Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Мосе 7:1–21 “Их Эзэн өөрийн хүмүүсийг Сион хэмээн нэрлэв”

“Мосе 7:1–21: ‘Их Эзэн өөрийн хүмүүсийг Сион хэмээн нэрлэв,’” Хуучин Гэрээний семинарын багшийн гарын авлага (2026)

“Мосе 7:1–21: ‘Их Эзэн өөрийн хүмүүсийг Сион хэмээн нэрлэв,’” Хуучин Гэрээний семинарын багшийн гарын авлага

16-р хичээл: Moсe 7

Moсe 7:1–21

“Их Эзэн өөрийн хүмүүсийг Сион хэмээн нэрлэв”

A painting by Del Parson showing Enoch surrounded by the people of his city on a large cloud being raised into the air.

Бурхан Енохыг сайн мэдээний захиасыг номлох бошиглогчоор дуудав. Енохыг дагахыг сонгосон хүмүүс цугларч, Их Эзэн тэднийг эргэн тойрных нь ёс бус байдлаас хамгаалав. Тэд яваандаа “Сион” хэмээн Их Эзэнээр нэрлэгдсэн ариун хотыг байгуулсан (Moсе 7:18). Энэ хичээл суралцагчдад Енохын хүмүүст байсан Аврагчийнхтай адил зан чанаруудыг төлөвшүүлэхэд тусална.

Суралцагчийн бэлтгэл: Суралцагчдаас өмнөх өдрийн хийсэн үйлдлүүд нь бусдад хэрхэн нөлөөлснийг бодохыг хүс.

Боломжит суралцах үйл ажиллагаа

Хоорондоо холбогдсон үндэснээс ирэх хүч чадал

Хичээлийн эхэнд бусадтай нэгдмэл байснаар ирэх хүч чадлыг суралцагчдад таниулах арга замыг бод. Дараах үйл ажиллагаа нь үүнийг гүйцэтгэх нэг арга юм.

Дэлхийн хамгийн өндөр мод хэр өндөр ургадаг гэж та бодож байна вэ?

Дэлхийн хамгийн өндөр мод бол улаан мод юм. Энэ нь дээшээ 92 метр хүртэл ургадаг.

Ийм өндөр модыг тогтоон барихын тулд уг модны үндэс ямархуу байдаг гэж та нар бодож байна вэ?

Улаан модны үндэс нь дөнгөж 1–2 метр гүн ургадаг нь хачирхалтай. Гэсэн хэдий ч улаан модны үндэс 100 метрээс ч хол газар салбарлаж, бусад модны үндэстэй сүлжилддэг. Энэхүү дотоод холбоо нь улаан модонд салхи, үерийг харгалзахгүй хэдэн зуун жил сөрөн зогсох хүчийг өгдөг (Richard H. Winkel, “Web of Friendship,” New Era, Aug. 2003, 10–11-ийг үзнэ үү).

Illustration of redwood tree roots below ground.

Бидний гэр бүл, сургууль, тойрог, салбаруудад нөлөөлж болох ямар сургамжийг бид улаан модноос авч болох вэ?
Их Эзэн яагаад биднийг эргэн тойрон дахь хүмүүсээсээ мөн Өөрөөс нь хүч чадлыг олоосой хэмээн хүсдэг гэж та бодож байна вэ?

Эргэн тойрныхоо хүмүүстэй хэр сайн холбоотой байдгаа дүгнэхэд суралцагчдад туслахын тулд тэднээс дараах асуултуудад судрын тэмдэглэл дээрээ хариулж бичихийг хүс.
Бусад хүн танд хэрхэн тусалж дэмждэг вэ? Ялангуяа Аврагчид илүү ойртох чармайлтад тань хэрхэн тусалдаг вэ? (Энэ нь таны гэр бүл, тойрог эсвэл салбар, найз нөхдийн хүрээлэл, эргэн тойрныхон гэх мэт байж болно.)
Та бусдад Аврагчид илүү ойртоход нь хэрхэн тусалж дэмждэг вэ?

