Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Бүтээлт: Эхлэл 1:1–25

“Бүтээлт: Эхлэл 1:1–25,” Хуучин Гэрээний семинарын багшийн гарын авлага (2026)

“Бүтээлт: Эхлэл 1:1–25,” Хуучин Гэрээний семинарын багшийн гарын авлага

7-р хичээл: Эхлэл 1–2; Мосе 2–3; Абрахам 4–5

Эхлэл 1:1–25

Бүтээлт

Манай дэлхийн үзэсгэлэнт байгаль, бахдам сайхан нь “хэлбэржээгүй, хоосон” (Эхлэл 1:2-ыг үзнэ үү) зүйлийг дэлхийн гайхамшиг болгон хувиргасан алдар суут Бүтээгчдийг гэрчилдэг билээ. Энэ хичээл суралцагчдад дэлхийн бүтээлтийг судлах үедээ Тэнгэрлэг Эцэг, Есүс Христ хоёрыг хайрлах хайр, Тэдэнд талархах талархлыг мэдрэхэд тусална.

Суралцагчийн бэлтгэл: Суралцагчдаас дэлхийн үзэсгэлэнт сайхан байгаль, Бурханы бүх бүтээлийн талаар тунгаан бодохыг хүс. Энэ дэлхийд тэдэнд таалагддаг ямар нэг юмны зураг авчрахыг эсвэл энэ талаар ярихад бэлдэж ирэхийг урь.

Боломжит суралцах үйл ажиллагаа

Тайлбар: Дэлхийн бүтээлт Мосе 2 ба Абрахам 4 дээр бичигдсэн байдаг ч энэ хичээлээр бид Эхлэл 1 дээр бичигдсэн дээр төвлөрөх болно.

Агуу бүтээгчид ба бүтээлүүд

Хичээлээ эхлүүлэхдээ танай амьдардаг газарт байдаг хүмүүсийн очих дуртай үзэмжтэй барилгын зургийг үзүүлж болно. Та дараахын адил асуултуудыг тавьж болно.

Энэ барилга шиг газруудад хүмүүс ямар шалтгаанаар ирэх дуртай байдаг вэ?
Үзэмжтэй барилгыг бүтээгчид бүтээлд нь хүмүүс дуртай байхад ямар мэдрэмжтэй байдаг вэ?

Тэгээд та амьдардаг газартай тань ойр байдаг үзэсгэлэнт байгалийн зураг үзүүлж болно. Суралцагчдаас өнөөдрийн хичээлд бэлдэхийн тулд дараах зүйлсийг хийхийг хүс.

Байгалийн үзэсгэлэн, бахдам байдлыг харахад чамд ямар санагддаг вэ эсвэл юу бодогддог вэ? Дэлхийн эдгээр гайхамшгийг та хэр их бахдан хардаг эсвэл үүнд баясдаг талаар бод. Өнөөдөр судлахдаа дэлхийг бүтээсэнд нь Тэнгэрлэг Эцэг, Есүс Христ хоёрт хайр, талархалтай байхын тулд Ариун Сүнсийг залбиран урь.

Бүтээлт

Дараах суралцах үйл ажиллагааг танилцуулахаас өмнө суралцагчдаас дэлхийн бүтээлтийн талаар мэддэг зүйлсээ хуваалцахыг хүсэж болно. Тэгээд суралцагчдад “Амьд Христ: Төлөөлөгчдийн гэрчлэл” дээрх дараах өгүүлбэрийг харуул. Суралцагчдыг энэхүү үнэнийг судлах тэмдэглэл эсвэл судар дээрээ тэмдэглэхийг эсвэл бичихийг уриал. Мөн та үүнийг самбарт бичиж болно.

