Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Genesisy 6–8: “Ary Noa nanao … izay rehetra nandidian’i Jehovah azy”

“Genesisy 6–8: -Ary Noa nanao … izay rehetra nandidian’i Jehovah azy,-” Testamenta Taloha: Boky torolalana ho an’ny mpampianatra seminera (2026)

“Genesisy 6–8: -Ary Noa nanao … izay rehetra nandidian’i Jehovah azy,-” Testamenta Taloha: Boky torolalana ho an’ny mpampianatra semineral

Genesisy 6–11; Mosesy 8: Lesona 20

Genesisy 6–8

“Ary Noa nanao … izay rehetra nandidian’i Jehovah azy”

The Old Testament prophet Noah standing on a log as he preaches to a group of assembled people. The people are laughing and mocking Noah. The partially completed ark is visible in the background.

Mangataka antsika amim-pitiavana Andriamanitra mba hankatò ireo didiny. Mety ho sarotra takarina ny didy sasany, saingy ho soa ho antsika mandrakariva izany. Voavonjy tamin’ny safo-drano tsy mbola nisy toa azy sy mahagaga ny fianakavian’i Noa noho izy ireo nankatò ny didin’ Andriamanitra hanamboatra sambofiara. Afaka manampy ireo mpianatra hampitombo ny faniriany hankatò ny didin’ Andriamanitra ity lesona ity.

Fanomanana ny mpianatra: Asao ireo mpianatra hisaintsaina sy ho tonga vonona hizara ny fomba anehoan’ny didy iray manokana ny fitiavan’ny Ray any An-danitra antsika sy ny faniriany hiaro antsika.

Sahanasa fianarana azo atao

Ireo didin’ Andriamanitra

Hevero ny hanomboka ny lesona amin’ny alalan’ny famporisihana ireo mpianatra hisaintsaina ny antony nanomezan’ny Raintsika any An-danitra didy antsika. Fomba iray hanaovana izany ny fanehoana ireto sary manaraka ireto sy ny fanaovana fifanakalozan-kevitra amin’ny fampiasana ireo fanontaniana etsy ambany. Fomba iray hafa ny fangatahana ny mpianatra hizara ireo lalàna apetraky ny ray aman-dreniny mba hiarovana ny zanany.

A young man Starting a campfire at Burraston Ponds, Utah

A group of little boys and girls play together outside.

Alaovy sary an-tsaina hoe mikarakara andian-jazakely marobe ianao ao amin’io toeram-pilasiana io.

Inona avy ireo lalàna voafaritra tsara azonao omena ny ankizy mba hiarovana azy ireo?
Raha tezitra aminao ny ankizy noho ny fametrahana lalàna dia inona no hazavainao aminy?

Asao ireo mpianatra hizara amin’ny namana iray ny fomba mety hampitahan’izy ireo izany toe-javatra izany amin’ireo didin’ny Ray any An-danitra ho antsika.

Asao ireo mpianatra avy eo hirakitra ny fahatsapany manokana momba an’ Andriamanitra sy ny didiny ao amin’ny diary fandalinany amin’ny alalan’ny fampiasana ireo tari-dresaka tahaka izao manaraka izao. Azonao atao ny manasa izay mazoto vitsivitsy hizara ny zavatra nosoratany.
Nahoana, araka ny eritreritrao, no tian’ Andriamanitra hitandrina ny didiny ianao io?
Manao ahoana ny fahavononanao hankatò izay angatahan’ Andriamanitra, na dia tsy azonao aza ny anton’ilay didy? Nahoana?

Ny vahoaka tamin’ny andron’i Noa

Hevero ny hampiseho ilay sarin’i Noa any am-piandohan’ny lesona. Asao ireo mpianatra hizara ny zavatra efa fantany momba ireto zavatra manaraka ireto. Asao izy ireo hampiasa ireo andalan-tsoratra masina naroso raha ilaina izany.

