Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Мосе 7:53–69: Сионы Хаан өөрийн хүмүүсийг хамгаалан үлдэх болно

“Мосе 7:53–69: Сионы Хаан өөрийн хүмүүсийг хамгаалан үлдэх болно,” Хуучин Гэрээний семинарын багшийн гарын авлага (2026)

“Мосе 7:53–69: Сионы Хаан өөрийн хүмүүсийг хамгаалан үлдэх болно,” Хуучин Гэрээний семинарын багшийн гарын авлага

Moсe 7: 18-р хичээл

Мосе 7:53–69

Сионы Хаан өөрийн хүмүүсийг хамгаалан үлдэх болно

Jesus Christ is standing on a hill over looking a river

Аврагчийн нэг цол бол “Сионы Хаан” (Мосе 7:53) юм. Тэр хүмүүсээ харж хандаж байдаг бөгөөд эцсийн өдрүүдэд тэднийг тохиолдох асар их зовлон бэрхшээлээс хамгаалан үлдэх болно. Энэ хичээл бидний энэ цаг үеийн сорилтуудыг даван туулахад туслах юуг Их Эзэн хийсэн болохыг таньж ойлгон, талархахад суралцагчдад тусална.

Суралцагчийн бэлтгэл: Суралцагчдыг сорилттой учирсан үед нь тус болж байсан судрын хэсгийг Мормоны Номоос хуваалцах бэлтгэлтэйгээр ангидаа ирэхийг урь.

Боломжит суралцах үйл ажиллагаа

Эцсийн өдрүүдэд тохиох асар их зовлон бэрхшээл

Танай хотод хүчтэй шуурга ирж байна гэж төсөөлөхийг суралцагчдаас хүс. Хэрэгтэй гэж үзвэл, хүчтэй шуурганы зургийг үзүүлж болно.

Эцсийн өдрүүдэд тохиох агуу сорилт, бэрхшээлүүдийн зарим нь юу байж болох вэ? Эдгээр сорилт, бэрхшээлийг шуургатай хэрхэн дүйцүүлэн ойлгож болох вэ?
Эдгээр шуурганаас эсэн мэнд үлдэх ямар арга зам байж болох вэ?

Эдгээр шуурганаас төрж буй мэдрэмжээ болон эсэн мэнд үлдэхийн тулд ямар хүчин чармайлт гаргах шаардлагатайг тунгаан бодоход суралцагчдыг урь. Дараах өөрийгөө үнэлэх аргачлал нь үүнийг хийх нэг арга юм.

Дараах мэдэгдлүүд таны хувьд хэр үнэн болохыг тунгаан бод.

Их Эзэн надад тулгарч буй энэхүү шуургыг (сорилт, бэрхшээлийг) давж гарахад туслахын тулд юу хийснийг би мэднэ.
Би Их Эзэний хийсэн зүйлд талархаж, Түүний тусламжийг чин сэтгэлээсээ хүсэж байна.

Судлах явцдаа Ариун Сүнсний өдөөлтийг эрэлхийлэхэд суралцагчдыг урь. Тэдний туулж буй шуурганд Их Эзэн суралцагчдад хэрхэн тусалж болох арга замыг Ариун Сүнс зааж өгөх болно.

Сионы Хаан

Енох болон түүний хүмүүс “Ариун хот, бүр Сион хэмээн нэрлэгдсэн хот байгуулав” (Мосе 7:19). Их Эзэн тэднийг “аюулгүй байдалд үүрд оршин тогтнох” (Мосе 7:20) болно гэж амласан. Енох үерийн үеэр ирэх сүйрлийг хараад уйлжээ. Енох тайтгарал эрэлхийлэн, үерийн дараа ирсэн хүмүүст Их Эзэн нигүүлсэнгүй хандах эсэхийг асуув. Хариуд нь Их Эзэн Енохт Аврагчийн талаар болон Түүний Цагаатгалын тухай заасан (Мосе 7:42–57-г үзнэ үү).

Мосе 7:53-ыг уншиж, Аврагч Өөрийгөө хэрхэн дүрсэлснийг олж мэд.

Энэ шүлэгт дурдсан Их Эзэний Енохтой хуваалцсан зүйлс түүнийг хэрхэн тайвшруулсан бэ?

