Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Мосе 6:47–68: “Энэ бол Авралын төлөвлөгөө”

“Мосе 6:47–68: ‘Энэ бол Авралын төлөвлөгөө,’” Хуучин Гэрээний семинарын багшийн гарын авлага (2026)

14-р хичээл: Эхлэл 5; Мосе 6

Мосе 6:47–68

“Энэ бол Авралын төлөвлөгөө”

Тэнгэрлэг Эцэгийн маань авралын төлөвлөгөөний төвд Есүс Христ байдаг. Тэрээр бүх хүнийг Түүний сургаалын дагуу амьдарснаар Өөрт нь ирэхийг урьдаг. Энэ хичээл суралцагчдад хэрхэн Есүс Христэд ирж, зөвхөн Түүний Эцэг, Тэр хоёрын өгч чадах адислалуудыг хүлээн авахыг ойлгоход тусална.

Суралцагчийн бэлтгэл: Суралцагчдыг гэр бүлийнхээ гишүүнээс эсвэл найзаасаа Есүс Христ өөрсдийнх нь хувьд яагаад чухлыг, Түүнд ирэх гэдэг нь тэдний хувьд юу гэсэн үг болохыг асуухыг урь.

Боломжит суралцах үйл ажиллагаа

Христэд ирэгтүн

Хичээлийн эхэнд байгаатай адил Есүс Христийн зургийг харуул. Дараа нь доорх жишээг хуваалц.

Есүс Христийн талаар сайн мэддэггүй найз чамд байдаг гэж төсөөл. Найз чинь чамаас Есүс Христ гэж хэн бэ? Яагаад Тэр чамд тийм чухал юм бэ? хэмээн асуув.

Суралцагчдыг хэрхэн хариулах талаар бодох цаг гарга. Тэгээд суралцагчдаас төрсөн бодлоо жижиг бүлгүүдэд эсвэл ангийнхандаа хуваалцахыг хүс.

Хэрэв танд тайлбарлах багахан хугацаа байсан бол найзыгаа Есүс Христийн талаар юуг мэдээсэй гэж та хүсэх байсан бэ? Яагаад?

Ёс бус бүлэг хүнд наманчлахыг номлуулахаар Енохыг дуудсаныг суралцагчдад сануул (Мосе 6:27–29-ийг үзнэ үү). Өнөөдрийн хичээл тэр хүмүүст заасан түүний сургаал дээр төвлөрөхийг тайлбарла. Енохын захиас Есүс Христ бидэнд хэрэгтэйг мөн Түүнд бид хэрхэн очиж болох дээр төвлөрсөн.

Суралцагчдад яагаад Аврагч өөрсдөд нь хэрэгтэй болохыг эргэцүүлэн бодоход туслахын тулд дараах зааврыг тэдэнд үзүүлж, мэдэгдэл бүр дээр өөрсдийгөө дотроо үнэлэх хугацаа өгч болно.

1 (надтай нийцэхгүй байна)-ээс 5 (надтай нийцэж байна) хүртэлх оноог ашиглан дараах мэдэгдлүүдэд өөрсдийгөө үнэлээрэй.

Аврагч яагаад надад хэрэгтэйг би мэднэ.
Би Христэд хэрхэн ирэхээ ойлгодог.
Би одоогоор Есүс Христэд ирж, түүнийг дагахыг хүсэж байгаа.

Таны үнэлгээний дүн ямар байхаас үл шалтгаалан Аврагч таныг Өөрт нь ирж, Зөвхөн Түүний танд өгч чадах адислалыг авахыг хүсдэг. Та өнөөдөр бошиглогч Енохын үгсийг судалж байхдаа танд Аврагч яагаад хэрэгтэйг, мөн та Түүнд хэрхэн ирж болохыг илүү сайн ойлгохын тулд Сүнсний өдөөлтүүдэд анхаарал хандуулаарай.

Енох өөрийн хүмүүст зааж байгаа нь

Мосе 6 дээрх Енохын сургаалыг суралцагчдад заахдаа дараах хүснэгтийг самбар дээр хуулан зурж болно. Суралцагчид хүснэгтийг судлах тэмдэглэл дээрээ мөн хуулан бичиж болно. Суралцагчдаас шүлгүүдийг судлахыг асуу. Ангийнхны хагасыг нь бидэнд Аврагч яагаад хэрэгтэй болохыг олж мэдэхийг хүс. Нөгөө хагасыг нь бид Христэд хэрхэн ирж болохыг олж мэдэхийг хүс. Суралцагчид судлах явцад та дундуур нь явж, тэдний ойлгохгүй байгаа үг хэллэгүүд байгаа эсэхийг лавлаж болно. 59-р шүлэг-ийг ойлгоход дараах тайлбарууд тус болж болох юм.

