Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Մովսես 1.27–42 «Սա է իմ գործը և իմ փառքը»

«Մովսես 1.27–42. «Սա է իմ գործը և իմ փառքը» Հին Կտակարան․ Սեմինարիայի ուսուցչի ձեռնարկ (2026)

«Մովսես 1.27–42. «Սա է իմ գործը և իմ փառքը» Հին Կտակարան․ Սեմինարիայի ուսուցչի ձեռնարկ

Մովսես 1, Աբրահամ 3. Դաս 6

Մովսես 1.27–42

«Սա է իմ գործը և իմ փառքը»

Երկնային Հոր ղեկավարությամբ Հիսուս Քրիստոսը ստեղծել է անթիվ աշխարհներ: Երկնային Հոր ամենամեծ արարչագործությունները Նրա հոգևոր որդիներն ու դուստրերն են: Այս դասը կօգնի ուսանողներին երախտագիտություն զգալ Երկնային Հոր և Նրա գործի հանդեպ՝ անմահություն և հավերժական կյանք բերել Իր բոլոր զավակներին:

Ուսանողի նախապատրաստում. առաջարկեք ուսանողներին խորհել Երկնային Հոր ստեղծագործությունների անսահմանության մասին և իրենցից յուրաքանչյուրի հանդեպ Երկնային Հոր ունեցած սիրո մասին: Դա անելու եղանակներից մեկն է՝ նայել գիշերային պարզ երկնքին և մտածել այն մասին, թե ինչպես է Երկնային Հայրը վերաբերվում իրենց՝ Իր ստեղծած բազմաթիվ աստղերի, մոլորակների և գալակտիկաների մեջ:

Հնարավոր ուսումնական վարժություններ

Աստծո ծնված որդիներն ու դուստրերը

Դասարան բերեք երկու փոքր տարաներ, որոնցից մեկում ավազ է, իսկ մյուսում՝ ջուր: Առաջարկեք մի ուսանողի կանգնել դասարանի առաջ և մատը նախ մտցնել ջրով տարայի մեջ, այնուհետև խոնավ մատը մտցնել ավազով տարայի մեջ: Որպես այլընտրանք, կարող եք ուսանողներին ցույց տալ հետևյալ նկարը: Այնուհետև խնդրեք ուսանողներին հաշվել, թե ավազի քանի հատիկ կա մարդու ձեռքում:

Կարդացեք Մովսես 1․27–29 հատվածները՝ փնտրելով, թե Մովսեսն ինչը համեմատեց ծովափի ավազի հետ և ինչու:

Այս տեսլականում ի՞նչն է տպավորում ձեզ:

Սուրբ գրությունների ուսումնասիրության օրագրում պատասխանեք հետևյալ հարցերին.

Ինչո՞ւ Աստված ստեղծեց տիեզերքը։
Ինչո՞ւ Աստված ստեղծեց մեզ։
Ինչպե՞ս եմ ես վերաբերվում Աստծուն և ինչ է Նա անում ինձ համար:

Ուսանողներին առաջարկեք դասի ընթացքում լրացումներ կատարել իրենց պատասխաններում։ Հիշեցրեք նրանց, որ ուսումնասիրության օրագրում իրենց մտքերը գրանցելը կօգնի հրավիրել Սուրբ Հոգու ազդեցությունն իրենց ուսման մեջ։

Երկնային Հոր գործը և փառքը

Կարդացեք Մովսես 1.30 հատվածը՝ փնտրելով և նշելով երկու հարց, որ ունեցավ Մովսեսը, երբ տեսավ երկիրը և Աստծո ծնված որդիներին ու դուստրերին:

Մովսես 1.39 հատվածը վարդապետության սերտման հատված է: Առաջարկեք ուսանողներին նշել վարդապետության սերտման հատվածները տարբերակիչ ձևով, որպեսզի կարողանան հեշտությամբ գտնել:

Կարդացեք Մովսես 1.31–33, 39 հատվածները՝ փնտրելով, թե Տերը ինչպես պատասխանեց Մովսեսին:

Ինչպիսի՞ ճշմարտություններ կարող ենք սովորել Աստծո պատասխաններից այս հատվածներում։

Այն ճշմարտությունների թվում, որոնք ուսանողները կգտնեն, օգնեք նրանց բացահայտել, որ Աստծո գործն ու փառքն է՝ իրականացնել մարդու անմահությունն ու հավերժական կյանքը:

Իմանալու համար, թե ինչ են հասկանում ուսանողներն անմահության և հավերժական կյանք ասելով, խնդրեք նրանց կիսվել, թե ինչպես կսահմանեն դրանք: Եթե օգտակար կլինի, ուսանողները կարող են ուսումնասիրել «Անմահություն» և «Հավերժական կյանք» թեմաները Սուրբ գրքերի ուղեցույցում կամ Թեմաներ և հարցեր բաժնում՝ ChurchofJesusChrist.org կայքում։ Որպես այլընտրանք, կարող եք կիսվել հետևյալ սահմանումով․