Ny toe-piainana ara-panahin’ny olona tamin’ny andron’i Noa sy ny zavatra nataon’ Andriamanitra vokatr’izany (jereo ny Mosesy 8:17, 20, 22, 28–29)
Inona no nandidian’ Andriamanitra an’i Noa hataony mba hamonjena ny mpankatò (jereo ny Mosesy 7:43)

Amporisiho ireo mpianatra, rehefa eo am-pandalinana iny, hikatsaka ny fitaoman’ny Fanahy Masina mba hahatakarana ny fitiavan’ Andriamanitra antsika. Ny zava-drehetra ataon’ Andriamanitra, anisan’izany ny safodrano, dia noho ny fitiavany (jereo ny 2 Nefia 26:24). Ampio ireo mpianatra hamantatra fa nijaly noho ny fahotan’ireo olona izay maty tamin’ny safodrano i Jesoa Kristy, mba hahafahan’izy ireo mianatra sy mibebaka any amin’ny tontolon’ny fanahy (jereo ny Mosesy 7:38–40; 1 Petera 3:18–20). Niaro ny zanany ara-panahy hafa tsy ho teraka tao anatin’ny toe-javatra mampidi-doza sy ratsy toy izany ihany koa ny safidin’ Andriamanitra handefa ny safodrano (jereo John Taylor, ao amin’ny Journal of Discourses, 19:158–59).

Ny sambofiara

Hevero ny hanome taratasy ho an’ireo vondrona kelina mpianatra sy ny hanome azy ireo fotoana fohy hiarahana mamita ity sahanasa manaraka ity. (Alaivo antoka tsara ny hahafahana manokana fotoana aorian’ity sahanasa ity, hifanakalozan’ireo mpianatra hevitra ny amin’ny zavatra nianarany sy hampifandray izany amin’ny fiainan’izy ireo.)

Vakio ny Genesisy 6:14–22; 7:1–12, 23; 8:13–17, hitadiavana ny zavatra ampianarin’ity tantara ity momba an’ Andriamanitra sy ny zavatra azontsika ianarana avy amin’i Noa.
Ataovy an-tsary tsotsotra ny zava-nitranga.
Ampidiro ao amin’ilay sary ataonao ny zavatra iray nianaranao momba an’ Andriamanitra sy zavatra iray nianaranao avy tamin’ny ohatr’i Noa.

Asao ireo vondrona haneho sy hanazava ny sariny (na dia tsy feno aza) amin’ny vondrona hafa. Asao ireo vondrona avy eo hizara amin’ny iray kilasy ny zavatra nianarany momba an’ Andriamanitra sy ny zavatra nianarany avy amin’ny ohatra nasehon’i Noa.

Fahamarinana iray izay mety ho hitan’ireo mpianatra avy amin’io tantara io ny hoe rehefa mankatò ny Tompo amim-pinoana isika dia hitahy sy hiaro antsika Izy.

Hevero ny hampiseho ity fanambarana manaraka ity ary asao ireo vondrona hamaky sy hifanakalo hevitra momba ny fomba iharan’izany amintsika ankehitriny.

Nizara antony sasantsasany izay nilan’i Noa sy ny fianakaviany ny finoana an’i Kristy ny Filoha Spencer W. Kimball (1895–1985), mba hanatanterahana ny didy hanamboarana ny sambofiara.

Tsy mbola nisy porofo akory fa hisy orana sy tondradrano. Nandrabiraby sy niantso azy ho adala ny vahoakan’[i Noa]. Niantefa tamin’ny sofina marenina ny fitoriany. Noheverina ho tsy misy dikany ireo fampitandremany. Tsy mbola nisy teo aloha; ary tsy fantatra velively fa ny safodrano [na tondradrano] dia afaka handrakotra ny tany. Hadalana tokoa ny manao sambofiara eo amin’ny tany maina miaraka amin’ny masoandro mamirapiratra sy ny fiainana mandroso toy ny mahazatra! (Teachings of Presidents of the Church: Spencer W. Kimball [2006], 140–41)

Inona no sasantsasany amin’ireo didin’ny Tompo izay odian’ny olona ho tsy fantatra na atao tsinontsinona ankehitriny?
Inona no fantatrao momba an’ Andriamanitra sy ireo mpaminaniny izay afaka manampy antsika hankatò ny Tompo na dia eo aza ny fanoherana?