“Амьд Христ: Төлөөлөгчдийн гэрчлэл”-ээс бид дараах зүйлсийг сурдаг. Үүнд:

[Есүс Христ] бол Эцэгийнхээ удирдлаган доор дэлхийг бүтээсэн Бүтээгч. (“Амьд Христ: Төлөөлөгчдийн гэрчлэл,” ChurchofJesusChrist.org)

Эхлэл 1 дээр Есүс Христ дэлхийг бүтээсэн талаар зарим нэг зүйл гардаг. Эхлэл 1-ээс бүтээлтийн эхний зургаан үед юу болсныг уншаад, Бүтээгч, бүтээлийн талаар юу сурч авч болохыг олж мэд.

Та суралцагчдаас дараах шүлгүүдийг судлахдаа Бүтээлтийн “өдөр” бүрийг судар дээрээ тодорхойлон тэмдэглэхийг хүсэж болно. Үүнийг хийж гүйцэтгэх нэг арга зам бол дараах хүснэгтийг самбар дээр зурж, суралцагчдад бөглөх цаг гаргаж өгөх юм. Та суралцагчдыг жижиг бүлгүүдэд хуваарилаад, бүлэг тус бүрд хүснэгтээс нэг хэсэг шүлгийг судлуулахаар оноож болно.

“Өдөр” гэдэг үг нь тодорхой урттай хугацааг биш бүтээлтийн үеийг хэлж байгаа гэдгийг тайлбарлах нь тустай байж болно (Абрахам 4 дээр бүтээлтийн үеүдийг “цаг хугацаа” гэж нэрлэснийг үзнэ үү). Тайлбар: Эрэгтэй, эмэгтэй хүний бүтээлтийг “Эхлэл 1:26–27” ба “Эхлэл 1:28–2:25” хичээлээр илүү гүнзгий судлах болно.

Суралцагчид “Аврагчийн Бүтээгч байх үүрэг” гарчигт хэсгийг судлахад хангалттай цаг гаргахын тулд хичээлийн энэ хэсэгт хэт их цаг зарцуулахгүй байхад анхаар.

1 дэх өдөр: Эхлэл 1:1–5	Гэрлийг харанхуйгаас салгасан
2 дахь өдөр: Эхлэл 1:6–8
3 дахь өдөр: Эхлэл 1:9–13
4 дэх өдөр: Эхлэл 1:14–19
5 дахь өдөр: Эхлэл 1:20–23
7 дахь өдөр: Эхлэл 1:24–27

Эдгээр шүлгийг судалж байхад тань Тэнгэрлэг Эцэг, Есүс Христ хоёрын талаар ямар бодол, мэдрэмж төрсөн бэ?

Суралцагчдад Бүтээлтийн нарийн ширийн зүйлийн талаар асуулт гарч ирж болох юм. Бүтээлтийн тухай бичвэр нь тодорхой үйл явц, цаг хугацааг эсвэл болсон үйл явдлыг шууд утгаар нь ойлгох шинжлэх ухааны тайлбар өгөх зорилгоор бичигдээгүй гэдгийг ойлгоход нь тэдэнд тусал. Сургаал ба Гэрээ 101:32–34-ийг уншаад, Аврагч бүх зүйлийг Өөрийн цаг хугацаанд илчлэх болно гэдгийг суралцагчдад хэлж өгөх нь тустай байж болох юм.

Аврагчийн Бүтээгч байх үүрэг

Бүтээгчийн хувьд Есүс Христэд талархах сэтгэгдлээ гүнзгийрүүлэх боломжийг суралцагчдад олго. Үүнийг хийх нэг арга нь самбар дээр дэлхий зураад, судрын дараах эшлэлүүдийг гаргаж, суралцагчдаар судлуулах юм. Та тэднийг эдгээр шүлгийн заримыг эсвэл бүгдийг нь судлаад, өөрсдөд нь учир утгатай санагдсан хэсгүүдийг дэлхийг тойруулан бичихийг хүсэж болно.

Эдгээр шүлгийг судалж байхдаа Аврагчийн Бүтээгч байх үүргийг Сүнс хэрхэн гэрчилж байгаад анхаарлаа сайн хандуулахыг суралцагчдад сануулаарай.