53-р шүлэгт дурдсан Есүс Христийн өөр өөр цол хэргэм, үүргийн талаар тэмдэглэн авч, ярилцахад суралцагчдыг урь. Энэ хичээл Түүний “Сионы Хаан” хэмээх цол хэргэмд төвлөрөх болно. Та энэ цол хэргэмийн талаар суралцагчдад дараах асуултуудыг тавьж болно.

Есүс Христ бидний хувьд хүчирхэг бөгөөд хайраар дүүрэн хаантай юугаараа адил вэ?
Энэ шүлгийн өөр ямар хэллэг Сионы Хааныг дагаснаар таны хүсэж болох адислалуудыг дүрсэлсэн байна вэ?

Сион нь Енохын хүмүүс шиг “зүрх сэтгэлдээ цэвэр ариун” (Сургаал ба Гэрээ 97:21) буюу Их Эзэнтэй адил хүмүүсээс бүрддэг гэдгийг суралцагчдад сануулаарай.

Их Эзэн хүмүүсээ хамгаалан үлдэх болно

Енох Их Эзэнээс дэлхий дээр дахин ирэх эсэхийг асуув. Их Эзэн Енохт эцсийн өдрүүд болон Түүнийг дагахаар хичээж буй хүмүүсийн төлөө юу хийхээ харуулсан.

Мосе 7:60–61-ийг уншаад, Их Эзэний хийхээр амласан зүйлсийг олж мэд.

Их Эзэн Түүнийг дагахыг хичээж буй хүмүүсийг “хамгаалан үлдэнэ” гэдэг нь ямар утгатай вэ?

Суралцагчдыг доор зааварласны дагуу Мосе 7:62-ыг унших үед та Бурхан Өөрийн хүмүүсийг хамгаалан үлдэхдээ хэр идэвхтэй байдгийг ойлгоход тэдэнд тусалж болно. Үүнийг гүйцэтгэх нэг арга бол Би гэсэн үгийн хэрэглээ, үүнийг дагалдах үйл үг болгонд анхаарлаа хандуулахад суралцагчдыг урих явдал юм. Та мөн Их Эзэн миний гэсэн үг, үүнтэй холбогдож буй үгсийг хэдийд ашиглаж буйд анхаарал хандуулахад тэднийг урьж болно.

Хэдийгээр Енох Ноагийн өдрүүд дэх сүйрлийн үерийг үзэгдэлд олж харсан ч үүний дараа Их Эзэн Өөртөө хүмүүсийг цуглуулж, тэднийг хамгаалан үлдэх арга замыг Енохт үзүүлсэн.

Мосе 7:62-ыг уншиж, Их Эзэн хүмүүсээ хамгаалан үлдэхийн тулд юу хийхийг олж мэд.

Хүмүүсээ хамгаалан үлдэхийн тулд Их Эзэний хийх зарим зүйл юу байна вэ?

Дараах хэллэгүүдийг самбар дээр бич. Эцсийн өдрүүдэд Өөрийн хүмүүсийг хамгаалан үлдэхийн тулд Их Эзэн …

Суралцагчдыг хариулж байх үед дараах хэллэгүүдийг самбар дээр бич.

зөв шударга ёсыг тэнгэрээс доош илгээх болно.

дэлхийгээс үнэнийг илгээх болно.

Өөрийн хүмүүсийг Сионд цуглуулах болно (Сургаал ба Гэрээ 115:6-г мөн үзнэ үү).
Их Эзэн энэ цаг үед өөрийн бошиглолыг ямар зарим арга замаар биелүүлж байна вэ?

Тэнгэрээс доош илгээж буй зөв шударга ёс болон дэлхийгээс илгээсэн үнэн нь биднийг Сионд цуглуулна.

Энэхүү үнэний гурван ялгаатай талыг ойлгоход нь суралцагчдад туслахын тулд та самбар дээр “Тэнгэрээс доош илгээж буй зөв шударга ёс,” “Дэлхийгээс илгээсэн үнэн,” “Сион” гэсэн үгсийг тусдаа багануудад бичиж болно. Дараах зүйлс нь ялгаатай тал нэг бүрд хамаарах өгүүлбэр болон зургууд юм. Өгүүлбэр бүрийг тусад нь цаасан дээр бич эсвэл зургийг харуул. Суралцагчид дараа нь өгүүлбэрийг эсвэл зургуудыг самбар дээр бичсэн тохирох гарчгуудтай тааруулж болно.

