mga pangako ng Panginoon ay hindi kaagad natutupad sa ating buhay?
Ano ang nalalaman ninyo tungkol sa Panginoon na makatutulong sa inyo habang hinihintay ninyong matupad ang Kanyang mga pangako?

Maaaring maging kapaki-pakinabang sa mga estudyante ang paghahanap ng mga banal na kasulatan tungkol sa Panginoon na makatutulong sa kanila na masagot ang naunang tanong. Maaaring kabilang sa mga posibleng passage ang Juan 14:18; 1 Nephi 9:6; Mosias 24:14; Doktrina at mga Tipan 24:8; 68:6.

Mga karanasan at pagpapatotoo

Ibinahagi ni Pangulong Jeffrey R. Holland ng Korum ng Labindalawang Apostol ang sumusunod na kabatiran tungkol sa mga ipinangakong pagpapala ng Panginoon:

May mga pagpapalang dumarating kaagad, ang ilan ay huli na, at ang ilan ay hindi dumarating hangga’t wala pa tayo sa kabilang buhay; ngunit para sa mga tumatangap sa ebanghelyo ni Jesucristo, dumarating ang mga ito. (“An High Priest of Good Things to Come,” Ensign, Nob. 1999, 38)

Ano ang mga naranasan ninyo o ng iba na nakatulong sa inyo na maniwalang tutuparin ng Panginoon ang Kanyang mga pangako sa Kanyang paraan at sa Kanyang panahon?

Ihanda ang mga estudyante na patotohanan ang mga katotohanang natutuhan o nadama nila. Maaari mong magawa ito sa pamamagitan ng pagpapakita ng mga sumusunod na tagubilin:

Pumili ng isa sa mga sumusunod na aktibidad na gagawin sa iyong study journal:

Pagnilayan ang mga sitwasyong ibinahagi sa simula ng lesson. Sumulat ng liham sa isa sa mga taong iyon, at isama ang dahilan kung bakit naniniwala ka na tutuparin ng Panginoon ang Kanyang mga pangako.
Sumulat ng maikling talata sa iyong journal. Isama ang mga bagay na natutuhan at nadama mo ngayon na makatutulong sa iyo kapag naghihintay ka na matupad ang mga pangako ng Panginoon.

Sabihin sa ilang boluntaryo na ibahagi sa klase ang kanilang nararamdaman. Maaari mong tapusin ang lesson sa pagbabahagi ng iyong patotoo na tutuparin ng Panginoon ang Kanyang mga pangako.

Karagdagang Resources

Paano maiimpluwensyahan ang buhay ko sa paniniwala sa mga pangako ng Diyos?

Itinuro ni Elder David A. Bednar ng Korum ng Labindalawang Apostol:

Ang maniwala sa Kanya ay pagtitiwala na matatamo at magagamit natin ang Kanyang saganang pagpapala sa ating kani-kanyang buhay at pamilya. Ang maniwala sa Kanya nang buong kaluluwa [tingnan sa Omni 1:26] ay nangyayari kapag nagpapatuloy tayo sa paggawa at pagtupad ng mga tipan, isinusuko ang ating kalooban sa Kanyang kalooban, at nagpapasakop sa Kanyang mga prayoridad at takdang panahon para sa atin. Ang maniwala sa Kanya—ang tanggapin ang Kanyang kapangyarihan at mga pangako—ay nagbibigay ng malinaw na pananaw, kapayapaan, at kagalakan sa ating buhay. (“Kung Ako’y Nangakilala Ninyo,” Liahona, Nob. 2016, 105)

Paano ako matutulungan ng walang-hanggang pananaw na magtiwala sa mga pangako ng Diyos?

Ipinangako ni Elder Neil L. Andersen ng Korum ng Labindalawang Apostol:

Kung minsan ay parang hindi patas ang buhay—lalo na kapag ang pinakamalaking hangarin natin ay sundin ang mismong utos ng Panginoon. Bilang lingkod ng Panginoon, tinitiyak ko sa inyo na ang pangakong ito ay matutupad: “Ang matatapat na miyembro na dahil sa sitwasyon ay hindi natanggap ang mga pagpapala ng walang hanggang kasal at hindi naging magulang sa buhay na ito ay tatanggapin ang lahat ng ipinangakong pagpapala sa mga kawalang-hanggan, [kapag] tinupad nila ang mga tipang ginawa nila sa Diyos” [Handbook 2: Administering the Church (2010), 1.3.3]. (“Mga Anak,” Liahona, Nob. 2011, 30)

Genesis 16:1–3. Bakit pinakasalan ni Abraham si Hagar kung ikinasal na siya kay Sara?

