Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Genesisy 15–18; 21: “Nataon’i Jehovah … araka ilay efa noteneniny”

“Genesisy 15–18; 21: -Nataon’i Jehovah … araka ilay efa noteneniny,-” Testamenta Taloha: Boky torolalana ho an’ny mpampianatra seminera (2026)

“Genesisy 15–18; 21: -Nataon’i Jehovah … araka ilay efa noteneniny,-” Testamenta Taloha: Boky torolalana ho an’ny mpampianatra seminera

Genesisy 18–23: Lesona 25

Genesisy 15–18; 21

“Nataon’i Jehovah … araka ilay efa noteneniny”

Sarah holds a baby Isaac in her arms. She looks down at him and smiles.

Nanao fampanantenana be voninahitra tamin’ireo mahatoky ny Tompo, saingy ny zava-misy eo amin’ny fiainantsika indraindray dia mety hahatonga antsika hanontany tena hoe ahoana no mety hahatanteraka ireo fampanantenana ireo. Mety ho nahatsapa toy izany koa i Abrahama sy i Saraha rehefa nampanantena ny Tompo fa hanan-janaka i Saraha tamin’ny fahanteran’izy ireo. Ity lesona ity dia afaka manampy ireo mpianatra hampitombo ny fahatokiany fa hihazona ireo fampanantenany ny Tompo.

Fanomanana ny mpianatra: Asao ireo mpianatra hitadidy sy hisaintsaina ny andalana voalohany hita ao amin’ny Genesis 18:14: “Fa moa misy zavatra mahagaga izay tsy hain’i Jehovah va?” Azonao atao ny mamporisika azy ireo hieritreritra ireo fotoana nahitan’izy ireo ny Tompo nanatanteraka zavatra toa tsy azo tanterahina ao amin’ny soratra masina, na ny fiainany manokana, na ny fiainan’ny hafa.

Sahanasa fianarana azo atao

Ireo fampanantenan’ny Tompo ho antsika

Asehoy ireto rafi-tantara manaraka ireto mba hanehoana ny antony mety hampanontany tena ny olona iray raha toa ka hihazona ireo fampanantenany Andriamanitra. Ho an’ny rafi-tantara iray hafa dia azonareo atao ny mijery ny “Continue in Patience” (2:41), manomboka amin’ny kaodim-potoana 1:07 ka hatramin’ny 1:55. Io horonan-tsary io dia hita ao amin’ny ChurchofJesusChrist.org. Azonao atao ihany koa ny manasa ireo mpianatra hamorona ny rafi-tantarany manokana, mitovitovy amin’izy ireo.

2:42

Nisafidy ny ho marin-toetra ny zatovovavy iray amin’ny fianarana ataony any am-tsekoly, amin’ny finoana fa hitahy azy ny Tompo. Tsikariny fa ratsy noho ny an’ireo mpianatra hafa izay mangala-tahaka ny naotiny.
Nandray ny tsodranon’ny patriarika ho azy ny zatovolahy iray, izay milaza fa hanao asa fitoriana amin’ny fotoana feno izy. Hitan’ny dokotera fa manana olana ara-batana izy nandritra ny fizahana ara-pahasalamana ka izany dia tsy hahafahany handeha hanompo.
Nisy zatovovavy iray nitsapa ny fampanantenan’i Môrônia tamin’ny famakiana ny Bokin’i Môrmôna sy ny vavaka mba hahafantarana raha marina izany. Tsapany fa tsy nahazo valiny izy. Inona avy ireo mety ho fanontaniana ananan’ireo zatovo ireo momba an’ Andriamanitra sy ireo fampanantenany?
- Inona avy ireo mety ho fanontaniana ananan’ireo zatovo ireo momba an’ Andriamanitra sy ireo fampanantenany?

Asao ireo mpianatra hieritreritra toe-javatra izay mety ho sarotra ho azy ireo, na ny olona fantany, ny mahita ny fomba hanatanterahan’ny Tompo ireo fitahiana nampanantenainy. Hevero ny hanasa ireo mpianatra hanoratra momba ireo toe-javatra ireo ao amin’ny diary fandalinany. Mety hanoratra izay fanontaniana ananany ihany koa izy ireo.

