Դարձեք մեկ, ծառայեք միասին

Եթե չեք կարողանում դիտել տեսանյութը, կարդացեք այս տեքստը:

Նախագահ Հենրի Բ. Այրինգ. «Եկեղեցու բարօրության ծրագրի հիմքում ընկած սկզբունքները միայն ժամանակի և մեկ վայրի համար չեն։ Դրանք բոլոր ժամանակների և բոլոր տեղերի համար են:

… Ձևը հստակ է: Նրանք, ովքեր շատ են կուտակել, պետք է խոնարհեցնեն իրենց՝ կարիքավորներին օգնելու համար: Նրանք, ովքեր առատության մեջ են, պետք է կամավոր զոհաբերեն իրենց հարմարավետությունից, ժամանակից, ունակություններից և միջոցներից՝ թեթևացնելու համար կարիքի մեջ գտնվողների տառապանքը։ Եվ օգնությունը պետք է տրվի այնպես, որ ստացողի զորությունը մեծանա, որ նա էլ հոգ տանի իր, ապա` ուրիշների մասին։ Այսպես՝ Տիրոջ ձևով արվելու դեպքում նշանավոր բաներ տեղի կունենան։ Կօրհնվի և տվողը, և ստացողը»։ (Քաղվածք Նախագահ Այրինգի հայտարարությունից Շուգըրհաուս Յուտա Բարօրության ծառայությունների կենտրոնի նվիրագործման առիթով, հունիս 2011թ., LDS.org):

Նախագահ Դիտեր Ֆ․ Ուխդորֆ. «Եղբայրնե՛ր և քույրե՛ր, մենք բոլորս ուխտյալ պարտականություն ունենք լինելու զգայուն ուրիշների հանդեպ և ծառայելու` ինչպես Փրկիչը ծառայեց՝ հասնելու, օրհնելու և բարձրացնելու մեր շուրջը գտնվողներին։

Հաճախ մեր աղոթքի պատասխանը գալիս է ոչ թե այն պահին, երբ մենք ծնկի ենք իջած, այլ երբ ոտքի ենք ելնումև ծառայում Տիրոջը և մեր շուրջը գտնվողներին։ Ծառայության և նվիրաբերման անձնազոհ գործողությունները կատարելագործում են մեր հոգիները, հեռացնում են մեր հոգևոր աչքերի նստվածքը և բացում են երկնքի պատուհանները: Որևէ մեկի աղոթքի պատասխանը դառնալով, մենք հաճախ գտնում ենք մեր սեփական պատասխանը»:

(«Սպասելով դեպի Դամասկոս տանող ճանապարհին», Ensign կամ Լիահոնա, մայիս 2011,76):

Վերադարձ էջ 20: