Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Mosesy 8: Manaraka ny Mpamonjy ao anatina tontolo ratsy iray

“Mosesy 8: Manaraka ny Mpamonjy ao anatina tontolo ratsy iray,” Testamenta Taloha: Boky torolalana ho an’ny mpampianatra seminera (2026)

“Mosesy 8: Manaraka ny Mpamonjy ao anatina tontolo ratsy iray,” Testamenta Taloha: Boky torolalana ho an’ny mpampianatra seminera

Genesisy 6–11; Mosesy 8: Lesona 19

Mosesy 8

Manaraka ny Mpamonjy ao anatina tontolo ratsy iray

Jesus Christ walking along a path by a river. There are a number of sheep following him.

Niantso an’i Noa ho mpaminany ny Tompo tamin’ny fotoana nilazana ny olona ho mpanao “ny ratsy lalandava” (Mosesy 8:22). Nifidy ny hanaraka an’i Jesosy Kristy i Noa sy ireo zanany lahy, na dia tao anivon’ny faharatsiana be aza. Ity lesona ity dia afaka manampy ny mpianatra hanaraka tsara kokoa ny Mpamonjy na dia miaina ao anatina tontolo ratsy aza izy ireo.

Fanomanana ny mpianatra: Asao ireo mpianatra hieritreritra ireo fanamby na fahasarotana atrehan’izy ireo amin’ny fanarahana an’i Jesoa Kristy eto amin’izao tontolo izao ankehitriny. Angataho izy ireo ho tonga ao an-dakilasy vonona hizara ny zavatra nanampy azy ireo handresy an’izao tontolo izao sy hanara-dia an’i Jesoa Kristy.

Sahanasa fianarana azo atao

Miaina ao anatin’izao tontolo izao nefa tsy naman’izao tontolo izao

Atombohy amin’ny alalan’ny fampisehoana rano iray siny sy zavatra maina kely amin’ireo mpianatra ny fotoam-pianarana.

Afaka mitoetra ho maina hatrany ve ny zavatra iray raha apetraka ao anaty siny misy rano? Amin’ny fomba ahoana?

Rehefa nahazo fahafahana nizara ny eritreriny ireo mpianatra dia apetraho ao anaty harona plastika na fitoeran-javatra mihidy ilay zavatra, dia apetraho ao anaty siny misy rano izany.
Ahoana no mety hifandraisan’ity lesona azo tsapain-tanana ity amin’ny ezaka ataontsika mba hitoetra ho marina ao anatin’ny tontolo ratsy iray?

Asehoy ireto teny nambara manaraka ireto ireo mpianatra mba hanampiana azy ireo hanombantombana ny fahafahan’izy ireo miaina amim-pahamarinana ao anatin’ny tontolo ratsy iray. Asao ireo mpianatra hisaintsaina ny maha-marina ireo fanambarana tsirairay ho azy ireo manokana.

Sarotra amiko ny manohitra ny fitaoman’izao tontolo izao sy manaraka an’i Jesoa Kristy.

Fantatro hoe aiza no azoko itodihana hahazoana fanampiana mba hitoetra ho mahatoky ao anatin’ny tontolo ratsy iray.

Manokana fotoana isan’andro aho mikatsaka ny hianatra minimisy kokoa momba an’i Jesoa Kristy sy hanara-dia Azy.

Ampahatsiahivo ireo mpianatra fa ny Fanahy Masina dia hampiseho amintsika ny tokony hataontsika (jereo ny 2 Nefia 32:5). Asao ireo mpianatra hikatsaka fitaomam-panahy hahafantarana ny zavatra azon’izy ireo atao mba hijanonana ho mahatoky ao anatina tontolo izay miha-ratsy hatrany.

Tontolo ratsy iray

Rehefa naka an’i Enoka sy ny tanànany ho any an-danitra ny Tompo (jereo ny Mosesy 7:69), dia nitoetra teto an-tany ny zanakalahin’i Enoka, dia i Metosela izay olo-marina (jereo ny Mosesy 8:2). “Niara-nandeha tamin’ Andriamanitra” ny zafikelin’i Metosela, dia i Noa, ary ireo zanakalahin’i Noa telo (Moses 8:27), raha nisafidy ny faharatsiana kosa ny ankamaroan’ny olona izay nijanona teto an-tany.

Asehoy eny amin’ny solaitrabe ireto torolalana sy tabilao manaraka ireto. Asao ireo mpianatra hanao ny tabilao ao amin’ny diary fandalinany. Azon’ireo mpianatra atao ny mameno ilay tabilao ao anatina vondrona kely.

Vakio ny Mosesy 8:12–22, 28–29 hitadiavana ny toe-piainana ara-panahin’ny olona tamin’ny andron’i Noa.

Fantaro avy eo ny fitoviana misy eo amin’ny toe-piainana ara-panahy tamin’ny andron’i Noa sy ny toe-piainana hitantsika amin’izao androntsika izao.

