Эхлэл 15–18; 21

2:42

1. Нэгэн залуу эмэгтэй Их Эзэн өөрийг нь адисална гэдэгт итгэж, хичээлээ хийхдээ шударга байхаар шийдсэн байна. Тэр эмэгтэй хуулдаг бусад оюутнаас дүн нь муу байгааг анзаарчээ.

2. Нэгэн залуу эрэгтэй патриархын адислалаа хүлээн авсан ба адислалд нь түүнийг бүрэн цагийн номлолд үйлчилнэ гэсэн. Эрүүл мэндийн үзлэгийн үеэр эмч нар түүнийг бие махбодын хувьд номлолд үйлчлэх шаардлага хангахгүй өвчтэй гэдгийг олж тогтоожээ.

3. Нэгэн залуу эмэгтэй Мормоны Номыг уншиж, үнэн гэдгийг нь мэдэхээр залбирч, Моронайн өгсөн амлалтуудыг шалгаж үзсэн байна. Түүнд хариултаа олж аваагүй юм шиг санагдсан аж. Энэ залуучуудад Бурхан, Түүний амлалтуудын талаар ямар ямар асуулт байж болох вэ?

   • Энэ залуучуудад Бурхан, Түүний амлалтуудын талаар ямар ямар асуулт байж болох вэ?

Судраас судлах үедээ хам сэдвийг (тухайн хэсгийг тойрсон нөхцөл байдал эсвэл түүх) мэдэх нь тустай. Хам сэдэв нь судрууд дээрх түүх эсвэл сургаалыг тодруулж, илүү гүн гүнзгий ойлголт өгдөг. Жишээлбэл: Абрахам, Сара хоёрын түүхийг судлах явцдаа, Абрахам амьдралынхаа ихэнх хугацаанд эцэг болохыг хүсэж байсан (Абрахам 1:2-ыг үзнэ үү) гэдгийг мэдэж байх нь тустай байж болно. Гэвч тэр болон түүний эхнэр Сара үр хүүхэд төрүүлж чадах наснаасаа өнгөрсөн бөгөөд мөнх бус амьдралдаа өөрсдийн гэсэн үр хүүхэдтэй болох амлагдсан адислалыг хүртэж чадахгүй нь харагдаж байсан.

PDF файлыг нээх

• Судалсан зүйлээ ойлгоход тань уг хам сэдэв хэр тус болсон гэж та бодож байна вэ?

• Хэрэв та эдгээр шүлэгт гарч буй Абрахам, Сара хоёртой адил зүйлийг амссан бол танд ямар мэдрэмж төрөх байсан бол?

Эхлэл 21:1–6-г уншаад, Их Эзэн Абрахам, Сара хоёрт өгсөн амлалтаа хэрхэн биелүүлснийг олж мэд.

• Та энэ түүхээс Их Эзэний талаар ямар үнэнийг олж мэдсэн бэ?

Тэргүүн зөвлөлийн ерөнхийлөгч асан ерөнхийлөгч Дийтр Ф.Угдорф Бурханы амлалтуудын талаар олж авсан сургамжаа хуваалцжээ.

Бурханы амлалтууд үргэлж бидний хүссэн арга замаар ирдэггүй, тэдгээр нь хүссэн шиг маань хурдан ирдэггүй бөгөөд тэдгээр нь Түүний цагт, Түүний арга замаар ирдэг. (“Тэвчээрээр үргэлжлүүл,” 2010 оны 4-р сарын Ерөнхий чуулган, 69)

• Бидний амьдралд Их Эзэний амлалтууд тэр даруй биеллээ олоогүй үеүд бидэнд хэрхэн сайнаар нөлөөлж болох вэ?

• Их Эзэний амлалтууд биелэгдэхийг хүлээж байхад тань танд тусалж чадах Түүний талаар та юу мэдэх вэ?

Уг мэдэгдэлтэй эсвэл видеотой хамааралтай өөрт тохиолдсон хувийн туршлагаа бодож үзэхэд суралцагчдыг урь.

4:55

Арван хоёр төлөөлөгчийн чуулгын ахлагч Жэффри Р.Холланд Их Эзэний амласан адислалуудын талаар дараах ойлголтыг хуваалцжээ.

Зарим адислал удалгүй ирдэг, зарим нь оройтож ирдэг, зарим нь тэнгэрт очих хүртэл ирдэггүй хэдий ч Есүс Христийн сайн мэдээг хүлээн авсан хүмүүсийн хувьд бол заавал ирнэ. (“An High Priest of Good Things to Come,” Ensign, Nov. 1999 , 38)

• Их Эзэн амлалтуудаа Өөрийн цаг хугацаанд Өөрийн арга замаар биелүүлнэ гэдэгт итгэхэд тусалсан ямар туршлага танд эсвэл бусдад тулгарч байсан бэ?

Судлах тэмдэглэл дээрээ дараах үйл ажиллагаануудын нэгийг сонгож гүйцэтгэ.

1. Хичээлийн эхэнд хуваалцсан жишээнүүдийг эргэцүүлэн бод. Уг хүмүүсийн нэгэнд захиа бичээд, Их Эзэн амлалтаа биелүүлнэ гэдэгт яагаад итгэж буйгаа дурд.

2. Тэмдэглэл дээрээ богино догол мөрүүдийг бич. Өнөөдөр Их Эзэний амлалтууд биелэгдэхийг хүлээж буй үед тань танд туслах олж мэдсэн, мэдэрсэн зүйлсээ багтаа.