Amporisiho ireo mpianatra hanao ezaka izay afaka manasa ny Fanahy Masina amin’ny fianarany. Mijoroa ho vavolombelona fa afaka manampy azy ireo hahita ny valin’ny fanontaniany ny Fanahy Masina ary hampitombo ny fahatokiany fa hotanterahin’ny Tompo ireo fampanantenany, rehefa manao izany izy ireo.

Ireo fampanantenan’ny Tompo tamin’i Abrahama sy i Saraha

Azonao atao ny manampy ireo mpianatra hampihatra ny famakiana soratra masina ao anatin’ny sahan-kevitra mifanaraka amin’izany, rehefa mandalina ny tantaran’i Saraha sy i Abrahama izy ireo. Ity andiam-pehezan-teny manaraka ity dia afaka mampahafantatra ireo mpianatra io fahaiza-manao io:

Mety hanampy ny fahatakarana ny sahan-kevitra (toe-javatra na zava-nisy manodidina ny andalan-tsoratra masina iray), rehefa mandalina ny soratra masina isika. Afaka manazava sy mitondra fahatakarana lalindalina kokoa ireo tantara na fampianarana ao amin’ny soratra masina ny sahan-kevitra. Ohatra, mety hanampy ny mahafantatra, rehefa mandalina ny tantaran’i Abrahama sy i Saraha, fa nandritra ny ankamaroan’ny fiainany dia naniry ny ho ray i Abrahama (jereo ny Abrahama 1:2). Saingy rehefa nihalehibe izy sy i Saraha vadiny, dia toa hita fa tsy hiaina ireo fitahiana nampanantenaina amin’ny fananana ny zanany manokana mandritra ny fiainany eto an-tany izy ireo.

Manasà mpianatra manolo-tena vitsivitsy hizara ny heviny amin’ny iray kilasy, rehefa avy nandalina sy nifanakalo hevitra tamin’ny vondrona misy azy ireo mpianatra. Afaka mametraka ireto fanontaniana manaraka ireto ianao avy eo:

Inona no tsapanao fa nanampian’ilay sahan-kevitra anao mba hahatakaranao ny zavatra nohalalininao?
Inona no mety ho tsapanao raha toa ka niaina ny zavatra nataon’i Abrahama sy i Saraha ao amin’ireo andininy ireo ianao?

Mihazona ireo fampanantenany ny Tompo

Vakio ny Genesisy 21:1–6 ka tadiavo ny fomba nihazonan’ny Tompo ireo fampanantenany tamin’i Abrahama sy i Saraha.

Inona no fahamarinana ianaranao momba ny Tompo avy amin’io tantara io?

Nizara lesona iray izay nianarany momba ny fampanantenan’ Andriamanitra ny Filoha Dieter F. Uchtdorf, fony izy tao amin’ny Fiadidiana Voalohany:

Tsy ary ho tanteraka haingana araka izay mety hanantenantsika azy foana ireo fampanantenan’ Andriamanitra; tonga araka ny fotoany sy ny fombany izy ireny. (“Persévérer avec patience,” Liahona, avril 2010, 58)

Fahamarinana iray mety ho hitan’ireo mpianatra ny hoe: ny Tompo dia manatanteraka ny fampanantenany amin’ny fotoany sy amin’ny fombany.

Ahoana no ahafahantsika mandray soa avy amin’ireo fotoana izay tsy mahatanteraka eo no ho eo amin’ny fiainantsika ireo fampanantenan’ny Tompo?
Inona no fantatrao momba ny Tompo izay afaka manampy anao eo am-piandrasana ny fahatanterahan’ny fampanantenany?

Mety hahazo tombontsoa ireo mpianatra amin’ny fitadiavana soratra masina momba ny Tompo izay afaka manampy azy ireo hamaly ilay fanontaniana teo aloha. Mety ho isan’izany ireto andalan-tsoratra masina ireto Jaona 14:18; 1 Nefia 9:6; Môzià 24:14; Fotopampianarana sy Fanekempihavanana 24:8; 68:6.