Ny toe-piainana ara-panahin’ny olona maro tamin’ny andron’i Noa	Ireo fitoviana amin’ny andron’i Noa sy ny androntsika

Asao ny vondrona hizara ny zavatra hitany amin’ireo vondrona hafa. Amporisiho ireo mpianatra hampiditra ny zavatra zarain’ny mpiara-mianatra aminy ao amin’ny tabilaon’izy ireo manokana.

Azonao atao ny manasongadina ireo fitoviana toy ireto manaraka ireto, raha mila fanampiana ireo mpianatra:

1. Manary ireo fitahiana omen’ Andriamanitra azy ireo amin’ny alalan’ny fanekempihavanan’ny fanambadiana mandrakizay, tahaka ireo zafikely vavin’i Noa, ny olona sasany amin’izao fotoana izao (jereo ny andininy 12–15).

2. Miady amin’ny mpaminany ary mandà ny toroheviny ihany koa ny olona sasany ankehitriny (jereo ny andininy 18–20).

Avereno jerena ny Mosesy 8:16–17 hahitana ny zavatra nolazain’ny Tompo fa hitranga amin’i Noa raha tsy mibebaka ny vahoaka.

Hafiriana no nomen’ny Tompo ny olona hibebahana?
Inona no azon’izany ampianarina antsika momba ny toetran’ Andriamanitra?

Manaraka ny Mpamonjy ao anatina tontolo ratsy iray

Hevero ny hanasa mpianatra iray hamaky ity fanambarana manaraka ity mba hanampiana ireo mpianatra hahatsapa fanantenana fa afaka manaraka ny Mpamonjy ao anatin’ny tontolo ratsy izy ireo.

Nizara ny fomba ahafahana mandresy ity tontolo lavo ity ny Filoha Russell M. Nelson:

Satria nandresy ity tontolo lavo ity i Jesoa Kristy, ary satria nanonitra ho antsika tsirairay avy Izy dia afaka mandresy ity tontolo izay feno fahotana sy tia tena ary matetika mandreraka ity koa ianareo. (“Mandresy izao tontolo izao dia mahita fitsaharana,” Liahona, nôv. 2022, 96)

Inona no hampiasainao avy amin’ny teny nambaran’ny Filoha Nelson mba hanampiana olona iray izay mahatsapa ho tototry ny faharatsiana manodidina azy?

Hevero ny hanoratra eny amin’ny solaitrabe ity teny tsy feno manambara fahamarinana manaraka ity. Asao ireo mpianatra hanomboka hieritreritra fomba samihafa ahafahan’izy ireo mameno izany.

Afaka misafidy ny hanaraka ny Mpamonjy ao anatin’ny tontolo ratsy aho amin’ny alalan’ny …

Misafidiana amin’ireto loharanom-pitaovana manaraka ireto dia ataovy lisitra ao anatin’ny diary fandalinanao ireo zavatra azontsika atao mba hanarahana an’i Jesoa Kristy na dia eo aza ny faharatsiana sy ny fakam-panahy manodidina antsika.

Saintsaino ny zavatra nataonao mba hanampiana ny tenanao hahatohitra ny faharatsiana manodidina anao. Mety ho ireo zava-madinika sy tsotra izay ataonao tsy tapaka izany, na ireo tanjona efa niasanao tao amin’ny fandaharan’asa Ankizy sy ny Zatovo, na zavatra niainana hafa.

Inona no nataonao mba hanampiana ny tenanao hanaraka tsara kokoa ny Mpamonjy sy hahatohitra ny faharatsiana manodidina anao?
Nisy sakana natrehinao ve tamin’ny ezaka nataonao? Raha eny, inona no nataonao na azonao natao mba handresena ireo sakana ireo? Inona no torohevitra azonao omena ny hafa?

Ny drafitro hanaraka an’i Jesoa Kristy

Ampio ireo mpianatra hieritreritra ny fomba ahafahan’izy ireo manaraka an’i Jesoa Kristy. Azonao atao izany amin’ny fanasana azy ireo hamaly ireto fanontaniana manaraka ireto. Mety hamporisika ireo mpianatra ianao hanoratra ny valin-teniny any amin’ny toerana izay hahitany izany matetika, na hizara ny drafiny amin’ireo namana azo itokisana, na ireo olona ao amin’ny fianakaviana, na ireo mpitarika ao amin’ny Fiangonana. Afaka mampahatsiahy ireo mpianatra ny zavatra nianarany sy tiany hatao ireo sosokevitra ireo.

Inona no tsapanao fa nahazoanao fitaomam-panahy ho atao anio?
Ahoana no hampitomboan’ny fanarahana ireo fahatsapana ireo ny fahafahanao manaraka ny Mpamonjy sy handresy izao tontolo izao?

Hevero ny hamarana amin’ny fizaran’ireo mpianatra ny fijoroana ho vavolombelona ananany mikasika ny zavatra nianarany sy tsapany androany, ary mikasika ny fomba hanampian’ny fanarahana ny Mpamonjy azy ireo handresy izao tontolo izao. Azaonao atao koa ny mizara ny fijoroanao ho vavolombelona.

Loharanom-pitaovana fanampiny

Mosesy 8:18. Inona no mety ho dikan’ny hoe “olona goavam-be teo amin’ny tany”?

