Մաքրաբարոյություն

Մտածեք, թե ինչու է մաքրաբարոյությունն Աստծո փրկության ծրագրի կարևոր մասը կազմում: Նախագահ Դալլին Հ․ Օուքսն ուսուցանել է․ «Մահկանացու կյանք ստեղծելու զորությունն ամենավեհ զորությունն է, որ Աստված տվել է Իր զավակներին»: Այնուհետև մտածեք, թե տարբեր իրավիճակներում ձեր մտքերը սեռապես մաքուր պահելն ինչպես կարող է օգնել ձեզ վերահսկել այս զորությունը և հոգևորապես ամուր մնալ։ Ինչպե՞ս է մաքրաբարո լինելու ձգտումն ազդել ուրիշների մասին ձեր մտքերի վրա։ Ինչպե՞ս այն կազդեր այն զվարճանքի և մեդիայի վրա, որոնք դուք նախընտրում եք օգտագործել։ Ինչպե՞ս կարող է այն ազդել ձեր ընտանեկան հարաբերությունների վրա: Կարող եք ընտրել սիրված օրհներգ, եկեղեցու երգ կամ սուրբ գրություն, որը կարող եք երգել կամ կրկնել ձեր մտքում, երբ գայթակղվում եք անառողջ սեռական մտքերով կամ զգացմունքներով: Դուք կարող եք նպատակ դնել անգիր անել այդ երգը կամ հատվածը և հաճախ վերհիշել այն։

Մտածեք, թե ինչու է կարևոր մաքրաբարոյության օրենքը ձեզ համար կամ ինչու կարող է լինել։ Գրեք «Ես նախընտրում եմ հնազանդվել մաքրաբարոյության օրենքին, որովհետև …» նախադասությունը։ Այնուհետև փնտրեք, թե ինչպես կարող եք լրացնել այս նախադասությունը՝ կարդալով «Ձեր մարմինը սուրբ է» բաժինը Երիտասարդներին զորացնելու համար. ուղեցույց ընտրություն կատարելու համար գրքույկից: Այնուհետև կարող եք մտածել, թե ինչպես կարձագանքեք մեկին, ով ձեզ հարցնում է, թե ինչու է կարևոր մաքրաբարոյությունը ձեզ համար։

Մաքրաբարոյությունը սուրբ գրություններում երբեմն կոչվում է «առաքինություն»: Տերն ասել է, որ առաքինությունը պետք է «զարդարի [մեր] մտքերն անդադար», իսկ հետո մեր «վստահությունը [կարող է] ամրանալ Աստծո ներկայության մեջ» և «քահանայության վարդապետությունը կիջնի [մեր հոգիների վրա և] Սուրբ Հոգին կլինի [մեր] մշտական ընկերը» (Վարդապետություն և Ուխտեր 121.45-46): Ի՞նչ է նշանակում զարդարել բառն այստեղ: Գուցե տեսել եք, որ մաքրաբարոյությունն ու առաքինությունը մարդկանց վստահություն և ուժ են հաղորդել իրենց կյանքում: Ինչպե՞ս է մաքրաբարոյության օրենքը մեծացրել ավետարանի մասին ձեր վկայությունը:

Կարող եք միասին վերհիշել հավատո տասներեքերորդ հանգանակը: Այս հատվածն ասում է, որ մենք հավատում ենք մաքրաբարո լինելուն և հրավիրում է մեզ փնտրել առաքինի և գեղեցիկ բաներ։ Ինչպե՞ս կարող ենք որոշել, որ ինչ-որ բան առաքինի է և գեղեցիկ։ Մտքերով կիսվելուց հետո կարող եք խոսել այն բաների մասին, որոնք համապատասխանում են այդ նկարագրությանը, և թե ինչպես են դրանք օգնում ձեզ մաքրաբարո լինել։ Ապա դուք կարող եք միասին նպատակ դնել, որը կօգնի ձեզ մասնակցել միայն այն զրույցներին, իրավիճակներին, մեդիային ու ժամանցին, որոնք առաքինի են և գեղեցիկ: Խոսեք այն մասին, թե ինչպես կարող եք օգնել միմյանց հասնել ձեր նպատակին։ Հետագայում կարող եք քննարկել, թե ինչ սովորեցիք այդ փորձառությունից։