Traikefa sy fijoroana ho vavolombelona

Nizara izao fahatakarana manaraka izao ny Filoha Jeffrey R. Holland, ao amin’ny Kôlejin’ny Apôstôly Roambinifolo, momba ireo fitahiana nampanantenain’ny Tompo:

“Ny fitahiana sasany dia tsy maharitra ela dia mirotsaka, ny sasany somary taraiky, ary ny sasany kosa dia tsy mirotsaka mihitsy raha tsy any an-danitra; fa ho an’ireo izay manaiky ny filazantsaran’i Jesoa Kristy, dia mirotsaka ihany izy ireo. (“An High Priest of Good Things to Come,” Ensign, Nov. 1999, 38)

Inona no zavatra niainanao na niainan’ny hafa izay nanampy anao hino fa ny Tompo dia hihazona ny fampanantenany amin’ny fombany sy amin’ny fotoanany?

Ampiomano ireo mpianatra hijoro ho vavolombelona momba ireo fahamarinana nianarany na tsapany. Azonao atao izany amin’ny alalan’ny fampisehoana ireto torolalana manaraka ireto:

Misafidiana iray amin’ireto sahanasa atao manaraka ireto izay hovitaina ao anatin’ny diary fandalinanao:

Saintsaino ireo rafi-tantara nozaraina tany am-piandohan’ny lesona. Manorata taratasy ho an’ny iray amin’ireo olona ireo, ary ampidiro ny antony inoanao fa hihazona ny fampanantenany ny Tompo.
Manorata andiam-pehezan-teny fohy ao amin’ny diarinao. Ampidiro ireo zavatra nianaranao sy tsapanao androany izay mety hanampy anao eo am-piandrasanao ny fahatanterahan’ireo fampanantenan’ny Tompo.

Manasà mpianatra manolo-tena vitsivitsy hizara ny zavatra tsapany amin’ny iray kilasy. Azonao atao ny mamarana amin’ny fizarana ny fijoroanao ho vavolombelona fa ny Tompo dia hihazona ny fampanantenany.

Loharanom-pitaovana fanampiny

Inona no mety ho fiantraikan’ny finoana ireo fampanantenan’ Andriamanitra eo amin’ny fiainako?

Nampianatra ny Loholona David A. Bednar ao amin’ny Kôlejin’ny Apôstôly Roambinifolo hoe:

Ny mino Azy dia midika hoe matoky fa misy sy afaka ny ho azo eo amin’ny fiainantsika tsirairay avy sy ny fianakaviantsika ireo fitahiana marobe avy Aminy. Ny finoana Azy amin’ny fanahintsika manontolo [jereo ny Ômnia 1:26] dia tonga rehefa miezaka handroso eo amin’ny lalan’ny fanekempihavanana isika, mampandefitra ny sitrapontsika amin’ny Azy, ary manaiky ny laharam-pahamehana sy ny fandahaminam-potoana napetrany ho antsika. Ny finoana Azy—fanekena fa marina ny heriny sy ny fampanantenany—dia manasa ny fahaizana mijery lavitra sy ny fiadanana ary ny fifaliana eo amin’ny fiainantsika. (“Raha nahafantatra Ahy hianareo,” Liahona, nôv. 2016, 105.)

Ahoana no ahafahan’ny fomba fijery mibanjina ny mandrakizay manampy ahy hatoky ireo fampanantenan’ Andriamanitra?

Nampanantena ny Loholona Neil L. Andersen avy ao amin’ny Kôlejin’ny Apôstôly Roambinifolo hoe:

Indraindray ny fiainana dia toa tena miangatra izany—indrindra rehefa hoe ny faniriantsika lehibe indrindra dia ny manao araka izay handidian’ny Tompo. Amin’ny maha mpanompon’ny Tompo ahy dia manome antoka anareo aho fa marina ity fampanantenana ity: “Ireo mpikambana mahatoky izay sendra ny toe-javatra tsy mamela azy ireo handray ny fitahian’ny fanambadiana mandrakizay sy ny maha-ray aman-dreny eto amin’ity fiainana ity dia handray ireo fitahiana rehetra nampanantenaina any amin’ny mandrakizay, [raha] mitandrina ny fanekempihavanana nataon’izy ireo tamin’ Andriamanitra” [Manuel 2: Administration de l’Église (2010), 1.3.3]. (“Ireo zanaka,” Liahona, nôv. 2011, 30)

Genesisy 16:1–3. Nahoana i Abrahama no naka vady an’i Hagara nefa efa nanambady an’i Saraha izy?