Անմահություն նշանակում է՝ հավերժ ապրել որպես հարություն առած էակ: «Հավերժական կյանքը կամ վեհացումը Աստծուն նմանվելն է և Նրա ներկայության մեջ՝ որպես ընտանիք հավերժ ապրելը» (Ընդհանուր ձեռնարկ. Ծառայել Հիսուս Քրիստոսի Վերջին Օրերի Սրբերի Եկեղեցում, 1.1, Gospel Library)։

Մովսես 1.39 հատվածում պարունակվող ճշմարտությունն ինչպե՞ս կարող է օգնել ձեզ հասկանալ, թե ինչու է Աստված ստեղծել երկիրը:

Առաջին Նախագահության նախկին անդամ, նախագահ Դիտեր Ֆ. Ուխդորֆը բացատրել է Աստծո արարչագործությունների նպատակը։

19:30

Երբ մենք նայում ենք տիեզերքի հսկայական ընդարձակ տարածությանը, կարող ենք ասել. «Ի՞նչ է մարդն արարչագործության փառքի համեմատ»: Աստված Ինքն է ասել, որ մենք ենք պատճառը, որ Նա ստեղծեց տիեզերքը: Նրա գործի և փառքի՝ այս փառահեղ տիեզերքի նպատակն է՝ փրկել և վեհացնել մարդկությանը: Այլ կերպ ասած, հավերժության հսկայական ընդարձակ տարածությունը, անսահման տարածության և ժամանակի փառքերն ու գաղտնիքները, բոլորը կառուցված են հասարակ մահկանացուների օգտի համար, ինչպիսին դուք և ես եմ: Մեր Երկնային Հայրը ստեղծեց տիեզերքը, որպեսզի մենք կարողանանք հասնել մեր ներուժին՝ որպես Նրա որդիներ և դուստրեր: («Դու կարևոր ես Նրա համար», Լիահոնա, նոյեմբեր 2011, 20)

Այս խոսքերն ի՞նչ են օգնում ձեզ հասկանալ Երկնային Հոր մասին։
Այս խոսքերն ի՞նչ են օգնում ձեզ հասկանալ ինքներդ ձեր մասին։

Երկնային Հայրն օգնում է մեզ ստանալ անմահություն և հավերժական կյանք

Կարող եք ուսանողներին փոքր խմբերի բաժանել՝ հետևյալ վարժության համար: Յուրաքանչյուր խմբի տվեք մի թուղթ և առաջարկեք ուսանողներին իրենց թղթի վերևում գրել հետևյալ հարցերը: Այնուհետև ուսանողները կարող են հարցերի տակ գրել իրենց պատասխանները: Հնարավորության դեպքում, կարող եք առաջարկել ուսանողներին գտնել սուրբ գրություն, որը վկայում է իրենց մի քանի պատասխանի կամ բոլոր պատասխանների մասին:

Ի՞նչ են արել Երկնային Հայրը և Հիսուս Քրիստոսը՝ մեր անմահությունն իրականացնելու համար:
Ի՞նչ են Նրանք արել և շարունակում են անել՝ օգնելու մեզ ստանալ հավերժական կյանք:

Որպեսզի օգնեք ուսանողներին ինքնուրույն սովորել, բավարար ժամանակ տվեք նրանց՝ նախորդ հարցերին պատասխանելու համար: Այնուհետև խնդրեք նրանց լրացնել իրենց ցանկը՝ կարդալով Հովհաննես 3.16 հատվածը և նախագահ Դիտեր Ֆ. Ուխդորֆի հետևյալ խոսքերը։

Առաջին Նախագահությունից նախագահ Դիտեր Ֆ. Ուխդորֆը կիսվել է լրացուցիչ եղանակներով, թե ինչպես է Երկնային Հայրն իրագործում մեր անմահությունը և հավերժական կյանքը:

[Երկնային Հայրը] տվել է մեզ ավետարանը և Հիսուս Քրիստոսի Եկեղեցին: Նա տվել է մեզ փրկագնման ծրագիրը, որը փրկության ծրագիրն է՝ երջանկության ծրագիրը։ …

Նա տվել է մեզ Սուրբ Հոգու անգին պարգևը: …

Նա մեզ հնարավորություն է տալիս օրվա ցանկացած պահի դիմել Իրեն՝ հավատքի աղոթքների և անկեղծ խնդրանքների միջոցով։

Նա տվել է մեզ մեր օրերի առաքյալներին և մարգարեներին, որոնք հայտնում են Աստծո խոսքը մեր օրերում։ …