Бид Ариун Сүнсний бэлэг хүлээн авснаар Сүнсээр төрдөг (Сэдэв ба асуултууд, “Сайн мэдээг судлах удирдамж: “Ариун Сүнсний бэлэг”,” Gospel Library).
Ариусгагдана гэдэг нь “Есүс Христийн цагаатгалаар нүглээс ангид, ариун, цэвэр ариун болох явц” (Судруудын удирдамж, “Ариусгал,” Gospel Library) гэсэн үг юм.

Христэд ирэх тухай Енохын сургаал: “Мосе 6:48–52, 57–59,”

Надад Аврагч хэрэгтэй, учир нь …	Би … -аар Христэд ирж чадна.

Суралцагчдыг хүснэгтийн өөрсдийн талыг бөглөсний дараа олж мэдсэн зүйлээ ярилцах боломж өг. Тэд үүнийг ангиараа самбар дээрх хүснэгтийг бөглөж эсвэл сурч мэдсэн зүйлээ хамтрагчдаа хуваалцаж гүйцэтгэж болно.

Бидэнд Аврагч яагаад хэрэгтэй талаар та эдгээр шүлгээс юу сурч мэдсэн бэ?

Бидэнд Аврагч яагаад хэрэгтэй дээр төвлөрсөн суралцагчид дараахтай төстэй үнэнийг хуваалцаж болно: Бид авралын адислалуудыг зөвхөн Есүс Христээр дамжуулан авч чадна (52-р шүлэг); бүх газар нутгийн бүх хүн наманчлах шаардлагатай (49–50, 57-р шүлгүүд); Бурханы хаант улсад цэвэр ариун бус зүйл оршиж чадахгүй (57-р шүлэг). Та суралцагчдыг олж мэдсэн үнэнээ самбар дээрх хүснэгт дээр бичихийг хүсэж болно.
Эдгээр шүлэг танд Есүс Христ дээр ирэхэд тань туслах тодорхой ямар зүйл хийхийг зааж байна вэ?

Бид Христэд хэрхэн ирэх дээр төвлөрсөн суралцагчид юу олж мэдсэнээ самбар дээр бичиж болно. Тэдний хариултыг тоймловол дараахтай адил үнэнийг тодорхойлж болно: Бид Аврагчийн дуу хоолойг сонсож, Түүнд итгэж, нүглээ наманчилж, баптисм хүртэж, Ариун Сүнсний бэлэг хүлээн авснаар Христэд ирдэг.

Энэхүү явцыг судар дээр заримдаа “Христийн сургаал” (2 Нифай 31:2–21), Аврагчийн сургаал (3 Нифай 11:31–40-ийг үзнэ үү), эсвэл Аврагчийн сайн мэдээ (3 Нифай 27:13–22-ыг үзнэ үү) гэж нэрлэдгийг тайлбарлавал тустай байж болох юм. Мосе 6:62-ыг уншаад, энэхүү үйл явцыг Тэнгэрлэг Эцэг өөр ямар хэллэгээр тодорхойлсныг олж мэдэхийг суралцагчдаас асууж болно. Та суралцагчдаас Тэнгэрлэг Эцэгийн төлөвлөгөөн дэх Есүс Христийн үүргийн талаар юу анзаарч байгаагаа хуваалцахыг асууж болно.
Христэд ирэхээр чармайх нь ашиг тустай эсэхэд эргэлзэж байгаа нэгэнд та юу гэж хэлэх вэ?

Өмнөх асуултыг ярилцахдаа дараах шүлгүүдийн заримыг эсвэл бүгдийг нь судалж, бид Есүс Христэд ирснээр авч болох адислалуудыг олж мэдэх нь суралцагчдад тустай байж болно: Матай 11:28–30; 2 Нифай 31:21; 3 Нифай 19:13–14; Ифер 12:27; Моронай 10:32–33. Та түүнчлэн суралцагчдаас Есүс Христэд ирэхийг хичээснээр адислагдсан туршлагаа хуваалцахыг хүсэж болно.