Дараах шүлгүүдээс нэг эсвэл хэд хэдийг сонгон судлахдаа Есүс Христийн Бүтээгч байх үүргийн талаар таны ойлголтыг тэлсэн, талархлыг нэмэгдүүлсэн сургаалыг олж нүдлээрэй.

Алма 30:43–44

Сургаал ба Гэрээ 38:1–3

Сургаал ба Гэрээ 59:18–20

Сургаал ба Гэрээ 76:22–24

Мосе 1:33, 39

Мосе 6:63

Суралцагчдаас ойлголтоо хуваалцахыг хүс. Үүнийг үйлдэх нэг арга зам нь дараах асуултуудыг харуулж, суралцагчид хамтдаа ярилцах юм.

Таны уншсан судруудаас аль үг эсвэл хэсэг утга учиртай санагдсан бэ? Яагаад?
Эдгээр шүлгээс та Тэнгэрлэг Эцэг, Есүс Христ хоёрын талаар юу сурч мэдсэн эсвэл мэдэрсэн бэ?

Бүтээгчид талархлаа илэрхийлэх нь

Хичээлийн энэ хэсэг суралцагчдад Есүс Христэд Бүтээгчийн үүргийнх нь төлөө хайр, талархлаа илэрхийлэхэд туслах зорилготой. Ингэхийн тулд дараах үйл ажиллагаануудаас нэгийг эсвэл хэд хэдийг ашиглаж болно. Та сонгосон үйл ажиллагаагаа суралцагчдад харуулж, эдгээрээс нэгийг сонгон гүйцэтгэхийг зааварчилж болно.

Есүс Христэд болон Түүний бүтээлүүдэд талархаж байгаагаа илэрхийлсэн шүлэг юм уу тэмдэглэл бич.
Аврагч, мөн Түүний бүтээлүүдийн талаарх таны мэдрэмжийг илэрхийлсэн зураг зур.
Аврагч, мөн Түүний бүтээлүүдийн тухай дуулал сонго. Аяыг нь тоглуулах хооронд дууны үгийг судал. Дууллын номын Сэдэв хэсгээс ”Есүс Христ—Бүтээгч”-ийг хайж болно. Тэнгэрлэг Эцэг, Есүс Христ 2-ын тухай мөн Бүтээлтийн талаарх таны мэдрэмжийг илэрхийлсэн дуулал дээр та өөрөө бадаг нэмж бичиж болно.

Нэмэлт эх сурвалж

Аврагч маань Бүтээгч учраас надад хэрхэн тусалж чадах вэ?

Арван хоёр төлөөлөгчийн чуулгын ерөнхийлөгч Боид К.Пакэр (1924–2015) Аврагчийн Бүтээгч байх үүрэг дэх хүч чадлыг онцлохын тулд дараах түүхийг ашигласан.

Он жилийн туршид би санаа бодлоо амраахын тулд модон шувуу сийлдэг байсан. Заримдаа нэг шувууг дуусгахад бүтэн жил зарцуулдаг байсан. Би бодит шувуу олж аваад, үүний өдний уртыг хэмжиж, өнгийг нь судалсны дараа сийлбэрлэж эхэлдэг байв. Би тэдний суух орчныг нь бас сийлбэрлэдэг байсан. Энэ нь надад сайхан амралт болдог байлаа. Заримдаа миний сэтгэл санаа үймрэхэд эхнэр минь “Чи шувуу сийлбэрлэхгүй юу” гэж хэлдэг байв. Энэ бол миний амьдралд намайг их тайвшруулдаг зүйл байсан юм.

Ахлагч А.Теодор Таттл бид хоёр нэг өдөр хот руу явж байлаа. Би нэг сийлбэрээ авч явж байсан юм. Би үүнийг нэг хүнд харуулахаар авч явж байлаа. Бид үүнийг арын сандал дээр тавьсан байв. Замын уулзвар дээр тэр огцом тоормослоход сийлбэр шалан дээр доош харан унаад, хэдэн хэсэг болон эвдэрчхэв. Тэрээр замаас гарч зогсоод сийлбэрийг харан, сэтгэлээр унав. Харин би тэгсэнгүй.