Тэнгэрээс доош илгээж буй зөв шударга ёс

Иосеф Смит Анхны үзэгдлийг хүлээн авсан.

Painting of the first vision by Walter Rane. The Father and Son appear to Joseph Smith in the sacred grove.

Иохан Баптист Иосеф Смитэд Аароны санваарыг өгсөн.

John the Baptist laying his hands on a kneeling Joseph Smith conferring the Aaronic Priesthood on him. Oliver Cowdery is kneeling with him. They are in a grove of trees.

Петр, Иаков, Иохан нар Мелкизедек санваарыг Иосеф Смитэд өгсөн.

Peter, James, and John conferring Melchizedek Priesthood upon Joseph Smith, with Oliver Cowdery kneeling at Joseph Smith's side. They are in a grove of trees and plants.

Их Эзэн Сургаал ба Гэрээг илчилсэн.

Их Эзэн Өөрийн үгсийг өнөө үеийн бошиглогчдоор дамжуулан илчилдэг.

The assembly hall of the Conference Center during a General Conference session.

Дэлхийгээс илгээсэн үнэн

Иосеф Смит алтан ялтаснуудыг олж аваад орчуулсан.

Joseph Smith kneeling and holding the gold plates in his hands. He is looking up at the angel Moroni who stands in the air above him. Moroni is dressed in white. A square hole is in the ground in front of Joseph Smith.

Сион

Бид бүгд тойрог, салбарынхаа нэг хэсэг юм.

Их Эзэний хийсэн зүйлийн ач холбогдлыг тунгаан бодоход суралцагчдад тусал. Үүнийг гүйцэтгэх нэг арга нь дараах алхмуудыг судлах тэмдэглэл дээрээ гүйцэтгэж дуусгахад суралцагчдыг урих юм. Хэрэв та өмнөх үйл ажиллагааг ашигласан бол суралцагчид самбар дээрх жагсаалтаас аль нэг зүйлийг сонгож болно.

Их Эзэн хүмүүсээ энэ цаг үеийн зовлон бэрхшээлээс ямар хоёр арга замаар хамгаалан үлдэж буйг тодорхойлж дараах асуултад хариул. Боломжтой бол тодорхой жишээ бодож олоорой. Та санваартай холбоотой өөрийн туршлага, Мормоны Номын нэг хэсэг, тойрог эсвэл салбартаа тохиолдсон туршлага гэх мэт зүйлсийг дурдаж болно.

Энэ жишээ танд Аврагчийг илүү сайн мэдэхэд хэрхэн тусалсан бэ?
Энэ нь эцсийн өдрүүдийн хүнд хэцүүг даван туулахад хэрхэн тусалсан эсвэл тусалж болох вэ?

Нэмэлт эх сурвалж

Зөв шударга хүн бүр эцсийн өдрүүдийн бүх зовлон бэрхшээлээс аврагдах уу?

Бошиглогч Иосеф Смит (1805–1844) ийн заасан.

Хүний Хүүгийн ирэх тухай [би] тайлбарлалаа. Ёс бусыг үйлдэгчид л зовохоос биш гэгээнтнүүд аливаа шүүлтээс зугтааж чадна гэсэн хуурмаг санаа бас байдаг. Учир нь бүх маханбод зовлонгийн эрхшээл дор байдаг бөгөөд ‘зөв шударга хүмүүс ч арай ядан зугтаах болно’ [Сургаал ба Гэрээ 63:34-ийг үзнэ үү]. Гэхдээ гэгээнтнүүдээс олон нь мултарна. Учир нь зөв шударга хүмүүс итгэлээр амьдардаг билээ [Хабаккук 2:4-ийг үзнэ үү]. Зөв шударга хүмүүсээс олон нь маханбодын сул доройн улмаас өвчин, тахал гэх мэтэд өртөн унах ч, Бурханы хаант улсад аврагдана. (Сүмийн ерөнхийлөгчдийн сургаалаас: Иосеф Смит [2007], 286)

Бурхан хэрхэн зөв шударга ёсыг тэнгэрээс доош илгээж, дэлхийгээс үнэнийг арчих вэ?