Asao ireo mpianatra hizara ireo didy izay inoany fa fiarovana feno fitiavana avy amin’ Andriamanitra.

Fankatoavana an’ Andriamanitra eo amin’ny fiainantsika

Hevero ny hampiseho ity fanambarana manaraka ity miaraka amin’ireo soso-kevitra hoenti-mandinika ny tena manokana etsy ambany.

Nizara ny iray amin’ireo lesona lehibe indrindra azontsika ianarana eo amin’ny fiainantsika ny Filoha Thomas S. Monson (1927–2018).

Nanana finoana tsy voahozongozona i Noa mba hanarahana ireo didin’ Andriamanitra. Enga anie isika hanao toy izany. Enga anie isika hahatsiaro fa ny fahendren’ Andriamanitra dia miseho matetika ho hadalana amin’ny olombelona; kanefa ny lesona lehibe indrindra azontsika ianarana eto ambonin’ny tany dia hoe rehefa miteny Andriamanitra ka mankatò isika, dia ho marina mandrakariva isika. (“Models to Follow,” Liahona, Nov. 2002, 61)

Raketo ao amin’ny diary fandalinanao:

Ny zavatra tsapanao momba ny tenin’ny Filoha Monson izay mifandray amin’ireo toe-javatra na didy eo amin’ny fiainanao.
Ny zavatra nianaranao na tsapanao androany momba ny Ray any An-danitra sy ireo didiny.
Izay inoanao fa tian’ny Ray any An-danitra hataonao mba hanarahanao ny ohatra nasehon’i Noa momba ny fankatoavana amim-pahatokiana.

Azonao atao ny mamarana ny lesona amin’ny fanasana ireo mpianatra hanisy marika ny ohatr’i Noa ao amin’ny Genesisy 7:5 ary hampifandray izany amin’ny ohatra nasehon’ny Mpamonjy tany amin’ny fiainana talohan’ny nahaterahana ao amin’ny Mosesy 4:2. Hevero ny hijoro ho vavolombelona fa hitahy ireo mpianatrao Andriamanitra noho ny ezaka mahatoky ataon’izy ireo hanaraka ny ohatra nasehon’ny Mpamonjy momba ny fankatoavana.

Loharanom-pitaovana fanampiny

Ahoana no azo ampitahana ireo toe-piainana maneran-tany ankehitriny amin’ny safodrano?

Nanazava izao manaraka izao, tamin’ireo mpampianatra seminera sy institiota ny Filoha Henry B. Eyring ao amin’ny Fiadidiana Voalohany:

Miova haingana ny tontolo iainan’ny tanora. Rehefa miverina mitsidika ireo sekoly sy faritra anatin’ny anjerimanontolo izay nianaran’izy ireo teo aloha ihany ny zokin’izy ireo dia mahita rivo-pitsipi-pitondrantena hafa tanteraka. Lasa kivalavala ny fiteny eny amin’ny lalantsara sy ny efitra fisoloana akanjo. Miha tsy maotina ny fitafiana. Miseho an-karihary ny pôrnôgrafia. Tsy vitan’ny hoe nitombo ny fileferana amin’ny faharatsiana, fa tsy voaheloka intsony ny ankamaroan’ny zavatra antsoina hoe ratsy, ary mety hoderaina mihitsy aza; eny fa na ho an’ny tanora Olomasin’ny Andro Farany aza. …

… Be loatra ny [zatovo], tena be loatra, no miteny anakampo hoe: “… Handeha hanara-drenirano aho.”

Eny, ho lasa tondradrano ny renirano, ary ho lasa ranotrambo tsy ho ela. Ho lasa ranotrambon’ireo feo sy fahitana ary fahatsapana izay manasa ny fakam-panahy sy manafintohina ny Fanahin’ Andriamanitra izany. (“We Must Raise Our Sights” Ensign, Sept. 2004, 14)

Inona no zavatra ianarantsika avy amin’ny fandavan’ny olona ny fampitandreman’i Noa?