Энэ хичээлийг судлах явцдаа Ариун Сүнсний өдөөлтөд мэдрэг байхыг суралцагчдад уриал. Тэднийг Бурхантай мөн эргэн тойрны хүмүүстэйгээ нэгдмэл байх үед ирэх хүч чадлыг хэрхэн хүчирхэгжүүлэхийг Ариун Сүнс тэдэнд зааж чадна.

Сионы хүч чадал

Их Эзэн үзэгдлээр дамжуулан Енохыг хэд хэдэн хотод наманчлалыг болон баптисмыг номлуулахаар дуудсан. Енохыг дагасан хүмүүс нэг дор цугласан.

Мосе 7:13, 16–17-г уншаад, Их Эзэнийг дагахыг хичээж байсан хүмүүс, тэдний эсрэг тулалдаж байсан хүмүүсийн ялгааг олж мэд.

Их Эзэний Өөрийг нь дагахаар хичээсэн хүмүүст өгсөн адислалуудын юу нь танд сэтгэгдэл үлдээсэн бэ?

Их Эзэний хүмүүсийг юу тусгаарладгийг илүү сайн ойлгохын тулд Мосе 7:18–21-ийг унш. (Энэ шүлэг дэх зүхсэн гэдэг үг нь ёс бус байдлаас болж адислалуудаа авахгүй байхыг илэрхийлж байгааг хэлж өгөх нь тустай байж болох юм. Түүнчлэн, Судруудын удирдамжаас “Зүхэх, Зүхлүүд”-ийг үзнэ үү.)

Мосе 7:18 нь төгс эзэмших сургаалын хэсэг юм. Суралцагчдыг төгс эзэмших сургаалын судрын хэсгийг амархан олохын тулд онцгойлон тэмдэглэхэд урьж болно.

Суралцагчдад судалсан зүйлээ ойлгоход нь тусал. Ингэхийн тулд тэднийг 18-р шүлэг-ээс юу сурч мэдсэнээ энгийнээр илэрхийлэн зурахыг асууж болно. Дараа нь суралцагчид зурсан зүйлсээ болон яагаад үүнийг зурснаа хамтрагчдаа, жижиг бүлэгт эсвэл ангийнхандаа хуваалцаж болно.

Та 18-р шүлэг-ээс Их Эзэний хүмүүсийн тухай юу сурч мэдсэн бэ?
“Нэг зүрх, нэг оюунтай” байна гэдэг нь юу гэсэн утгатай гэж та бодож байна вэ?

Их Эзэний хүмүүс эв нэгдэлтэй, зөв шударга байж өөрсдийн ядуусыг халамжилдаг байсан гэсэнтэй төстэй үнэнийг тодорхойлоход нь суралцагчдад тусал. Эдгээр нь мөн Аврагчийн мөн чанар болохыг онцолж болно. Их Эзэний хүмүүс болно гэдэг нь Түүнтэй илүү адил болохыг хэлдэг.

Их Эзэний хүмүүс болох нь

Суралцагчдад хэрхэн нэгдмэл болж, зөв шударга амьдарч, тусламж хэрэгтэй хүмүүсийг халамжлахыг ойлгуулахын тулд тэднийг жижиг бүлгүүдэд хуваарилж, бүлгээрээ дараах тараах материал дээр ажиллахыг асууж болно. Тэд үйл ажиллагааны дундуур бие биедээ тусалж дэмжихийг хичээвэл сайн. Энэхүү тараах материалыг дараах хоёр аргаар ашиглаж болно. Үүнд:

Суралцагчдыг тараах материалын хэсгүүдийг бүлгийн гишүүддээ хуваарилж өгөөд, өөрт оноогдсон хэсгээ ганцаараа судлахыг хүс. Өөрт оноогдсон хэсгийг судалж дуусаад, суралцагчид сурч мэдсэн зүйлсээ хуваалцаж болно.
Тараах материалын хэсгүүдийг ханан дээр нааж тогтоогоод, жижиг бүлгүүдийг хамтдаа ангийнхныг тойрон явж гүйцэтгэхийг хүс.

Сурч мэдсэн, өөрсдөд нь утга учиртай байсан зүйлсээ хуваалцахыг хэдэн суралцагчаас хүс. Мөн бүлгээрээ ажиллах нь суралцагчдын ойлголтыг хэрхэн тэлснийг асууж болно.