Նա վերականգնել է Իր Եկեղեցին: …

Նա տվել է մեզ սուրբ գրությունները՝ Իր գրի առնված խոսքը։

Նա տվել է ժամանակակից տեխնոլոգիաների անհամար գործիքներ, որպեսզի օգնի մեզ աշակերտության մեր ճանապարհին։ …

Ինչո՞ւ է մեր Երկնային Հայրն այդքան շատ օգնություն տալիս մեզ։ Որովհետև Նա սիրում է մեզ: Եվ որովհետև, ինչպես Նա է ասել՝ «Սա է իմ գործը և իմ փառքը՝ իրականացնել մարդու անմահությունն ու հավերժական կյանքը» (Մովսես 1․39)։ («Մեր Հայրը, մեր Ուսուցիչը», Ensign, հունիս 2016, 5)

Առաջարկեք ուսանողներին ընտրել մի քանի եղանակ, որոնք առավել կարևոր են իրենց համար, և պատասխանել հետևյալ հարցերին:

Դրանք ինչպե՞ս կարող են օգնել մեզ առաջ ընթանալ դեպի հավերժական կյանք։
Ինչպե՞ս են այս եղանակներից մի քանիսն օգնել ձեզ ավելի նմանվել Երկնային Հորը:

Առաջարկեք տարբեր ուսանողների կիսվել իրենց ընտրած եղանակով և վերը նշված հարցերի պատասխաններով: Փնտրեք եղանակներ՝ շնորհակալություն հայտնելու և նրանց պատասխանները հաստատելու համար: Եթե ուսանողներն ինքնաբերաբար չկենտրոնանան Փրկչի վրա, նրանց ուշադրությունը հրավիրեք Հովհաննես 3․16 և Մոսիա 4.2 հատվածների վրա և խնդրեք ուսանողներին կիսվել, թե Փրկիչն ինչպես է օգնում իրենց առաջընթաց ունենալ և ավելի նմանվել Երկնային Հորը:

Երախտագիտություն Երկնային Հոր հանդեպ

Որպեսզի օգնեք ուսանողներին ավելի մեծ երախտագիտություն զգալ Երկնային Հոր և Նրա գործի հանդեպ, այն է՝ իրականացնել իրենց անմահությունն ու հավերժական կյանքը, առաջարկեք նրանց փնտրել Տիրոջ օգնությունը՝ իրենց ուսումնասիրության օրագրերում պատասխանելով հետևյալ հարցերին: Որպես այլընտրանք, ուսանողները կարող են գրառում կատարել օրագրում՝ արտահայտելով իրենց երախտագիտությունը Երկնային Հորն այն ամենի համար, ինչ Նա անում է իրենց համար:

Ի՞նչ եք սովորել կամ զգացել այսօր, որը ցանկանում եք հիշել:
Ինչպե՞ս եք վերաբերվում Երկնային Հորը և Հիսուս Քրիստոսին, և ինչ են նրանք անում, որպեսզի օգնեն ձեզ վերադառնալ Իրենց մոտ:

Մտապահեք

Կարող եք օգնել ուսանողներին այս դասի ընթացքում մտապահել վարդապետության սերտման հղումը և սուրբգրային հիմնական արտահայտությունը, ապա կրկնել դրանք հետագա դասերի ժամանակ: Սուրբգրային հիմնական արտահայտությունն է. «Սա է իմ գործը և իմ փառքը՝ իրականացնել մարդու անմահությունն ու հավերժական կյանքը»: Մտապահելու համար նախատեսված վարժությունների վերաբերյալ գաղափարները ներկայացված են հավելվածի նյութերում՝ «Վարդապետության սերտման կրկնության վարժություններ» բաժնում:

Լրացուցիչ նյութեր

Ինչպե՞ս է Հիսուս Քրիստոսի Վերջին Օրերի Սրբերի Եկեղեցին օգնում իրականացնել մարդու անմահությունն ու հավերժական կյանքը

Նախկինում Սփոփող միության գերագույն նախագահությունից քույր Ռեյնա Ի․ Ըբարթոն բացատրել է.