Nanambady an’i Hagara, mpanompon’i Saraha vadiny i Abrahama satria nodidiana hanao izany izy (jereo ny Fotopampianarana sy Fanekempihavanana 132:34–35). Voarara ny fanambadiana maro, raha tsy ny Tompo no mandidy izany amin’ny alalan’ny mpaminaniny (jereo ny Jakôba 2:27–30). Jereo ny lahatsoratra momba ireo lohahevitra mikasika ny filazantsara raha mila fampahalalana bebe kokoa momba ny fampiharana ny fanambadiana maro teo amin’ny tantaran’ny Fiangonana, jereo ny Essais sur des sujets de l’Évangile “Le mariage plural dans l’Église de Jésus-Christ des Saints des Derniers Jours.”

Genesisy 17:20. Iza ireo taranak’i Ismaela?

Nitondra an’i Ismaela sy ny reniny tany Arabia ary nanorim-ponenana teo akaikin’ny tanàna izay lasa tanàna lehiben’i Lameka i Abrahama, araka ny lovan-tsofina Silamo. Nanomboka nameno ny Saikinosy Arabo ny taranak’ireo zanak’i Ismaela 12 lahy tatỳ aoriana.

Hajaina ao amin’ny finoana Silamo amin’ny maha-razamben’i Mahomet, mpanorina ny finoana Silamo azy ireo i Hagara sy i Isimaela zanany. Ny mpino Silamo ihany koa dia manaja an’i Abrahama ho mpaminany.

Jereo ny “Ishmael, Our Brother,” James B. Mayfield, Ensign, June 1979, 24–32, raha hitady fampahalalana misimisy kokoa momba an’i Isimaela sy ny taranany.

Sahanasa fianarana fanampiny

Toko sy andinin-tsoratra masina mifandray

Mba hanehoana ny finoana nasehon’i Abrahama sy i Saraha tao amin’ny Tompo, dia asao ireo mpianatra hampifandray ny iray na maromaro amin’ireto andalan-tsoratra masina manaraka ireto amin’ny Genesisy 21:1–2:

Romana 4:16–22
Hebreo 11:11
Inona no ianaranao avy amin’ireo andinin-tsoratra masina ireo izay afaka manampy anao hanana finoana fa hitana ireo fampanantenany Andriamanitra?

Dikantenin’i Joseph Smith

Ao anatin’ny fandalinanao ny Genesisy 15 dia hevero ny hanazava ny fampianaran’ny Dikantenin’i Joseph Smith fa nanana fanontaniana mikasika ny fampanantenan’ny Tompo momba ny fanomezana tany lova koa i Abrahama.

Vakio ny Dikantenin’i Joseph Smith, Genesisy 15:9–12 (ao amin’ny Dikantenin’i Joseph Smith—Tovana), hitadiavana ny zavatra nampianarin’ny Tompo an’i Abrahama izay nanampy azy hino ilay fampanantenana.

Inona no hitanao?
Nahoana araka ny eritreritrao no nanampy an’i Abrahama ny fianarana momba ny fahafatesana sy ny Fitsanganan’i Jesoa Kristy tamin’ny maty tamin’izany fotoana izany?
Ahoana no ahafahan’ny fomba fijery mibanjina ny mandrakizay manampy antsika rehefa mahatsapa isika fa tsy tanteraka ireo fitahiana nampanantenaina?

Mianatra avy amin’ireo ohatra ao amin’ny soratra masina

Mety misy fotoana isika manantena zavatra sasany hitranga eo amin’ny fiainantsika, kanefa sendra fanamby na toe-javatra tsy ampoizina.

Angataho ny mpianatra hisaintsaina ity fanontaniana manaraka ity:

Iza no fantatrao fa mety ho miaina toe-javatra hafa noho ny nantenain’izy ireo eo amin’ny fiainana?

Misafidiana iray amin’ireto olona manaraka ireto hoenti-mandalina. Tadiavo ireo zavatra mety tian’io olona ao amin’ny soratra masina io ho fantatry ny namanao na ny olona ao amin’ny fianakavianao momba ny Tompo.

Abrahama (Genesisy 15:1–6)
Hagara (Genesisy 16:3–11)
Saraha (Genesisy 18:9–14; 21:1–2)
Ismaela (Genesisy 21:9–20)
- Ahoana no ahafahan’ny fahatsiarovana fa fantatry ny Tompo ireo olana atrehinao manampy anao mandritra ny fotoan-tsarotra?