Би юу ч бодолгүй “Зүгээр ээ. Би хийсэн юм чинь засаж чадна” гэж хэллээ. Тэгээд би амласныхаа дагуу засав. Би үүнийг өмнөхөөс нь ч илүү бат бөх болгож, бага зэрэг сайжрууллаа. …

Та нарын амьдралд [Есүс Христ] засаж чадахааргүй нугарсан, эвдэрсэн юм гэж байхгүй. Та үүнийг шийдэх хэрэгтэй. Та нарын зарим нь алдаа гаргаад, өөрсдийгөө буцаж бүтэн болохооргүй эвдэрсэн гэж бодож байгаа бол та нар Сүмийн сургаалыг ойлгоогүй байна. Та нар Цагаатгал ямар утга учиртайг, Их Эзэн хэн гэдгийг, Тэр тан нарын амьдралд ямар хүчтэйг мэдэхгүй байна. (“The Instrument of Your Mind and the Foundation of Your Character” [Brigham Young University fireside, Feb. 2, 2003])

Бидэнд Бурханы бүтээлийг харж хандах ямар үүрэг хариуцлага байдаг вэ?

Тэргүүлэх бишопын зөвлөлийн бишоп Жэралд Коссэй ийн заасан.

12:17

Бид Бурханы бүтээлүүдийг хариуцсан даамлын хувьд тэдгээрийг хүндэлж, санаа тавих үүрэгтэй.

Бурханы хүүхдүүдийн хувьд бид Түүний бурханлаг бүтээлүүдийн даамал, халамжлагч, асран хамгаалагч байх үүргийг хүлээн авсан. …

Тэнгэрлэг Эцэг маань бидэнд дэлхийн нөөц баялгийг өөрсдийн хүслээр ашиглахыг зөвшөөрдөг. Гэсэн хэдий ч бидний сонгох эрх бол энэ ертөнцийн баялгийг мэргэн ухаан эсвэл хязгаарлалтгүйгээр ашиглах юм уу авах зөвшөөрөл гэж ойлгож болохгүй. …

Ерөнхийлөгч Рассэлл М.Нэлсон нэгэнтээ “Тэнгэрлэг бүтээлийн ашиг шимийг хүртэгчдийн хувьд бид юу хийх вэ? Бид эх дэлхийдээ санаа тавьж, дээрх зүйлсийг нь ухаалгаар удирдаж, ирээдүй үедээ хадгалан үлдээх учиртай” гэж онцолсон. (Лиахона, 2000 оны 7-р сар, 104)

Дэлхийг болон байгаль орчноо хайрлан хамгаалах нь зөвхөн шинжлэх ухаан, улс төрийн хэрэгцээ бус, Бурханаас бидэнд даатгасан ариун хариуцлага бөгөөд энэ нь биднийг үүрэг, даруу байдлын гүн гүнзгий мэдрэмжээр дүүргэх ёстой. Энэ нь бас бидний шавийн амьдралын салшгүй нэг хэсэг юм. Бид Тэнгэрлэг Эцэг, Есүс Христ хоёрын бүтээлийг хүндэтгэж хайрлахгүйгээр Тэднийг хэрхэн хүндэлж, хайрлах вэ? (“Дэлхий дээрх бидний ажил үүрэг,” Лиахона, 2022 оны 11-р сар, 57–58)

Би бүтээлтийн талаарх асуултуудынхаа хариултыг хаанаас олох вэ?