10:0

Ի սկզբանե Աստված ձգտել է հավաքել և կազմակերպել Իր զավակներին, «որպեսզի իրականացնի [մեր] անմահությունն ու հավերժական կյանքը» (Մովսես 1․39)։ Այդ նպատակի համար Նա հրահանգել է մեզ կառուցել երկրպագության վայրեր, որտեղ մենք ստանում ենք գիտելիք և փրկության ու վեհացման արարողությունները, կապում և պահում ենք ուխտերը, որոնք միավորում են մեզ Հիսուս Քրիստոսի հետ և օժտված են «աստվածայնության զորությամբ» (Վարդապետություն և Ուխտեր 84․20), ինչպես նաև հաճախ հավաքվում ենք միասին՝ հիշելու Հիսուսին և զորացնելու միմյանց Նրանում։ Եկեղեցու կազմակերպությունը և նրա շենքերը գոյություն ունեն մեր հոգևոր օգտի համար: («Մենք ենք Հիսուս Քրիստոսի Վերջին Օրերի Սրբերի Եկեղեցին», Լիահոնա, մայիս 2022, 11)

Ինչպե՞ս կարող եմ իմանալ, որ Երկնային Հայրը և Հիսուս Քրիստոսը սիրում են մեզ:

Առաջին նախագահությունից նախագահ Հենրի Բ. Այրինգը կիսվել է.

15:59

Երկնային Հայրը և Հիսուս Քրիստոսը գիտեն և սիրում են ձեզ։ Նրանք ցանկանում են, որ դուք վերադառնաք Իրենց մոտ և նմանվեք Իրենց։ Ձեր հաջողությունն իրենց հաջողությունն է։ Դուք զգացել եք այդ սերը, որը հաստատել է Սուրբ Հոգին՝ այս խոսքերը կարդալիս կամ լսելիս. «Քանզի ահա, սա է իմ գործը և իմ փառքը՝ իրականցնել մարդու անմահությունն ու հավերժական կյանքը»։ («Փորձված, ստուգված և հղկված», Լիահոնա, նոյեմբեր 2020, 97)

Օժանդակ ուսումնական վարժություններ

Դասը սկսելու այլընտրանքային տարբերակ

Որպեսզի օգնեք ուսանողներին մտածել Երկնային Հոր և Նրա գործի մասին, կարող եք առաջարկել ուսանողներին կազմել մարդկանց կատարած այն գործեր ցանկը, որոնցով իրենք հիանում են: Այդ ցանկը կարող է ներառել աշխատանքներ, հոբբիներ, դերեր և այլն: Ուսանողները կարող են քննարկել, թե ինչպես են այդ գործերն ուրախություն պարգևում այդ մարդկանց։

Կարող եք նաև տալ հետևյալ հարցերը․

Ի՞նչ գիտեք Երկնային Հոր գործի մասին։
Ձեր կարծիքով, ի՞նչն է Նրան ուրախություն պարգևում իր գործում: (Տես 3 Նեփի 17․20–21, Վարդապետություն և Ուխտեր 18․11–13։)

Այնուհետև ուսանողները կարող են խորհել հետևյալ հարցերի իրենց պատասխանների մասին.

Որքանո՞վ եմ ես հասկանում, թե ինչ է արել Երկնային Հայրն ինձ համար:
Որքանո՞վ եմ ես տեսնում և երախտագիտություն ցուցաբերում այն ամենի համար, որ Երկնային Հայրն անում է ինձ համար իմ կյանքում:

Ջոզեֆ Սմիթը վերականգնեց ճշմարտությունները, որոնք կորսվել էին

Որպեսզի օգնեք ուսանողներին բացահայտել Ջոզեֆ Սմիթի կարևոր դերն ավետարանի Վերականգնման գործում, առաջարկեք նրանց կարդալ Մովսես 1.40–41 հատվածները: Նրանք կարող են նշել, թե Տերը ինչ պատվիրեց Մովսեսին անել (գրել ճշմարտությունները գրքում՝ Աստվածաշնչում), ինչ պատահեց նրա գրած ճշմարտությունների հետ (ճշմարտություններն Աստվածաշնչից հանվեցին, տես 1 Նեփի 13․24–28, Մովսես 1․23), և ինչպես Տերը ճանապարհ ապահովեց, որպեսզի այդ ճշմարտությունները հասնեն մեզ մեր օրերում (Ջոզեֆ Սմիթի և Մորմոնի Գրքի միջոցով [տես 2 Նեփի 3․6–15, Մովսես 1․41])։

Մեդիա տարբերակներ

«Մեծ աշխատանք»։ Այս երգի երրորդ հատվածում նշվում է Տիրոջ գործն ու փառքը, ինչպես նաև երիտասարդության կապը դրա հետ:

4:17

«Ո՞րն է կյանքի նպատակը և իմաստը։ Այժմ դու գիտես.» Կարող եք դիտել 0:23–0:58՝ ուսանողներին ուսուցանելու Մովսես 1.39 հատվածի և Երկնային Հոր փրկության ծրագրի միջև կապի մասին։

7:43

«Earthly Father, Heavenly Father» (3:59): Այս տեսանյութն օգնում է ուսանողներին հասկանալ, թե ինչ կարող ենք իմանալ Երկնային Հոր մասին՝ երկրային հայրերի աչքերով:

3:60