Ойлголтоо харуулах

Суралцагчдыг хичээлийн эхэнд дурдсан найзын жишээ рүү хандуул. Сурч мэдсэн зүйлээ дадлагажуулахын тулд суралцагчид дараах асуултуудын хариултуудыг жижиг бүлгүүдэд хуваарилагдан хуваалцаж болно.

Та өнөөдөр сурч мэдсэн зүйл дээрээ үндэслэн дараах зүйлсийг найздаа хялбархан ойлгогдохоор тайлбарлаарай. Тухайлбал:

Есүс Христ яагаад бидэнд хэрэгтэй вэ?
Бид Түүнд очихын тулд юу хийж болох вэ?

Хичээлийг төгсгөхдөө суралцагчдыг төрсөн бодол эсвэл сүнслэг өдөөлтөө судлах тэмдэглэл дээрээ бичиж тэмдэглэхийг уриалж болно. Та Есүс Христ бидэнд яагаад хэрэгтэй болох талаар сурч мэдсэн зүйлсээ хуваалцаж, Түүнд ирснээр амьдрал тань хэрхэн адислагдсанаа гэрчилж болно.

Нэмэлт эх сурвалж

Аврагчийн биднийг Өөрт нь ирэх урилга хэр их ач холбогдолтой вэ?

Тэргүүн зөвлөлийн ерөнхийлөгч Хэнри Б.Айринг ийн заасан.

“Христэд ирэгтүн” хэмээх үгс бол урилга юм. Энэ бол таны өөр хүнд санал болгож чадах хамгийн чухал бэлэг мөн. Энэ бол хүмүүний хүлээн авч чадах хамгийн чухал урилга юм. (“Come unto Christ,” Ensign, Mar. 2008, 49)

Бидэнд Есүс Христийн сургаал Түүнд ирэхэд хэрхэн тусалдаг вэ?

Арван хоёр төлөөлөгчийн чуулгын ахлагч Дэйл Г.Рэнланд ийн тайлбарласан.

“Христийн Цагаатгалаар дамжин Сайн мэдээний хуулиуд хийгээд ёслолуудад дуулгавартай байснаар бүх хүн төрөлхтөн аврагдана гэдэгт бид итгэдэг” (Итгэлийн тунхаг 1:3). Аливаа хүн зөвхөн сэргээгдсэн сайн мэдээг хүлээн авснаар Есүс Христ дээр бүрэн дүүрэн ирэх боломжтой. Бид “Есүс Христэд болон Түүний Цагаатгалд итгэх итгэл, наманчлал, баптисм, Ариун Сүнсний бэлгийг хүлээн авах, эцсээ хүртэл тэвчих зэргээр дамжуулан сэргээгдсэн сайн мэдээг хүлээн ав[даг]” [Миний сайн мэдээг номло: Номлогчийн үйлчлэлийн удирдамж (2004), 1].

Энэ бол Эцэг, Хүү хоёрын хамтын захиас юм. Тэд Тэнгэрлэг Эцэгийн бүх хүүхдийг Христийн сургаалыг дагаасай хэмээн хүсдэг. (“The Beautiful Gift of the Sacrament,” Liahona, Aug. 2018, 20)

Христийн сургаал надад яаж туслах вэ?

Ерөнхийлөгч Рассэлл М.Нэлсон ийн хуваалцсан.

5:27

Христийн цэвэр сургаал бол хүчирхэг. Үүнийг ойлгож, амьдралдаа хэрэгжүүлэхийг эрэлхийлдэг хүн бүрийн амьдрал өөрчлөгддөг. Христийн сургаал бидэнд гэрээний замыг олж, замаасаа хазайхгүй байхад тусалдаг. Энэхүү нарийн боловч сайн тэмдэглэгдсэн замаар явбал эцэст нь Бурханд байгаа бүхнийг авах эрхтэй болно. Эцэгт байгаа бүхнээс илүү үнэ цэнтэй зүйл гэж үгүй! (“Цэвэр үнэн, цэвэр сургаал, цэвэр илчлэлт,” 2021 оны 10-р сарын Ерөнхий чуулган, 6.)