Ny anarana hebreo ilazana ny “olona goavam-be” ao amin’ny Genesisy 6:4 sy Mosesy 8:18 dia Nefilima, izay avy amin’ny matoanteny hoe naphal, izay midika hoe “mianjera”. Noho izany, mety ho ireo olona izay nihemotra na niala tamin’ny fivavahana marina izy ireo.

Mosesy 8:25. Inona no dikan’ny hoe “azon’ny nenina i Noa ary naharary ny fony”?

Io andininy io dia fanitsiana manan-danja sy avy amin’ny Fanahy an’ny Genesisy 6:6, izay mivaky toy izao: “Ary Jehovah nanenina noho ny nanaovany ny olona tambonin’ny tany, ka nalahelo ny fony.” Ny teny hebreo nampiasaina teto ary nadika hoe nanenina ao amin’ny Baiboly, dia nacham (naw-kham), izay midika hoe “misento”, “malahelo”, na “miantra”.

Ahoana no ahafahan’ny fampahafantarana ny hafa ny zavatra inoako manampy ahy hiaina amim-pahamarinana ao anatin’ny tontolo ratsy?

Nizara ny Loholona Peter F. Meurs ao amin’ny Fitopololahy hoe:

Araka ny zavatra niainako, ny fanalahidin’ny fahavelomana eto amin’ity tontolo ratsy ity dia ny fampahafantarana ny namantsika sy ny mpiara-miasa amintsika izay inoantsika. Efa imbetsaka aho no narovan’ireo namana izay mahafantatra fa Olomasin’ny Andro Farany aho sy mahafantatra izay hevitra ijoroako. (“Living Righteously in a Wicked World,” Ensign, Feb. 2018, 51)

Ahoana no fiheveran’ Andriamanitra ny fibebahako amin-kitsimpo?

Nanazava ny Loholona Dale G. Renlund ao amin’ny Kôlejin’ny Apôstôly Roambinifolo hoe:

13:49

Rehefa hitantsika fa tafala tamin’ilay lalana isika, dia afaka mijanona eo, na noho ny Sorompanavotan’i Jesoa Kristy, dia afaka misafidy ny miverina eo amin’ilay lalana indray.

Na ela toy ny ahoana aza ny fotoana nialantsika tamin’ilay lalana, na lasa lavitra toy ny ahoana isika no nirenireny, amin’ny fotoana izay hahatapa-kevitra antsika hiova dia manampy antsika hiverina Andriamanitra. Araka ny fomba fijerin’ Andriamanitra, amin’ny alalan’ny fibebahana amin-kitsim-po, sy ny fibosesehana mandroso amin’ny fiorenana ao amin’i Kristy, rehefa tafaverina eo amin’ilay lalana indray isika, dia toy ny hoe tsy niala teo amin’izany mihitsy. Ny Mpamonjy no manonitra ny fahotantsika ary manafaka antsika amin’ny fihenan’ny fahasambarana sy fitahiana izay mananontanona. (“Misafidiana ianareo anio,” Liahona, nôv. 2018, 106)

Sahanasa fianarana fanampiny

Manaraka ny Mpamonjy

Azon’ireo mpianatra atao ny mikaroka ao amin’ny fizarana sasany ao amin’ny Ho zatovo mahery!: Torolalana amin’ny fanaovana safidy mba hahitana ireo fitsipika izay afaka mitarika azy ireo hisafidy an’i Jesoa Kristy. Azonao atao ny mampiasa izany ho hevitra fandalinana fanampiny miaraka amin’ilay taratasy zaraina ao amin’ny lesona.

Manatanteraka ny fanekempihavanany ny Tompo

Mba hanampiana ireo mpianatra hahita ohatra iray amin’ny fomba nanatanterahan’ny Tompo ny fanekempihavanany tamin’ireo zanany, dia azon’izy ireo vakiana ny Mosesy 7:50–52 hitadiavana ny zavatra nampanantenain’ny Tompo (jereo ny andininy 52). Hazavao, raha ilaina, fa naka ny tanànan’i Enoka ho any an-danitra ny Tompo noho ny fahamarinan’ny vahoaka (jereo ny Mosesy 7:69). Afaka mamaky ny Mosesy 8:1–2 ianao avy eo mba hahitana ny fomba nanatanterahan’ny Tompo ny fampanantenany. (Tsy naka ilay lehilahy marina antsoina hoe Metosela ho any an-danitra ny Tompo mba hahafahan’i Noa ho teraka ho isan’ny taranak’i Enoka.)

Azonao atao ny manasa ireo mpianatra hizara ny fomba nahitany ny Tompo nanatanteraka ny fampanantenany tamin’izy ireo teo amin’ny fiainany. Azonao atao koa ny manasa ireo mpianatra hamaky ny Fotopampianarana sy Fanekempihavanana 1:38 ary hampifandray izany amin’ny Mosesy 8:1–2.

Horonan-tsary azo safidiana

Hevero ny hizara ny horonan-tsary “Sahia Mijoro Irery” (4:20) mba hanampiana ireo mpianatra hahita ohatra momba ireo olona manara-dia an’i Jesoa Kristy eto amin’izao tontolo izao ankehitriny.

4:20