“What does the Church believe about evolution?,” New Era, 2016 оны 10-р сар, 41

“What does the Church believe about dinosaurs?,” New Era, 2016 оны 2-р сар, 41

“The Origin of Man,” Improvement Era, 1909 оны 11-р сар, 78, Ensign, 2002 оны 2-р сар, 29

“Бүтээлт,” ChurchofJesusChrist.org дээрх Сайн мэдээний сэдэв ба асуултууд

Нэмэлт суралцах үйл ажиллагаа

Бүтээлтийн тухай өгүүлдэг бусад судрын түүхүүд

Эхлэл 1:1–25-ыг судалсны дараа бүтээлтийн тухай бусад түүхийг үзэхийг суралцагчдаас хүсэх нь тустай байж болно. Мосе 2:1–25, Абрахам 4:1–25-ыг самбар дээр бичиж болно. Ангийнхныг хоёр бүлэгт хуваарилж, бүлэг бүрд нэг судрын хэсгийг оноогоод, бүтээлтийн үйл явцын талаарх ойлголтыг нь нэмсэн үг, өгүүлбэрийг тэмдэглэж ав. Дараа нь тэд олж мэдсэн зүйлсээ ангийн нөгөө хэсэгтэй хуваалцаж болно.

Шинжлэх ухаан ба сүнслэг мэдлэг олж авах

Бүтээлтийн талаар суралцагчдад өөрсдөд нь эсвэл бусдад байгаа асуултад хариулж, дадлага хийхийн тулд дараах нөхцөл байдлыг эсвэл үүнтэй төстэй байдлыг санал болгож болно. Нөхцөл байдлыг өөрт тулгарсан зүйлд эсвэл бусдаас ирж болох асуултуудад тохируулан баяжуулахыг суралцагчдаас хүс. Тэгээд суралцагчдыг сүнслэг мэдлэг олж авах зарчмуудыг ашиглан, асуултуудад хариулахыг хүс.

Найз Лорэнзо чинь шинжлэх ухааны хичээл дээр -ы тухай сурсан юм нь Эхлэл 1 дээрээс уншсан зүйлтэй нийцэхгүй байна гэж хэлэв.

Бид Лорэнзод тусалж болох ямар ямар үнэнийг мэддэг вэ?
Лорэнзод мөнхийн хараагаар харж, итгэлээр үйлдэхэд нь туслах тэнгэрээс өгөгдсөн ямар эх сурвалжийг та хуваалцах вэ?

Та суралцагчдыг “Нэмэлт эх сурвалж” дээрх эшлэл, нийтлэл, мөн Сургаал ба Гэрээ 101:32–34 гэх мэт судрын хэсгүүд рүү чиглүүлж болно.

Бүх зүйл Христийн тухай гэрчилдэг

Дэлхий дээрх бүтээлүүд Есүс Христийг хэрхэн гэрчилдгийг суралцагчдад ойлгуулахын тулд тэднээр Мосе 6:63-ыг уншуулж болно. Тэгээд суралцагчдаар дэлхийн бүтээлүүдээс заримыг нь самбар дээр жагсааж бичүүл. Суралцагчид хамтран эсвэл жижиг бүлэг болж хуваарилагдан, самбар дээр бичсэн зүйлсийн нэгийг сонгоод, энэ нь Есүс Христийг хэрхэн гэрчилдгийг ярилцаж болно. Суралцагчдад нэмэлт удирдамж хэрэгтэй бол өдрийн турш нарыг дагаж эргэдэг наранцэцэг гэх мэт жишээг ашиглаж болно. Бид Есүс Христийг бүх гэрлийн эх үүсвэрийн хувьд үргэлж дагахыг хичээх хэрэгтэй.

Нэмэлт санаа хэрэгтэй бол доорх видеонуудын аль нэгийг үзүүлж болно.

Видеоны сонголт

Суралцагчдад дэлхийн сүрлэг тогтоц, байгалийн гоо үзэсгэлэнг мэдэрч, Бурханы бүтээлүүдэд талархах сэтгэгдлийг төрүүлэхэд доорх видеонуудыг ашиглаж болно.

“The Creation of the Earth” (2:05)

2:9

“Our Home” (1:34)

1:35

“Good to Be Alive” (3:30)

3:31

“The Creation” (5:14)

5:14

“How Great Thou Art” (5:07)

5:8