Ерөнхийлөгч Эзра Тафт Бэнсон (1899–1994) ийн заасан.

Мормоны Ном дэлхийгээс урагш гарч ирж үнэнээр дүүргэгдсэн бөгөөд энэ нь “манай шашны тулгуурын чулуу” (Мормоны Номын удиртгалыг үзнэ үү) юм. Бурхан мөн зөв шударга ёсыг тэнгэрээс илгээсэн. Эцэг Хүүтэйгээ хамт Өөрийн биеэр бошиглогч Иосеф Смит дээр ирэв. Тэнгэр элч Моронай, Иохан Баптист, Петр, Иаков нар болон өөр олон тэнгэр элч хаант улсад шаардлагатай хүчүүдийг сэргээхээр тэнгэрээс удирдуулагдсан. Цаашилбал, Сүмийн эхэн үеийн өсөлт хөгжлийн шийдвэрлэх он жилүүдэд бошиглогч Иосеф Смит тасралтгүй илчлэлт хүлээн авч байв. Эдгээрийн олон нь бидний төлөө Сургаал ба Гэрээнд хадгалагдан үлдсэн.

Судрын эдгээр хоёр агуу бүтээл нь хожмын өдрүүдэд Өөрийн хүмүүсийг аврах Их Эзэний гар дахь гол хэрэгсэл болдог. (“The Gift of Modern Revelation,” Ensign, Oct. 1986, 79–80)

Сионд болон түүний гадсанд цугласнаар би хэрхэн адислагдаж болох вэ?

Тэргүүн зөвлөлийн ерөнхийлөгч Даллин Х.Өүкс ийн заасан.

17:25

Итгэгчид олноор оршин суудаг ихэнх үндэстэнд гадас байгуулж, ариун сүмүүд баригдаж байгаа нь одоо нэг газарт цугларахыг биш, харин эх нутагтаа гадсандаа цугларахыг зарлигласан учир юм. Тэнд итгэлтнүүд Их Эзэний өргөөнд үүрд мөнхийн адислалуудыг бүрэн эдлэх боломжтой. Тэнд, эх орондоо тэд Их Эзэний хүмүүсийн хил хязгаарыг өргөтгөж, гадаснуудыг нь хүчирхэгжүүлэх Түүний зарлигийг дуулгавартай дагах болно (Сургаал ба Гэрээ 101:21; 133:9, 14-ийг үзнэ үү). Ийм маягаар Сионы гадаснууд “батлан хамгаалалтын тулд, мөн шуурганаас, мөн энэ нь хольцгүйгээр бүхэл дэлхий дээр юүлэгдэх үед хилэгнэлээс хоргодох газар” (Сургаал ба Гэрээ 115:6) болдог. (“Preparation for the Second Coming,” Liahona, May 2004, 8).

Арван хоёр төлөөлөгчийн чуулгын ахлагч Д.Тодд Кристоффэрсон ийн тунхагласан.

Сионыг барьж байгуулах ажил хэцүү цаг үед өрнөж байгааг бид хүлээн зөвшөөрөх хэрэгтэй буюу “хилэгнэлийн өдөр, шатаалтын өдөр, эзгүйрлийн, уйлааны, гашуудлын мөн уй гашуугийн өдөр; мөн энэ нь хуй салхи лугаа адил дэлхийн бүх гадаргуу дээр ирэх болно хэмээн Их Эзэн хэлж байна” [Сургаал ба Гэрээ 112:24]. Тиймээс гадаснуудад цугларах нь “батлан хамгаалалтын тулд, мөн шуурганаас, мөн энэ нь хольцгүйгээр бүхэл дэлхий дээр юүлэгдэх үед хилэгнэлээс хоргодох газар” [Сургаал ба Гэрээ 115:6] болохын тулд юм. …

Аврагч сүр жавхлантай ирснээр дээрээс ирэх Сионтой дэлхий дээрх Сион нэгдэх энэхүү агуу бөгөөд эцсийн эрин үеийн төгсгөл ойртсоор байна. Есүс Христийн Сүм дэлхийг тэр өдөрт бэлтгэх үүрэгтэй мөн бэлтгэж ч байна. (“Их Эзэнийг эргэн ирэхэд бэлтгэх нь,” 2019 оны 4-р сарын Ерөнхий чуулган, 100)

Мосе 7:62. Бид зөв шударга ёс хийгээд үнэн “дэлхийг үер мэт арчихад” хэрхэн туслах боломжтой вэ?