Аврагч хэрхэн амьдралынхаа туршид Сионы хүмүүсийн зан чанарыг Өөрийн биеэр үлгэрлэн харуулсан бэ?

Сионы Христийнхтэй адил зан чанаруудыг харуулахын тулд та Gospel Library дээрээс “Charity: An Example of the Believers” (4:50) видеог хуваалцаж болно. Суралцагчдаас эдгээр залуу эмэгтэй Сионыг хэрхэн үлгэрлэснийг олж мэдэхийг асууж болно.

4:50

Төлөвлөгөө гаргах

Суралцагчдыг хичээлийн дундуур төрсөн сүнслэг өдөөлтийнхөө талаар бодож, судлах тэмдэглэл дээрээ дараах асуултуудад хариулж бичихийг хүс.

Сионы Христийнхтэй адил ямар зан чанарыг та амьдралдаа сайжруулах хэрэгтэй байна вэ? (Энэ нь гэртээ, сүм дээр эсвэл бусадтай байж болно.)
Тэрхүү Христийнхтэй адил зан чанарыг хөгжүүлэхийн тулд таны энэ долоо хоногт хийж эхлэх нэг зүйл юу вэ? (Энэ нь таны Хүүхэд, өсвөр үеийнхний хөтөлбөрийн нэг хэсэг байж болно.)

Цээжил

Та энэ хичээлийн турш төгс эзэмших сургаалын эшлэл, судрын түлхүүр үг хэллэгийг цээжлэхэд нь суралцагчдад тусалж, дараа дараагийн хичээлүүд дээр давтаж болно. “Мосе 7:18”-ын түлхүүр судрын хэллэг бол “Их Эзэн өөрийн хүмүүсийг Сион хэмээн нэрлэв, учир нь тэд нэг зүрх сэтгэл мөн нэг оюунтай байлаа” юм. “Төгс эзэмших сургаалыг давтах үйл ажиллагаа” хэсгийн хавсралтад цээжлэх үйл ажиллагаанд зориулсан санаанууд бий.

Нэмэлт эх сурвалж

Бид зохицож чадахгүй байна гэж бодож байгаа бол хэрхэн нэгдмэл байж чадах билээ?

Арван хоёр төлөөлөгчийн чуулгын ахлагч Д.Тодд Кристоффэрсон ийн заасан.

Нэгэн хэсэг нь гэдгээ мэдрэх нь бидний бие махбод, оюун санаа, сүнслэг сайн сайханд чухал билээ. Гэхдээ бид бүхэн заримдаа уснаасаа гарсан загас мэт санагдах үе бий. Урам хугарах мөчүүдэд бид Их Эзэний өндөр жишигт эсвэл бусдын хүлээлтэд хэзээ ч хүрэхгүй нь гэж бодож магадгүй. Бид өөрсдөө ч мэдэлгүйгээр Их Эзэнээс ирээгүй хүлээлтийг бусдад, тэр байтугай өөрсдөдөө тавьдаг байж ч магадгүй. Бид цаагуураа бодгалийн үнэ цэн нь тодорхой ололт амжилт эсвэл дуудлагаас хамаардаг гэж ярьдаг байж болох ч эдгээр нь Их Эзэний мэлмийд бидний байр суурийг тодорхойлдог хэмжүүр биш. “ЭЗЭН зүрхийг нь хардаг” [1 Самуел 16:7]. Тэр бидний хүсэл, тэмүүлэл, хэн болж байгаад санаа тавьдаг. …

Нэгэн хэсэг нь байх сургаалын … хэсэг нь бидний оруулах хувь нэмэртэй холбоотой. Хэдийгээр энэ тухай тэр болгон бодоод байдаггүй ч бид ихэнхдээ үйлчилж, бусдын болон Их Эзэний төлөө золиос гаргаснаар нэгэн хэсэг нь болдог. Хувийн хэрэгцээ шаардлага эсвэл тав тухтай байдалдаа хэт анхаарах нь нэгэн хэсэг гэдгээ мэдрэхэд саад болж болох юм. (“Нэгэн хэсэг нь байх сургаал,” Лиахона, 2022 оны 11-р сар, 55)

Бид өөр хоорондоо ялгаатай хэрнээ хэрхэн нэгдмэл байж болох вэ?