Nilaza ny Filoha Henry B. Eyring ao amin’ny Fiadidiana Voalohany hoe:

Ny hadisoana iray hafa dia ny mino fa ny fisafidianana ny hanaraka na tsia ny torohevitr’ireo mpaminany dia tsy inona fa ny hanapan-kevitra na hanaraka torohevitra tsara ary hahazo tombotsoa avy amin’izany, na ny tsy manao na inona na inona. Kanefa ny fisafidianana ny tsy hanaiky ireo torohevitra avy amin’ny mpaminany dia manova tanteraka ny faritra ijoroantsika. Lasa mampidi-doza kokoa izany. Ny tsy fanekena ny torohevitra avy amin’ny mpaminany dia mampihena ny herintsika handray torohevitra nentanim-panahy amin’ny hoavy. Ny fotoana tsara indrindra nanapahana hevitra ny hanampy an’i Noa hanamboatra ilay sambofiara dia tamin’ny fotoana voalohany nangatahany izany. Isaky ny nangataka izy taorian’izay, dia ho nampihena ny fahatsapana ny Fanahy ny tsy famaliana azy tamin’izany. Ka noho izany dia ho toy ny niha-adaladala kokoa ny fangatahana izay nataony isak’izay mandeha, mandrapahatongan’ny orana. Avy eo dia efa tara loatra. (“Finding Safety in Counsel,” Ensign, May 1997, 25)

Ahoana no naha-lasa famantarana ny avana taorian’ny Safodrano?

Famantarana ny “avana” fa tsy hanafotra rano ny tany manontolo intsony Andriamanitra (jereo ny Genesisy 9:13–15). Mbola nisy zavatra hafa koa anefa tamin’ilay fifanekena nataon’ Andriamanitra tamin’i Noa. Manampy antsika hahatakatra, ny Dikantenin’i Joseph Smith, fa nanavao ilay fanekempihavanana nataony tamin’i Enôka Andriamanitra (jereo ny Dikantenin’i Joseph Smith, Genesisy 9:21–25, ao amin’ny Dikantenin’i Joseph Smith—Tovana). Nahitana fampanantenana io fanekempihavanana io fa hifaly ny lanitra sy ny tany, ary ho tonga eto an-tany indray ny tanànan’i Ziona an’i Enoka, rehefa nankatò ny didin’ Andriamanitra rehetra ny taranak’i Noa.

Inona no refin’ilay sambofiara?

Refesina amin’ny hakiho ny sambofiara. Tombanana eo anelanelan’ny 46–56 santimetatra ny hakiho iray amin’ny ankapobeny. 450 dingana ny halavan’ilay sambofiara (138 metatra eo ho eo) raha 46 santimetatra ny iray hakiho, in-75 dingana ny sakany (23 metatra eo ho eo), ary in-45 dingana ny haavony (14 metatra eo ho eo). Mety hanampy ny mampifandray ny haben’ny sambofiara amin’ny zavatra mahazatra anao. Ohatra, 330–360 dingana no halavan’ny kianjan’ny baolina kitra matihanina (eo amin’ny 100–110 metatra eo) ary 210–240 ny sakany (eo amin’ny 64–73 metatra eo). Lava noho ny kianja filalaovam-baolina ilay sambofiara, fa tokony ho ny ampahatelony eo ho eo ny sakany.

Sahanasa fianarana fanampiny

Fanombohana azo atao solony

Diniho ny hanombohana ny lesona amin’ny alalan’ny fampisehoana ilay fanambarana voalohany nataon’ny Filoha Eyring ao amin’ny fizarana “Loharanom-pitaovana fanampiny”, mba hanampiana ireo mpianatra hifantoka amin’ny fomba ahafahan’ny Mpamonjy sy ny filazantsarany miaro azy ireo amin’ny faharatsian’ny andro farany. Angataho ireo mpianatra hizara ny eritreritr’izy ireo momba ilay fanambarana. Mety hizara izy ireo amin’ny fomba toy ny hoe: toy ny safodrano ireo faharatsiana sy ny fakam-panahy atrehan’izy ireo.