Pinakasalan ni Abraham si Hagar, ang tagapagsilbi ng kanyang asawang si Sara, dahil inutusan siyang gawin ito (tingnan sa Doktrina at mga Tipan 132:34–35). Ang pag-aasawa nang higit sa isa ay ipinagbabawal maliban kung iutos ito ng Panginoon sa pamamagitan ng Kanyang propeta (tingnan sa Jacob 2:27–30). Para sa karagdagang impormasyon tungkol sa pag-aasawa nang higit sa isa sa kasaysayan ng Simbahan, tingnan ang sanaysay na “Plural Marriage in The Church of Jesus Christ of Latter-day Saints” sa Gospel Topics.

Genesis 17:20. Sino ang mga inapo ni Ismael?

Ayon sa tradisyong Islam, dinala ni Abraham si Ismael at ang kanyang ina sa Arabia at pinatira sila malapit sa lugar na magiging kilalang lungsod ng Mecca. Kalaunan, ang mga inapo ni Ismael na 12 anak na lalaki ay nagsimulang manirahan sa Arabian Peninsula.

Iginagalang si Hagar at ang kanyang anak na si Ismael sa relihiyong Islam bilang mga ninuno ni Muhammad, ang nagtatag ng Islam. Iginagalang din ng mga Muslim (mga tagasunod ng Islam) si Abraham bilang isang propeta.

Para sa karagdagang impormasyon, tingnan ang “Ishmael, Our Brother,” James B. Mayfield, Ensign, Hunyo 1979, 24–32.

Mga Karagdagang Aktibidad sa Pag-aaral

Mga cross-reference

Upang mailarawan ang pananampalatayang ipinakita nina Abraham at Sara sa Panginoon, sabihin sa mga estudyante na pag-ugnayin ang isa o mahigit pa sa mga sumusunod na passage sa Genesis 21:1–2:

Roma 4:16–22
Mga Hebreo 11:11
Ano ang natutuhan ninyo mula sa mga talatang ito na makatutulong sa inyo na magkaroon ng pananampalataya na tutuparin ng Diyos ang Kanyang mga pangako?

Pagsasalin ni Joseph Smith

Bilang bahagi ng inyong pag-aaral ng Genesis 15, maaari mong ipaliwanag na itinuturo ng Pagsasalin ni Joseph Smith na si Abraham ay may mga tanong din tungkol sa pangako ng Panginoon na magbibigay Siya ng lupang pamana.

Basahin ang Pagsasalin ni Joseph Smith, Genesis 15:9–12, at alamin ang itinuro ng Panginoon kay Abraham na nakatulong sa kanya na maniwala sa pangako.

Ano ang nalaman ninyo?
Sa inyong palagay, bakit nakatulong kay Abraham sa panahong ito na matutuhan ang tungkol sa kamatayan at Pagkabuhay na Mag-uli ni Jesucristo?
Paano makatutulong sa atin ang walang-hanggang pananaw kapag nadarama natin na hindi natutupad ang mga ipinangakong pagpapala?

Matuto mula sa mga halimbawa ng banal na kasulatan

Maaaring may mga pagkakataon na inaasahan natin ang ilang bagay na mangyayari sa ating buhay, ngunit sa halip nito ay nahaharap lamang tayo sa mga hindi inaasahang hamon o sitwasyon.

Sabihin sa mga estudyante na pag-isipan ang sumusunod na tanong:

Sino ang kakilala mo na ang mga kalagayan sa buhay ay maaaring naiiba kaysa inaasahan niya?

Pumili ng isa sa mga sumusunod na tao na pag-aaralan. Maghanap ng mga bagay na maaaring naisin ng taong ito mula sa mga banal na kasulatan na malaman ng inyong kaibigan o kapamilya tungkol sa Panginoon.

Abraham (Genesis 15:1–6)
Hagar (Genesis 16:3–11)
Sara (Genesis 18:9–14; 21:1–2)
Ismael (Genesis 21:9–20)
- Paano makatutulong sa inyo sa mahihirap na panahon ang pag-alaala na alam ng Panginoon ang mga hamong kinakaharap ninyo?