Арван хоёр төлөөлөгчийн чуулгын ахлагч Дэвид А.Бэднар ийн урьжээ.

2:57

Энэхүү эрин үед сайн мэдээний захиаснуудыг олон нийтийн мэдээллийн сувгаар дамжуулан хүргэх нь сайн эхлэл боловч өчүүхэн дусал төдий зүйл юм. Би та бүхэнд энэ дуслыг үер болгоход туслаарай хэмээх урилгыг өгч байна. Би та нарыг зөв шударга ёс, үнэнээр дүүрэн, бодит, сургамжтай, магтууштай захиасаар дэлхийг дүүргэж, энэ нь чухамдаа дэлхийг үер мэт бүрхэхэд туслахыг уриалан дуудаж байна (Мосе 7:59–62-ыг үзнэ үү). (“Flood the Earth through Social Media,” Liahona, August 2015, 53)

Нэмэлт суралцах үйл ажиллагаа

Мосе 7:53. “Тэнгэрийн Хад”

Хэрэв та Тэнгэрийн Хадны хувиар Аврагчийн хүртсэн цол, хүлээсэн үүргийн талаар судлах нь танай суралцагчдад хэрэгтэй гэж үзэж байвал дараах зүйлсийг анхаараарай. Та “хаалгаар орж мөн надаар дээш авирах хэн боловч хэзээ ч унах нь үгүй” (Мосе 7:53) гэсэн хэллэгийг ойлгоход суралцагчдад туслахын тулд 2 Нифай 31:17–20-ийг ашиглаж болно. Суралцагчид хаалга, зам гэж юу болох, эдгээр нь Есүс Христ рүү хэрхэн хөтөлдгийг олж мэдэх боломжтой. Та мөн бид Есүс Христ дээр сууриа тавих үедээ нүгэл үйлдэж болохгүй талаар ярилцахад Хиламан 5:12-ыг ашиглаж болно.

Сошиал медиагаар дамжуулан Аврагчийн сайн мэдээг хуваалцах

Та Нэмэлт эх сурвалж дээрх ахлагч Дэвид А.Бэднарын мэдэгдлийг харуулж болно. Сошиал медиагаар дэлхийг үер мэт арчиж буй сайн мэдээний захиаснуудын ямар нотолгоог олж харж байгааг суралцагчдаас асуу. Ангидаа Есүс Христийн сайн мэдээний талаар нийгмийн сүлжээнд зурвас үүсгэж, хуваалцах цагийг суралцагчдад гаргаж өг. Үүсгэсэн зурвасаа ангийнхантай хуваалцахад цөөн суралцагчийг урь. Та мөн Тэргүүн зөвлөл, Арван хоёр төлөөлөгчийн чуулга, Сүмийн бусад удирдагчийн сошиал медиан дээрх хаягуудыг дагахад суралцагчдыг урьж болно. Суралцагчид эдгээр удирдагч сошиал медиаг ашиглан Аврагчийн сайн мэдээг хэрхэн хуваалцаж буй жишээг харж болно.

Мосе 7:62. “Учир нь тэнд миний асар байх болно”

Их Эзэн асраа Шинэ Иерусалимд хэрхэн байгуулахыг харах нь суралцагчдад тустай байж болно. Сион дахь ариун сүмийн ач холбогдол болон Их Эзэний өргөөнд бидний олж чадах аюулгүй байдлын талаар ярилц. Та хэлэлцүүлгийн нэг хэсэг болгож Нэмэлт эх сурвалж дээрх ерөнхийлөгч Даллин Х.Өүксийн мэдэгдлийг хуваалцаж болно.