Asao ireo mpianatra hikatsaka fitaomam-panahy anio momba ny zavatra azony atao, mba handraisana ireo fitahian’ Andriamanitra sy ny fiarovan’ Andriamanitra amin’ny safodranon’ny faharatsiana sy ny fakam-panahy ankehitriny.

Genesisy 6:14. “Hopetahanao dity ao anatiny sy eo ivelany izy”

Mety hanampy ireo mpianatra ny mandalina ny fomba ahafahan’ Andriamanitra miaro antsika amin’ny fakam-panahy sy ny fahotana manodidina antsika. Azonao atao ny manasa azy ireo hamaky ny torolalana nomen’ Andriamanitra ireto mpaminany roa manaraka ireto mba hiarovana ny fianakaviany amin’ny rano miditra ao anaty sambony. Asao ireo mpianatra avy eo, hifanakalo hevitra momba ireo fanontaniana etsy ambany miaraka amin’ny namana iray.

Noa – Genesisy 6:14 (Fanamarihana: Ny dity dia zavatra mitovitovy amin’ny tara [godorao] ampiasaina hanampenana zavatra mba tsy ho tantera-drano.)
Ny Rahalahin’i Jareda – Etera 2:17
- Araka ny eritreritrao, amin’ny fomba ahoana no ahafahan’ny torolalan’ Andriamanitra ho an’ireo mpaminany ireo manampy ny olona iray izay miezaka manakana ny fahotana tsy hiditra ao amin’ny fiainany?
- Inona avy ireo fomba sasantsasany ara-panahy ahafahantsika “mametaka dity [amin’ny fiainantsika] ao anatiny sy eo ivelany” mba tsy handentika antsika ny fahotana?

Azonao atao koa ny manasa ireo mpianatra hamaky ity tononkalo manaraka ity, izay notononin’ny Filoha Boyd K. Packer (1924–2015) tao amin’ny Kôlejin’ny Apôstôly Roambinifolo. Azonao atao ny mangataka azy ireo hanoratra ilay tononkalo ao amin’ny soratra masiny eo akaikin’ny Genesisy 6:14. Angataho izy ireo hizara ny fomba inoany fa mihatra amin’ny fiainan’izy ireo izany.

Ny rano rehetra eto an-tany,

Na dia niezaka mafy aza izany,

Dia tsy haharendrika mihitsy na dia ny sambo kely indrindra aza

Raha tsy hoe [miditra] ao anatiny.

Ary ny ratsy rehetra eto an-tany,

Ny karazana fahotana maloto indrindra,

Dia tsy afaka mandratra anao na dia kely akory aza

Raha tsy hoe avelanao hiditra.

(Mpanoratra tsy fantatra. Notononin’i Boyd K. Packer, “The Spirit of Revelation,” Ensign, Nov. 1999, 24)

Sariohatry ny safodrano

Azonao atao ny manampy ireo mpianatra hampihatra ny fahatakarana ny sariohatra ao amin’ny soratra masina amin’ny fanaovana fampitahana. Azonao atao ny manasa ireo mpianatra hameno ireto banga manaraka ireto miaraka amin’ny namana iray.

“Azo oharina amin’ny batisa ny Safodrano satria ___________.”

“Mampahatsiahy ahy an’i Jesoa Kristy ny sambofiara namboarin’i Noa satria ______________.”

Azonao atao avy eo ny mangataka ireo mpianatra mba ho tia mamorona sy hizara ny fomba ahafahan’ny tantaran’i Noa sy ny sambofiara mampianatra azy ireo mikasika ireo fitsipiky ny filazantsara hafa toy ny finoana, fibebahana, fitsaohana any amin’ny tempoly, asa fitoriana, mpaminany, sy ny sisa.

Azonao atao ny manasa ireo mpianatra hizara ny zavatra nianarany avy amin’ny fampianaran’i Jesoa Kristy, izay nampitaha ny fiomanana amin’ny Safodrano tamin’ny andron’i Noa tamin’ny fiomanana amin’ny Fiaviana Fanindroany (Jereo ny Matio 24:36–39).