Երիտասարդներին զորացնելու համար. ուղեցույց ընտրություն կատարելու համար գրքույկը սովորեցնում է․ «Քանի որ սեռական զգացմունքներն այնքան սուրբ են և այնքան զորեղ, Աստված ձեզ տվել է մաքրաբարոյության օրենքը, որպեսզի պատրաստի ձեզ օգտագործել այդ զգացմունքները, ինչպես Ինքն է ցանկանում: … Աշխարհում շատերն անտեսում կամ նույնիսկ ծաղրում են Աստծո օրենքը, բայց Տերը հրավիրում է մեզ լինել Իր աշակերտները և ապրել աշխարհի չափանիշներից բարձր չափանիշներով»: Որո՞նք են այն ուղերձները, որ Տերը տալիս է մեզ սեռական հարաբերությունների և մաքրաբարոյության մասին: (Դուք կարող եք որոնել «Մաքրաբարոյություն» Սուրբ գրքերի ուղեցույցում կամ «Մաքրաբարոյություն» ակնարկը Թեմաներ և հարցերում)։ Ի՞նչ ուղերձներ է մեզ հաճախ տալիս աշխարհն այս թեմաներով: Քննարկեք, թե ինչ կարող եք անել, երբ բախվեք մաքրաբարոյության կամ անբարո լինելու գայթակղության մասին կեղծ ուղերձների։

Ա Կորնթացիներին 6.18-20, Ա Տիմոթեոսին 4.12, Բ Պետրոս 1.2-8, 1 Նեփի 10.21, Վարդապետություն և Ուխտեր 4.4-6

«Ապրել մաքրաբարոյության օրենքով», 3-րդ գլուխ Քարոզիր Իմ ավետարանը. Հիսուս Քրիստոսի ավետարանով կիսվելու ուղեցույց (2023), 83

«We Believe in Being Chaste» (տեսանյութ), Ավետարանի գրադարան

Կարդացեք Հովսեփի և Պետափրեսի կնոջ պատմությունը Ծնունդ 39.7-23 հատվածներում: Ի՞նչ եք սովորում Հովսեփի մասին այս պատմությունից: Ի՞նչ եք սովորում հոգևորապես պատրաստված լինելու նրա օրինակից, որպեսզի նա մաքրաբարո մնար նույնիսկ գայթակղության հանդիպելիս։ Ինչպե՞ս նա ի վերջո օրհնվեց մաքրաբարոյության օրենքին հնազանդվելու իր որոշման շնորհիվ։ (Տես օրինակ՝ Ծնունդ 41․37-45, 45․1-28)։ Մտածեք, թե ինչպես կարող է նրա օրինակն օգնել ձեզ քաջություն դրսևորել, երբ գայթակղվում եք անել մի բան, որն անբարո է։

Կարող եք կարդալ երիտասարդի պատմությունը նախագահ Ջեֆրի Ռ. Հոլլանդի «Let Virtue Garnish Thy Thoughts Unceasingly» ուղերձում: Երիտասարդ տղամարդն ի՞նչ սովորեց իր փորձառությունից: Ինչպե՞ս դա փոխեց նրա կյանքը։ Մտածեք, թե ինչ կարող եք անել, որպեսզի քաջություն ունենաք արժանի մնալու, երբ գայթակղվում եք անմաքուր կամ անսուրբ բան անել։ Ինչպե՞ս կարող եք օրհնվել՝ արժանի մնալով։ Գրի առեք ձեր ստացած տպավորությունները:

Սատանան ուզում է, որ մենք հավատանք, որ երբ խախտում ենք մաքրաբարոյության օրենքը՝ սեռական մեղք գործելով կամ պոռնոգրաֆիա դիտելով, այլևս արժանի չենք Աստծո սիրուն։ Բայց դա պարզապես ճիշտ չէ։ Կարդացեք Ղուկաս 15.11-32 հատվածները կամ դիտեք «The Prodigal Son» (5․36) տեսանյութը: Ինչպե՞ս է այս պատմությունը ցույց տալիս, թե ինչպիսի սեր ունի Աստված մեր հանդեպ, նույնիսկ երբ լուրջ մեղքեր ենք գործում։ Այնուհետև կարդացեք Եսայի 43․25 հատվածը և մտածեք, թե ինչ հույս է տալիս այն։ Եթե կա բարոյական մեղք, որի համար պետք է ապաշխարեք, պայմանավորվեք խոսել ձեր եպիսկոպոսի կամ ճյուղի նախագահի հետ և սկսել ապաշխարության գործընթացը, կամ աղոթեք դա անելու ցանկության համար: Ապաշխարելով և ապավինելով Փրկչին և Նրա քավիչ զորությանը՝ դուք կստանաք բուժում և հույս, որը կօգնի ձեզ ավելի մոտենալ Նրան։