Нэмэлт суралцах үйл ажиллагаа

Аврагчийн сургаалыг гүнзгийрүүлж ойлгох

Суралцагчид Христийн сургаалын ойлголтоо гүнзгийрүүлэхийн тулд сургаалыг аль нэг сэдвээр гүнзгийрүүлэн судлахаар сонгож болно. Тэд Миний сайн мэдээг номло: Есүс Христийн сайн мэдээг хуваалцах удирдамж(2023)-ийн 6–9-р хуудас дээрх тохирсон хэсгийг судалж болно. Тэд судалж байхдаа дараах асуултуудад хариулж болно. Үүнд:

Есүс Христийн сайн мэдээний энэ сэдэв таны хувьд ямар утга учиртай вэ?
Энэ нь танд Христэд ойртоход хэрхэн тусалж чадах вэ?
Энэ нь танд Тэнгэрлэг Эцэгтэй илүү адил болоход тань хэрхэн тусалж чадах вэ?

Та ChurchofJesusChrist.org дээрх “Христийн сургаалд найдах нь” видеоны дараах хоёр хэсгийн нэгийг эсвэл аль алиныг нь үзүүлж болно. Далын ахлагч Эван А.Шмац Христийн сургаалд найдах нь бидний амьдралын хэв маягийг хэрхэн өөрчилдөг талаар хуваалцсан (цагийн код 3:41-ээс 5:33 хүртэл). Дараа нь тэрээр гэрлэсэн хос Травис, Кэйси хоёр өөрсдөд нь сорилт тулгарсан ч Есүс Христэд хэрхэн найдсан тухай тайлбарласан (цагийн код 6:02-оос 8:26 хүртэл).

10:30

Мосе 6:59. Бие махбодын төрөлт ба сүнслэг дахин төрөлт

Суралцагчид сүнслэг дахин төрөлтийн үйл явцыг бие махбодын төрөх үйл явцтай харьцуулах замаар сурч мэдэж болно.

Суралцагчдыг Мосе 6:59-ийг уншаад, бие махбодын болон сүнслэг төрөлтийн аль алинд хэрэгтэй байдаг гурван бүрдэл хэсгийг олохыг хүс (ус, Сүнс, цус).

Суралцагчдаар Moсе 6:60-ыг уншуулсны дараа дараах асуултыг асуу. Тухайлбал:

Дахин төрөх үйл явцад эдгээр бүрдэл бүр ямар үүрэг гүйцэтгэдэг вэ?

Суралцагчдад энэ асуултад хариулахад туслахын тулд Арван хоёр төлөөлөгчийн чуулгын ахлагч Брүс Р.Макконкигийн (1915–1985) дараах мэдэгдлийг уншиж өгч болно.

Хүүхэд бүр мөнх бус амьдралд төрөхдөө эхийнхээ хэвлий дэх усан дотор байдаг. Цаг нь болоход сүнс биед ордог бөгөөд цус нь шинэхэн хүний судсаар урсаж эхэлдэг. Харин эдгээрийн аль нэгэнгүйгээр амь, төрөлт, мөнх бус амьдрал байхгүй байх байсан билээ.

Тэнгэрийн хаант улсад төрөлт болгонд Христэд шинээр төрсөн хүүхэд усанд умбаж, гар тавилтаар Ариун Сүнсийг хүлээн авдаг ба Христийн цус түүнийг бүх нүглээс цэвэршүүлдэг. Гэхдээ эдгээрийн аль нэгэн нь байхгүй л бол Сүнсний төрөлт, шинэ амь, мөнх амьдралын итгэл найдвар байх нь үгүй. (A New Witness for the Articles of Faith [1985],288).

Мосе 6:63. “Бүх зүйл миний тухай гэрчилдэг”

Бүх зүйл Есүс Христийг хэрхэн гэрчилдгийг суралцагчдад ойлгуулахын тулд тэднээр Мосе 6:63-ыг уншуулж болно. Дараа нь та суралцагчдаас амьдралд нь юу Есүс Христийг гэрчилдгийг асууж болно.

Тайлбар: Хэрэв та 7-р хичээл “Эхлэл 1:1–25” дээр Есүс Христийн Бүтээгчийн үүргийн талаар судлахдаа Мосе 6:63-ыг их ашигласан бол энд ашиглахгүй байж болно.

Видео

Суралцагчдыг Есүс Христэд ирэх нь яагаад үр ашигтай талаар ярилцахаар бэлдэх үед тэднийг “Христэд ирэгтүн: 2014 оны Уриа дуу” (4:48)-г үзэхийг хүсэж болно.

4:49