Арван хоёр төлөөлөгчийн чуулгын ахлагч Квинтин Л.Күк ийн заасан.

Гадна төрх байдлаараа өөр хүмүүст хүндэтгэлтэй хандсанаар эв нэгдэл өсөн нэмэгддэг. …

Бүгдэд хамаатай сургаалын дагуу бид нэгдмэл байж, ялгаатай байдалд эерэг хандаж чадна. Эв нэгдэл ба ялгаатай байдал нь эсрэг тэсрэг зүйл биш юм. Бид бусдад хамрагдах уур амьсгалыг бүрдүүлж, ялгаатай байдалд хүндэтгэлтэй хандсанаар илүү эв нэгдэлтэй болж чадна. …

Есүс Христийн сайн мэдээний соёл нь … хэн нэгний арьсны өнгө эсвэл хаана амьдардаг зэргээр тодорхойлогддоггүй. Бид өвөрмөц соёл уламжлалуудад баяртай байдаг ч Есүс Христийн сайн мэдээтэй зөрчилдөж буй соёлын зарим хэсгийг гээх хэрэгтэй. (“Зүрх сэтгэлээ зөв шударга байдал, эв нэгдэлд нэгтгэх нь,” 2020 оны 10-р сарын Ерөнхий чуулган, 16)

Нэмэлт суралцах үйл ажиллагаа

Хичээлийг эхлүүлэх өөр хувилбар

Та суралцагчдаас өөрсдийнх нь ойролцоох нэг сургууль эсвэл хэсэг бүлэг хүн, бүгд бие биедээ нөхөрсөг, хувиа хичээдэггүй, нэгдмэл, зөв шударга байдаг гэж төсөөлөхийг хүс. Та дараах зүйлсийг ярилцаж болно. Тухайлбал:

Ийм сургуулийн эсвэл бүлэг хүмүүсийн нэг байхыг та яагаад хүсэж болох вэ?
Ийм сургууль эсвэл бүлэг өнөөдөр оршин байх боломжтой юу? Яагаад тийм эсвэл яагаад үгүй вэ?

Суралцагчдад бошиглогч Енох яг ийм бүлэг хүнийг зохион байгуулсан гэдгийг хэл. Их Эзэн тэднийг Сион хэмээн нэрлэсэн. Та дараах асуултыг тавьж болно.

Танд Сион гэдэг үгийг сонсоход санаанд тань юу орж ирдэг вэ?

Гэр орноо Сион шиг болгох

Та суралцагчдад Сионы зарчмуудыг гэр орондоо хэрхэн хэрэгжүүлэхийг мэдэхэд тусалж болно. Суралцагчдыг гэр бүлийнхэндээ (1) нэг зүрх сэтгэл мөн нэг оюунтай болох, (2) зөв шударга ёсонд оршин суух, (3) нэг нэгнээ илүү үр дүнтэй харж халамжлахад хэрхэн тусалж чадахаа бодохыг хүс. Дараах асуултыг ярилц. Үүнд:

Энэ долоо хоногт та гэр орноо ямар арга замаар Сион шиг болгож болох вэ?

Та Сионы гурван зарчмыг самбар дээр бичээд, суралцагчид доор нь санаануудаа жагсаан бичиж болно.

Сионыг 4 Нифай 1 дээрх хүмүүстэй харьцуулах

Мормоны Ном дээр гардаг нифайчууд, мөн леменчүүд дээр Аврагчийг айлчилсны дараа тэд Сионы зарчмуудыг үлгэрлэдэг нийгэмд олон жил амьдарсан.

Суралцагчдаас тэмдэглэл дээрээ Нэгдмэл байдал, Зөв шударга байдал, Ядуусыг халамжлах гэсэн гурван багана бүхий хүснэгт үүсгэхийг хүс. Суралцагчид 4 Нифай 1:1–3, 11–18-ыг судлаад, нифайчууд, леменчүүдийн Сионы шинж чанаруудыг хэрхэн үлгэрлэснийг олж мэдэж болно. Тэд хүснэгтийнхээ тохирох баганад сурч мэдсэн зүйлсээ бичиж болно.