Նախագահ Ռասսել Մ. Նելսոնը հիշեցրել է եկեղեցու անդամներին, որ մեծ օրհնություններ են գալիս, երբ մենք ընտրում ենք «ունենալ սելեստիալ մտածելակերպ», ներառյալ, երբ հարցը վերաբերում է մաքրաբարո մնալուն: Նա ասել է․ «Սելեստիալ մտածելակերպը … կօգնի ձեզ հնազանդվել մաքրաբարոյության օրենքին։ Քիչ բաներ կան, որ կարող են ավելի արագ բարդացնել ձեր կյանքը, քան այս աստվածային օրենքի խախտումը։ Ձեզ համար, որ ուխտեր եք կապել Աստծո հետ, անբարոյականությունը հանդիսանում է վկայությունը կորցնելու ամենից արագ ուղիներից մեկը։ … Տերը հայտարարել է, որ ոչ մի անմաքուր մարդ չի հասնի սելեստիալ արքայություն։ Այսպիսով, երբ որոշումներ եք կայացնում բարոյականության վերաբերյալ, խնդրում եմ, ունեցեք սելեստիալ մտածելակերպ»։ Կարող եք խոսել այն մասին, թե ինչպես կարող է սելեստիալ մտածելակերպն օգնել ձեզ բարոյապես մաքուր մնալ և այն մասին, թե ինչպես կարող եք օրհնվել դրա համար։

Դիտեք «I Choose to Be Pure» (4․19) տեսանյութը և խոսեք այն մասին, թե ինչու են տեսանյութի տարբեր երիտասարդներ որոշել մնալ սեռապես մաքուր, և թե ինչ օրհնություններ են նրանք ակնկալում, որ արդյունքում կգան։ Կարող եք կիսվել միմյանց հետ այն ամենով, ինչ անում եք, որպեսզի հիշեք կատարել այնպիսի ընտրություններ, որոնք կօգնեն ձեզ պահպանել մաքրաբարոյության օրենքը: Կամ կարող եք յուրաքանչյուրդ գրի առնել, որ վճռել եք ամբողջ կյանքում սեռապես մաքուր մնալ և թուղթը դնել ձեզ համար տեսանելի մի տեղ։

Երեց Գարի Ի. Սթիվենսոնն իր «Եղեք անվեհեր խիզախության, ուժի և գործի մեջ» ելույթում ուսուցանել է. ««Այն, ինչ ընտրում եք մտածել և անել, երբ դուք մենակ եք և դուք հավատացած եք, որ ոչ ոք չի նայում, ուժեղ չափորոշիչ է ձեր առաքինության համար» [Քարոզիր Իմ ավետարանը. միսիոներական ծառայության ուղեցույց (2004), 118]: Եղե՛ք խիզախ: Եղեք ուժեղ: «Կանգնեք սուրբ տեղերում և մի շարժվեք» [Վարդապետություն և Ուխտեր 87.8]»։ Խոսեք այն մասին, թե ինչու է կարևոր մաքրաբարո լինել, երբ մենակ եք։ Այնուհետև կարող եք կիսվել «սուրբ տեղերի» գաղափարներով, որոնք կարող են լինել նաև սուրբ բաներ, որոնք կօգնեն ձեզ մաքրաբարո մնալ, հատկապես երբ մենակ եք։ Ի՞նչ օրհնություններ կարող եք ստանալ, մինչ փնտրեք այդ սուրբ վայրերը և ընտրեք մաքրաբարո լինել։

Ելք 20․14, Ա Կորնթացիներին 10.11-13, Ա Թեսաղոնիկեցիներին 4.2-4, Ա Տիմոթեոսին 4.12

Դեյվիդ Ա․ Բեդնար, «Մենք հավատում ենք մաքրաբարո լինելուն», Լիահոնա, մայիս 2013, 41-44

Մերի Ն. Քուք, «A Virtuous Life—Step by Step», Liahona, May 2009, 117-19

Լորի Քլաֆ Շեյդ, “Marriage, Technology, and Emotional Infidelity,” Ensign, Jan. 2017, 50-55

«Առաքինություն՝ անկյունաքար, որի վրա պիտի կառուցենք մեր կյանքը», Եկեղեցու Նախագահների ուսմունքները. Գորդոն Բ. Հինքլի (2016), 249-57